Read S'gaw Karen စံးထီၣ်ပတြၢၤ 54 Bible Online

စံးထီၣ်ပတြၢၤ 54 - S'gaw Karen bible

စံးထီၣ်ပတြၢၤ 54

¹ကစၢ်ယွၤဧၢ, အုၣ်က့ၤခီၣ်က့ၤယၤလၢနမံၤ ဒီးပာ်တီပာ်လိၤယၤလၢနဂံၢ်နဘါန့ၣ်တက့ၢ်.

²ကစၢ်ယွၤဧၢ, ကနၣ်ယဘါထုကဖၣ်တၢ်, ဒီးဒိးနနၢ်လၢယထးခိၣ် အတၢ်ကတိၤတဖၣ်န့ၣ်တက့ၢ်.

³အဂ့ၢ်ဒ်အံၤ, ပှၤပာ်ထီၣ်ထီအသးတဖၣ် ဂဲၤဆၢထၢၣ်ထီဒါယၤ, ပှၤမၤတၢ်အၢတဖၣ်ဃုယသးလီၤ. အဝဲသ့ၣ်တပာ်ဘၣ်ကစၢ်ယွၤလၢအမဲာ်ညါဘၣ်. စ့လၤ

⁴ကွၢ်ကွၢ်, ကစၢ်ယွၤမ့ၢ်ပှၤမၤစၢၤယၤလီၤ. ကစၢ်ယွၤအိၣ်ဝဲလၢပှၤလၢအစိာ်ထီၣ် မၤစၢၤယသးတဖၣ်အကျါလီၤ.

⁵အဝဲဟ့ၣ်ကၣ်တၢ်အၢလၢယဒုၣ်ယဒါတဖၣ်ဒီး ယွၤကမၤဟးဂီၤကွံာ်အဝဲသ့ၣ်လၢ အတၢ်သူၣ်တီသးလိၤအပူၤန့ၣ်လီၤ.

⁶ယွၤဧၢ, ယကလုၢ်ထီၣ်နၤတၢ်လုၢ်လၢတၢ်သးခုအပူၤ, ယကစံးဘျုးနၤမ့ၢ်လၢနမ့ၢ်တၢ်ဂ့ၤအဃိလီၤ.

⁷နမၤပူၤဖျဲးတ့ၢ်လံယၤလၢကယဲၢ် ယတၢ်ကိၢ်တၢ်ဂီၤခဲလၢာ်, ဒီးယမဲာ်ထံၣ်လံယဒုၣ်ယဒါတဖၣ် ဘၣ်တၢ်မၤနၢၤအီၤလံန့ၣ်လီၤ.