Read S'gaw Karen လံာ်စီၤယိၤဘး 40 Bible Online

လံာ်စီၤယိၤဘး 40 - S'gaw Karen bible

လံာ်စီၤယိၤဘး 40

¹ဒီးယွၤကတိၤဒံးတၢ်ဒီးစီၤယိၤဘးဒီးစံးဝဲဒၣ်, နတၤတၢ်ဒီးသ့တၢ်လၢာ်ကစၢ်ယွၤလီၤ. နကဆိကတီၢ်ကွံာ်ခဲအံၤဧါ. မ့တမ့ၢ်နကစံးဆၢတၢ်ဧါ.

³ဒီးစီၤယိၤဘးစံးဆၢယွၤ, ယွၤဧၢ, ယစံးကတိၤတ့ၢ်တၢ်ဒ်ပှၤဟးဂီၤဖိအသိးလီၤ. ယစံးဆၢမနုၤကသ့လဲၣ်. ယတဂုာ်ကျဲးစၢးစံးဆၢလၢၤတၢ် နီတမံၤဘၣ်.

⁵ယစံးတ့ၢ်တၢ်အါန့ၢ်ဒံးတၢ်လၢယကြၢးစံးယဲဒၣ်န့ၣ်လီၤ.

⁶ယွၤစံးဘၣ်ကဒီးစီၤယိၤဘးလၢကလံၤသဝံးအပူၤန့ၣ်လီၤ.

⁷ယွၤစံးဝဲဒၣ်, ဂဲၤဆၢထၢၣ်ခဲအံၤဒ်ပိာ်ခွါတဂၤအသိးဒီးစံးဆၢ ယတၢ်သံကွၢ်တဖၣ်တက့ၢ်.

⁸နကမၤကဒံကဒါယတၢ်စံၣ်ညီၣ်ဧါ. နကပာ်တၢ်ကမၣ်လၢယ လိၤဒီးပာ်တီပာ်လိၤနသးဧါ.

⁹နဂံၢ်နဘါကဆူၣ်ဒ်ယၤအသိးဧါ. နမၤသီၣ်နကလုၢ်လီၤဂာ်ဒီး ယၤဒီးလီသီၣ်ဖးဒိၣ်အသိးသ့ဧါ.

¹⁰မ့ၢ်သ့ဝဲဒီးဆၢထၢၣ်လၢနမံၤလၤသၣ်ကပီၤဒီးတၢ်ပာ်ဒိၣ်ပာ် ထီနသး, သိးထီၣ်တၢ်ကဟုကညီၣ်ဒီးတၢ်လၤတၢ်ကပီၤတက့ၢ်.

¹¹ကွၢ်ပှၤတဖၣ်လၢအပာ်ထီၣ်ထီအသးန့ၣ်တက့ၢ်. ဂၢ်လီၤနတၢ်သးထီၣ်ဆူၣ်ဆူၣ်ကလဲာ်, ဒီးဆီၣ်လီၤကွံာ်အဝဲသ့ၣ် တက့ၢ်.

¹²မ့ၢ်လံ. ကွၢ်အဝဲသ့ၣ်ဒီးတ့ၢ်လီၤကွံာ်အီၤလၢအလီၢ်တက့ၢ်. ယီၢ်တံၢ်ပှၤတတီတလိၤဖဲအဝဲသ့ၣ်ဆၢထၢၣ်အလီၢ်န့ၣ်တက့ၢ်.

¹³ခူၣ်လီၤကွံာ်အီၤခဲလၢာ်လၢဟီၣ်ခိၣ်လာ်ဒီးစၢဃာ်အဝဲသ့ၣ်လၢ တၢ်သံအကီၢ်ပူၤတက့ၢ်.

¹⁴တုၤနုၤတစုယကမ့ၢ်ပှၤအဆိကတၢၢ်တဂၤလၢအစံးထီၣ်ပတြၢၤ နၤဒီးအၢၣ်လီၤလၢနစုထွဲဒၣ်နဲဟ့ၣ်နၤတၢ်မၤနၢၤလီၤ.

¹⁵ကွၢ်ကသ့ၣ်ထံလၢယတ့အီၤဒ်ယတ့နၤအသိးတက့ၢ်. အီၣ်ဝဲတပံၢ်တမါဒ်ဂီၤဖံးအသိး,

¹⁶ဘၣ်ဆၣ်ဒီးအဂံၢ်အဘါအိၣ်လၢအယီၢ်ဒ့ဒီးတၢ်ဂံၢ်ဆူၣ်ဘါ ဆူၣ်အိၣ်လၢအဟၢဖၢအထူၣ်အပျၢ်အပူၤလီၤ.

¹⁷မၤဆှုိၣ်ထီၣ်အမဲၢ်ဒ်သ့ၣ်ဆှိးအ့ရ့းအသိးဒီးအကံၣ်ဒုၣ်အထူၣ် တဖၣ်ဘံပကံလိာ်အသးလီၤ.

¹⁸အဃံအကွဲတဖၣ်ဆူၣ်ထီၣ်ဝဲဒ်တိၢ်ဘီအပီၤတဖၣ်အသိး ဒီးအခီၣ်တဖၣ်လီၤဂာ်ဒ်ထးဘိတဖၣ်အသိးန့ၣ်လီၤ.

¹⁹ကယဲၢ်ယတၢ်ဘၣ်တ့ခဲလၢာ်အကျါန့ၣ်မ့ၢ်အလီၤလးကတၢၢ် လီၤ. ထဲအတၢ်ဘၣ်တ့ကစၢ်တဂၤဧိၤန့ၣ်မၤနၢၤအီၤသ့လီၤ.

²⁰တပံၢ်တမါမဲထီၣ်လၢကစၢၢ်ကလိတဖၣ်ဖဲဆၣ်ဖိကီၢ်ဖိအမံၤ တဖၣ်လိာ်ကွဲဝဲအလီၢ်န့ၣ်လီၤ.

²¹မံလီၤဝဲလၢတပှီာ်မးတီၢ်မံၤတဖၣ်အဖီလာ်, လၢတပိၢ်တဖၣ်အကျါ, ဒီးလၢကပျၢၤပူၤလီၤ.

²²တပှီာ်မးတီၢ်မံၤဒီးပံၢ်သလီတဖၣ်လၢထံကျိဖိအဃၢၤကျၢၢ်ဘၢ အီၤဝးတရံးလီၤ.

²³ထံကျိယွၤလီၤဆူၣ်ဆူၣ်န့ၣ်တပျံၤဝဲဘၣ်. ထံကျိယၢ်ဒ့ၣ်မ့ၢ် ဟဲသဖှိဆူအမဲာ်ဒၣ်လဲာ်အိၣ်ဂၢၢ်တပၢၢ်လီၤ.

²⁴မတၤမၤဘျီၣ်အမဲာ်ချံဒီးဖီၣ်န့ၢ်အီၤကသ့လဲၣ်. နဒိးအီၤလၢထုဒီးတုၢ်အနါဒ့ကသ့ဧါ.