Read S'gaw Karen လံာ်ပှၤစံၣ်တဲၤတဲလီၤတၢ် 8 Bible Online

လံာ်ပှၤစံၣ်တဲၤတဲလီၤတၢ် 8 - S'gaw Karen bible

လံာ်ပှၤစံၣ်တဲၤတဲလီၤတၢ် 8

¹ထဲဒၣ်ပှၤလၢအကူၣ်တၢ်သ့တဂၤဧိၤသ့ၣ်ညါတၢ်တမံၤဂ့ၤတမံၤဂ့ၤ အခီပညီနီၢ်နီၢ်မ့ၢ်တၢ်မနုၤလဲၣ်န့ၣ်လီၤ. တၢ်ကူၣ်သ့ဒုးနံၤကမှံ ထီၣ်အီၤဒီးမၤဟါမၢ်ကွံာ်အတၢ်ကွၢ်လၢမဲာ်ကဒုလာ်န့ၣ်လီၤ.

²မၤတၢ်လၢစီၤပၤစံးဘၣ်နၤတက့ၢ်. ဒီးမၤတၢ်အၢၣ်လီၤတဖၣ်ချ့ ဒံးချ့ဒူးဒီးကစၢ်ယွၤတဂ့ၤ.

³စီၤပၤမၤတၢ်လၢအဲၣ်ဒိးမၤဝဲတမံၤဂ့ၤတမံၤဂ့ၤန့ၣ်သ့သတး ဒီးဟးထီၣ်လၢအမဲာ်ညါတက့ၢ်. အိၣ်ဖဲတၢ်လီၢ်လၢအလီၤပျံၤဒိၣ်မးအံၤန့ၣ်တဂ့ၤ.

⁴စီၤပၤမၤတၢ်လၢတၢ်စိတၢ်ကမီၤလီၤ. ဒီးတၢ်လၢအမၤဝဲန့ၣ်, ပှၤတၤအီၤတသ့ဘၣ်နီတဂၤဘၣ်.

⁵အကတီၢ်လၢနစူၢ်ဒံးအတၢ်မၤလိာ်န့ၣ်, နကအိၣ်ဘံၣ်ဘၢပူၤဖျဲးလီၤ. ဒီးပှၤကူၣ်တၢ်သ့တဂၤန့ၣ်ကဘၣ်မၤတၢ်န့ၣ်ဒ်လဲၣ်ဒီးကဘၣ်မၤဝဲ အခါဖဲလဲၣ်န့ၣ်သ့ၣ်ညါဝဲလီၤ.

⁶အဂ့ၢ်ဒ်အံၤ, တၢ်ဆၢကတီၢ်လၢအဘၣ်ဒီးကျဲလၢအဘၣ်အိၣ်ဝဲလၢတၢ်မၤ တၢ်ခဲလၢာ်အဂီၢ်လီၤ. ဘၣ်ဆၣ်ပသ့ၣ်ညါတၢ်စှၤဒိၣ်မးလီၤ.

⁷တၢ်ကမၤအသးမနုၤမနုၤလဲၣ်န့ၣ်, ပတသ့ၣ်ညါနီတဂၤဘၣ်. အဂ့ၢ်ဒ်အံၤ, ပှၤလၢအကတဲဘၣ်ပှၤတအိၣ်နီတဂၤဘၣ်.

⁸ပှၤဟံးဃာ်ပၢၤဃာ်အသးလၢအသုတသံမ့ၢ်ဂ့ၤ, လၢကသုးယံာ်ကွံာ်အတၢ်သံအမုၢ်နံၤအဂီၢ်မ့ၢ်ဂ့ၤ, တသ့ဘၣ်နီတဂၤဘၣ်. တၢ်န့ၣ်မ့ၢ်တၢ်ဒုးတၢ်ယၤတမံၤလၢပဃ့ၢ်ပူၤဖျဲးကွံာ်မ့ၢ်ဂ့ၤ, ပလီကဒံလီကဒါတၢ်လၢပတၢ်ထူၣ်ဖျဲးအဂီၢ်မ့ၢ်ဂ့ၤတသ့ဘၣ်န့ၣ်လီၤ.

⁹ဖဲယဆိကမိၣ်ထီၣ်တၢ်မၤအသးတဖၣ်လၢဟီၣ်ခိၣ်အံၤဒီး, ယထံၣ်ဘၣ်လၢဟီၣ်ခိၣ်အံၤပှၤတနီၤအိၣ်ဒီးအစိကမီၤဒီးပှၤအဂၤ တဖၣ်ဘၣ်တူၢ်တၢ်လၢအဝဲသ့ၣ်အစုတီၤအဖီလာ်လီၤ.

¹⁰ယထံၣ်ဘၣ်တ့ၢ်ပှၤတတီတလိၤတဖၣ်ဘၣ်တၢ်ခူၣ်လီၤအီၤလၢ အသွၣ်ခိၣ်ပူၤ, ဘၣ်ဆၣ်ဒီးဖဲယဟဲက့ၤကဒါက့ၤလၢတၢ်သွၣ်ခိၣ်န့ၣ်, ပှၤစံးပတြၢၤအဝဲသ့ၣ်လၢဝ့ၢ်ပူၤလၢအဝဲသ့ၣ်မၤတ့ၢ်တၢ်အၢတၢ် သီန့ၣ်လီၤ. တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ.

