Read S'gaw Karen လံာ်စီၤယိၤဘး 2 Bible Online

လံာ်စီၤယိၤဘး 2 - S'gaw Karen bible

လံာ်စီၤယိၤဘး 2

¹မၤကဒီးတစုမုၢ်အိၣ်ဝဲတနံၤဖဲကစၢ်ယွၤအကလူးတဖၣ်ဟဲပာ်ဖျါ အသးလၢယွၤအမဲာ်ညါန့ၣ်မုၢ်ကီၤလံၢ်အိၣ်စ့ၢ်ကီးလၢအဝဲသ့ၣ် အကျါန့ၣ်လီၤ.

²ဒီးယွၤသံကွၢ်မုၣ်ကီၤလံၢ်, “နဟဲလၢလဲၣ်” ဒီးမုၣ်ကီၤလံၢ် စံးဆၢယွၤဒီးစံး “ယဟးဖဲအံၤဖဲနုၤဒီးယဟးဝ့ၤဝီၤလၢ ဟီၣ်ခိၣ်ချၢအပူၤန့ၣ်လီၤ.”

³ဒီးယွၤစံးဘၣ်မုၣ်ကီၤလံၢ်, “မ့ၢ်နကွၢ်ထံယခ့ယပှၤစီၤယိၤဘး တဂၤလၢနသးစ့ၢ်ကီးဧါ. လၢဟီၣ်ခိၣ်ချၢန့ၣ်ပှၤအတီအလိၤဒီး ပှၤဂ့ၤဒ်သိးအီၤတအိၣ်ဘၣ်နီတဂၤဘၣ်. မ့ၢ်ပှၤပျံၤယွၤဒီးဟး ဆှဲးတၢ်အၢတဂၤလီၤ. နထိၣ်ဂဲၤတ့ၢ်ယၤဒ်သိးယကထီဒါအီၤ, မၤဟးဂီၤအီၤကလီကလီဘၣ်ဆၣ်ဒီးအဝဲဟံးဃာ်ဒံးအတၢ်တီတၢ် လိၤဂၢၢ်ဂၢၢ်ကျၢၤကျၢၤန့ၣ်လီၤ.”

⁴တုၤနုၤတစုမုၣ်ကီၤလံၢ်စံးဆၢယွၤ, “ပှၤကညီကဟ့ၣ်လီၤကွံာ် ကယဲၢ်တၢ်ခဲလၢာ်လၢအအိၣ်ဒီးအီၤလၢအသးသမူအဂီၢ်လီၤ.

⁵ဘၣ်ဆၣ်ဒီးယူာ်ထီၣ်နစုခဲအံၤဒီးထိးဘၣ်အဃံဒီးအညၣ်တက့ၢ်. ဒီးကဆိၣ်အၢမးနၤလၢနမဲာ်သၣ်န့ၣ်လီၤ.”

⁶ဒီးယွၤစံးဘၣ်မုၣ်ကီၤလံၢ်, “ဂ့ၤလံအဝဲဒၣ်အိၣ်လၢနစိက မီၤအဖီလာ်လီၤ. ဘၣ်ဆၣ်ဒီးနတဘၣ်မၤသံအီၤဘၣ်.”

⁷အန့ၣ်ဒီးမုၣ်ကီၤလံၢ်ဟးထီၣ်ဝဲလၢယွၤအမဲာ်ညါဒီးမၤနးမၤ ဖှီၣ်စီၤယိၤဘးလၢတၢ်ဝ့အၢစးထီၣ်လၢအခီၣ်ညါသးတုၤလၢ အခိၣ်ထံလီၤ.

⁸ဒီးစီၤယိၤဘးဟံးန့ၢ်သပၢၤက့ဒ်သိးအကဝာ်အသး, ဒီးဆ့ၣ်နီၤလၢဖၣ်ဆါအကျါလီၤ.

⁹တုၤနုၤတစုအမါစံးဘၣ်အီၤ, “မ့ၢ်နဟံးဃာ်ဒံးနတၢ်တီတၢ်လိၤ ဂၢၢ်ဂၢၢ်ကျၢၤကျၢၤန့ၣ်ဧါ. ဆိၣ်ကစၢ်ယွၤဒီးသံတက့ၢ်.”

¹⁰မ့မ့ၢ်စီၤယိၤဘးစံးဆၢအီၤ, “နကတိၤတၢ်ဒ်ပှၤဟးဂီၤမုၣ်တ ဂၤကတိၤတၢ်အသိးန့ၣ်လီၤ. မ့ၢ်ပကဒိးန့ၢ်ဘၣ်တၢ်ဂ့ၤလၢကစၢ်ယွၤ အစုပူၤဒီးပတဒိးန့ၢ်ဘၣ်တၢ်အၢဘၣ်ဧါ.” လၢတၢ်အံၤခဲလၢာ်အပူၤန့ၣ်စီၤယိၤဘးတမၤဘၣ်တၢ်ဒဲးဘး လၢအထးခိၣ်ဘၣ်.

¹¹ဒီးတုၤစီၤယိၤဘးအတံၤသကိးသၢဂၤ, ပှၤတ့ၤမၣ်ဖိစီၤအလံ ဖးစး, ပှၤၡူၤဃးဖိစီၤဘံးလဒး, ဒီးပှၤနၤမးဖိစီၤစိဖၢ်နၢ်ဟူ ဝဲလၢကယဲၢ်တၢ်အၢလၢအဘၣ်အီၤဒီး, အဝဲသ့ၣ်ဟဲဝဲတဂၤ လၢအလီၢ်ဒၣ်ဝဲ, တဂၤလၢအလီၢ်ဒၣ်ဝဲန့ၣ်လီၤ. အဝဲသ့ၣ်ပာ်လီၤသကိးအသးလၢကဟဲ, ဒ်သိးကပာ်ဖျါထီၣ် အတၢ်သးအုးဃုာ်ဒီးအီၤဒီးမၤမုာ်ထီၣ်က့ၤအီၤလီၤ.

¹²ဒီးဖဲအဝဲသ့ၣ်ထံၣ်စီၤယိၤဘးလၢအယံၤန့ၣ်, အဝဲသ့ၣ်ကွၢ်နီၣ် အီၤတဘၣ်ဘၣ်. ဒီးတုၤအကွၢ်နီၣ်အီၤဘၣ်န့ၣ်အဝဲသ့ၣ်ကိး ထီၣ်လၢအကလုၢ်ဖးဒိၣ်ဒီးဟီၣ်ဝဲ, ဒီးအဝဲသ့ၣ်ဖှီအဆ့စုာ်စုာ် ဒီးဖှံထီၣ်ဟီၣ်ခိၣ်အကမူၣ်ဆူမူခိၣ်ဒီးလၢအခိၣ်အဖီခိၣ်လီၤ.

¹³ဒီးအဝဲသ့ၣ်ဆ့ၣ်နီၤဃုာ်ဒီးအီၤလၢဟီၣ်ခိၣ်လိၤနွံနံၤဒီး နွံနၤ, ဒီးတကတိၤတၢ်ဒီးအီၤနီတဂၤဘၣ်. အဂ့ၢ်ဒ်အံၤအဝဲသ့ၣ် ထံၣ်ဘၣ်ဝဲလၢအတၢ်နးတၢ်ဖှီၣ်ဒိၣ်နီၢ်မးန့ၣ်လီၤ.