Read S'gaw Karen လံာ်ယၡါယၤ 27 Bible Online

လံာ်ယၡါယၤ 27 - S'gaw Karen bible

လံာ်ယၡါယၤ 27

¹တၢ်လၢမုၢ်တနံၤန့ၣ်, ယွၤကသူအနးလၢအတဟီၣ်ဆူၣ်ဒီးမၤ သံတၢ်သ့တဘ့ၣ်လၢကစံၣ်ညီၣ်သမၣ်ဂုၢ်, လၢအစွါဒ်ထိးကလဲာ် ဒီးဝံာ်ပကံးအသးဒ်ပယိၤအသိးန့ၣ်, ဒီးကမၤသံတၢ်မုၢ်ဃၢ်ဖး ဒိၣ်လၢအအိၣ်လၢပီၣ်လဲၣ်ပူၤန့ၣ်လီၤ.

²တၢ်လၢမုၢ်တနံၤန့ၣ်, ယွၤကစံးတၢ်ဘၣ်ဃးအစပံးထံလီၢ်လၢ အမုာ်,

³“ယကွၢ်ထွဲအီၤဒီးလူအီၤလၢထံတပယူာ်ဃီလီၤ. ယပၢၤအီၤမုၢ်ဆါဆဲးလၢမုၢ်နၤဒ်သိးပှၤသုတမၤဘၣ်ဒိဘၣ်ထံး အီၤနီတဂၤတဂ့ၤအဂီၢ်လီၤ.

⁴ယတသးဒိၣ်လၢၤစပံးအလီၢ်န့ၣ်လၢၤဘၣ်. တၤဆှုၣ်တၤမဲ မ့ၢ်အိၣ်ဝဲလၢယကဘၣ်မၤပျီကွံာ်အီၤဒီး, ယကဒွဲၣ်အူထီၣ်အီၤ လၢမ့ၣ်အူခဲလၢာ်လီၤ.

⁵ဘၣ်ဆၣ်ယပှၤဂီၢ်မုၢ်အဒုၣ်အဒါတဖၣ်မ့ၢ်အဲၣ်ဒိးယတၢ်ဒီဒၣ် အိၣ်ပှိၤအီၤဒီး, မ်အမၤတၢ်ဃူတၢ်ဖိးဒီးယၤတက့ၢ်. အၢၣ်, မ်အမၤတၢ်ဃူတၢ်ဖိးဒီးယၤတက့ၢ်.”

⁶မုၢ်နံၤတဖၣ်လၢအကဟဲအပူၤန့ၣ်, ကီၢ်အံၣ်စရ့လးအပှၤဂီၢ်မုၢ် လၢအဟဲလီၤစၢၤလၢစီၤယၤကိာ်, ကစဲၤလီၤအဂံၢ်ဒ်သ့ၣ်တထံး အသိးဒီးအဝဲသ့ၣ်ကဘိၣ်ထီၣ်ဆှိးထီၣ်ဒီးဟီၣ်ခိၣ်ကပှဲၤဒီးတၤ သၣ်လၢအဟ့ၣ်ထီၣ်ဝဲလီၤ.

⁷ကီၢ်အံၣ်စရ့လးတဘၣ်တၢ်စံၣ်ညီၣ်အီၤလၢယွၤဆါထဲသိးသိး ဒီးအဒုၣ်အဒါတဖၣ်န့ၣ်ဘၣ်. ဒီးပှၤတသံစ့ၢ်ကီးအါထဲန့ၣ်ညါဘၣ်.

⁸ယွၤစံၣ်ညီၣ်တ့ၢ်အပှၤဂီၢ်မုၢ်ခီဖျိတၢ်ဆှၢအီၤဆူတၢ်စိာ်မၢကဲကုၢ် အလီၢ်လီၤ. အဝဲစိာ်ကွံာ်အဝဲသ့ၣ်ခီဖျိကလံၤအအၢနးမးတခါ လၢအဟဲလၢမုၢ်ထီၣ်တခီန့ၣ်လီၤ.

