Read S'gaw Karen လံာ်စီၤယိၤဘး 6 Bible Online

လံာ်စီၤယိၤဘး 6 - S'gaw Karen bible

လံာ်စီၤယိၤဘး 6

¹တုၤနုၤတစုစီၤယိၤဘးစံးဆၢဝဲဒၣ်, “ယတၢ်ကိၢ်တၢ်ဂီၤဒီးယတၢ်နးတၢ်ဖှီၣ်သ့ၣ်တဖၣ်မ့ၢ်ဘၣ် တၢ်စီၤအီၤလၢစီၤပီၢ်န့ၣ်ဒီး,

³ကဃၢဒိၣ်န့ၢ်ဒံးပီၣ်လဲၣ်အမဲးတဖၣ်တက့ၢ်န့ၣ်လီၤ. လၢတၢ်န့ၣ်အဃိယတၢ်ကတိၤတပျူာ်တပျီၤသ့ၣ်တဖၣ် တကြၢးဒုးကမၢကမၣ်သုဘၣ်.

⁴သ့တၢ်လၢာ်အကစၢ်ယွၤခးတ့ၢ်လံယၤလၢအပျၢ်တဖၣ်ဒီး အစုၣ်ထီၣ်ပှဲၤလၢယပူၤန့ၣ်လီၤ. ကစၢ်ယွၤအတၢ်မၤပျံၤမၤ ဖုးတဖၣ်ရဲၣ်လီၤအသးထီဒါယၤလီၤ.

⁵ကသ့ၣ်ယီၤမံၤသူၣ်မံသးမံဖဲအအီၣ်ဘၣ်နီၣ်ဧိၤမံၤဧိၤဒီးဂီၤ ဖံးအိၣ်ဘှီၣ်ဖဲအအီၣ်နီၣ်ဃ့န့ၣ်လီၤ.

⁶ဘၣ်ဆၣ်ဒီးတၢ်အီၣ်အဘျါလၢတအိၣ်ဒီးအံသၣ်န့ၣ်မတၤအီၣ် ကဝံၣ်လဲၣ်. လၢထိၣ်ဒံၣ်အကပိၤဝါပူၤန့ၣ်တၢ်အဝံၣ်အဘဲမနုၤ တမံၤအိၣ်လဲၣ်.

⁷တၢ်အီၣ်ဒ်န့ၣ်အသိးတဖၣ်န့ၣ်ယသးတဃ့အီၣ်ဘၣ်. ဒီးကယဲၢ်တၢ်လၢယအီၣ်ခဲလၢာ်န့ၣ်ကဲထီၣ်တၢ်ဆူးတၢ်ဆါ လၢယဂီၢ်လီၤ.

⁸ဘၣ်မနုၤလၢကစၢ်ယွၤတဟ့ၣ်ယၤတၢ်လၢယဃ့န့ၣ်လဲၣ်. ဘၣ်မနုၤလၢအဝဲတစံးဆၢယတၢ်ထုကဖၣ်န့ၣ်လဲၣ်.

⁹မ့ၢ်အသးအိၣ်ဒၣ်ထဲလၢကမၤသံယၤန့ၣ်ဧါ. ကပျၢ်စုပျၢ်ခီၣ်ဒီး ဒီၣ်တဲာ်ကွံာ်ယၤန့ၣ်ဧါ.

¹⁰ယမ့ၢ်သ့ၣ်ညါတ့ၢ်လၢကမၤဝဲဒ်န့ၣ်ဒီး, ယတၢ်နးတၢ်ဖှီၣ်မ့ၢ် ဒိၣ်ထဲလဲၣ်ဘၣ်ဆၣ်ယစံၣ်ထီၣ်လၢတၢ်သးခုအပူၤလီၤ. အဂ့ၢ်ဒ်အံၤယသ့ၣ်ညါလၢကစၢ်ယွၤန့ၣ်စီဆှံဝဲဒီးအတၢ်မၤလိာ် တဖၣ်န့ၣ်ယတထီဒါအီၤနီတစုဘၣ်.

¹¹တၢ်ဂံၢ်တၢ်ဘါမနုၤတမံၤလၢအိၣ်ဒီးယၤလၢကဒုးမူဒံးယၤဆူ ညါအဂီၢ်န့ၣ်လဲၣ်. ဖဲယတၢ်မုၢ်လၢ်တအိၣ်လၢၤဘၣ်န့ၣ်ဘၣ်မနုၤ လၢယဘၣ်အိၣ်မူဒံးဆူညါန့ၣ်လဲၣ်.

¹²မ့ၢ်ယဘၣ်တၢ်တ့ယၤလၢလၢၢ်ဧိၤလ့ဧိၤန့ၣ်ဧါ. ဒီးယနီၢ်ခိနီၢ်ခီမ့ၢ်တိာ်ဧိၤပှာ်ဧိၤန့ၣ်ဧါ.

¹³လၢယကအုၣ်က့ၤခီၣ်က့ၤလီၤယသးဒၣ်ယဲအဂီၢ်ယဂံၢ်ယဘါ တအိၣ်တ့ၢ်လၢၤနီတစဲးဘၣ်. တၢ်လီၢ်တအိၣ်ဝဲနီတပူၤဒ်သိး ယကကွၢ်ထီၣ်တၢ်လၢတၢ်မၤစၢၤအဂီၢ်န့ၣ်ဘၣ်.

¹⁴လၢ တၢ်ကီတၢ်ခဲ ဒ်သိးအံၤအပူၤန့ၣ်, ယလိၣ်ဘၣ်တံၤသကိးလၢ အသူၣ်တီသးလိၤတဖၣ်, ဖဲယညိကွံာ်ကစၢ်ယွၤမ့ၢ်ဂ့ၤ, တညိကွံာ်အီၤဘၣ်မ့ၢ်ဂ့ၤန့ၣ်လီၤ.

