Read S'gaw Karen လံာ်စီၤယိၤဘး 28 Bible Online

လံာ်စီၤယိၤဘး 28 - S'gaw Karen bible

လံာ်စီၤယိၤဘး 28

¹စ့အပူၤတဖၣ်အိၣ်ဝဲလၢစ့ကဘၣ်တၢ်ခူၣ်ထုးထီၣ်အီၤအဂီၢ်, ဒီးတၢ်လီၢ်တဖၣ်လၢထူဘၣ်တၢ်ပှံၢ်အီၤအဂီၢ်အိၣ်ဝဲဒၣ်န့ၣ်လီၤ.

²ပှၤကညီခူၣ်ထုးထီၣ်ထးလၢဟီၣ်ခိၣ်အကျါဒီးဃ့ၣ်န့ၢ်တိၢ်ဂီၤ လၢလၢၢ်အကျါန့ၣ်လီၤ.

³ပှၤကညီဃုကွၢ်တၢ်လၢတၢ်ခံးယိာ်အလီၢ်န့ၣ်လီၤ. အဝဲသ့ၣ်ဃုထံၣ်တၢ်လၢဟီၣ်ခိၣ်အတၢ်ယိာ်အလီၢ်တဖၣ်ဒီးခူၣ်န့ၢ် လၢၢ်လၢတၢ်ခံးသူကတၢၢ်အလီၢ်န့ၣ်လီၤ.

⁴ဖဲပှၤကညီတအိၣ်တဆိးဘၣ်အလီၢ်ဒီးပှၤတလဲၤထီၣ်လဲၤလီၤဘၣ် အလီၢ်န့ၣ်ပှၤကညီဘၢၣ်ဖျိတၢ်ဒီးခူၣ်တၢ်ပူၤတဖၣ်န့ၣ်လီၤ. အဝဲသ့ၣ်ဘျးလီၤစဲၤအသးလၢပျံၤအလိၤလၢတၢ်ပူၤတဖၣ် ဒီးမၤတၢ်လၢတၢ်သယုၢ်အပူၤန့ၣ်လီၤ.

⁵တၢ်အီၣ်တၢ်အီမဲထီၣ်လၢဟီၣ်ခိၣ်, မ့မ့ၢ်လၢဟီၣ်ခိၣ်အံၤအဖီလာ် န့ၣ်တၢ်ခဲလၢာ်ဘၣ်တၢ်မၤတချဲထီၣ်အီၤဒီးမၤသဘှံးကွံာ်အီၤ န့ၣ်လီၤ.

⁶ဟီၣ်ခိၣ်အလၢၢ်အိၣ်ဝဲဒီးတၢ်မျၢ်နံၤလါ, ဒီးဟီၣ်ခိၣ်အိၣ်ဝဲ ဒီးထူဧိၤလွဲဧိၤအကမူၣ်န့ၣ်လီၤ.

⁷အကျဲတဘိန့ၣ်ထိၣ်ဧိၤလံာ်ဧိၤတသ့ၣ်ညါဒီးလံာ်ဧိၤတြၤဧိၤ တထံၣ်န့ၢ်ဝဲဒၣ်ဘၣ်.

⁸ခ့ယုၢ်မ့ၢ်ဂ့ၤတၢ်မံၤလာ်အအၢအသီမ့ၢ်ဂ့ၤတလဲၤကျဲအဝဲန့ၣ် ဘၣ်.

⁹ပှၤကညီခူၣ်န့ၢ်လၢၢ်ဧိၤလ့ဧိၤလၢအကိၤကတၢၢ်ဒီးခူၣ်ကွံာ် ကစၢၢ်လၢအဂံၢ်ထံးန့ၣ်လီၤ.

¹⁰ဖဲအဘၢၣ်ဖျိခီဂာ်လၢၢ်ဧိၤလ့ဧိၤသ့ၣ်တဖၣ်န့ၣ်ဒီးထံၣ်န့ၢ်လၢၢ် လၢအလုၢ်ဒိၣ်ပှ့ၤဒိၣ်တဖၣ်န့ၣ်လီၤ.

¹¹အဝဲသ့ၣ်ဃုထံၣ်န့ၢ်ထံကျိအဂံၢ်ထံးဒီးဟဲစိာ်ထီၣ်တၢ်အိၣ်လီၤ ဘၢတဖၣ်ဆူတၢ်ကပီၤအပူၤန့ၣ်လီၤ.

¹²ဘၣ်ဆၣ်ဒီးမ့ၢ်ပကထံၣ်န့ၢ်တၢ်ကူၣ်သ့ဖဲလဲၣ်. ဒီးတၢ်သ့ၣ်ညါနၢ်ပၢၢ်န့ၣ်အိၣ်ဖဲလဲၣ်.

