Read S'gaw Karen လံာ်တၢ်ကူၣ်သ့အတၢ်ကတိၤ 5 Bible Online

လံာ်တၢ်ကူၣ်သ့အတၢ်ကတိၤ 5 - S'gaw Karen bible

လံာ်တၢ်ကူၣ်သ့အတၢ်ကတိၤ 5

¹ယဖိခွါဧၢ, ပာ်သူၣ်ပာ်သးသပှၢ်ပှၢ်ဒီးဒိကနၣ်ယတၢ်ကူၣ်သ့ဒီး တၢ်ထံၣ်တၢ်လၢသးအမဲာ်အကလုၢ်န့ၣ်တက့ၢ်.

²အန့ၣ်ဒီး, နကသ့ၣ်ညါနကဘၣ်အိၣ်မူဂ့ၤဂ့ၤဘၣ်ဘၣ်ဒ်လဲၣ်ဒ်လဲၣ်, ဒီးနတၢ်ကတိၤတဖၣ်ကဒုးနဲၣ်ဝဲလၢနအိၣ်ဒီးတၢ်သ့ၣ်ညါန့ၣ်လီၤ.

³အဂ့ၢ်ဒ်အံၤ, ပှၤအဂၤတဂၤအမါအနိးဖံးတဖၣ်န့ၣ်ကဆၢဝဲဒ်ကနဲစီ အသိးဒီးအတၢ်ကတိၤတဖၣ်န့ၣ်ကဘျ့ဝဲဒ်သ့ၣ်စၤယံးအသိအသိးလီၤ.

⁴ဘၣ်ဆၣ်ဒီး, အကတၢၢ်န့ၣ်အဝဲတပာ်တီၢ်န့ၢ်နၤတၢ်နီတမံၤဘၣ်. မ့မ့ၢ်ထဲတၢ်အခၣ်ဒီးတၢ်ဆူးတၢ်ဆါန့ၣ်လီၤ.

⁵အဝဲကစိာ်လီၤနၤဆူတၢ်သံအကီၢ်ဒီးကျဲလၢအပိာ်ဝဲန့ၣ်မ့ၢ်ကျဲ ဆူတၢ်သံန့ၣ်လီၤ.

⁶အဝဲတအိၣ်လၢတၢ်မူအကျဲအဖီခိၣ်ဘၣ်. မ့မ့ၢ်ဟးဝ့ၤဝီၤယံၤထီၣ်ဝဲဒီးတသ့ၣ်ညါတၢ်မနုၤမၤအသးလဲၣ် န့ၣ်ဘၣ်.

⁷ယဖိခွါသ့ၣ်ဧၢ, ခဲကနံၣ်အံၤဒိကနၣ်ယၤဒီးသးပ့ၤနီၣ်တၢ်လၢ ယစံးဘၣ်သုနီတစုတဂ့ၤ.

⁸ဟးဆှဲးပိာ်မုၣ်ဒ်န့ၣ်အသိးတဂၤတက့ၢ်. လဲၤဘူးဒီးအတြဲၤ ကပၤဒၣ်လဲာ်တဂ့ၤ.

⁹သုမ့ၢ်မၤဒီး, ပှၤဂၤတဖၣ်ကမၤန့ၢ်တၢ်လၤကပီၤလၢတဘျီမ့ၢ်တ့ၢ် သုတၢ်, ဒီးသုကသံဝဲလၢသုသးစၢ်အဆၢကတီၢ်လၢပှၤလၢအတၢ်သးကညီၤ တအိၣ်တဖၣ်အစုပူၤန့ၣ်လီၤ.

¹⁰မ့ၢ်လီၤ, ပှၤလၢသုတသ့ၣ်ညါအီၤတဖၣ်ကဟံးန့ၢ်သုတၢ်ထူးတၢ်တီၤ ခဲလၢာ်ဒီးတၢ်လၢသုမၤန့ၢ်တ့ၢ်ဝဲန့ၣ်, ကကဲထီၣ်ပှၤအဂၤတဂၤအတၢ်န့ၣ်လီၤ.