¹¹ဘၣ်မနုၤအဃိပှၤမၤတၢ်ထီဒါတၢ်သိၣ်တၢ်သီတဖၣ်ညီကဒၣ်န့ၣ်လဲၣ်. မ့ၢ်လၢတၢ်လုၢ်သ့ၣ်ခါပတာ်တၢ်သိၣ်တၢ်သီအံၤတဘၣ်တၢ်စံၣ်ညီၣ် အီၤချ့ချ့ဘၣ်အဃိလီၤ.

¹²ပှၤဒဲးဘးဖိတဂၤမ့ၢ်မၤတၢ်ထီဒါတၢ်သိၣ်တၢ်သီအဘျီတက ယၤနာ်က့အိၣ်မူဒံးဝဲလီၤ. အိ, မ့ၢ်, ယသ့ၣ်ညါတၢ်လၢအဝဲသ့ၣ် စံးဝဲ, “နမ့ၢ်စူၢ်ကစၢ်ယွၤဒီး, တၢ်ခဲလၢာ်ကဘၣ်ဘျီးဘၣ်ဒါဝဲလီၤ.”

¹³မ့မ့ၢ်လၢပှၤတတီတလိၤအဂီၢ်န့ၣ်, တၢ်တလဲၤအသးဂ့ၤဂ့ၤဒ်န့ၣ်ဘၣ်. အဝဲသ့ၣ်အတၢ်အိၣ်မူလီၤဂာ်ဒ်တၢ်ကဒုအသိးဒီးအဝဲသ့ၣ်ကသံဖဲ အသးစၢ်ဒံးလီၤ. အဂ့ၢ်ဒ်အံၤ, အဝဲသ့ၣ်တစူၢ်ကစၢ်ယွၤဘၣ်အဃိလီၤ.

¹⁴ဘၣ်ဆၣ်တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. ကွၢ်တၢ်မၤအသးလၢဟီၣ်ခိၣ်အံၤတက့ၢ်. တဘျီဘျီပှၤတီပှၤလိၤတဖၣ်တူၢ်ဘၣ်တၢ်စံၣ်ညီၣ်လၢပှၤတတီ တလိၤတဖၣ်အလီၢ်, ဒီးပှၤတတီတလိၤတဖၣ်ဒိးန့ၢ်ဘၣ်ခိၣ်ဖးလၢပှၤ တီပှၤလိၤတဖၣ်အလီၢ်န့ၣ်လီၤ. ယစံး, တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ.

¹⁵လၢတၢ်န့ၣ်အဃိ, ယသ့ၣ်ညါနၢ်ပၢၢ်တ့ၢ်လၢပှၤကညီ တဂၤကြၢးမၤမုာ်လၤအသး, မ့ၢ်လၢတၢ်သူၣ်ဖှံသးညီထဲ တမံၤဧိၤလၢအအိၣ်ဒီးအီၤလၢတၢ်အိၣ်မူအံၤအပူၤမ့ၢ်ဒၣ်ကအီၣ် တၢ်, ကအီတၢ်, ဒီးမၤမုာ်လၤသးခုအသးအဃိန့ၣ်လီၤ. အစှၤကတၢၢ်အဝဲမၤတၢ်အံၤသ့ဝဲဖဲအမၤတၢ်လၢတၢ်အိၣ်မူလၢကစၢ် ယွၤဟ့ၣ်တ့ၢ်အီၤလၢဟီၣ်ခိၣ်အံၤအကတီၢ်န့ၣ်လီၤ.

¹⁶ဖဲယကျဲးစၢးကဲထီၣ်ပှၤကူၣ်သ့ဒီးမၤလိတၢ်လၢအမၤသးလၢဟီၣ် ခိၣ်အံၤတဘျီလၢ်လၢ်န့ၣ်ယသ့ၣ်ညါလီၤတံၢ်လၢ, မုၢ်ဆါမ့ၢ်ဂ့ၤမုၢ်နၤမ့ၢ်ဂ့ၤနကအိၣ်ဖုသံနီၣ်တထံၣ်ဃီ,

¹⁷ဒီးနၢ်ပၢၢ်တၢ်လၢကစၢ်ယွၤမၤဝဲန့ၣ်တသ့နီတဘျီဘၣ်. နမ့ၢ်ကျဲးစၢးဆူၣ်ဆူၣ်ထဲအံၤထဲနုၤနာ်က့, နဃုထံၣ်န့ၢ်အီၤတသ့ဘၣ်. ပှၤကူၣ်တၢ်သ့တဖၣ်စံးလီၤအသးလၢအသ့ၣ် ညါဝဲလီၤ. ဘၣ်ဆၣ်တသ့ၣ်ညါဝဲဘၣ်.