Read S'gaw Karen လံာ်ယၡါယၤ 24 Bible Online

လံာ်ယၡါယၤ 24 - S'gaw Karen bible

လံာ်ယၡါယၤ 24

¹ယွၤကမၤဟးဂူာ်ဟးဂီၤဟီၣ်ခိၣ်ဒီးပာ်လီၤတဲာ်သယုၢ်သညိအီၤလီၤ. အဝဲကဝံာ်ပကံဟီၣ်ခိၣ်အမဲာ်ဖံးခိၣ်ဒီးမၤပြံပြါအပှၤဂီၢ်မုၢ်လီၤ.

²ပှၤကိးဂၤဒဲးကဘၣ်တၢ်ဟဲဝံဟဲစိာ်တမံၤဃီ, ပှၤလုၢ်တၢ်အခိၣ် တဖၣ်ဒီးပှၤဂီၢ်မုၢ်, ကုၢ်တဖၣ်ဒီးကစၢ်တဖၣ်, ပှၤပှ့ၤတၢ်တဖၣ်ဒီးပှၤ ဆါတၢ်တဖၣ်, ပှၤဟ့ၣ်လိၢ်လီၤတၢ်တဖၣ်ဒီးပှၤဃ့လိၢ်တၢ်တဖၣ်, ပှၤထူးပှၤတီၤဒီးပှၤဖှီၣ်ဖိယာ်ဖိလီၤ.

³ဟီၣ်ခိၣ်ကဘၣ်တၢ်မၤလီၤကလဲအီၤဒီးကဟးဂီၤကွံာ်ဝဲလီၤ. ယွၤကတိၤတ့ၢ်လံတၢ်ဒီးတၢ်ကမၤအသးဒ်န့ၣ်လီၤ.

⁴ဟီၣ်ခိၣ်ဃ့ထီကွံာ်ဝဲဒီးလီၤညွံးလီၤဘဲကွံာ်ဝဲလီၤ. ဟီၣ်ခိၣ်ဒီဘ့ၣ်လီၤစၢ်ကွံာ်ဝဲ, ဟီၣ်ခိၣ်ဒီးမူကပိာ်လိၤအုၣ် သံကျၣ်သံကွံာ်ဝဲလီၤ.

⁵ပှၤဂီၢ်မုၢ်မၤဘၣ်အၢတ့ၢ်ဟီၣ်ခိၣ်ခီဖျိတၢ်လုၣ်သ့ၣ်ခါပတာ် ကစၢ်ယွၤအတၢ်သိၣ်တၢ်သီတဖၣ်ဒီးတၢ်မၤဟးဂီၤကွံာ် တၢ်အၢၣ်လီၤလၢအမၤတ့ၢ်ဝဲလၢကဘၣ်အိၣ်လီၤ ထူလီၤယိာ်န့ၣ်လီၤ.

⁶သတးဒီး, ကစၢ်ယွၤခါလီၤတ့ၢ်တၢ်ဆိၣ်အၢတမံၤလၢဟီၣ်ခိၣ် ချၢလီၤ. အပှၤဂီၢ်မုၢ်တဖၣ်န့ၣ်ဟ့ၣ်တၢ်အပှ့ၤလၢတၢ်လၢ အဝဲသ့ၣ်မၤတ့ၢ်ဝဲအဂီၢ်လီၤ. ပှၤအိၣ်မူတ့ၢ်တဖၣ်စှၤလီၤစှၤလီၤ ဝဲလီၤ.

⁷စပံးမုၢ်တဖၣ်ဃ့ထီကွံာ်ဝဲဒီးစပံးထံကၤဝဲလီၤ. ပှၤကိးဂၤဒဲးလၢတဘျီအသးခုန့ၣ်, အခဲအံၤသးအုးဝဲလီၤ.

⁸ဒီးအဝဲသ့ၣ်အတနၢ်တဖၣ်ဒီးကျိၣ်တဖၣ်အသီၣ်လၢအပှဲၤဒီးတၢ် သးခုန့ၣ်ဆိကတီၢ်အသးလံ.

