Read S'gaw Karen လံာ်ယၡါယၤ 23 Bible Online

လံာ်ယၡါယၤ 23 - S'gaw Karen bible

လံာ်ယၡါယၤ 23

¹အအံၤမ့ၢ်တၢ်ကစီၣ်ဘၣ်ဃးဝ့ၢ်ထါယၢၣ်အဂ့ၢ်န့ၣ်လီၤ. ကအုကစွါထီၣ်လၢတၢ်သူၣ်အုးသးအုးအပူၤ, သုဝဲပှၤကဘီဖိလၢအလဲၤတၢ်လၢပီၣ်လဲၣ် ပူၤသ့ၣ်ဧၢ, သုကဘီသန့ဖဲဝ့ၢ်ထါယၢၣ်န့ၣ်ဘၣ် တၢ်မၤဟးဂီၤအီၤလံ. အဟံၣ်တဖၣ်ဒီးအကဘီ သန့တဖၣ်ဟးဂီၤလၢာ်လံ. ဖဲသုကဘီတဖၣ်ဟဲက့ၤ ကဒါက့ၤလၢကီးကူပြူးန့ၣ်, သုန့ၢ်ဘၣ်တၢ်ကစီၣ်လီၤ.

²ဟီၣ်ယၢၤတက့ၢ်, သုဝဲဝ့ၢ်စံဒိၣ်အပှၤကူၣ်တၢ်ကၤတၢ်သ့ၣ်ဧၢ,

³သုဆှၢလီၤပှၤခီဂာ်ပီၣ်လဲၣ်လၢကပှ့ၤဒီးဆါဘုဧိၤဟုဧိၤလၢ အမဲထီၣ်သၣ်ထီၣ်လၢကီၢ်အဲၤကူပတူးဒီးပနံာ်တၢ်ကၤတၢ် ဒီးပှၤကလုာ်တဖၣ်အဂီၢ်လီၤ.

⁴ဝ့ၢ်စံဒိၣ်ဧၢ, နဘၣ်တၢ်မဲာ်ဆှးလီၤ. ပီၣ်လဲၣ်ဒီးပီၣ်လဲၣ်ဖးဒိၣ် အထံယိာ်တဖၣ်ညိကွံာ်နၤဒီးစံးဝဲ, “ယဖိတအိၣ်နီတဂၤ, နီတစုဘၣ်. ယတလုၢ်ဒိၣ်ထီၣ်ဘၣ်ဖိခွါတဖၣ်ဒီးဖိမုၣ်တဖၣ်နီ တဘျီဘၣ်.”

⁵ပှၤအဲၤကူပတူးဖိတဖၣ်ဒၣ်လဲာ်ကဖုးသံပျီၢ်ဂီၤဒီးဖံးသကုၣ် ခီသကုၣ်ဖဲအဝဲသ့ၣ်သ့ၣ်ညါဝဲလၢဝ့ၢ်ထါယၢၣ်ဘၣ်တၢ်မၤဟး ဂီၤအီၤလံန့ၣ်လီၤ.

⁶ကအုကစွါထီၣ်လၢတၢ်သူၣ်အုးသးအုးအပူၤ, သုဝဲပှၤဂီၢ်မုၢ်လၢကီၢ်ဖံၤနံက့ၤအပူၤသ့ၣ်ဧၢ, ကျဲးစၢးထွးထီၣ်ဃ့ၢ်ဆူကီၢ်စပၤနံတက့ၢ်.

⁷တၢ်အံၤမ့ၢ်ဝ့ၢ်လၢပျၢၤ, ဝ့ၢ်ထါယၢၣ်လၢအပှဲၤဒီးတၢ်သးခုဘၣ်ကသ့ဧါ. အဝဲအံၤမ့ၢ်ဝ့ၢ်လၢအဆှၢလီၤပှၤလၢအခီ ဂာ်ပီၣ်လဲၣ်လၢကလဲၤနုာ်လီၤအိၣ်ဆိး ဒီးဒုးကဲထီၣ်ပှၤထံပှၤကီၢ်လၢအထံအကီၢ်န့ၣ်ဧါ.

⁸ပှၤတဂၤလၢအကူၣ်ကျဲၤတၢ်ဒ်သိးတၢ်ခဲလၢာ်အံၤကလီၤဘၣ် လၢဝ့ၢ်ထါယၢၣ်, ဝ့ၢ်စိဒိၣ်ကမီၤထီလၢအပှၤပနံာ်တၢ်ကၤတၢ် တဖၣ်မ့ၢ်ပှၤဒိးဘၣ်တၢ်လၤတၢ်ကပီၤအဒိၣ်ကတၢၢ်လၢဟီၣ်ခိၣ် ချၢအံၤန့ၣ်မ့ၢ်မတၤတဂၤလဲၣ်.

⁹ယွၤသ့တၢ်လၢာ်ကူၣ်ကျဲၤတ့ၢ်တၢ်အံၤလီၤ. အဝဲကူၣ်ကျဲၤတ့ၢ်ဝဲဒ်သိးကမၤကတၢၢ်ကွံာ်အဝဲသ့ၣ်အတၢ်ပာ် ထီၣ်ထီသးလၢတၢ်လၢအမၤတ့ၢ်ဝဲအဃိ, ဒီးဒ်သိးကမၤမဲာ် ဆှးအပှၤလၢတၢ်ပာ်လၤပာ်ကပီၤအီၤသ့ၣ်တဖၣ်အဂီၢ်လီၤ.

