Read S'gaw Karen လံာ်စီၤယိၤဘး 39 Bible Online

လံာ်စီၤယိၤဘး 39 - S'gaw Karen bible

လံာ်စီၤယိၤဘး 39

¹မဲာ်တဲးလဲးမံၤတဖၣ်ကဖှံလီၤအကတီၢ်ဖဲလဲၣ်န့ၣ်နသ့ၣ်ညါဧါ. တၤယုၢ်မိၢ်ဖှံလီၤအဖိန့ၣ်နခိးကွၢ်စ့ၢ်ကီးဧါ.

²အဝဲသ့ၣ်ဒၢဝဲယံာ်ပှဲၤလါလဲၣ်န့ၣ်နဂံၢ်နီၣ်ဧါ. ဒီးအတၢ်ဖှံလီၤအက တီၢ်န့ၣ်နသ့ၣ်ညါဧါ.

³နသ့ၣ်ညါအဝဲသ့ၣ်ကကိာ်လီၤအသးဒီးဖှံလီၤအဖိတဖၣ်အကတီၢ် ဖဲလဲၣ်စ့ၢ်ကီးဧါ.

⁴အဖိတဖၣ်ဒိၣ်ထီၣ်ဆူၣ်ထီၣ်ဝဲလၢပှၢ်လၢ်ကျါဒီးဟးယံၤကွံာ်ဒီး တဟဲက့ၤလၢၤဘၣ်ဆူအဝဲသ့ၣ်အအိၣ်ဘၣ်.

⁵မတၤဟ့ၣ်တၢ်သဘျ့လၢကသ့ၣ်ယီၤမံၤတဖၣ်န့ၣ်လဲၣ်. မတၤပျဲထူၣ်ဖျဲးအီၤလၢကလဲၤဖဲအသးဒၣ်ဝဲန့ၣ်လဲၣ်.

⁶ယဟ့ၣ်တ့ၢ်အဝဲသ့ၣ်လၢပှၢ်မုၢ်ကနၢဒီးပျဲဟီၣ်ခိၣ်ဟီပျီ တဖၣ်ကမ့ၢ်အတၢ်အိၣ်တၢ်ဆိးအလီၢ်န့ၣ်လီၤ.

⁷အဝဲသ့ၣ်အိၣ်ယံၤဒီးဝ့ၢ်တဖၣ်အတၢ်သီၣ်တၢ်သဲဒီးပှၤမၤဘှါ အီၤဒီးမၢအမၤတၢ်သ့တအိၣ်နီတဂၤဘၣ်.

⁸ကစၢၢ်ကလိတဖၣ်မ့ၢ်အတၢ်အီၣ်ဆၣ်အလီၢ်လါဟ့ဖဲအဝဲသ့ၣ် အီၣ်တၢ်, ဒီးအလီၢ်ဖဲအဃုထံၣ်န့ၢ်ကယဲၢ်တပံၢ်လါဟ့လၢ ကအီၣ်ဝဲအဂီၢ်န့ၣ်လီၤ.

⁹တၤဖးရံၣ်ကမၤနတၢ်ဒီးကအိၣ်ဝဲသီတနၤကျၢၤလၢကျိးလၢ ဆၣ်ဖိကီၢ်ဖိအီၣ်တၢ်အဃၢၤန့ၣ်ဧါ.

¹⁰နစၢဃာ်အီၤလၢပျံၤတဘိဒီးမၢအထဲၣ်တၢ်မ့တမ့ၢ်နဒုးထုး အီၤကကြၢ်လၢနစံၣ်ပျီပူၤဘၣ်ကသ့ဧါ.

¹¹နနာ်န့ၢ်အတၢ်ဂံၢ်ဆူၣ်ဘါဆူၣ်ဒီးမုၢ်လၢ်အီၤလၢကမၤန့ၢ်နၤ တၢ်မၤအဃၢအစုာ်ဘၣ်ကသ့ဧါ.

¹²နမုၢ်လၢ်အီၤလၢကဟဲစိာ်ဘုလၢနကူးအီၤဒီးပာ်ဖှိၣ်ဘု ကဒိၣ်တဖၣ်ဆူနယီၢ်ဘုအလီၢ်န့ၣ်ဧါ.

¹³ထိၣ်ကီၤလၤအူးတပျုာ်အဒံးဆ့တဖၣ်ချ့ထဲလဲၣ်, ဘၣ်ဆၣ်ထိၣ်ကီၤလၤအူးယူၤဝဲဒ်ထိၣ်လဲးဝါတသ့ဘၣ်.

¹⁴ထိၣ်ကီၤလၤအူးပာ်လီၤတဲာ်အဒံၣ်လၢဟီၣ်ခိၣ်လိၤဒ်သိးကလၢၤ ဝဲလၢမဲးအကျါ,

¹⁵ဒီးသးပ့ၤနီၣ်လၢအဒံၣ်တဖၣ်ကဘၣ်တၢ်ယီၢ်သဘှံးအီၤမ့ၢ်ဂ့ၤ, ဆၣ်ဖိကီၢ်ဖိအမံၤကမၤသ့ၣ်ဖးအီၤမ့ၢ်ဂ့ၤန့ၣ်လီၤ.

