Read S'gaw Karen လံာ်စီၤယိၤဘး 41 Bible Online

လံာ်စီၤယိၤဘး 41 - S'gaw Karen bible

လံာ်စီၤယိၤဘး 41

¹နထုးထီၣ်သမၣ်လၢတခွဲဘိမ့ၢ်ဂ့ၤ, စၢအပျ့ၤလၢပျံၤတဘိမ့ၢ် ဂ့ၤဘၣ်ကသ့ဧါ.

²နတုၢ်အနါဒ့လၢပျံၤတဘိမ့ၢ်ဂ့ၤ, ဘျးအခၣ်လၢနီၣ်ကွးမ့ၢ်ဂ့ၤ ဘၣ်ကသ့ဧါ.

³ကဃ့ကညးနၤလၢနကပျဲအီၤဧါ. ကဃ့ကညးနၤလၢနကသး ကညီၤအီၤအဂီၢ်ဧါ.

⁴ကအၢၣ်လီၤအီလီၤတၢ်ဒီးနၤဒီးအၢၣ်လီၤအသးလၢကမၤ နတၢ်တစိၤသးဧါ.

⁵နကစၢဃာ်အီၤဒ်ထိၣ်တဘ့ၣ်လၢနအဲၣ်အီၤ, ဒ်တၢ်တမံၤမံၤ လၢကမၤသးဖှံနကုၢ်ပိာ်မုၣ်တဖၣ်အဂီၢ်ဧါ.

⁶ပှၤမၤညၣ်ဖိကလိာ်တၢ်အပှ့ၤလၢအဖီခိၣ်ဧါ. ဒီးပှၤကၤတၢ်ဖိ တဖၣ်ကနီၤဖးအီၤဒ်သိးကဆါအီၤအဂီၢ်ဧါ.

⁷နဆဲးဖျိအဖံးလၢဘီဆဲးညၣ်တဖၣ်မ့ၢ်ဂ့ၤ, ဆဲးထူၣ်ဖျိအခိၣ်လၢ နီၣ်ဆဲးတဖၣ်မ့ၢ်ဂ့ၤ, ကသ့ဧါ.

⁸ထိးကွၢ်အီၤတဘျီဒီးနတကျဲးစၢးမၤလၢၤတၢ်အံၤနီတစုလၢၤ ဘၣ်. နတသးပ့ၤနီၣ်နဒုးတၢ်ဒီးအီၤနီတစုလၢၤဘၣ်.

⁹ကွၢ်ကွၢ်, ပှၤတဂၤလၢ်လၢ်လၢအထံၣ်သမၣ်န့ၣ်အတၢ်သးဒူ လီၤမၢ်ကွံာ်ဝဲဒီးလီၤဃံၤဝဲဆူဟီၣ်ခိၣ်လိၤန့ၣ်လီၤ.

¹⁰ဖဲအဘၣ်တၢ်ထိၣ်ဂဲၤထီၣ်အီၤန့ၣ်, အၢထီၣ်သီထီၣ်ဝဲဒိၣ်ဒိၣ်ကလဲာ် ဒီးပှၤဆၢထၢၣ်လၢအမဲာ်ညါဘူၣ်တအိၣ်နီတဂၤဘၣ်.

¹¹မတၤထီဒါအီၤဒီးပူၤဖျဲးကသ့ဒံးတဂၤလဲၣ်. ပှၤတအိၣ်ဘၣ်နီ တဂၤလၢဟီၣ်ခိၣ်ချၢဒီဘ့ၣ်ညါဒ်သိးအမၤတၢ်အံၤကသ့န့ၣ်ဘၣ်.

¹²ပျဲယတဲဘၣ်နၤဘၣ်ဃးသမၣ်အစုအခီၣ်တဖၣ်အဂ့ၢ်ဒီးပာ်ဖျါ ထီၣ်အဒိၣ်ဝဲဆူၣ်ဝဲထဲလဲၣ်န့ၣ်တက့ၢ်.

¹³ပှၤအုၣ်ကွံာ်အဖံးမ့ၢ်ဂ့ၤ, ဖှီယာ်ကွံာ်အမဲခံဂ့ၢ်မ့ၢ်ဂ့ၤ, တန့ၢ်ဘၣ် နီတဂၤဘၣ်.

¹⁴မတၤအိးထီၣ်အခၣ်ဃံလၢအပှဲၤဒီးအမဲလီၤပျံၤလီၤဖုးတဖၣ် ဘူၣ်တဂၤလဲၣ်.

¹⁵အချၢဃံဘၣ်တၢ်ကးဘၢအီၤလၢအသဒံၣ်အကျိၤတဖၣ်ဒီးစဲ ဘူးတံၢ်အသးဒီးကိၤဒ်လၢၢ်အသိးလီၤ.

¹⁶တဘ့ၣ်ဒီးတဘ့ၣ်စဲဘူးတံၢ်အသးတုၤဒၣ်လဲာ်ကလံၤဟဲနုာ်လၢ အကဆူးတပၢၢ်ဘၣ်.

¹⁷အဝဲသ့ၣ်ခဲလၢာ်စဲဘူးတံၢ်လိာ်အသးကျၢၤကျၢၤဂ့ၤမးတုၤ ဒၣ်လဲာ်တၢ်လၢအထုးလီၤဖှၣ်ကွံာ်အီၤကသ့န့ၣ်တအိၣ်ဘၣ်နီ တမံၤဘၣ်.