⁹ဘၣ်ဆၣ်ဒီးကီၢ်အံၣ်စရ့လးအတၢ်ဒဲးဘးတဖၣ်ကဘၣ်တၢ်ပျၢ် အီၤဖဲဒၣ်ပှၤဘါတၢ်ဂီၤအတၢ်လုၢ်လီၢ်အလၢၢ်တဖၣ်လီၤကလဲ ကွံာ်ဝဲဒ်ထူၣ်ဝါအကမူၣ်အသိး, ဒီးတၢ်နၢမူအတၢ်လုၢ်လီၢ် တဖၣ်မ့ၢ်ဂ့ၤ, ကစၢ်မုၣ်အၡ့ရၤအတၢ်ပနီၣ်တဖၣ်မ့ၢ်ဂ့ၤတအိၣ် လီၤတဲာ်လၢၤဘၣ်အဆၢကတီၢ်န့ၣ်လီၤ.

¹⁰ဝ့ၢ်ခိၣ်ဒူလၢအဂၢၢ်အကျၢၤန့ၣ်ဒါလီၤအသးလၢတၢ်ဟးဂီၤ တဖၣ်အပူၤလံ. အိၣ်သယုၢ်သညိလီၤဂာ်ဒ်ပှၢ်မုၢ်ကနၢလၢ တၢ်တအိၣ်နီတမံၤဘၣ်အသိးလီၤ. ကဲထီၣ်ဂီၤဘုၣ်ဂီၤဖံး အီၣ်ဆၣ်အလီၢ်တတီၤဖဲအဝဲသ့ၣ်အိၣ်ဘှံးဒီးအီၣ်အဆၣ်သ့ဝဲ န့ၣ်လီၤ.

¹¹သ့ၣ်အဒ့တဖၣ်ဃ့ထီဒီးကၢ်လီၤကွံာ်ဝဲ, ဒီးပိာ်မုၣ်တဖၣ်ထၢ ဖှိၣ်အီၤလၢသ့ၣ်မုၣ်ခံအဂီၢ်လီၤ. အဂ့ၢ်ဒ်အံၤ, ပှၤဂီၢ်မုၢ်တနၢ်ပၢၢ် တၢ်နီတမံၤဘၣ်. ကစၢ်ယွၤလၢအမ့ၢ်အဝဲသ့ၣ်အတၢ်ဘၣ် တ့ကစၢ်တသးကညီၤဘၣ်အဝဲသ့ၣ်မ့ၢ်ဂ့ၤတပာ်ဖျါအတၢ်ကွၢ်မဲာ် အဝဲသ့ၣ်မ့ၢ်ဂ့ၤဘၣ်.

¹²တၢ်လၢမုၢ်တနံၤန့ၣ်, ယွၤကပာ်ဖှိၣ်က့ၤအပှၤဂီၢ်မုၢ်တဂၤဘၣ် တဂၤစးထီၣ်လၢထံကျိဖရၤသးတုၤဆူကီၢ်အဲၤကူပတူးအကီၢ်ဆၢ လီၤဂာ်ဒ်ပှၤတဂၤနီၤဖးဝဲဘုကၠူၣ်ဒီးအဖ့အသိး န့ၣ်လီၤ.

¹³တုၤမုၢ်တနံၤန့ၣ်ဟဲဝဲဒီး, ကွဲၤတဖျၢၣ်ကဘၣ်တၢ်အူထီၣ် အီၤလၢတၢ်ကိးက့ၤပှၤအံၣ်စရ့လးဖိခဲလၢာ်လၢဘၣ်တၢ်စိာ် မၢကဲကုၢ်အီၤလၢကီၢ်အၤၡူၢ်ဒီးကီၢ်အဲၤကူပတူးန့ၣ်လီၤ. အဝဲသ့ၣ်ကဟဲဒီးဘူၣ်ထီၣ်ဘါထီၣ်ယွၤလၢဝ့ၢ်ယရူၤၡလ့ၣ်, လၢအကစၢၢ်စီဆှံအလိၤန့ၣ်လီၤ.