Read S'gaw Karen စံးထီၣ်ပတြၢၤ 11 Bible Online

စံးထီၣ်ပတြၢၤ 11 - S'gaw Karen bible

စံးထီၣ်ပတြၢၤ 11

¹ယသန့ၤယသးလၢယွၤလၢတၢ်ပူၤဖျဲးအဂီၢ်န့ၣ်လီၤ. နမ့ၢ်မးပှၤဟးဂီၤဖိဖဲနစံးဘၣ်ယၤ, “ယူၤကွံာ်ဒ်ထိၣ်တဘ့ၣ်အသိးဆူကစၢၢ်န့ၣ်တက့ၢ်.

²ကွၢ်, ပှၤအၢပှၤသီတဖၣ်ဖ့ၣ်ထီၣ်အချံၣ်, ပညိၣ်ဃီၤအပျၢ်တဖၣ်အခိၣ်လၢချံၣ်အလိၤ, ဒီးခိးခူသူၣ်တၢ်ဒ်သိးကခး ပှၤအသူၣ်လိၤသးဘျၢန့ၣ်လီၤ.

³တၢ်အခီၣ်ထံးသ့ၣ်တဖၣ်မ့ၢ်ဟးဂီၤကွံာ်ဒီး ပှၤအတီအလိၤမၤတၢ်မနုၤကသ့န့ၣ်လဲၣ်.

⁴ယွၤအိၣ်ဝဲလၢအတၢ်လုၢ်ဟံၣ်စီဆှံအပူၤ, အိၣ်ဒီးအလီၢ်ပစိာ်လၢမူခိၣ်လီၤ. အဝဲကွၢ်လီၤဝဲပှၤဟီၣ်ခိၣ်ဖိခဲလၢာ် ဒီးကွၢ်ထံကွၢ်ဆးအတၢ်မၤတဖၣ်န့ၣ်လီၤ.

⁵ယွၤမၤကွၢ်ပှၤအတီအလိၤဒီးပှၤအၢပှၤသီဒ်သိးသိး, ဒီးအဝဲသးဟ့ပှၤလၢအအဲၣ် တၢ်စုဆူၣ်ခီၣ်တကးန့ၣ်လၢာ်သူၣ်လၢာ်သးလီၤ.

⁶အဝဲဒုးဟဲစူၤလီၤဝဲမ့ၣ်အူအ့ၣ်ဒီးကးလၢ အကဲၤကပျီၤလၢပှၤအၢပှၤသီအဖီခိၣ် ဒီးသိၣ်ဃီၣ်အဝဲသ့ၣ်လၢ ကလံၤမုၢ်ကိၢ်လၢအအီၣ်တၢ်န့ၣ်လီၤ.

⁷အဂ့ၢ်ဒ်အံၤ, ယွၤန့ၣ်တီဝဲလိၤဝဲ ဒီးအဲၣ်တၢ်တီတၢ်လိၤအတၢ်မၤတဖၣ် ဒီးပှၤအသူၣ်လိၤအသးဘျၢတဖၣ်န့ၣ် ကထံၣ်ဘၣ်ယွၤအမဲာ်လီၤ.