Read S'gaw Karen လံာ်စီၤယိၤဘး 24 Bible Online

လံာ်စီၤယိၤဘး 24 - S'gaw Karen bible

လံာ်စီၤယိၤဘး 24

¹ဘၣ်မနုၤလၢသ့တၢ်လၢာ်ကစၢ်ယွၤတပာ်လီၤတၢ်ဆၢကတီၢ် တဘျီလၢကစံၣ်ညီၣ်တၢ်, တၢ်တီတၢ်လိၤအမုၢ်တနံၤလၢပှၤလၢ အမၤအတၢ်တဖၣ်အဂီၢ်န့ၣ်လဲၣ်.

²ပှၤကညီတဖၣ်သုးကွံာ်ဟီၣ်ခိၣ်အပနီၣ်တဖၣ်ဒ်သိးကန့ၢ်အါ ထီၣ်တၢ်လီၢ်, ဒီးဟုၣ်န့ၢ်သိဒီးဘုၣ်က့ၤဝဲလၢအတၢ်အီၣ်ဆၣ် အလီၢ်အပူၤလီၤ.

³အဝဲသ့ၣ်ဟံးန့ၢ်ပှၤဖိၣ်ဃဲတဖၣ်အကသ့ၣ်ယီၤတဖၣ်ဒီးဟံးကီၤမုၣ် ကမဲတဂၤအဂီၤဖံးတုၤအလိးက့ၤအကမၣ်န့ၣ်လီၤ.

⁴အဝဲသ့ၣ်တြီပှၤဖှီၣ်ဖိယာ်ဖိသ့ၣ်တဖၣ်လၢကန့ၢ်ဘၣ်အတၢ်ခွဲး တၢ်ယာ်န့ၣ်လီၤ. ဒီးမၤဆူၣ်ပှၤဖှီၣ်ဖိယာ်ဖိခဲလၢာ်လၢကဃ့ၢ် ဒီးပာ်ခူသူၣ်အသးန့ၣ်လီၤ.

⁵လၢတၢ်န့ၣ်အဃိပှၤဖှီၣ်ဖိယာ်ဖိသ့ၣ်တဖၣ်မၤသးဒ်ကသ့ၣ်ယီၤမံၤ အသိး, ဒီးဃုအတၢ်အီၣ်လၢပှၢ်မုၢ်ကနၢလၢအဃ့ထီအပူၤန့ၣ်လီၤ.

⁶အဝဲသ့ၣ်ဘၣ်ကူးအီၣ်ဘုဧိၤဟုဧိၤလၢပှၤဂၤအစံာ်ပျီအပူၤဒီး ထၢဖှိၣ်စပံးသၣ်လၢပှၤအၢပှၤသီတဖၣ်အစပံးလီၢ်န့ၣ်လီၤ.

⁷အဝဲသ့ၣ်မံသီတနၤကျၢၤအိၣ်ဘ့ၣ်ဆ့ဒီးအကူအသိးတအိၣ်ဘၣ်, ဒီးတၢ်လၢကလုးဘၢဝဲလၢတၢ်ဂိၢ်အကတီၢ်န့ၣ်တအိၣ်ဘၣ်.

⁸အဝဲသ့ၣ်ဘၣ်စီၣ်ဘၣ်သ့ဒီးတၢ်ဟဲစူၤလၢကစၢၢ်ကလိဒီး, အဝဲသ့ၣ်ဖိးဟုဃးလၢၢ်ဧိၤလ့ဧိၤလၢကမၤလၢၤအသးအဂီၢ် န့ၣ်လီၤ.

⁹ပှၤအၢပှၤသီဒုးမၢကဲကုၢ်ဖိၣ်ဃဲဖိသ့ၣ်တဖၣ်, ဒီးဂုာ်န့ၢ်ပှၤဖှီၣ်ဖိယာ်ဖိတဖၣ်လၢတၢ်လိးက့ၤအဒ့ၣ်အကမၣ် အဂီၢ်န့ၣ်လီၤ.

¹⁰မ့မ့ၢ်ပှၤဖှီၣ်ဖိယာ်ဖိတဖၣ်ဘၣ်လဲၤတၢ်အိၣ်ဘ့ၣ်ဆ့ဒီးတၢ်ကူ တၢ်သိးလၢကမၤဘၢအီၤတအိၣ်ဘၣ်. ဒီးဖဲအဝဲသ့ၣ်စိာ်ဘုကဒိၣ်တဖၣ်ဒၣ်လဲာ်သူၣ်ဝံၤသၣ်စ့ၤဒံး အဖၢမုၢ်န့ၣ်လီၤ.

¹¹အဝဲသ့ၣ်မၤသိလၢသ့ၣ်စၤယံး, ဒီးစပံးထံလၢစပံးသၣ်, ဘၣ်ဆၣ်အဝဲသ့ၣ်အနီၢ်ကစၢ်ဒၣ်ဝဲတၢ်သူအသးလၢထံန့ၣ်လီၤ.

¹²လၢဝ့ၢ်တဖၣ်အပူၤပှၤဘၣ်ဒိဘၣ်ထံးဒီးပှၤလၢဘူးအကသံတဖၣ် ကိးထီၣ်ဝဲဘၣ်ဆၣ်ကစၢ်ယွၤတကန့ၣ်ဃုာ်အတၢ်ထုကဖၣ်န့ၣ်ဘၣ်.

¹³ပှၤအိၣ်ဝဲတနီၤလၢအထီဒါတၢ်ကပီၤဒီးတနၢ်ပၢၢ်ဘၣ်တၢ် ကပီၤအကျဲတဖၣ်ဒီးတပိာ်ဘၣ်တၢ်ကပီၤအကျဲန့ၣ်ဘၣ်.

