Read S'gaw Karen လံာ်စီၤယိၤဘး 20 Bible Online

လံာ်စီၤယိၤဘး 20 - S'gaw Karen bible

လံာ်စီၤယိၤဘး 20

¹ဒီးပှၤနၤမးဖိစီၤစိဖၣ်စံးဝဲဒၣ်, စီၤယိၤဘးဧၢ, နမၤဟးဂီၤယသးလီၤ. ဒီးခဲကနံၣ်အံၤယသးတစူၤလၢယကစံးဆၢနၤလၢၤဘၣ်.

³တၢ်လၢနကတိၤတ့ၢ်လံန့ၣ်မ့ၢ်တၢ်ကတိၤတရီတပါ, ဘၣ်ဆၣ်ယကစံးဆၢနၤဒ်လဲၣ်န့ၣ်ယနီၢ်ကစၢ်ဒၣ်ယဲယသ့ၣ်ညါလီၤ.

⁴နသ့ၣ်ညါသပှၢ်တၢၢ်လၢပျၢၤလံၤလံၤ, ဖဲတၢ်ပာ်လီၤတ့ၢ်ပှၤ ကညီလၢအဆိကတၢၢ်ဟီၣ်ခိၣ်ချၢန့ၣ်,

⁵တၢ်သူၣ်ဖှံသးညီအိၣ်တယံာ်ဘၣ်ဒီးပှၤတတီတလိၤနီတဂၤဘၣ်. အဝဲမ့ၢ်ဒိၣ်ထီၣ်, ထီထီၣ်, ထီဝဲတုၤလၢမူခိၣ်ဒီးထီဝဲတုၤဒၣ်လဲာ် အခိၣ်တုၤဃီၤဆူတၢ်အၢၣ်တဖၣ်

⁶အဂီၤမ့ၢ်ထီထီၣ်ဘးဝဲဆူမူခိၣ်ဒီးအခိၣ်မ့ၢ်တုၤဆူတၢ်အၢၣ် ဒၣ်လဲာ်,

⁷ဘၣ်ဆၣ်အဝဲကဘၣ်တၢ်အူဒံကွံာ်အီၤဒ်ဖၣ်ကမူၣ်အသိးန့ၣ်လီၤ. ပှၤလၢအသ့ၣ်ညါညီနုၢ်အီၤတဖၣ် ကကမၢကမၣ်လၢ မ့ၢ်အဝဲသ့ၣ်လဲၤတုၤဆူလဲၣ်န့ၣ်လီၤ.

⁸အဝဲကဟါမၢ်ကွံာ်ဒ်တၢ်မံမီၢ်အသိးဒီးတၢ်တထံၣ်န့ၢ်ဘၣ်အီၤလၢၤ ဘၣ်ဒ်တၢ်ထံၣ်လၢညါခီလၢမုၢ်နၤအသိးန့ၣ်လီၤ.

⁹ပှၤတတီတလိၤကဟါမၢ်ကွံာ်လၢ တၢ်လီၢ်ဖဲအဝဲသ့ၣ်ညီနုၢ်အိၣ်ဆိးတ့ၢ်ဝဲ,

¹⁰ဒီးအဖိခွါတဖၣ်ကမၤလိၤမၤဘၣ်က့ၤအသးဒီးပှၤဖှီၣ်ဖိယာ်ဖိ ဒီးကဟ့ၣ်က့ၤတၢ်ထူးတၢ်တီၤလၢအဝဲအီၣ်ကဘျံးကဘျၣ် တ့ၢ်ဝဲန့ၣ်လီၤ.

¹¹အနီၢ်ခိဖျါစၢ်ဒီးပှဲၤဂံၢ်ပှဲၤဘါသနာ်က့, တယံာ်ဘၣ်န့ၣ်ကကဲထီၣ်ဟီၣ်ခိၣ်ကမူၣ်လီၤ.

¹²တၢ်အၢမ့ၢ်တၢ်ဝံၣ်ဝဲဘဲဝဲလၢအဝဲအဂီၢ်, တုၤဒၣ်လဲာ်အဝဲကမၢၤဃာ်ဝဲတနီၤလၢအကိာ်ပူၤဒီးသးခုလၢ အတၢ်ဝံၣ်တတၢ်ဘဲအဃိ,

¹⁴ဘၣ်ဆၣ်ဒီး တၢ်အီၣ်န့ၣ် ကကဲထီၣ်က့ၤတၢ်အခၣ်နးနးကလဲာ်လၢ အကဖုပူၤ, ခၣ်ဝဲဒ်ကယဲၢ်မ့ၢ်တၢ်စုၣ်တမံၤလၢ်လၢ်အသိးန့ၣ်လီၤ.

¹⁵ပှၤတတီတလိၤကဘှီးထီၣ်ကွံာ်တၢ်စုလီၢ်ခီၣ်ခိၣ်လၢအယူၢ်လီၤ တ့ၢ်ဝဲ, ဒီးကစၢ်ယွၤကဟံးန့ၢ်က့ၤလၢအဟၢဖၢပူၤဒၣ်လဲာ် န့ၣ်လီၤ.

