Read S'gaw Karen စံးထီၣ်ပတြၢၤ 20 Bible Online

စံးထီၣ်ပတြၢၤ 20 - S'gaw Karen bible

စံးထီၣ်ပတြၢၤ 20

¹မ်ယွၤစံးဆၢနၤလၢ တၢ်မၤကိၢ်မၤဂီၤအမုၢ်တနံၤတက့ၢ်. မ်စီၤယၤကိာ်အကစၢ်ယွၤအမံၤ ကခိးတြီကွံာ်တၢ်အၢလၢနၤတက့ၢ်.

²မ်အဆှၢလီၤတၢ်မၤစၢၤနၤလၢတၢ်လီၢ်စီဆှံ ဒီးဟ့ၣ်လီၤနၤတၢ်မၤစၢၤ လၢကစၢၢ်စံယိၣ်န့ၣ်တက့ၢ်.

³မ်အသ့ၣ်နီၣ်ထီၣ်က့ၤနတၢ်မၤဘူၣ်ခဲလၢာ် ဒီးသးခုတူၢ်လိာ်နတၢ်လုၢ်မ့ၣ်အူတဖၣ်န့ၣ်တက့ၢ်. စ့လၤ

⁴မ်အဟ့ၣ်နၤလၢနသးအတၢ်ဆၢန့ၢ်, ဒီးမၤလၢပှဲၤနတၢ်ကူၣ်ထီၣ်ဖးလီၤခဲလၢာ်တက့ၢ်.

⁵ဒီးပကကိးပသူထီၣ်လၢတၢ်သးခုလၢနတၢ်မၤနၢၤအဃိ, ဒီးလၢပကစၢ်ယွၤအမံၤအပူၤ ဒီးပကဆဲးလီၤပနီၣ်တယၢ်တဖၣ်လီၤ. မ်ယွၤမၤလၢပှဲၤနတၢ်ဃ့သကွံၢ်ကညး ခဲလၢာ်တက့ၢ်.

⁶ဒီးခဲအံၤယသ့ၣ်ညါလၢယွၤဟ့ၣ်လီၤတၢ်မၤနၢၤ လၢအပှၤဒိးဖှူအသး, စံးဆၢအီၤလၢအမူခိၣ်စီဆှံ ဒီးဟ့ၣ်အီၤ တၢ်မၤနၢၤဖးဒိၣ်တဖၣ်လၢအစုထွဲန့ၣ်လီၤ.

⁷ပှၤတနီၤပာ်ကဖၢလၢအသးလၢ အလ့ၣ်ကဟၣ်ဒုးသုးတဖၣ်အပူၤ ဒီးတနီၤလၢအကသ့ၣ်တဖၣ်အဃိ, ဘၣ်ဆၣ်ပပာ်ကဖၢလၢပသးလၢ ယွၤပကစၢ်ယွၤအမံၤအဃိန့ၣ်လီၤ.

⁸ပှၤဒ်အံၤတဖၣ်အခီၣ်ကဘၣ်တိၢ်ဒီးကလီၤဃံၤဝဲ ဘၣ်ဆၣ်ပကဂဲၤထၢၣ်ဒီးဆၢထၢၣ်ဂၢၢ်ကျၢၤန့ၣ်လီၤ.

⁹ယွၤဧၢဟ့ၣ်တၢ်မၤနၢၤလၢစီၤပၤန့ၣ်တက့ၢ်. တုၤပကိးထီၣ်နၤဒီးစံးဆၢပှၤတက့ၢ်.