¹⁰သုဝဲပှၤကီၢ်စပၤနံဖိသ့ၣ်ဧၢ, လဲၤဒီးထူစံာ်ထူပှဲၤတက့ၢ်. ပှၤလၢကဒီဒၣ်အိၣ်ပှိၤသုတအိၣ်လၢၤနီတဂၤဘၣ်.

¹¹ယွၤယူာ်ဃီၤအစုလၢပီၣ်လဲၣ်အဖီခိၣ်ဒီးမၤဃၣ်ကွံာ်ဘီမုၢ် တဖၣ်လီၤ. အဝဲခါလီၤအကလုၢ်လၢပှၤဖံၤနံက့ၤဖိအကူၣ် တၢ်ကၤတၢ်အလီၢ်ခၢၣ်သးတဖၣ်ကဘၣ်တၢ်မၤဟးဂီၤအီၤ အဂီၢ်လီၤ.

¹²ဝ့ၢ်စံဒိၣ်ဧၢ, နတၢ်သူၣ်ဖှံသးညီအကတီၢ်ကတၢၢ်ဝဲလံ, ဒီးနပှၤဂီၢ်မုၢ်တဖၣ်ဘၣ်တၢ်မၤအၢမၤနးအီၤလီၤ. အဝဲသ့ၣ်မ့ၢ်ဃ့ၢ်ပူၤဖျဲးကွံာ်ဆူကီးကူပြူးဒၣ်လဲာ်, အဝဲသ့ၣ်တပူၤဖျဲးဒံးဘၣ်လီၤ.

¹³(ပှၤလၢအပျဲလီၤဆၣ်ဖိကီၢ်ဖိအမံၤတဖၣ်လၢကဃ့ၢ်မၤနၢၤကွံာ်ဝ့ၢ် ထါယၢၣ်န့ၣ်မ့ၢ်ဒၣ်ပှၤဘၤဘူၤလိၣ်ဖိတဖၣ်, ဒီးတမ့ၢ်ပှၤအၤၡူၢ်ဖိ တဖၣ်ဘၣ်လီၤ. ပှၤလၢအဘှီထီၣ်ပၢၤတၢ်အလီၢ်တဖၣ်လၢ ကဒုးတၢ်ဒီး, မၤလီၤပှီၢ်ကွံာ်ဝ့ၢ်ထါယၢၣ်အတိာ်ခၢၣ်သနၢၣ်တဖၣ်, ဒီးပာ်တ့ၢ်အီၤလၢတၢ်ဟးဂီၤတဖၣ်အပူၤန့ၣ်, မ့ၢ်တ့ၢ်ဝဲပှၤဘၤဘူၤလိၣ်ဖိတဖၣ်လီၤ.)

¹⁴ကအုကစွါထီၣ်လၢတၢ်သူၣ်အုးသးအုးအပူၤ, သုဝဲပှၤကဘီဖိလၢအလဲၤတၢ်လၢပီၣ်လဲၣ်ပူၤသ့ၣ်ဧၢ, ဝ့ၢ်လၢသုသန့ၤသုသးလၢအီၤန့ၣ်, ဘၣ်တၢ်မၤဟးဂီၤတ့ၢ်အီၤလံ.

¹⁵တၢ်ဆၢကတီၢ်တခါန့ၣ်ဘူးထီၣ်လံဖဲဝ့ၢ်ထါယၢၣ်ကဘၣ်တၢ် သးပ့ၤနီၣ်အီၤအနံၣ်နွံဆံပှဲၤသိး, စီၤပၤတဂၤအတၢ်အိၣ်မူ အဆၢကတီၢ်လီၤ. ဖဲနံၣ်တဖၣ်န့ၣ်ပူၤကွံာ်ဒီး, ဝ့ၢ်ထါယၢၣ်ကလီၤဂာ်ဒီးပှၤဃဲသဲမုၣ်တဂၤလၢတၢ်သးဝံၣ်အပူၤ,

¹⁶ဟံးန့ၢ်တနၢ်, လဲၤတရံးဝ့ၢ်, နၤပှၤဃဲသဲမုၣ်လၢတၢ်သးပ့ၤနီၣ်အီၤတဂၤဧၢ, ဒ့ဒီးသးဝံၣ်ကဒီးနတၢ်သးဝံၣ်တဖၣ်, လၢတၢ်ကိးကဒါက့ၤပှၤပိာ်ခွါတဖၣ် လၢခံတဘျီအဂီၢ်တက့ၢ်.

¹⁷ဖဲအနံၣ်နွံဆံလၢာ်ကွံာ်ဝဲန့ၣ်, ယွၤကပျဲဝ့ၢ်ထါယၢၣ်ကက့ၤက ဒါက့ၤဆူအတၢ်မၤလီၢ်လံၤ, ဒီးအဝဲကဒိးလဲလီၤအသးဆူဘီမုၢ် တဖၣ်လၢဟီၣ်ခိၣ်ချၢလီၤ.

¹⁸ကျိၣ်စ့လၢအမၤန့ၢ်ဝဲလၢကူၣ်တၢ်ကၤတၢ်အဃိန့ၣ်, ကဘၣ်တၢ်ပာ်စီဆှံအီၤဆူယွၤလီၤ. အဝဲတပာ်ဖှိၣ်ပာ်တံၤဝဲဘၣ်. ပှၤလၢအဘူၣ်ထီၣ်ဘါထီၣ်ယွၤတဖၣ် ကသူအစ့လၢကပှ့ၤတၢ်အီၣ်ဒီးတၢ် ကူတၢ်ကၤလၢအဝဲသ့ၣ်လိၣ်ဘၣ်ဝဲန့ၣ်လီၤ.