Read S'gaw Karen လံာ်စီၤယိၤဘး 26 Bible Online

လံာ်စီၤယိၤဘး 26 - S'gaw Karen bible

လံာ်စီၤယိၤဘး 26

¹ဒီးစီၤယိၤဘးစံးဆၢဝဲဒၣ်, နမ့ၢ်တၢ်မၤစၢၤဖးဒိၣ်လၢယၤ, ပှၤဖှီၣ်ဖိယာ်ဖိ, ပှၤဂံၢ်စၢ်ဘါစၢ်ဖိတဂၤအဂီၢ်န့ၣ်လီၤ.

³နဟ့ၣ်ယၤတၢ်ဟ့ၣ်ကူၣ်လၢအဂ့ၤဒ်သိးအံၤဒီးနီၤလီၤနတၢ်သ့ၣ် ညါဆူပှၤဟးဂီၤဖိဒ်ယၤတဂၤအသိးန့ၣ်လီၤ.

⁴မ့ၢ်မတၤမၤစၢၤတ့ၢ်နၤဒ်သိးနကကတိၤတၢ်ကတိၤတဖၣ်အံၤန့ၣ်လဲၣ်. မ့ၢ်မတၤအသးထိၣ်ဟူးထိၣ်ဂဲၤနၤလၢနကကတိၤတၢ်ဒ်သိးအံၤန့ၣ် လဲၣ်.

⁵စီၤဘံးလဒၤစံးဝဲ, လၢပျူၤပူၤလၢထံအိၣ်လၢဟီၣ်ခိၣ်လာ်အပူၤန့ၣ်, ပှၤသံတဖၣ်အကလၤပျံၤတၢ်ဖုးတၢ်ဒီးကနိးကစုာ်ဝဲန့ၣ်လီၤ.

⁶တၢ်သံအကီၢ်အိၣ်အိးထီၣ်အသးလၢကစၢ်ယွၤအမဲာ်ညါဒီး တၢ်လၢကမၤဘၢအီၤလၢယွၤအမဲာ်ညါတအိၣ်နီတမံၤဘၣ်.

⁷ကစၢ်ယွၤထုးထီထီၣ်မူခိၣ်လၢကလံၤစိးတကပၤဒီးထိၣ်လီၤ စဲၤဟီၣ်ခိၣ်လၢမူပျီပူၤန့ၣ်လီၤ.

⁸ကစၢ်ယွၤမ့ၢ်ပှၤလၢအမၤပှဲၤတၢ်အၢၣ်လၢထံဒီးပၢၤဃးဝဲဒ် သိးအသုတပိၢ်ဖးကွံာ်လၢအတယၢၢ်အဃိအဂီၢ်န့ၣ်လီၤ.

⁹အဝဲပာ်တဒၢအလီၢ်ပစိာ်လၢတၢ်အၢၣ်အလီၢ်ခံန့ၣ်လီၤ.

¹⁰အဝဲပာ်လီၤတၢ်ပနီၣ်လၢမူထံးအိၣ်ဝဲလၢပီၣ်လဲၣ်အထံဖံးခိၣ် ဒ်သိးအကနီၤဖးတၢ်ကပီၤဒီးတၢ်ခံးအဆၢန့ၣ်လီၤ.

¹¹တုၤအမၤပျံၤမၤဖုးမူခိၣ်အထူၣ်တဖၣ်န့ၣ်ဒီး, အဝဲသ့ၣ်ဟူးဝးဝဲဒီးကနိးကစုာ်လၢတၢ်ပျံၤတၢ်ဖုးအပူၤန့ၣ်လီၤ.

¹²အဂံၢ်အဘါမ့ၢ်တၢ်လၢအမၤနၢၤပီၣ်လဲၣ်, ဒီးခီဖျိအတၢ်ကူၣ်တၢ် ဆးန့ၣ်အဝဲမၤဟးဂီၤကွံာ်ပီၣ်လဲၣ်ပယိၤရၤဃးန့ၣ်လီၤ.

¹³ကစၢ်ယွၤအတၢ်သါ, မၤကဆှီထီၣ်က့ၤမူခိၣ်ဒီးအစုမၤသံကွံာ် ပယိၤလၢအဂုာ်ဃ့ၢ်ပူၤဖျဲးန့ၣ်လီၤ.

¹⁴ဘၣ်ဆၣ်တၢ်အံၤမ့ၢ်ဒၣ်ထဲတၢ်တဲတရူာ်အတၢ်စိတၢ်ကမီၤတဒိၣ် တဆံးဧိၤ, မ့ၢ်ဒၣ်ထဲတၢ်ကတိၤကသွံဒံလၢပနၢ်ဟူတ့ၢ်လံန့ၣ်လီၤ. ကစၢ်ယွၤဒိၣ်ဝဲနီၢ်နီၢ်ထဲလဲၣ်န့ၣ်မ့ၢ်မတၤသ့ၣ်ညါကသ့ဝဲတဂၤလဲၣ်.