Read S'gaw Karen လံာ်စီၤယိၤဘး 8 Bible Online

လံာ်စီၤယိၤဘး 8 - S'gaw Karen bible

လံာ်စီၤယိၤဘး 8

¹ဒီးပှၤၡူၤဃးဖိစီၤဘံးလဒးစံးဆၢဝဲဒၣ်, နကတိၤတၢ်, ဒီးနတဆိကတီၢ်နီတဘျီဘၣ်. တၢ်အံၤမၤသးဒ်ကလံၤမုၢ်အသိး န့ၣ်လီၤ.

³ယွၤသ့တၢ်လၢာ်ကစၢ်တမၤဒၢက့ၣ်ဒၢကူတၢ်စံၣ်ညီၣ်တီနီ တဘျီဘၣ်. အဝဲတလီၤတိၢ်နီတဘျီလၢကမၤတၢ်အဘၣ်အဂီၢ်န့ၣ်ဘၣ်.

⁴နဖိနလံၤတဖၣ်ကမၤတၢ်ဒဲးဘးထီဒါကစၢ်ယွၤသ့ၣ်သ့ၣ်အဃိ ဒီးကစၢ်ယွၤစံၣ်ညီၣ်အဝဲသ့ၣ်ဒ်အကြၢးဒိးဘၣ်တၢ်န့ၣ်လီၤ.

⁵ဘၣ်ဆၣ်ဃၣ်က့ၤနသးခဲအံၤဆူသ့တၢ်လၢာ်ကစၢ်ယွၤအအိၣ် ဒီးဃ့ကညးအီၤတက့ၢ်.

⁶နသးမ့ၢ်တီဝဲလိၤဝဲဒီးကဆှီဝဲဒၣ်န့ၣ်, ကစၢ်ယွၤကဟဲမၤစၢၤ နၤ, ဒီးကဟ့ၣ်က့ၤနဟံၣ်ဖိဃီဖိတဖၣ်ဒ်နကြၢးန့ၢ်သါတၢ် အသိးန့ၣ်လီၤ.

⁷တၢ်ထူးတၢ်တီၤခဲလၢာ်လၢအလီၤမၢ်ကွံာ်ဒီးနၤတဖၣ်န့ၣ်တမ့ၢ် လၢၤတၢ်နီတမံၤဘၣ်, ဖဲနထိၣ်သတြီၤအီၤဒီးတၢ်လၢကစၢ် ယွၤကဟ့ၣ်နၤလၢခံန့ၣ်လီၤ.

⁸ဃုထံၣ်ပှၤလၢပျၢၤတဖၣ်အတၢ်ကူၣ်သ့ဒီးဆိကမိၣ်တၢ်မ့ၢ် တၢ်တီတဖၣ်လၢပပၢ်တဖၣ်မၤလိတ့ၢ်ဝဲတက့ၢ်.

⁹ပသးအနံၣ်အလါစှၤအဃိ, ပတသ့ၣ်ညါတၢ်နီတမံၤဘၣ်. ပမုၢ်နံၤတဖၣ်လဲၤပူၤကွံာ်လၢဟီၣ်ခိၣ်အံၤဒ်တၢ်အကဒုအသိး န့ၣ်လီၤ.

¹⁰ဘၣ်ဆၣ်ဒီးပျဲပှၤကူၣ်ဘၣ်ကူၣ်သ့လၢပျၢၤသိၣ်လိနၤ, ဒီးဒိကနၣ်တၢ်လၢအဝဲသ့ၣ်ကစံးဘၣ်နၤန့ၣ်တက့ၢ်.

¹¹ဖဲတၢ်ကပျၢၤပူၤတအိၣ်ဘၣ်အလီၢ်န့ၣ်ဆှဲကိမ့ၤမဲထီၣ်ဘၣ် ကသ့ဧါ. ဒီးဖဲထံတအိၣ်ဘၣ်အလီၢ်န့ၣ်တပိၢ်မဲထီၣ်ဘၣ်ကသ့ဧါ.

