Read S'gaw Karen စံးထီၣ်ပတြၢၤ 43 Bible Online

စံးထီၣ်ပတြၢၤ 43 - S'gaw Karen bible

စံးထီၣ်ပတြၢၤ 43

¹ကစၢ်ယွၤဧၢ, နဲၣ်ဖျါထီၣ်လၢယတၢ်ကမၣ်တအိၣ်ဘၣ်, ဒီးဒီဒၣ်ယတၢ်ဂ့ၢ်တၢ်ကျိၤထီဒါ ပှၤတယူးတယီၣ်ယွၤန့ၣ်တက့ၢ်. မၤပူၤဖျဲးယၤလၢပှၤလီတၢ်ဒီး ပှၤအၢပှၤသီန့ၣ်တက့ၢ်.

²အဂ့ၢ်ဒ်အံၤ, နမ့ၢ်ကစၢ်ယွၤ, ယတၢ်အိၣ်တဒၢအလီၢ်န့ၣ်လီၤ. ဘၣ်မနုၤလၢနသးပ့ၤနီၣ်ယၤလဲၣ်. ဘၣ်မနုၤလၢယဘၣ်ဟီၣ်ဘၣ်ယၢၤလၢဒုၣ်ဒါ အတၢ်ဆီၣ်ဘံၣ်ဆီၣ်ဘၢယၤအဃိန့ၣ်လဲၣ်.

³ဆှၢလီၤနတၢ်ကပီၤဒီးနတၢ်မ့ၢ်တၢ်တီတက့ၢ်. မ်အဆှၢက့ၤယၤဆူစံယိၣ်, နကစၢၢ်စီဆှံ ဒီးနတၢ်လုၢ်ဟံၣ်, နအိၣ်နဆိးအလီၢ်န့ၣ်တက့ၢ်.

⁴အန့ၣ်ဒီးကစၢ်ယွၤဧၢ, ယကလဲၤဆူနတၢ်လုၢ်လီၢ်, ဆူယွၤလၢအမ့ၢ်ယတၢ်သးခုအဂံၢ်ထံး အအိၣ်န့ၣ်လီၤ. ကစၢ်ယွၤ, ယကစၢ်ယွၤဧၢ, ယကဒ့တနၢ်ဒီးသးဝံၣ်စံးထီၣ်ပတြၢၤနၤလီၤ.

⁵ယသးဧၢ, ဘၣ်မနုၤလၢနသူၣ်ကၢ်သးလီၤန့ၣ်လဲၣ်. ဘၣ်မနုၤလၢနသူၣ်ကိၢ်နသးဂီၤန့ၣ်လဲၣ်. မုၢ်လၢ်တၢ်လၢကစၢ်ယွၤအပူၤ, အဂ့ၢ်ဒ်အံၤ, ယကစံးထီၣ်ပတြၢၤကဒီးယကစၢ်ယွၤလၢ အမၤပူၤဖျဲးတ့ၢ်ယၤန့ၣ်လီၤ.