Read S'gaw Karen စံးထီၣ်ပတြၢၤ 49 Bible Online

စံးထီၣ်ပတြၢၤ 49 - S'gaw Karen bible

စံးထီၣ်ပတြၢၤ 49

¹ကနၣ်တၢ်အံၤ, ပှၤခဲလၢာ်သ့ၣ်ဧၢ, ဒိကနၣ်, ပှၤလၢလီၢ်ကိးပူၤဒဲးသ့ၣ်ဧၢ,

²ပှၤအဒိၣ်ဒီးပှၤအဆံး, ပှၤထူးတီၤဒီး ပှၤအဖှီၣ်ဖိသ့ၣ်ဧၢ, ဒိကနၣ်သကိးတက့ၢ်.

³ယထးခိၣ်ကစံးကတိၤတၢ်ကူၣ်သ့, ယသးအတၢ်ဆိကမိၣ်ကဘၣ်တၢ်နၢ်ပၢၢ်အီၤလီၤ.

⁴ယကဒိးယနၢ်ဆူတၢ်ကတိၤဒိ, ဒီးယကပာ်ဖျါထီၣ် အခီပညီဖဲယဒ့တနၢ်အဖၢမုၢ်န့ၣ်လီၤ.

⁵ယတပျံၤဘၣ်တၢ်ဖဲတၢ်ကီတၢ်ခဲအကတီၢ် ဒီးဖဲယဘၣ်တၢ်ကဝီၤဃာ်တ့ၢ်ယၤလၢ ယဒုၣ်ယဒါသ့ၣ်တဖၣ်,

⁶ပှၤလၢအနာ်န့ၢ်အတၢ်ထူးတၢ်တီၤ ဒီးပာ်ကဖိအသးလၢအတၢ်ထူးတၢ်တီၤ အဒိၣ်အအါအဃိသ့ၣ်တဖၣ်န့ၣ်ဘၣ်.

⁷ပှၤတဂၤပှ့ၤလီၤက့ၤအသးတသ့နီတဘျီဘၣ်. ဟ့ၣ်ကစၢ်ယွၤလၢအသးသမူအပှ့ၤအဂီၢ် တသ့ဘၣ်.

⁸အဂ့ၢ်ဒ်အံၤ, တၢ်အပှ့ၤလၢပှၤကညီအသးသမူ အဂီၢ်အံၤဒိၣ်ဝဲအါမးန့ၣ်လီၤ. တၢ်အပှ့ၤလၢအဟ့ၣ်ဝဲန့ၣ်တလၢပှဲၤနီတဘျီလၢ,

⁹ကတြီဃာ်အီၤလၢတၢ်သံမ့ၢ်ဂ့ၤ, ကပျဲဒုးမူအီၤလီၤစိၤမ့ၢ်ဂ့ၤန့ၣ်ဘၣ်.

¹⁰ပှၤတဂၤလၢ်လၢ်ထံၣ်သ့လၢ ပှၤကူၣ်ဘၣ်ကူၣ်သ့တဖၣ်ဒၣ်လဲာ်သံဝဲ, ဒ်သိးသိးပှၤသးတဆးဒီးပှၤသးတထံတဖၣ်စ့ၢ်ကီးန့ၣ်လီၤ. အဝဲသ့ၣ်ခဲလၢာ်ပာ်တီၢ်တ့ၢ် အတၢ်ထူးတၢ်တီၤတဖၣ်ဆူ ပှၤလီၤစၢၤလၢအဝဲသ့ၣ်တဖၣ်န့ၣ်လီၤ.

¹¹တဘျီအဝဲသ့ၣ်မ့ၢ်အိၣ်ဒီးအဟီၣ်ခိၣ်တဖၣ်ဒၣ်လဲာ်, အတၢ်သွၣ်ခိၣ်တဖၣ်မ့ၢ်အဟံၣ်အဃီလီၤစိၤဒီး, အိၣ်ဝဲဖဲန့ၣ်ကိးဆၢကိးကတီၢ်ဒဲးန့ၣ်လီၤ.

¹²ပှၤကညီတဂၤ အတၢ်ဒိၣ်တၢ်မုၢ် မၤပူၤဖျဲးအီၤလၢ တၢ်သံတသ့ဘၣ်. အဝဲကသံစ့ၢ်ကီး ဒ်သိးဆၣ်ဖိကီၢ်ဖိတဖၣ်န့ၣ်လီၤ.

¹³အဝဲအံၤမ့ၢ်တၢ်ဟဲဝံလၢ ပှၤအသးတဆးအတၢ်နာ်န့ၢ်လီၤအသးအဂီၢ်, ပှၤတဖၣ်လၢအဘၣ်သူၣ်ဘၣ်သးလၢ အတၢ်ဒိးန့ၢ်ဘၣ်န့ၣ်လီၤ. စ့လၤ

¹⁴အဝဲသ့ၣ် ကဘၣ်တၢ်စံၣ်ညီၣ်သံအီၤ ဃါမနၤဒ်သိအသိး, ဒီးတၢ်သံကမ့ၢ်အပှၤကွၢ်သိန့ၣ်လီၤ. ပှၤတီပှၤလိၤကမၤကွံာ်အီၤ, ဖဲအစိၣ်တဖၣ်ကအုၣ်ကွံာ်ချ့သဒံး လၢတၢ်သံအကီၢ်ပူၤယံၤဒီးအဟံၣ်န့ၣ်လီၤ. ပျုၤပူၤကမ့ၢ်အဟံၣ်အဃီန့ၣ်လီၤ.

¹⁵ဘၣ်ဆၣ်ကစၢ်ယွၤကပှ့ၤက့ၤယသးလၢ တၢ်သံအစိကမီၤအပူၤလီၤ. အဂ့ၢ်ဒ်အံၤကတူၢ်လိာ်ယၤလီၤ. စ့လၤ

¹⁶သူၣ်တံာ်တာ်သးတံာ်တာ်ဖဲ ပှၤတဂၤ ထူးထီၣ်တီၤထီၣ်ဒီး အတၢ်ထူးတၢ်တီၤအါဒိၣ်ထီၣ်ဝဲန့ၣ်တ ဂ့ၤ. ပျံၤတၢ်တဂ့ၤ.

¹⁷အဂ့ၢ်ဒ်အံၤ, တုၤအသံဒီးက့ၤစိာ်တၢ်တန့ၢ်နီတမံၤဘၣ်. အတၢ်ထူးတၢ်တီၤတလဲၤပိာ်ထွဲအခံဘၣ်.

¹⁸ပှၤတဂၤမ့ၢ်သးမံလီၤက့ၤအသး ဒီးဘၣ်တၢ်စံးထီၣ်ပတြၢၤအီၤလၢ အဝဲမၤတၢ်ကဲထီၣ်လိၣ်ထီၣ်ဒၣ်လဲာ်,

¹⁹ကပာ်ဖှိၣ်အသးဒီးအမိၢ်ပၢ်ဖံဖုလၢပျၢၤ တဖၣ်လၢတၢ်သံအပူၤ ဖဲတၢ်ခံးတၢ်နၤအိၣ်ဝဲထီဘိအလီၢ်န့ၣ်လီၤ.

²⁰ပှၤကညီအိၣ်ဝဲဆိးဝဲလၢ အတၢ်လၤတၢ်ကပီၤအပူၤတသ့နီတဂၤဘၣ်. အဝဲလီၤဂာ်ဒ်ဆၣ်ဖိကီၢ်ဖိလၢ အဟးဂီၤအသိးန့ၣ်လီၤ.