⁹တၢ်အီစပံးထံဒီးသးဝံၣ်တၢ်လၢတၢ်သူၣ်ဖှံသးညီအပူၤတအိၣ် လၢၤဘၣ်. ပှၤတမုာ်လၤသးခုလၢအတၢ်ဘိၣ်တၢ်ဘဲအပူၤ နီတဂၤနီတစုလၢၤဘၣ်.

¹⁰လၢဝ့ၢ်ပူၤန့ၣ်, တၢ်ခဲလၢာ်အိၣ်လၢတၢ်သဘံၣ်ဘုၣ်အပူၤဒီး ပှၤဂီၢ်မုၢ်ကးတံာ်ဃးအခံလၢအဟံၣ်တဖၣ်အပူၤလၢတၢ်ဘံၣ် တၢ်ဘၢအဂီၢ်လီၤ.

¹¹ပှၤဂီၢ်မုၢ်ကိးသတြီထီၣ်လၢကျဲတဖၣ်အပူၤမ့ၢ်လၢစပံးထံတအိၣ် လၢၤဘၣ်အဃိလီၤ. တၢ်သူၣ်ဖှံသးညီလဲၤပူၤကွံာ်ဝဲလီၤထူလီၤ ယိာ်ဒီးဘၣ်တၢ်နီၣ်ထီၣ်ဟီထီၣ်ကွံာ်အီၤလၢကီၢ်ပူၤလီၤ.

¹²ဝ့ၢ်အိၣ်လၢတၢ်ဟးဂီၤတဖၣ်အပူၤ, ဒီးအတြဲၤတဖၣ်ဘၣ်တၢ်မၤ လီၤပှီၢ်အီၤခဲလၢာ်လီၤ.

¹³တၢ်အံၤမ့ၢ်တၢ်လၢအကမၤအသးလၢပှၤကိးကလုာ်ဒဲးလၢ ဟီၣ်ခိၣ်ဒီဘ့ၣ်လီၤ. ကမၤအသးဒ်ကူးတၢ်အကတီၢ်ကတၢၢ် ဝဲအသိး, ဖဲသ့ၣ်စၤယံးအထူၣ်ခဲလၢာ်ဘၣ်တၢ်တီၢ်လီၤဆှုကွံာ် အီၤဒီးစပံးသၣ်လၢခံကတၢၢ်တဖၣ်ဘၣ်တၢ်ဒ့အီၤလၢစပံးမုၢ် တဖၣ်အလိၤအသိးန့ၣ်လီၤ.

¹⁴ပှၤလၢအအိၣ်မူဒံးတဖၣ်ကသးဝံၣ်တၢ်လၢတၢ်သးခုအပူၤလီၤ. ပှၤလၢအအိၣ်လၢမုၢ်နုာ်တဖၣ်ကစံးဘၣ်တဲဘၣ်ဝဲလၢယွၤန့ၣ် ဒိၣ်ဝဲထဲလဲၣ်အဂ့ၢ်လီၤ.

¹⁵ဒီးပှၤလၢမုၢ်ထီၣ်တဖၣ်ကစံးထီၣ်ပတြၢၤအီၤလီၤ. ပှၤဂီၢ်မုၢ်လၢအအိၣ်လၢပီၣ်လဲၣ်နံၤတဖၣ်ကစံးထီၣ်ပတြၢၤယွၤ, အံၣ်စရ့လးအကစၢ်ယွၤန့ၣ်လီၤ.

¹⁶လၢတၢ်လီၢ်အယံၤကတၢၢ်တဖၣ်လၢဟီၣ်ခိၣ်ချၢန့ၣ်, ပကနၢ်ဟူဘၣ်တၢ်သးဝံၣ်စံးထီၣ်ပတြၢၤအံၣ်စရ့လးပှၤအတီ အလိၤတကလုာ်အဂ့ၢ်န့ၣ်လီၤ. ဘၣ်ဆၣ်လၢယဂီၢ်န့ၣ်တၢ်မုၢ် လၢ်တအိၣ်ဘၣ်. ယဖှံၣ်လီၤဃဲၤလီၤပှီၢ်ပှီၢ်လီၤ. ပှၤလၢအသးတတီတဖၣ်န့ၣ်, သမၢဒံးဒၣ်တၢ်, ဒီးအဝဲသ့ၣ် သူၣ်တတီသးတလိၤန့ၣ်ယံာ်ထီၣ်အၢထီၣ်ဒီးအၢထီၣ်ဝဲလီၤ.