¹⁶အဝဲကဆူးအီၣ်ဝဲဂုၢ်အၢတဖၣ်အစုၣ်ဒီးဂုၢ်ဘီၣ်အီးအမဲထွံၣ်က မၤသံအီၤလီၤ. တၢ်လၢပှၤအၢပှၤသီတဂၤယူၢ်လီၤဝဲန့ၣ် လီၤဂာ်ဒ်တၢ်စုၣ်အသိး, တၢ်န့ၣ်မၤသံအီၤလီၤဂာ်ဒီး ဂုၢ်သ့ၣ်လၢအစုၣ်အိၣ်, အတၢ်အ့ၣ်အီၤန့ၣ်လီၤ.

¹⁷အဝဲဒၣ်တအိၣ်မူတုၤအထံၣ်ဘၣ်သ့ၣ်စၤယံးအသိ အထံကျိတဖၣ်မ့တမ့ၢ် ထံကျိၤတဖၣ်လၢ အယွၤလီၤဒီး တၢ်နုၢ်ထံဒီးကနဲစီန့ၣ်ဘၣ်.

¹⁸ကယဲၢ်တၢ်လၢအမၤတ့ၢ်ဝဲလၢအဂီၢ်ခဲလၢာ်န့ၣ် ကဟ့ၣ် လီၤကွံာ်ဝဲဒီး ကမုာ်လၤသးခုလၢအတၢ် ထူးတၢ်တီၤအပူၤအတၢ်ခွဲးတၢ်ယာ်တအိၣ်ဘၣ်

¹⁹အဂ့ၢ်ဒ်အံၤ, မၤအၢမၤသီဒီးလဲၤသဒၣ်ပှၤဖှီၣ်ဖိယာ်ဖိ, ဟံးန့ၢ်ဆူၣ်ဟံၣ်တဖၣ်လၢအတသူၣ်ထီၣ်ဘၣ်ဝဲဘၣ်လီၤ.

²⁰တသးမံဘၣ်လၢအတၢ်သူၣ်လီသးကွံနီတဘျီဘၣ်.

²¹မ့ၢ်အအီၣ်တၢ်တုၤတၢ်အိၣ်လီၤတဲာ်တအိၣ်နီတမံၤဘၣ်သတး ဒီးအတၢ်ထူးတၢ်တီၤတအိၣ်ဂၢၢ်ဆိးကျၢၤဘၣ်လီၤ.

²²လၢအတၢ်လၢတၢ်ပှဲၤခဲလၢာ်အပူၤန့ၣ်တၢ်ကိၢ်တၢ်ဂီၤကချုးန့ၢ်အီၤ တၢ်ကီတၢ်ခဲအသဟီၣ်အဆှုၣ်ကတၢၢ်ကလီၤဘၣ်လၢ အလိၤလီၤ.

²³ပျဲအအီၣ်တၢ်လၢအအဲၣ်ဒိးအီၣ်ဝဲခဲလၢာ်တက့ၢ်. ကစၢ်ယွၤကစံၣ်ညီၣ်အီၤလၢတၢ်သးဒိၣ်, တၢ်သးဖျိးအပူၤ န့ၣ်လီၤ.

²⁴မ့ၢ်ဃ့ၢ်ပူၤဖျဲးကွံာ်လၢစုကဝဲၤထးအအိၣ်ဘၣ်ဆၣ်ဒီးချံၣ်တိၢ် ဘီအပျၢ်ကဆဲးဖျိအီၤလီၤ.

²⁵ပျၢ်တဘ့ၣ်ဆဲးဖျိအဝဲအနီၢ်ခိ, ဒီးအသွံၣ်ကယွၤလီၤထွဲပျၢ်ကနၣ် လၢအကတြ့ၣ်ကတြိၣ်အခံ ဒီးတၢ်ပျံၤတၢ်ဖုးကလီၤဘၣ်အီၤလီၤ.

²⁶ကယဲၢ်တၢ်ခဲလၢာ်လၢအပာ်ဖှိၣ်ဝဲန့ၣ်ဘၣ်တၢ်မၤဟးဂီၤကွံာ်အီၤ, မ့ၣ်အူလၢတဘၣ်တၢ်ဆိၣ်ကဲၤထီၣ်လၢပှၤကညီအစုန့ၣ်ကအီၣ် ကွံာ်အီၤဒီးအပှၤဟံၣ်ဖိခဲလၢာ်န့ၣ်လီၤ.

²⁷မူခိၣ်လီၣ်ဖျါထီၣ်ပှၤအံၤအတၢ်ဒဲးဘးဒီးဟီၣ်ခိၣ်ဟ့ၣ်တၢ်အုၣ် အသးထီဒါအီၤလီၤ.

²⁸ကယဲၢ်အဝဲအတၢ်ထူးတၢ်တီၤခဲလၢာ်ကဘၣ်တၢ်မၤဟးဂီၤကွံာ်လၢ ကစၢ်ယွၤအတၢ်သးထီၣ်အပူၤဒ်ထံဒိၣ်ခိၣ်ယွၤစိာ်ကွံာ်တၢ်အသိး န့ၣ်လီၤ.

²⁹အဝဲအံၤမ့ၢ်ပှၤတတီတလိၤတဖၣ်အတၢ်ဟဲဝံဒီးတၢ်န့ၢ်သါလၢ ကစၢ်ယွၤပာ်လီၤအီၤလၢအဝဲသ့ၣ်အဂီၢ်န့ၣ်လီၤ.