Read S'gaw Karen လံာ်စီၤယိၤဘး 14 Bible Online

လံာ်စီၤယိၤဘး 14 - S'gaw Karen bible

လံာ်စီၤယိၤဘး 14

¹ပဝဲခဲလၢာ်ပအိၣ်ဖျဲၣ်ထီၣ်ဒ်တၢ်ဂံၢ်စၢ်ဘါစၢ်ဒီးပမၤစၢၤလီၤ ပသးတသ့ဘၣ်. ပတၢ်အိၣ်မူမ့ၢ်ဒၣ်စှၤသီဒီးပှဲၤဝဲဒီးတၢ်ကိၢ် တၢ်ဂီၤန့ၣ်လီၤ.

²ပဒိၣ်ထီၣ်ဒီးဃ့ထီကွံာ်ချ့သဒံးဒ်ဖီတဖၣ်အသိးလီၤ. ပဟါမၢ်ကွံာ်ဒ်တၢ်အကဒုတဖၣ်အသိးန့ၣ်လီၤ.

³ကစၢ်ယွၤဧၢ, မ့ၢ်နကကွၢ်လီၤဒၣ်လဲာ်ယၤ မ့တမ့ၢ်ဘၣ်ဒီးနကလိာ်လိာ်ဘၢကွီၢ်ဒီးစံၣ်ညီၣ်ယၤန့ၣ်ဧါ.

⁴လၢပှၤကညီလၢအတကဆှီဘၣ်အပူၤန့ၣ်, တၢ်လၢအကဆှီဝဲ ဟဲထီၣ်တသ့နီတစုဘၣ်.

⁵ပှၤကညီအတၢ်အိၣ်မူအမုၢ်နံၤမုၢ်သီးဒီးအနံၣ်အလါတဖၣ်လၢ အအိၣ်မူဝဲန့ၣ်နစံၣ်ညီၣ်ပာ်စၢၤအီၤန့ၣ်လီၤ. နပာ်လီၤတ့ၢ်လံတၢ်အံၤ ဒီးဘၣ်တၢ်လဲလိာ်က့ၤအီၤတသ့ဘၣ်.

⁶ဃၣ်ကွံာ်နမဲာ်လၢအဝဲအအိၣ်ဒီးပာ်တ့ၢ်ဒၣ်ထဲအီၤတဂၤဧိၤန့ၣ် တက့ၢ်. တၢ်အိၣ်မူဒ်ပှၤဒိးလဲအသးအတၢ်အိၣ်မူအဆူၣ်အကိၤ န့ၣ်အိၣ်မူဝဲမ့ၢ်သ့ဒီး ပျဲအမုာ်လၤဒၣ်ဝဲတက့ၢ်.

⁷သ့ၣ်တထံးလၢအဘၣ်တၢ်ကူာ်လီၤကွံာ်အီၤန့ၣ်တၢ်မုၢ်လၢ်အိၣ် ဒံးလၢအဂီၢ်န့ၣ်လီၤ. မူထီၣ်ဒီးဒိးပဒုၣ်ထီၣ်က့ၤသ့ဝဲဒၣ်န့ၣ်လီၤ.

⁸အဂံၢ်တဖၣ်မ့ၢ်ပှၢ်ထီၣ်ဒၣ်လဲာ်ဒိးပဒုၣ်ထီၣ်က့ၤ ဒ်သ့ၣ်ဖိအထံးအသိးသ့ဝဲဒၣ်န့ၣ်လီၤ.

⁹လၢအန့ၢ်ဘၣ်ထံအဃိဒိးပဒုၣ်ထီၣ်က့ၤဒ်သ့ၣ်ဖိအထံးအသိးန့ၣ် လီၤ.

¹⁰ဘၣ်ဆၣ်ပှၤကညီသံဝဲဒီးမ့ၢ်တၢ်အကတၢၢ်လၢအဂီၢ်န့ၣ်လီၤ. သံဝဲ, ဒီးအန့ၣ်တစုမ့ၢ်အအိၣ်ဝဲဖဲလဲၣ်.

¹¹ဒ်ထံကျိတဖၣ်လၢအဆိကတီၢ်ကွံာ်အတၢ်ယွၤလီၤဒီးဒ်နိၣ် တဖၣ်လၢအလီၤသံးကွံာ်အသိး,

¹²ပှၤကညီသံဝဲဒီးတဂဲၤဆၢထၢၣ်နီတစုလၢၤဘၣ်. ဒ်မူခိၣ်အိၣ်ဂၢၢ် ဆိးကျၢၤဝဲအသိးန့ၣ်အဝဲသ့ၣ်တဂဲၤဆၢထၢၣ်နီတစုဘၣ်. အဝဲ သ့ၣ်တဘၣ်တၢ်ထိၣ်ဂဲၤပၢၢ်ထီၣ်အီၤလၢအတၢ်မံန့ၣ်ဘၣ်.