¹⁸တုၤအဆဲဝဲဒီးတၢ်ကပီၤထီၣ်, ဒီးအမဲာ်ချံတဖၣ်ဂီၤဝဲဒ်မုၢ်ထီၣ် အယဲၤအသိးလီၤ.

¹⁹မ့ၣ်အူလၣ်ကပျီၤထီၣ်ဒီးမ့ၣ်အူဖီပ့ၢ်ထီၣ်လၢအထးခိၣ်လီၤ.

²⁰မ့ၣ်အူလုၢ်ခုၣ်ထီၣ်လၢအနါဒ့လီၤဂာ်ဒ်မ့ၣ်အူလုၢ်ဟးထီၣ် လၢတပိၢ်ဘိတဖၣ်အပူၤ, လၢသပၢၤကလာ်ထီၣ်တဖျၢၣ်အဖီလာ် အသိးလီၤ.

²¹အတၢ်သါဆိၣ်ကဲၤထီၣ်မ့ၣ်အူကဖးဒီးမ့ၣ်အူလၣ်ဟဲထီၣ်လၢအ ထးခိၣ်လီၤ.

²²အကိာ်အဂံၢ်အဘါဆူၣ်ဝဲတုၤဒၣ်လဲာ်ကယဲၢ်ပှၤလၢအဘၣ် သဂၢၢ်ဒီးအီၤန့ၣ်ပျံၤတၢ်ဖုးတၢ်လီၤ.

²³အညၣ်ကဘျံးတဖၣ်စဲဘူးတံၢ်လိာ်အသးဃံးမးလၢအလိၤ ဒီးတဟူးတဝးဘၣ်.

²⁴အသးကိၤဝဲဒ်လၢၢ်တဖျၢၣ်အသိး, ဒီးကိၤဝဲဒ်ဆၢၣ်ဂူာ်အဖီ လာ်တဖျၢၣ်အသိးန့ၣ်လီၤ.

²⁵တုၤအထိၣ်ဂဲၤထီၣ်အသးဒီးပှၤအဆူၣ်ကတၢၢ်တဖၣ်ဒၣ်လဲာ်ပျံၤ တၢ်, အဝဲသ့ၣ်ပျံၤတၢ်လၢတၢ်မၤစၢၤလီၤသးတသ့ဘၣ်အပူၤလီၤ.

²⁶နးလၢအကမၤဆါအီၤမ့ၢ်ဂ့ၤ, ဘီမ့ၢ်ဂ့ၤ, ပျၢ်မ့ၢ်ဂ့ၤ, စုကဝဲၤအဂၤလၢကမၤဘၣ်ဒိအီၤမ့ၢ်ဂ့ၤတအိၣ်ဘၣ်နီတမံၤဘၣ်.

²⁷ထးန့ၣ်မၤအသးဒ်ဘုလီၢ်အသိး, ဒီးတိၢ်ဘီန့ၣ်ဒ်သ့ၣ်လၢအကျၣ် အသိးလၢအဂီၢ်လီၤ.

²⁸ပျၢ်လၢအကဒုးဃ့ၢ်အီၤကသ့တအိၣ်ဘၣ်. လၢၢ်လၢတၢ်ကွံာ် အီၤန့ၣ်လီၤဂာ်ဒ်ဘုလီၢ်ကမူၣ်အသိးန့ၣ်လီၤ.

²⁹ပာ်နီၣ်တီၢ်လၢလီၢ်ဧိၤဒံးဧိၤ, ဒီးနံၤဘၣ်ဘီလၢပှၤကညီကွံာ် အီၤတဖၣ်န့ၣ်လီၤ.

³⁰အသဒံၣ်တဖၣ်လၢအဟၢဖၢကနူၤန့ၣ်လီၤဂာ်ဒ်သပၢၤက့တဖၣ် လၢအကနၣ်အ့ၣ်ဝဲအသိးဒီးမၤလီၤကလဲဟီၣ်ခိၣ်ကပံာ်ဒ်ထဲၣ်ကနၣ် တဖၣ်အသိးလီၤ.

³¹အဝဲဆှဲးဆှုပီၣ်လဲၣ်ဒ်ထံချီကလာ်ထီၣ်ဒီးဒုးဟဲထီၣ်စံၣ်ပိ လိတဖၣ်လၢအပူၤဒ်သိအသပၢၤတဖျၢၣ်အသိးလီၤ.

³²ပာ်လီၤတဲာ်ဝဲအကျိၤကဲၤကျိာ်ကလာ်ဒီးဒုးကဲထီၣ်ပီၣ်လဲၣ် ဖိဆူထံသဘှဲဝါလီၤ.

³³တၢ်ဒ်အဝဲန့ၣ်အသိးတအိၣ်ဘၣ်လၢဟီၣ်ခိၣ်ချၢဘၣ်. အဝဲမ့ၢ်တၢ်ဘၣ်တ့တမံၤလၢတၢ်ပျံၤတၢ်ဖုးတအိၣ်ဘၣ်ဒီးအီၤ နီတမံၤဘၣ်န့ၣ်လီၤ.

³⁴ကွၢ်တလီၤဆၣ်ဖိကီၢ်ဖိလၢအပာ်ထီၣ်ထီအသးဒိၣ်ကတၢၢ် တဖၣ်ဒၣ်လဲာ်, ဒီးအဝဲမ့ၢ်ဆၣ်ဖိကီၢ်ဖိအမံၤခဲလၢာ်အစီၤပၤန့ၣ် လီၤ.