Read S'gaw Karen စံးထီၣ်ပတြၢၤ 17 Bible Online

စံးထီၣ်ပတြၢၤ 17 - S'gaw Karen bible

စံးထီၣ်ပတြၢၤ 17

¹ယွၤဧၢ, ဒိကနၣ်ယတၢ်ဃ့ကညးလၢ တၢ်တီတၢ်လိၤအဂီၢ်န့ၣ်တက့ၢ်. ဒိကနၣ်ယတၢ်ကိးထီၣ်လၢ တၢ်မၤစၢၤအဂီၢ်န့ၣ်တက့ၢ်. ဒိကနၣ်ယတၢ်ထုကဖၣ်အတီအလိၤန့ၣ်တက့ၢ်.

²နကစံၣ်ညီၣ်တီန့ၢ်တၢ်လၢယဂီၢ် အဂ့ၢ်မ့ၢ်လၢနသ့ၣ်ညါတၢ်မ့ၢ်တၢ်တီအဃိလီၤ.

³နသ့ၣ်ညါယသးလီၤ. နဟဲတ့ၢ်ဆူယအိၣ်လၢမုၢ်နၤ, နမၤကွၢ်တ့ၢ်ယၤလၢာ်လၢာ်ဆ့ဆ့ ဒီးတထံၣ်န့ၢ် တၢ်ဆၢမၤတၢ်အၢတၢ်သီလၢယပူၤဘၣ်.

⁴ယတကတိၤတၢ်အၢတၢ်သီ, ဒ်ပှၤဂၤစံးကတိၤအသိးန့ၣ်ဘၣ်. ယဒိကနၣ်တ့ၢ်နတၢ်မၤလိာ် ဒီးတလူၤပိာ်ထွဲယဲ တၢ်စုဆူၣ်ခီၣ်တကးအကျဲန့ၣ်ဘၣ်.

⁵ယလဲၤတ့ၢ်တၢ်လၢနကျဲအပူၤထီဘိ ဒီးယတဟးဖးဒီးအီၤနီတဘျီဘၣ်.

⁶ယကိးထီၣ်နၤ, ကစၢ်ယွၤဧၢ, အဂ့ၢ်မ့ၢ်လၢနစံးဆၢယၤအဃိလီၤ. ဒိးနနၢ်လၢယၤဒီးဒိကနၣ် ယတၢ်ကတိၤတဖၣ်တက့ၢ်.

⁷ပာ်ဖျါထီၣ်နတၢ်အဲၣ်လီၤလးဒီးမၤပူၤမၤဖျဲးယၤတက့ၢ်. တၢ်ပူၤဖျဲးဒီးဒုၣ်ဒါ, အိၣ်ဝဲလၢနစုထွဲန့ၣ်လီၤ.

⁸ကဟုကယာ်ယၤဒ်နမဲာ်ပှၤဖိအသိးန့ၣ်တက့ၢ်. ပာ်ခူသူၣ်ယၤလၢနဒံးဆ့အကဒုဖီလာ်,

⁹လၢပှၤတတီတလိၤအတၢ်ထီဒါယၤ, လၢယဒုၣ်ယဒါလၢအအဲၣ်ဒိးမၤသံယၤ အတၢ်ကဝီၤဃာ်ယၤန့ၣ်တက့ၢ်.

¹⁰အဝဲသ့ၣ်တအိၣ်ဒီးတၢ်သးကညီၤတၢ်ဘၣ်, ဒီးကတိၤတၢ်လၢတၢ်ပာ်ထီၣ်ထီသးအပူၤလီၤ.

¹¹ဖဲယဃၣ်ဃီၤယသးတပူၤလၢ်လၢ်န့ၣ် အဝဲသ့ၣ်အိၣ်ဝးတရံးယၤ, ကွၢ်ဟုၣ်ကွၢ်စုာ်တၢ်ခွဲးတၢ်ယာ်လၢ အကထုးလီၤဃံၤယၤလီၤ.

¹²အဝဲသ့ၣ်လီၤဂာ်ဒီးခ့ယုၢ်တဖၣ်လၢအခိးကွၢ်ယၤ လၢအကဖှီယာ်ယၤန့ၣ်လီၤ.

¹³ဂဲၤထၢၣ်, ယွၤဧၢ, ကွၢ်ဆၢၣ်မဲာ်ယဒုၣ်ယဒါတဖၣ်ဒီး, မၤနၢၤအဝဲသ့ၣ်န့ၣ်တက့ၢ်. မၤပူၤမၤဖျဲးယၤလၢပှၤတတီတလိၤသ့ၣ်တဖၣ်န့ၣ် လၢနနးန့ၣ်တက့ၢ်.

¹⁴ယွၤဧၢ, လၢနစုန့ၣ် မၤပူၤမၤဖျဲးယၤလၢပှၤဒ်သိးန့ၣ်တဖၣ် လၢအတၢ်အိၣ်မူအံၤ အတၢ်ကဲဘျုးမ့ၢ်ဒၣ်ဖဲ ဟီၣ်ခိၣ်အံၤန့ၣ်တက့ၢ်. စံၣ်ညီၣ်အဝဲသ့ၣ်လၢတၢ်နးတၢ်ဖှီၣ်တဖၣ် လၢနပာ်ဖှိၣ်တ့ၢ်လၢအဂီၢ်, ဒီးမ်ကလၢဝဲလၢ အဖိတဖၣ်အဂီၢ် ဒီးအိၣ်လီၤတဲာ်ဒံးတနီၤလၢ အဖိတဖၣ်အဖိအဂီၢ်န့ၣ်တက့ၢ်.

¹⁵မ့မ့ၢ်ယဲဒၣ်အံၤယကထံၣ်ဘၣ်နၤ, မ့ၢ်လၢယတမၤကမၣ်တ့ၢ်တၢ်အဃိ, ဒီးဖဲယပၢၢ်ထီၣ်န့ၣ်ယကပှဲၤဒီးတၢ်သးခု မ့ၢ်လၢနအိၣ်ဒီးယၤအဃိလီၤ.