Read S'gaw Karen လံာ်စီၤယိၤဘး 22 Bible Online

လံာ်စီၤယိၤဘး 22 - S'gaw Karen bible

လံာ်စီၤယိၤဘး 22

¹ဒီးပှၤတ့ၤမၣ်ဖိစီၤအလံဖးစးစံးဆၢဝဲဒၣ်, ပှၤကညီတဂၤမၤဘျုးမၤဖှိၣ်ကစၢ်ယွၤဘၣ်ကသ့ဧါ. ပှၤကူၣ်ဘၣ်ကူၣ်သ့တဂၤဒၣ်လဲာ်မၤဘျုးအီၤကသ့ဧါ.

³နမ့ၢ်ပှၤတီပှၤလိၤဒီး မနုၤကမၤမုာ်သ့တၢ်လၢာ်ယွၤန့ၣ်လဲၣ်. နကျဲတဖၣ်မ့ၢ်လၢ ဝဲပှဲၤဝဲဒၣ်လဲာ် အဝဲကဘၣ်ဘျုးလၢ မနုၤတမံၤလဲၣ်.

⁴တမ့ၢ်အဝဲသိၣ်ဃီၣ်နၤလၢနအဲၣ်ထူအဲၣ်ယွၤအဃိ, ဒီးလိာ်ကွီၢ်ထီဒါနၤန့ၣ်ဘၣ်.

⁵နတၢ်အၢတၢ်သီတဖၣ်န့ၣ်တဒိၣ်ဝဲဘၣ်ဧါ. နတၢ်ဒဲးဘးတဖၣ်အိၣ်တထံၣ်ဃီ တမ့ၢ်ဘၣ်ဧါ.

⁶နဃ့ဆူၣ်တၢ်ဟ့ၣ်ကီၤလၢ နဒီပုၢ်ဝဲၢ်တဖၣ်တအိၣ်ဒီး တၢ်အဂ့ၢ်အခၢးနီတမံၤဘၣ်. နဘ့ၣ်ကွံာ်အဝဲသ့ၣ်အကူအသိးဒီး ပာ်တီၢ်ဘ့ၣ်ဆ့အဝဲသ့ၣ်လီၤ.

⁷ပှၤလၢတၢ်ဘှံးအသးန့ၣ်နတဒုးအီအီၤလၢထံဘၣ်ဒီးပှၤလၢတၢ် သၣ်ဝံၤအသးန့ၣ်နတဒုးအီၣ်အီၤလၢတၢ်အီၣ်ဘၣ်.

⁸နသူနစိနကမီၤဒီးနလီၢ်နလၤလၢနကဟံးန့ၢ်ဆူၣ်ဟီၣ်ခိၣ်တၢ်လီၢ် ခဲလၢာ်န့ၣ်လီၤ.

⁹နဒုးဟးကွံာ်မုၣ်ကမဲတဖၣ်အိၣ်ထဲစုယၢ်ခီ, ဒီးနဂုာ်ဆူၣ်ပျီဆူၣ်ပှၤဖိၣ်ဃဲတဖၣ်ဒီးပျဲအစုကၢ်ခီၣ်ကၢ်န့ၣ်လီၤ.

¹⁰မၤသးဒ်န့ၣ်ဒီးပျံၤသကွီၤအိၣ်ဝးတရံးနၤ, ဒီးတၢ်မၤပျံၤသတူၢ်ကလာ်မၤကိၢ်မၤဂီၤနၤလီၤ.

¹¹တၢ်ခဲလၢာ်ခံးလီၤကွံာ်ဝဲတုၤနထံၣ်တၢ်တသ့လၢၤဘၣ်ဒီး ထံလုၣ်ဘၢကွံာ်နၤလီၤ.

¹²ကစၢ်ယွၤအိၣ်ဝဲလၢမူခိၣ်တၢ်ထီၣ်ထီ, ဒီးကွၢ်ဆၣ်ဧိၤဖီဧိၤ တဖၣ်ဖဲအအိၣ်ထီၣ်ထီမးအခါဒၣ်လဲာ်တမ့ၢ်ဘၣ်ဧါ.

¹³အန့ၣ်ဒၣ်လဲာ်နသံကွၢ်, ကစၢ်ယွၤသ့ၣ်ညါတၢ်မနုၤန့ၣ်လဲၣ်. တၢ်အၢၣ်ခံးသူအိၣ်တဒၢအီၤဒီးကစံၣ်ညီၣ်ပှၤဒၣ်လဲၣ်ကသ့ဧါ.

¹⁴မ့ၢ်နဆိကမိၣ်လၢတၢ်အၢၣ်တီၣ်ကျၢၢ်ဘၢအီၤအဃိတထံၣ်ဘၣ်တၢ်ဖဲ အဝဲလဲၤတၢ်လၢမူကပိာ်လိၤအခါန့ၣ်ဧါ.

¹⁵မ့ၢ်နပာ်လီၤနသးထီဘိလၢနကပိာ်ကျဲလၢပှၤအၢပှၤသီတဖၣ် လဲၤတ့ၢ်ဝဲထီဘိန့ၣ်ဧါ.

