Read S'gaw Karen စံးထီၣ်ပတြၢၤ 58 Bible Online

စံးထီၣ်ပတြၢၤ 58 - S'gaw Karen bible

စံးထီၣ်ပတြၢၤ 58

¹မ့ၢ်သုဝဲပှၤပၢတၢ်တဖၣ်ကတိၤတၢ် မ့ၢ်တၢ်တီနီၢ်နီၢ်ကစီဒီဧါ. မ့ၢ်သုစံၣ်ညီၣ်ပှၤကိးဂၤဒဲး တီတီလိၤလိၤကစီစီဧါ.

²တမ့ၢ်ဘၣ်, သုဆိကမိၣ်ထဲတၢ်အၢလၢသုသးကံၢ်ပူၤ, သုစုဟ့ၣ်လီၤတၢ်မၤဆူၣ်လၢဟီၣ်ခိၣ်ချၢလီၤ.

³ပှၤတတီတလိၤလဲၤကမၣ်တၢ်လၢအမိၢ်ဒၢလီၢ်အပူၤ, အဝဲသ့ၣ်မၤကမၣ်တၢ်ဒီးကတိၤကဘျံးကဘျၣ် တၢ်လၢအအိၣ်ဖျဲၣ်လံၤလံၤန့ၣ်လီၤ.

⁴အဝဲသ့ၣ်အစုၣ်လီၤဂာ်ဒ် ဂုၢ်သ့ၣ်တဖၣ်လၢအအိၣ်ဒီးအစုၣ် မၤအသးလီၤဂာ်ဒီးဂုၢ်သီ လၢအနၢ်တအၢ, ဆွံတံာ်အနၢ်ပူၤ,

⁵ဒ်သိးအသုတနၢ်ဟူပှၤသ့တၢ်အူသမူအတၢ်အူ, မ့တမ့ၢ်ပှၤမၤကဒါပှၤအမဲာ်လၢ အကူၣ်တၢ်သ့အတၢ်အုၣ်ထါတဂ့ၤန့ၣ်လီၤ.

⁶ကစၢ်ယွၤဧၢ, မၤပိာ်အမဲလၢအကိာ်ပူၤန့ၣ်တက့ၢ်. ယွၤဧၢ, မၤကၢ်ကွံာ်အမဲလၢအလီၤဂာ်ဒီးခ့ ယုၢ်ဖိအမဲထွံၣ်န့ၣ်တက့ၢ်.

⁷မ်အဟါမၢ်ကွံာ်ဒ်ထံလၢအယွၤကွံာ်အသိး, ဒီးနီၣ်လၢအဘၣ်တၢ်ယီၢ်တံၢ်ဒီး ဃ့ထီၣ်ကွံာ်လၢကျဲအသိးန့ၣ်တက့ၢ်.

⁸မ်အလီၤဂာ်ဒ်ချိၣ်လၢအပှံၢ်လီၤဝဲဒီးဟါမၢ်ကွံာ်အသိး, ဒီးဒ်ဖိသၣ်လီၤလူးတဂၤအသိး မ်အသုတထံၣ်ဘၣ်မုၢ်နီတစုတဂ့ၤ.

⁹တချုးလၢအဝဲသ့ၣ် သ့ၣ်ညါဒံးတၢ်န့ၣ်ဘၣ်ဒီး, ကဘၣ်တၢ်ကျီကွံာ်အီၤဒ်နီၣ်ဧိၤမံၤဧိၤအသိး, လၢကစၢ်ယွၤအတၢ်သးကဲၤထီၣ်အပူၤန့ၣ်, အဝဲကအူဒံကွံာ်အဝဲသ့ၣ်ဖဲ အအိၣ်မူဒံးအခါ ဒၣ်လဲာ်လီၤ.

¹⁰ပှၤတီပှၤလိၤကသးခုဝဲဖဲ အထံၣ်တၢ်စံၣ်ညီၣ်ပှၤတၢ်ဒဲးဘးဖိတဖၣ်, ဒီးကသ့ကွံာ်အခီၣ်လၢပှၤတတီတလိၤအသွံၣ်အကျါန့ၣ်လီၤ.

¹¹ပှၤကစံးဝဲ, “မ့ၢ်မးခိၣ်ဖးအိၣ်လၢပှၤတီပှၤလိၤအဂီၢ်, မ့ၢ်မးကစၢ်ယွၤအိၣ်ဝဲလၢအကစံၣ်ညီၣ်တၢ်လၢ ဟီၣ်ခိၣ်ချၢန့ၣ်လီၤ.”