¹³တၢ်ကူၣ်သ့န့ၣ်တဘၣ်တၢ်ထံၣ်န့ၢ်အီၤလၢပှၤကညီအကျါဘၣ်. အလုၢ်အပှ့ၤနီၢ်နီၢ်န့ၣ်ပှၤတသ့ၣ်ညါနီတဂၤဘၣ်.

¹⁴တၢ်ယိာ်ပူၤစံးဝဲဒၣ်, တအိၣ်ဘၣ်လၢယပူၤဘၣ်. ဒီးပီၣ်လဲၣ်စံးဝဲဒၣ်, တအိၣ်ဘၣ်ဒီးယၤဘၣ်.

¹⁵တၢ်ပှ့ၤအီၤလၢထူဧိၤ, စ့ဧိၤတန့ၢ်ဘၣ်.

¹⁶ထူဧိၤလွဲဧိၤအဂ့ၤကတၢၢ်ဒီးတၢ်လုၢ်ဒိၣ်ပှ့ၤဒိၣ်တဖၣ်, ထိၣ်အလုၢ်အပှ့ၤထဲသိးဒီးအီၤတသ့ဘၣ်.

¹⁷အလုၢ်အပှ့ၤဒိၣ်န့ၢ်ထူဧိၤလွဲဧိၤ, ဖီကိထူမ့ၢ်ဂ့ၤလီခီ အဂ့ၤကတၢၢ်မ့ၢ်ဂ့ၤန့ၣ်လီၤ.

¹⁸တၢ်ကူၣ်သ့န့ၣ်အလုၢ်အပှ့ၤဒိၣ်န့ၢ်ဒံးလၢၢ်ဖီမ့ၢ်ဂ့ၤ, လၢၢ်ဖျါကလၤမ့ၢ်ဂ့ၤ, တၢ်မျၢ်ဂီၤမ့ၢ်ဂ့ၤန့ၣ်လီၤ.

¹⁹တၢ်မျၢ်ဘီအဂ့ၤကတၢၢ်ဒီးထူစီန့ၣ်ဘၣ်တၢ်ထိၣ်သတြီၤ အီၤလၢတၢ်ကူၣ်သ့အလုၢ်အပှ့ၤတန့ၢ်ဝဲဒၣ်ဘၣ်.

²⁰အန့ၣ်ဒီး, တၢ်ကူၣ်သ့အဂံၢ်ထံးန့ၣ်မ့ၢ်အအိၣ်ဖဲလဲၣ်. ဒီးတၢ်သ့ၣ်ညါနၢ်ပၢၢ်အိၣ်ဖဲလဲၣ်.

²¹တၢ်လၢအမူဝဲခဲလၢာ်ထံၣ်အီၤတသ့နီတမံၤဘၣ်. ထိၣ်လၢအယူၤတဘ့ၣ်ဒၣ်လဲာ်ထံၣ်အီၤတသ့ဘၣ်.

²²တၢ်သံဒီးတၢ်ဟးဂူာ်ဟးဂီၤဒၣ်လဲာ်အၢၣ်လီၤဝဲဒၣ်လၢအနၢ် ဟူတ့ၢ်ထဲတၢ်ကစီၣ်ပစိၣ်ပစ့ဧိၤန့ၣ်လီၤ.

²³ထဲကစၢ်ယွၤတဂၤဧိၤသ့ၣ်ညါကျဲဒီးသ့ၣ်ညါတၢ်ထံၣ်န့ၢ် တၢ်ကူၣ်သ့အလီၢ်န့ၣ်လီၤ.

²⁴အဂ့ၢ်ဒ်အံၤ, အဝဲထံၣ်ဝဲဟီၣ်ခိၣ်အကတၢၢ်ဒီးထံၣ်ဘၣ်ကယဲၢ် တၢ်အိၣ်လၢမူခိၣ်အဖီလာ်ခဲလၢာ်န့ၣ်လီၤ.

²⁵တုၤအစီၤကလံၤ, ဒီးဃီၣ်ထံဧိၤနိဧိၤလၢနီၣ်ဃီၣ်န့ၣ်ဒီး,

²⁶တုၤအပာ်တၢ်မၤလိာ်လၢတၢ်ဟဲစူၤအဂီၢ်, ဒီးကျဲလၢလီဝၢ် ဒံးအဂီၢ်ဒီး,

²⁷အဝဲထံၣ်ဝဲဒီးတဲဖျါထီၣ်ဝဲ, မၤကဲထီၣ်ဝဲဒီးဃုထံၣ်န့ၢ်ဝဲ အဂ့ၢ်အကျိၤလီၤ.

²⁸ဒီးကစၢ်ယွၤစံးဘၣ်ပှၤကညီ, ကွၢ်ကွၢ်တၢ်ပျံၤယွၤန့ၣ်မ့ၢ်တၢ် ကူၣ်သ့ဒီးတၢ်ဟးဆှဲးကွံာ်လၢတၢ်အၢန့ၣ်မ့ၢ်တၢ်သ့ၣ်ညါနၢ်ပၢၢ် န့ၣ်လီၤ.