¹⁷ပှၤခဲလၢာ်သ့ၣ်ဧၢ, ဒိကနၣ်လၢ်ယၤတက့ၢ်. တၢ်လီၤပျံၤလီၤဖုးတဖၣ်, မၢဧိၤပျၢ်ဧိၤအပူၤတဖၣ်ဒီးထုတဖၣ်အိၣ်ခိးသုလီၤ.

¹⁸ပှၤတဂၤဂ့ၤတဂၤဂ့ၤလၢအကျဲးစၢးဃ့ၢ်ထူၣ်ဖျဲးထီၣ်လၢတၢ် ပျံၤတၢ်ဖုးန့ၣ်ကလီၤတဲာ်ဝဲလၢမၢဧိၤပျၢ်ဧိၤအပူၤ, ဒီးပှၤတဂၤ ဂ့ၤတဂၤဂ့ၤလၢအထူၣ်ဖျဲးထီၣ်လၢမၢဧိၤပျၢ်ဧိၤအပူၤ န့ၣ်ကဘၣ်တၢ်ဖီၣ်န့ၢ်အီၤလၢထုလီၤ. တၢ်စူၤထံကဟဲယွၤလီၤ သဖူးလၢမူကပိာ်လိၤဒီးဟီၣ်ခိၣ်အခီၣ်ထံးတဖၣ်ကဟူးဝးဆှဲးဆှိး ဝဲလီၤ.

¹⁹ဟီၣ်ခိၣ်ကတဲၤဒီးသ့ၣ်ဖးဝဲ, ဒီးကအိၣ်အိးထီၣ်အသးလီၤ.

²⁰ဟီၣ်ခိၣ်အကစၢ်ဒၣ်ဝဲကလဲၤကနူၤနူၤကပၤပၤဒ်ပှၤလၢအအီမူၤ သံးတဂၤအသိး, ဒီးယဲာ်ယီာ်အသးဒ်ဒဲတဖျၢၣ်လၢကလံၤ မုၢ်တွၤအပူၤအသိးလီၤ. ဟီၣ်ခိၣ်ဘၣ်တၢ်ထုးဃၢအီၤလၢ အတၢ်ဒဲးဘးတဖၣ်ဒၣ်ဝဲအဃိ, ဒီးကလီၤပှီၢ်ကွံာ်ဝဲဒီးတဆၢ ထၢၣ်က့ၤနီတစုလၢၤဘၣ်.

²¹တၢ်ဆၢကတီၢ်တခါန့ၣ်ဘူးထီၣ်လံဖဲယွၤကစံၣ်ညီၣ်တၢ်စိ ကမီၤတဖၣ်လၢထးဒီးပှၤပၢတၢ်တဖၣ်လၢဟီၣ်ခိၣ်လိၤလီၤ.

²²ကစၢ်ယွၤကပာ်ဖှိၣ်ကတံာ်ကတူာ်စီၤပၤတဖၣ်တပူၤဃီ, ဒ်ပှၤဃိာ်ဖိတဖၣ်လၢတၢ်ပူၤတပူၤအသိးန့ၣ်လီၤ. အဝဲကကးတံာ်အဝဲသ့ၣ်လၢဃိာ်ပူၤတုၤတၢ်စံၣ်ညီၣ်အဝဲသ့ၣ် အကတီၢ်ဟဲဝဲလီၤ.

²³လါကခံးသူဝဲဒီးမုၢ်တဟ့ၣ်ထီၣ်အတၢ်ကပီၤလၢၤဘၣ်. အဂ့ၢ်ဒ်အံၤ, ယွၤသ့တၢ်လၢာ်ကမ့ၢ်စီၤပၤလီၤ. အဝဲကပၢတၢ်လၢဝ့ၢ်ယရူၤၡလ့ၣ်လၢ ကစၢၢ်စံယိၣ်အလိၤ, ဒီးပှၤဂီၢ်မုၢ်အခိၣ်အနၢ် တဖၣ်ကထံၣ်ဘၣ်အလၤကပီၤန့ၣ်လီၤ.