¹⁶အဝဲသ့ၣ်ဘၣ်တၢ်ထုးကွံာ်စိာ်ကွံာ်အီၤသတူၢ်ကလာ်တချူးလၢ အဆၢကတီၢ်ဘၣ်ဒံးဒီးထံအီၣ်ကွံာ်အတၢ်ခီၣ်ထံးတဖၣ်န့ၣ်လီၤ.

¹⁷အဝဲသ့ၣ်မ့ၢ်ပှၤလၢအညိကွံာ်ကစၢ်ယွၤဒီးနာ်ဝဲဒၣ်လၢယွၤသ့ တၢ်လၢာ်ကစၢ်မၤအီၤတသ့နီတမံၤဘၣ်န့ၣ်လီၤ.

¹⁸ဘၣ်ဆၣ်ဒီးကစၢ်ယွၤဒုးအိၣ်ဘီၣ်အိၣ်ညီအဝဲသ့ၣ်ဒၣ်လဲာ်န့ၣ်လီၤ. ပှၤတတီတလိၤအတၢ်ကူၣ်တၢ်ဖးတဖၣ်န့ၣ်ယနၢ်တပၢၢ်ဘၣ်လီၤ.

¹⁹တုၤပှၤတတီတလိၤဘၣ်တၢ်စံၣ်ညီၣ်အီၤန့ၣ်ဒီးပှၤဂ့ၤပှၤဝါတဖၣ် သးခုဝဲ, ဒီးပှၤလၢအတၢ်ဒဲးဘးတအိၣ်ဘၣ်တဖၣ်န့ၣ်နံၤဘၣ်ဖၣ် လဲအီၤလီၤ.

²⁰ကယဲၢ်တၢ်လၢအအိၣ်ဒီးပှၤတတီတလိၤခဲလၢာ်န့ၣ်ဘၣ်တၢ်မၤ ဟးဂီၤကွံာ်အီၤဒီးမ့ၣ်အူအီၣ်ကွံာ်တၢ်လၢအအိၣ်လီၤတဲာ် တဖၣ်န့ၣ်လီၤ.

²¹ရ့လိာ်နသးဒီးယွၤတက့ၢ်. ဒီးနကအိၣ်မုာ်လီၤ. အန့ၣ်သတး ဒီးတၢ်ဂ့ၤကဘၣ်နၤလီၤ.

²²တူၢ်လိာ်တၢ်သိၣ်လိလၢအဟ့ၣ်နၤဒီးတိၢ်န့ၢ်အကလုၢ် အကထါတဖၣ်လၢနသးကံၢ်ပူၤန့ၣ်တက့ၢ်.

²³နမ့ၢ်ဟဲက့ၤဆူသ့တၢ်လၢာ်ကစၢ်ယွၤအအိၣ်လၢတၢ်ဆီၣ်လီၤ က့ၤနသး, နမ့ၢ်ထုးကွံာ်တၢ်အၢတၢ်သီလၢနတၢ်အိၣ်တၢ်ဆိး အလီၢ်,

²⁴နမ့ၢ်ပာ်တ့ၢ်ကွံာ်နထူဒ်ဟီၣ်ခိၣ်အကမူၣ်ဒီးနထူအဂ့ၤကတၢၢ်ဒ်လၢၢ် ဖိပြံလၢထံလီၤသံးအကျိကပၤ,

²⁵ဒီးသ့တၢ်လၢာ်ကစၢ်ယွၤကကဲထီၣ်နထူဒီးနစ့လၢအလုၢ်ဒိၣ် ပှ့ၤဒိၣ်န့ၣ်လီၤ.

²⁶တုၤနုၤတစုနကထံၣ်န့ၢ်တၢ်သးမုာ်လၢသ့တၢ်လၢာ်ကစၢ်ယွၤ အပူၤသပှၢ်တၢၢ်ဒီးနကမိာ်ထီၣ်နခိၣ်ဆူယွၤအအိၣ်န့ၣ်လီၤ.

²⁷ဖဲနဘါထုကဖၣ်အီၤန့ၣ်အဝဲကဒိကနၣ်နၤ, ဒီးနကမၤလၢထီၣ်ပှဲၤ ထီၣ်ဘၣ်တၢ်ဆိၣ်လၢနမၤတ့ၢ်ဒီးအီၤန့ၣ်လီၤ.

²⁸နမၤတၢ်ခဲလၢာ်န့ၣ်ကကဲထီၣ်လိၣ်ထီၣ်ဝဲဒီးတၢ်ကပီၤကကပီၤ လီၤဘၣ်နကျဲန့ၣ်လီၤ.

²⁹ကစၢ်ယွၤဆီၣ်လီၤပှၤပာ်ထီၣ်ထီသးဒီးအုၣ်က့ၤခီၣ်က့ၤပှၤဆီၣ် လီၤအသးန့ၣ်လီၤ.

³⁰နတၢ်ကမၣ်မ့ၢ်တအိၣ်, ဒီးနမ့ၢ်မၤတၢ်အဘၣ်ဒီးအဝဲကမၤပူၤ ဖျဲးနၤလီၤ.