¹¹သုကမံလီၤကအုကစွါလၢသုတၢ်သံအလီၢ်မံခိၣ်ဒီးသုညၣ်ဒီးသု ညၣ်ထူၣ်တဖၣ်ကဘၣ်တၢ်အီၣ်ကွံာ်အီၤခဲလၢာ်န့ၣ်လီၤ.

¹²ဒီးသုကစံး, “ဘၣ်မနုၤအဃိပတမၤလိန့ၢ်တၢ်နီတဘျီဒီး ပတပျဲပှၤဘှီဘၣ်က့ၤပှၤနီတဂၤန့ၣ်လဲၣ်.

¹³ပတဒိကနၣ်တ့ၢ်ပသရၣ်တဖၣ်ဘၣ်. ဒီးပတကနၣ်ဃုာ်အဝဲသ့ၣ်တဖၣ်နီ တစဲးဘၣ်.

¹⁴ဒီးပထံၣ်လီၤပသးလၢပကဲထီၣ်တၢ်မဲာ်တြီၢ်မဲာ်ဆှးသတူၢ်ကလာ်လၢ ကမျၢၢ်အမဲာ်ညါန့ၣ်လီၤ.”

¹⁵တီဒီးနမါဒၣ်နဲဒီးဟ့ၣ်နတၢ်အဲၣ်ထဲဆူအဝဲတဂၤဧိၤတက့ၢ်.

¹⁶ဖိသၣ်တဖၣ်လၢနမၤန့ၢ်လၢပိာ်မုၣ်အဂၤတဖၣ်န့ၣ်တမၤဂ့ၤနၤ နီတမံၤဘၣ်.

¹⁷နဖိဒၣ်နဲတဖၣ်ကြၢးဒိၣ်ထီၣ်ဒီးမၤစၢၤဒၣ်နၤဒီးတကြၢးမ့ၢ် လၢပှၤလၢနတသ့ၣ်ညါအီၤတဖၣ်အဂီၢ်န့ၣ်ဘၣ်.

¹⁸လၢတၢ်န့ၣ်အဃိ, သူၣ်ဖှံသးညီဒီးနမါဒၣ်နဲ, ဒီးထံၣ်န့ၢ်တၢ်သးခုလၢပှၤမုၣ်ကနီၤလၢနဖျီနသးဒီးအီၤ,

¹⁹လၢအဃံအလၤဒီးလီၤအဲၣ်ဒ်တၤဟိမိၢ်တဒုအသိးအအိၣ်န့ၣ်တက့ၢ်. မ်အတၢ်လီၤအဲၣ်လီၤကွံမၤမုာ်နသး, ဒီးမ်အတၢ်အဲၣ်ထိၣ်ဂဲၤမၤမူၤနသးထီဘိတက့ၢ်.

²⁰ယဖိခွါဧၢ, ဘၣ်မနုၤအဃိနကဟ့ၣ်နတၢ်အဲၣ်လၢပိာ်မုၣ်အဂၤတဂၤန့ၣ် လဲၣ်. ဘၣ်မနုၤအဃိနဘၣ်တၢ်ထိၣ်ဂဲၤမၤမူၤနသးလၢပှၤအဂၤတဂၤအမါ အတၢ်လီၤအဲၣ်လီၤကွံန့ၣ်လဲၣ်.

²¹ယွၤထံၣ်တၢ်လၢနမၤအီၤကိးမံၤဒဲးလီၤ. အဝဲခိးကွၢ်နကျဲတဖၣ်လီၤ.

²²ပှၤတတီတလိၤတဂၤအတၢ်ဒဲးဘးတဖၣ်မ့ၢ်ထုတခါဒီးအဝဲဘၣ်တၢ်ဖီၣ် န့ၢ်အီၤလၢအတၢ်ဒဲးဘးဒၣ်ဝဲအပျံၤသကွီၤန့ၣ်လီၤ.

²³အဝဲသံဝဲမ့ၢ်လၢအတအိၣ်ဒီးတၢ်ပၢၤသူၣ်ကီၤသးဘၣ်အဃိလီၤ. အဝဲအတၢ်သူၣ်တထံသးတဆးကဆှၢအီၤဆူအသွၣ်ခိၣ်န့ၣ်လီၤ.