¹²တုၤထံမ့ၢ်ဃ့ထီကွံာ်ဒီးအဝဲသ့ၣ်ကလီၤညွံးကွံာ်လၢညါကတၢၢ် ဒီးစၢ်ကဲာ်ဆိးလၢတၢ်ကူးအီၤဒီး သူအီၤအဂီၢ်န့ၣ်လီၤ.

¹³ပှၤလၢအတပျံၤကစၢ်ယွၤတဖၣ်န့ၣ်လီၤဂာ်ဒ်တပိၢ်တဖၣ်န့ၣ် အသိးလီၤ. တုၤအသးပ့ၤနီၣ်ကစၢ်ယွၤတဘျီဃီန့ၣ်အတၢ်မုၢ် လၢ်လၢာ်ကွံာ်ဝဲလီၤ.

¹⁴အဝဲသ့ၣ်အတၢ်သန့ၤသးအလီၢ်န့ၣ်မ့ၢ်လုၣ်တဘိလၢအမၤသး ဒ်ကပီၤလုၤအသိးန့ၣ်လီၤ.

¹⁵အဝဲသ့ၣ်မ့ၢ်သန့ၤလီၤအသးလၢကပီၤလုၤန့ၣ်ဒီးမ့ၢ်အဟံးဃာ် အီၤကကျၢၤစ့ၢ်ဧါ. အဝဲသ့ၣ်မ့ၢ်စှီၤဃာ်လုၣ်တဘိန့ၣ်ဒီးမ့ၢ် အကမၤစၢၤအဝဲသ့ၣ်န့ၣ်ဧါ.

¹⁶ပှၤတတီတလိၤတဖၣ်မဲထီၣ်ဒ်နီၣ်ဧိၤမံၤဧိၤအသိးလၢမုၢ်ဆါဒီး ရၤလီၤအသးလၢတၤသၣ်အလီၢ်အပူၤဒ်နီၣ်ဧိၤမံၤဧိၤန့ၣ်လီၤ.

¹⁷အဂံၢ်တဖၣ်ဘံဝးတရံးလၢၢ်သ့ၣ်တဖၣ်ဒီးဟံးဃာ်ကျၢၤလၢၢ် ကိးဖျၢၣ်ဒဲးန့ၣ်လီၤ.

¹⁸ဘၣ်ဆၣ်ထဲးထီၣ်ကွံာ်အီၤတက့ၢ်. အိၣ်တ့ၢ်ဝဲဖဲန့ၣ်န့ၣ်, ပှၤတသ့ၣ်ညါဘၣ်နီတဂၤဘၣ်.

¹⁹တၢ်န့ၣ်မ့ၢ်တၢ်သးခုခဲလၢာ်လၢအအိၣ်ဒီးပှၤတတီတလိၤ တဖၣ်န့ၣ်လီၤ. ပှၤအဂၤတဖၣ်ဟဲခဲအံၤဒီးဟံးန့ၢ်ကွံာ်အလီၢ်န့ၣ် လီၤ.

²⁰မ့မ့ၢ်ကစၢ်ယွၤတညိကွံာ်ပှၤလၢအသူၣ်တီအသးလိၤန့ၣ်ဘၣ်, ဒီးတမၤစၢၤပှၤတတီတလိၤနီတဘျီဘၣ်.

²¹အဝဲကမၤပှဲၤနကိာ်ပူၤဒီးတၢ်နံၤတၢ်အ့, ဒီးပျဲနကိးထီၣ် ကဒီးလၢတၢ်သူၣ်ခုသးခုအပူၤန့ၣ်လီၤ.

²²ဘၣ်ဆၣ်အဝဲကဟဲစိာ်တၢ်မဲာ်ဆှးဆူပှၤလၢအသးဟ့နၤဒီး ပှၤတတီတလိၤအဟံၣ်တဖၣ်န့ၣ်လီၤမၢ်ကွံာ်ဝဲဒၣ်န့ၣ်လီၤ.