¹⁵မ့မ့ၢ်သုဝဲ, ယတံၤသကိးသ့ၣ်ဧၢ, သုလီယၤလီၤဂာ်ဒ်ထံကျိဖိ တဖၣ်လၢအလီၤသံးကွံာ်ဝဲဖဲတၢ်တဟဲစူၤဘၣ်အကတီၢ်န့ၣ်လီၤ.

¹⁶ထံကျိဖိတဖၣ်န့ၣ်ဘၣ်တၢ်ခဲဘၢအီၤလၢမူခိၣ်ဖီဒီးထံလီၤသ ကၤန့ၣ်လီၤ.

¹⁷ဒီးတုၤတၢ်ဟဲကိၢ်ထီၣ်အကတီၢ်န့ၣ်မူခိၣ်ဖီဒီးထံလီၤသကၤဟါ မၢ်ကွံာ်ဝဲ, ဒီးထံကျိဖိအလီၢ်တဖၣ်န့ၣ်လီၤသံးကွံာ်ဝဲဒီး ဃ့ထီကွံာ်ဝဲလီၤ.

¹⁸ပှၤလဲၤတၢ်ဖိသ့ၣ်တဖၣ်ဟးကမၣ်ကျဲလၢအတၢ်ဃုထံၣ်န့ၢ် ထံအဃိ, အဝဲသ့ၣ်ဟးဝ့ၤဝီၤဝဲဒီးသံကွံာ်ဝဲဒၣ်မဲးမုၢ်ခိၣ် န့ၣ်လီၤ.

¹⁹တ့မၤဒီးၡဘၤအပှၤလဲၤတၢ်ဖိသ့ၣ်တဖၣ်ဃုဝဲလၢတၢ်မုၢ်လၢ်အ ပူၤ,

²⁰ဘၣ်ဆၣ်အတၢ်မုၢ်လၢ်လၢာ်ကွံာ်ဝဲဖဲထံကျိဖိလၢအလီၤသံးကွံာ် အကပၤန့ၣ်လီၤ.

²¹လၢယဂီၢ်န့ၣ်သုလီၤဂာ်ထံကျိဖိဒ်န့ၣ်တဖၣ်အသိးလီၤ. သုထံၣ်ယတၢ်နးတၢ်ဖှီၣ်ဒီးသုဂုၤက့ၤဆူလီၢ်ခံလၢတၢ်ပျံၤတၢ် ဖုးအပူၤန့ၣ်လီၤ.

²²မ့ၢ်ယဃ့တ့ၢ်လံသုလၢသုကဟ့ၣ်ယၤတၢ်ဟ့ၣ်တမံၤမ့တမ့ၢ် လၢသုကဟ့ၣ်ခိၣ်ဖးလာ်ဆှိးဆူပှၤတဂၤဂၤလၢယခၢၣ်စးမ့ၢ်ဂ့ၤ,

²³တၢ်မၤပူၤဖျဲးယၤလၢဒုၣ်ဒါတနီၤအစုပူၤမ့ၢ်ဂ့ၤဒီးလၢပှၤ ပၢၤတၢ်အၢအၢသီသီတနီၤအစုပူၤမ့ၢ်ဂ့ၤန့ၣ်ဧါ.

²⁴ဂ့ၤလံ, သိၣ်လိယၤတက့ၢ်. ဒုးသ့ၣ်ညါယၤယတၢ်ကမၣ်တဖၣ်တက့ၢ်. ယကအိၣ်ဘှ့ၣ်အိၣ်ဘှီၣ်ဒီးဒိကနၣ်သုလီၤ.

²⁵တၢ်ကတိၤအတီအလိၤတဖၣ်န့ၣ်လီၤနာ်ဝဲဘၣ်ဆၣ်သုတၢ်ကတိၤ တဖၣ်န့ၣ်မ့ၢ်တၢ်ကလီကလီလီၤ.

²⁶သုဆိကမိၣ်လၢယကတိၤတၢ်ကလီကလီလၢအခီပညီတအိၣ် ဘၣ်လီၤ. ဒီးဘၣ်မနုၤလၢသုစံးဆၢယတၢ်သးဟးဂီၤအတၢ် ကတိၤတဖၣ်န့ၣ်လဲၣ်.

²⁷ဒီးသုကဖီၣ်ဒၣ်လဲာ်တၢ်ဖးလၢတၢ်မၤန့ၢ်ကုၢ်ဖိၣ်ဃဲဖိတဖၣ်အ ဂီၢ်ဒီးဆါလီၤကွံာ်သုတံၤသုသကိးတံၢ်နီၢ်တဖၣ်လၢသုကထူး ထီၣ်တီၤထီၣ်အဂီၢ်န့ၣ်လီၤ.

²⁸ကွၢ်ယမဲာ်ထံထံဆးဆးတက့ၢ်. ယတလီတၢ်ဘၣ်.

²⁹သုလဲၤတလၢကွံာ်အခၢးလံ. ဆိကတီၢ်သုတၢ်စံၣ်ညီၣ်တတီ န့ၣ်တက့ၢ်. စံးအၢစံးသီယၤတဂ့ၤ. ယအိၣ်လၢတၢ်အဘၣ် တကပၤလီၤ.

³⁰ဘၣ်ဆၣ်သုဆိကမိၣ်လၢယလီတၢ်လီၤ. သုဆိကမိၣ်လၢယနီၤ ဖးတၢ်အဘၣ်ဒီးတၢ်အကမၣ်တသ့ဘၣ်လီၤ.