¹³ယဆၢလၢနကပာ်ခူသူၣ်ယၤလၢတၢ်သံအကီၢ်ပူၤန့ၣ်လီၤ. ပျဲယဘၣ်တၢ်ပာ်ခူသူၣ်ယၤတုၤလီၤလၢနတၢ်သးထီၣ်ယၤပူၤ ကွံာ်ဒီးပာ်လီၤတၢ်ဆၢကတီၢ်လၢနကသ့ၣ်နီၣ်ထီၣ်က့ၤယၤန့ၣ် တက့ၢ်.

¹⁴ပှၤကညီမ့ၢ်သံဒီးကမူထီၣ်ဒံးစ့ၢ်ကီးဧါ. ဘၣ်ဆၣ်ယကအိၣ်ခိး တၢ်ဆၢကတီၢ်လၢအဂ့ၤ, ဒီးအိၣ်ခိးပာ်တုၤလီၤလၢတၢ်ကိၢ် တၢ်ဂီၤအကတီၢ်ကတၢၢ်ဝဲတစုန့ၣ်လီၤ.

¹⁵အန့ၣ်ဒီးနကကိးထီၣ်ယၤဒီးယကစံးဆၢနၤဒီးနကဘၣ်သူၣ် ဘၣ်သးယၤ, နတၢ်ဘၣ်တ့န့ၣ်လီၤ.

¹⁶တုၤနုၤတစုနကခိးကွၢ်လၢ်ယခီၣ်ခါလၢယကါအီၤကိးခါဒဲး ဘၣ်ဆၣ်ဒီးနတကွၢ်ဟုၣ်ကွၢ်စုးလၢၤယတၢ်ဒဲးဘးတဖၣ်ဘၣ်.

¹⁷နကပျၢ်ကွံာ်ယတၢ်ဒဲးဘးတဖၣ်ဒီးသုးယံၤကွံာ်အီၤန့ၣ်လီၤ. နကတြူာ်ကွံာ်တၢ်ကမၣ်တဖၣ်လၢယမၤတ့ၢ်ခဲလၢာ်န့ၣ်လီၤ.

¹⁸ဒီးအကတီၢ်တုၤဝဲလၢကစၢၢ်ကလိတဖၣ်လီၤပှီၢ်ကွံာ်ဝဲဒီးလၢၢ် မုၢ်လ့တီတဖၣ်သုးယံၤကွံာ်အသးန့ၣ်လီၤ.

¹⁹ထံဧိၤနိဧိၤကယွၤလီၤအီၣ်ကွံာ်လၢၢ်ဧိၤလ့ဧိၤ, ဒီးတၢ်စူၤဖးဒိၣ် ကယွၤစိာ်ကွံာ်ဟီၣ်ခိၣ်ညၣ်ထ့ၣ်လီၤ. ဒီးနမၤဟးဂီၤကွံာ်ပှၤ ကညီအတၢ်မုၢ်လၢ်လၢအတၢ်အိၣ်မူအဂီၢ်ဒ်န့ၣ်အသိးလီၤ.

²⁰နမၤနၢၤအီၤလီၤထူလီၤယိာ်ဒီးအဝဲဒၣ်ဟါမၢ်ကွံာ်လီၤ. အမဲာ်ဝံာ်ပကံးအသးလၢတၢ်သံအပူၤန့ၣ်လီၤ.

²¹အဖိခွါတဖၣ်ဒိးန့ၢ်ဘၣ်တၢ်လၤကပီၤ, ဘၣ်ဆၣ်ဒီးအဝဲတသ့ၣ် ညါဘၣ်ဝဲဘၣ်. ဖဲအဝဲသ့ၣ်ဘၣ်တၢ်ဆီၣ်လီၤအီၤ, ဒီးအဝဲတဘၣ်တၢ်ဒုးသ့ၣ်ညါအီၤဘၣ်.

²²အဝဲသ့ၣ်ညါဒၣ်ထဲအနီၢ်ခိအတၢ်ဆါဒီးကအုကစွါလၢအသး ဒၣ်ဝဲအပူၤလီၤ.