¹⁴စီၤစိၤဖၤစံးဝဲ, တုၤမုၢ်ဂီၤထီၣ်သီန့ၣ်ပှၤမၤသံတၢ်တဖၣ်ဂဲၤ ထၢၣ်ဒီးဟးထီၣ်ဝဲလၢကမၤသံပှၤဖှီၣ်ဖိယာ်ဖိလၢအတၢ် တအိၣ်ဘၣ်နီတမံၤတဖၣ်န့ၣ်လီၤ. ဒီးတုၤမုၢ်နၤအကတီၢ်န့ၣ်အဝဲသ့ၣ်ဟုၣ်တၢ်လီၤ.

¹⁵ပှၤမၤကမၣ်မုၣ်ကမၣ်ခွါတဖၣ်ခိးကွၢ်လၢ်ဝဲမုၢ်ဟါလီၤဒီးမၤဘၢ အမဲာ်ဒ်သိးပှၤအသုတထံၣ်န့ၢ်အီၤနီတဂၤန့ၣ်လီၤ.

¹⁶ဖဲမုၢ်နၤန့ၣ်ပှၤဟုၣ်တၢ်ဘျၣ်တၢ်သ့ၣ်တဖၣ်နုာ်လီၤဆူဟံၣ်တဖၣ် အပူၤဘၣ်ဆၣ်ဒီးလၢမုၢ်ဆါန့ၣ်အဝဲသ့ၣ်ပာ်ခူသူၣ်အသး ဒီးဟးဆှဲးတၢ်ကပီၤန့ၣ်လီၤ.

¹⁷အဝဲသ့ၣ်ပျံၤဝဲမုၢ်ဆါအတၢ်ကပီၤဘၣ်ဆၣ်တၢ်ခံးတၢ်နၤတဟံး ဃာ်တၢ်ပျံၤတၢ်ဖုးလၢအဝဲသ့ၣ်အဂီၢ်ဘၣ်.

¹⁸ပှၤတတီတလိၤလီၤထွံကွံာ်ဝဲလၢထံလုၣ်ဘၢတၢ်ဒီးဟီၣ်ခိၣ်လၢ အပၢဝဲန့ၣ်အိၣ်လၢကစၢ်ယွၤအတၢ်ဆိၣ်အၢအဖီလာ်ဒီးအဝဲသ့ၣ်တ လဲၤလၢၤဘၣ်ဆူစပံးလီၢ်တဖၣ်နီတဘျီလၢၤဘၣ်န့ၣ်လီၤ.

¹⁹ဒ်မူခိၣ်ဖီဟါမၢ်ကွံာ်လၢတၢ်ကိၢ်ဒီးတၢ်ဃ့ထီအပူၤအသိးန့ၣ် ပှၤတၢ်ဒဲးဘးဖိတဖၣ်ဟါမၢ်ကွံာ်ဝဲဆူပှၤသံအကီၢ်ပူၤန့ၣ်လီၤ.

²⁰အမိၢ်ဒၣ်လဲာ်ခဲအံၤတသ့ၣ်နီၣ်ထီၣ်က့ၤလၢၤအီၤဘၣ်. အဝဲကဘၣ်တၢ်အီၣ်ကွံာ်အီၤလၢထိးကလဲာ်ဒီးဘၣ်တၢ်မၤဟးဂီၤ ကွံာ်အီၤဒ်သ့ၣ်လၢအလီၤဃံၤအသိးန့ၣ်လီၤ.

²¹တၢ်အံၤမၤအသးမ့ၢ်လၢအမၤတရီတပါမုၣ်ကမဲတဖၣ်အဃိ ဒီးတပာ်ဖျါထီၣ်တၢ်သူၣ်ကညီၤသးကညီၤလၢပိာ်မုၣ်တူာ်ဖိ သ့ၣ်တဖၣ်အဃိန့ၣ်လီၤ.

²²လၢအစိအကမီၤဒၣ်ဝဲန့ၣ်ကစၢ်ယွၤမၤဟးဂီၤကွံာ်ပှၤအဂံၢ်ဆူၣ် ဘါဆူၣ်န့ၣ်လီၤ. ကစၢ်ယွၤမၤတၢ်ဒီးပှၤတတီတလိၤသံဝဲဒၣ်န့ၣ်လီၤ.

²³ကစၢ်ယွၤမ့ၢ်ပျဲအအိၣ်မူလၢတၢ်ပူၤဖျဲးအပူၤဒၣ်လဲာ်အမဲာ်ကွၢ် စူၣ်အီၤထီဘိန့ၣ်လီၤ.

²⁴ပှၤတတီတလိၤဘီၣ်ထီၣ်ညီထီၣ်တစိၢ်တလီၢ်, ဘၣ်ဆၣ်ဃ့ထီ ကွံာ်ဝဲဒ်နီၣ်ဧိၤမံၤဧိၤအသိးဒီးဒ်ဘုအစဲၤဘၣ်တၢ်ကူးတဲာ် အီၤအသိးန့ၣ်လီၤ.

²⁵ဒီးမ့တမ့ၢ်ဘၣ်ဒ်န့ၣ်ဒီး, မ့ၢ်မတၤတဂၤကဒုးနဲၣ်ယၤလၢယမ့ၢ် ပှၤလီတၢ်, ဒီးယတၢ်ကတိၤမ့ၢ်တၢ်ကလီကလီန့ၣ်လဲၣ်.