¹⁶အဝဲမၤအသးဒ်အဒံၣ်တဖၣ်တမ့ၢ်တၢ်အသိး, ဒီးအတၢ်ထဲးဂံၢ် ထဲးဘါတဖၣ်ကဲထီၣ်တ့ၢ်တၢ်ကလီကလီဒၣ်လဲာ်တကိၢ်ဝဲဒၣ်ဘၣ်.

¹⁷အဂ့ၢ်ဒ်အံၤ, ကစၢ်ယွၤတဟ့ၣ်ဘၣ်အီၤလၢအတၢ်ကူၣ်သ့, ဒီးအတၢ်နီၤဟ့ၣ်ဘၣ်ဃးဒီးတၢ်ကူၣ်တၢ်ဆးန့ၣ်ဘၣ်.

¹⁸ဘၣ်ဆၣ်ဒီးတုၤအထိၣ်ဂဲၤအသးဒီးဃ့ၢ်ထီၣ်ဝဲန့ၣ်, နံၤဘၣ်ဖၣ်လဲကသ့ၣ်ဒီးပှၤလၢအဒိးအီၤလီၤ.

¹⁹စီၤယိၤဘးဧၢ, ပှၤလၢအဒုးဂံၢ်ဆူၣ်ဘါဆူၣ်ကသ့ၣ်တဖၣ် ဒီးဟ့ၣ်အီၤအကိာ်ဆူၣ်တဖၣ်န့ၣ်မ့ၢ်နၤဧါ.

²⁰နဒုးစံၣ်အီၤဒ်ဒွဲၣ်ဧိၤတြၤဧိၤအသိးဒီးဒုးမၤပျံၤမၤဖုး ပှၤကညီလၢအနါဒ့အတၢ်ကဟုကညီၣ်န့ၣ်ဘၣ်ကသ့ဧါ.

²¹လၢတၢ်သးဆူၣ်န့ၣ်အခီၣ်ဝာ်ဟီၣ်ခိၣ်လၢတၢ်တြီပူၤဒီးဃ့ၢ် သဘျိၣ်ဆူတၢ်ဒုးပျီဃုာ်ဒီးအဂံၢ်အဘါခဲလၢာ်လီၤ.

²²အဝဲတသ့ၣ်ညါတၢ်ပျံၤတၢ်ဖုးအခီပညီ, ဒီးနးဘိးကဒါ က့ၤအီၤဆူအလီၢ်ခံတန့ၢ်ဘၣ်.

²³စုကဝဲၤတဖၣ်လၢပှၤလၢအဒိးအီၤတဖၣ်စိာ်ဝဲန့ၣ်သီၣ်ရဲာ်ရီာ် ဒီးကပြုၢ်ကပြီၤမးလၢမုၢ်အတၢ်ကပီၤအပူၤန့ၣ်လီၤ.

²⁴တုၤကွဲၤသီၣ်ထီၣ်ဒီးကသ့ၣ်တဖၣ်ကနိးထီၣ်ဒီးတၢ်သူၣ် ဟူးသးဂဲၤတုၤအအိၣ်ဃိတန့ၢ်လၢၤဘၣ်ဒီးဃ့ၢ်သဘျိၣ် ဆူညါန့ၣ်လီၤ.

²⁵လၢကွဲၤအသီၣ်ထီၣ်တဘီဘၣ်တဘီန့ၣ်သါသဖှိထီၣ်ဝဲဖြူၤဖြူၤ, ဒီးနၢဘၣ်တၢ်ဒုးသုးအသဝံလၢအယံၤ, ဒီးနၢ်ဟူသုးခိၣ်တဖၣ် ကိးပသူထီၣ်ဟ့ၣ်လီၤအကလုၢ်တဖၣ်န့ၣ်လီၤ.

²⁶လံာ်ဃးတဘ့ၣ်မၤလိတၢ်လၢနအိၣ်ဒ်သိးကယူၤဒ်လဲၣ်, ဖဲအသလၣ်ထီၣ်အဒံးဆ့တဖၣ်ဒီးကွၢ်ဃီၤတၢ်လိၤလိၤဆူကလံၤ ထံး, န့ၣ်ဧါ.

²⁷လံာ်ကြီကြာ်တဘ့ၣ်, မ့ၢ်အခိးနတၢ်မၤလိာ်ဖဲအကမၤထီၣ် အသွံထီထီလၢကစၢၢ်တဖၣ်အကျါန့ၣ်ဧါ.

²⁸မၤအဟံၣ်လၢလ့အထီကတၢၢ်တဖၣ်အဖီခိၣ်, ဒီးဒုးကဲထီၣ်ကစၢၢ် အစိခိၣ်တဖၣ်လၢအတိာ်ဧိၤတာ်ဧိၤလီၤ.

²⁹ဖဲန့ၣ်ခိးကွၢ်ဝဲဆူတၢ်လီၢ်အဘူးဒီးအယံၤဒ်သိးကမၤသံတၢ်တ မံၤမံၤဒီးကအီၣ်ဝဲအဂီၢ်လီၤ.

³⁰လံာ်ကြီကြာ်တဖၣ်ပာ်ဖှိၣ်အသးဝးတရံးတၢ်သံစိၣ်တဖၣ်ဒီးလံာ် ကြီကြာ်ဖိတဖၣ်အီဝဲတၢ်သွံၣ်လီၤ.