Read S'gaw Karen စံးထီၣ်ပတြၢၤ 124 Bible Online

စံးထီၣ်ပတြၢၤ 124 - S'gaw Karen bible

စံးထီၣ်ပတြၢၤ 124

¹မ့တမ့ၢ်ဘၣ်လၢယွၤအိၣ်ဒီးပှၤဘၣ်န့ၣ်ဒီး တၢ်ကမၤအသးဒ်လဲၣ် အံၣ်စရ့လးဧၢ, စံးဆၢတက့ၢ်.

²“မ့တမ့ၢ်ဘၣ်လၢယွၤအိၣ်ဒီးပှၤဘၣ်န့ၣ်ဒီး တုၤပဒုၣ်ပဒါတဖၣ်ဂဲၤဆၢထၢၣ်ထီဒါပှၤန့ၣ်,

³အဝဲသ့ၣ်ကယူၢ်လီၤကွံာ်မူဒံးပှၤ လၢအဝဲသ့ၣ်အတၢ်သးကဲၤထီၣ်ထီဒါပှၤအပူၤ,

⁴ဒီးထံဒိၣ်ထီၣ်ကစိာ်ကွံာ်ပှၤ ဒီးထံကလုၣ်ဘၢပှၤ,

⁵ထံဒိၣ်ဖုးလၢအဟဲယွၤလီၤဆူၣ် ကမၤလီၤအုးသံကွံာ်ပှၤလီၤ.”

⁶မ်ပစံးဘျုးယွၤလၢအတပျဲပဒုၣ်ပဒါသ့ၣ်တဖၣ် မၤနၢၤပှၤအဃိန့ၣ်တက့ၢ်.

⁷ပထူၣ်ဖျဲးလံဒ်ထိၣ်တဘ့ၣ်လၢ ပှၤဖီၣ်ထိၣ်အပျံၤသကွီၤအပူၤအသိးန့ၣ်လီၤ. ပျံၤသကွီၤတဲာ်ကွံာ်လံ, ဒီးပဝဲဒၣ်အံၤပထူၣ်ဖျဲးတ့ၢ်လံ.

⁸တၢ်မၤစၢၤပှၤအိၣ်ဝဲလၢယွၤလၢအတ့လီၤမူခိၣ်ဒီး ဟီၣ်ခိၣ်တဂၤန့ၣ်အမံၤအပူၤလီၤ.