Read S'gaw Karen စံးထီၣ်ပတြၢၤ 150 Bible Online

စံးထီၣ်ပတြၢၤ 150 - S'gaw Karen bible

စံးထီၣ်ပတြၢၤ 150

¹စံးထီၣ်ပတြၢၤယွၤတက့ၢ်. စံးထီၣ်ပတြၢၤကစၢ်ယွၤလၢ အလီၢ်စီဆှံအပူၤန့ၣ်တက့ၢ်. စံးထီၣ်ပတြၢၤအီၤလၢအစိအကမီၤ အမူကပိာ်လိၤအပူၤန့ၣ်တက့ၢ်.

²စံးထီၣ်ပတြၢၤအီၤလၢတၢ်မၤဖးဒိၣ်တဖၣ်လၢ အမၤတ့ၢ်ဝဲအဃိန့ၣ်တက့ၢ်. စံးထီၣ်ပတြၢၤအတၢ်ဒိၣ်တၢ်ထီကတၢၢ် န့ၣ်တက့ၢ်.

³စံးထီၣ်ပတြၢၤအီၤလၢကွဲၤအသီၣ်န့ၣ်တက့ၢ်. စံးထီၣ်ပတြၢၤအီၤလၢသီတူၢ်ဒီးတနၢ်တက့ၢ်.

⁴စံးထီၣ်ပတြၢၤအီၤလၢဒၢ, ဒီးတၢ်ဂဲၤကလံၣ်တက့ၢ်. စံးထီၣ်ပတြၢၤအီၤလၢတၢ်လၢပှၤဒ့ဝဲဒီး တၢ်လၢပှၤအူဝဲန့ၣ်တက့ၢ်.

⁵စံးထီၣ်ပတြၢၤအီၤလၢစှၢၢ်စှံးအသီၣ်ထီၣ်မုာ်တက့ၢ်. စံးထီၣ်ပတြၢၤအီၤလၢစှၢၢ်စှံးလၢ အသီၣ်ဒိၣ်န့ၣ်တက့ၢ်.

⁶မ်အတၢ်ဘၣ်တ့လၢအမူခဲလၢာ်စံးထီၣ်ပတြၢၤယွၤတက့ၢ်. စံးထီၣ်ပတြၢၤယွၤတက့ၢ်.