Read S'gaw Karen စံးထီၣ်ပတြၢၤ 125 Bible Online

စံးထီၣ်ပတြၢၤ 125 - S'gaw Karen bible

စံးထီၣ်ပတြၢၤ 125

¹ပှၤလၢအသန့ၤအသးလၢယွၤန့ၣ် မၤအသးဒ်ကစၢၢ်စံယိၣ်အသိးန့ၣ်လီၤ. တဟူးတဝးဘၣ်ဝဲဘၣ်, ဒီးအိၣ်ဝဲဆိးဝဲလီၤထူလီၤယိာ်လီၤ.

²ဒ်ကစၢၢ်ကလိတဖၣ်အိၣ်ဝးတရံး ယရူၤၡလ့ၣ်အသိးန့ၣ်, ယွၤအိၣ်ဝးတရံးအပှၤဂီၢ်မုၢ် တုၤအံၤဆူညါအစိၤစိၤအဃၣ်ဃၣ်လီၤ.

³ပှၤအအၢအသီတဖၣ်တပၢဘၣ်ပှၤအတီအလိၤ အလီၢ်အိၣ်လီၢ်ဆိးထီဘိဘၣ်. အဝဲသ့ၣ်မ့ၢ်ပၢဘၣ်ဝဲဒီး ပှၤတီပှၤလိၤတဖၣ် ကမၤတၢ်အၢတၢ်သီလၢအကစၢ်ဒၣ်ဝဲလီၤ.

⁴ယွၤဧၢ, မၤဂ့ၤပှၤအဂ့ၤအဝါ, ဒီးပှၤလၢအသးတီဝဲလိၤဝဲတဖၣ်န့ၣ်တက့ၢ်.

⁵မ့မ့ၢ်ပှၤလၢ ပိာ်ကျဲအက့ၣ်အကူတဖၣ်န့ၣ် ယွၤကဟီထီၣ်ကွံာ်အီၤဃုာ်ဒီး ပှၤမၤတၢ်အၢန့ၣ်လီၤ. မ်တၢ်ဃူတၢ်ဖိးအိၣ်လၢအံၣ်စရ့လးအပူၤတက့ၢ်.