Read S'gaw Karen လံာ်ယၡါယၤ 29 Bible Online

လံာ်ယၡါယၤ 29 - S'gaw Karen bible

လံာ်ယၡါယၤ 29

¹ကစၢ်ယွၤအတၢ်လုၢ်လီၢ်, ဝ့ၢ်ယရူၤၡလ့ၣ်အကစၢ်ဒၣ်ဝဲအံၤ, ဘၣ်တၢ်စံၣ်ညီၣ်အီၤဃါမနၤလီၤ. ဝ့ၢ်ဖဲစီၤဒၤဝံးသူၣ်တ့ၢ်အဒဲအလီၢ်န့ၣ်ဘၣ်တၢ်စံၣ်ညီၣ်ဃါမနၤလီၤ. ပျဲအတၢ်အီၣ်အမူးတဖၣ်ဒီးအဘူၣ်တဖၣ်မၤအသး လၢနံၣ်ကဟဲကဒီးတနံၣ်မ့တမ့ၢ်ခံနံၣ်အတီၢ်ပူၤန့ၣ်တက့ၢ်.

²အန့ၣ်ဒီး, ကစၢ်ယွၤကဆှၢလီၤတၢ်တတၢးတနါလၢဝ့ၢ်လၢ အဘၣ်တၢ်ကိးတ့ၢ်အီၤလၢ “အရံၤအ့လး’ အခီပညီ “ကစၢ်ယွၤအတၢ်လုၢ်လီၢ်” အဖီခိၣ်န့ၣ်လီၤ. တၢ်ဟီၣ်တၢ် ယၢၤဒီးတၢ်မဲာ်ထံမဲာ်နိကအိၣ်ဝဲ, ဒီးဝ့ၢ်ဒီဝ့ၢ်န့ၣ်ကလီၤဂာ်ဒီးတၢ် လုၢ်လီၢ်တတီၤလၢတၢ်သွံၣ်ကးဘၢကွံာ်အီၤန့ၣ်လီၤ.

³ကစၢ်ယွၤကလဲၤထီၣ်ဆူဝ့ၢ်န့ၣ်, ကဝီၤဃာ်အီၤဒီးပာ်လီၤတိာ်ဧိၤ တာ်ဧိၤဒီးဒုးအီၤန့ၣ်လီၤ.

⁴ဝ့ၢ်ယရူၤၡလ့ၣ်ကလီၤဂာ်ဒီးတၢ်တဃၣ်တဒုလၢအဂဲၤပျူၢ်ကတိၤ တၢ်လၢဟီၣ်ခိၣ်အဖီလာ်, အကလုၢ်သီၣ်ဧိၤဧိၤဧၤဧၤဟဲထီၣ်လၢ ဖၣ်ဆါကျါန့ၣ်လီၤ.

⁵ဝ့ၢ်ယရူၤၡလ့ၣ်ဧၢ, ကယဲၢ်ပှၤတခီဘီမုၢ်ဖိခဲလၢာ်လၢအဟဲထီၣ် ဒုးနၤန့ၣ်ကဘၣ်တၢ်အူဒံဖျိးကွံာ်အီၤဒ်ဖၣ်ကမူၣ်ဖၣ်ဆါအသိးဒီး အဝဲသ့ၣ်အသုးမုၢ်သံၣ်ဘိလၢအပျံၤတၢ်ဖုးတၢ်တဖၣ်ဒံကွံာ်ဖျိး ကွံာ်ဝဲဒ်ဘုလီၢ်အသိးန့ၣ်လီၤ. သတူၢ်ကလာ်ဒီးလၢတၢ်တမုၢ်လၢ် အပူၤန့ၣ်, ယွၤသ့တၢ်လၢာ်ကမၤပူၤဖျဲးသုခီဖျိလီသီၣ်လီသဲဒီး ဟီၣ်ခိၣ်ဟူးဝးတဖၣ်န့ၣ်လီၤ.

⁶အဝဲကဆှၢလီၤကလံၤမုၢ်တွၤတဖၣ်ဒီးမ့ၣ်အူလၣ်လၢအကအီၣ် ကွံာ်တၢ်လီၤ.

⁷အန့ၣ်ဒီး, ပှၤကလုာ်အသုးမုၢ်သံၣ်ဘိတဖၣ်လၢအဟဲထီၣ်ဒုး ကစၢ်ယွၤအတၢ်လုၢ်လီၢ်အဝ့ၢ်, ဃုာ်ဒီးအတၢ်စုကဝဲၤဒီး အတၢ်ပီးတၢ်လီတဖၣ်ခဲလၢာ်န့ၣ်, ကလီၤမၢ်ကွံာ်ဝဲဒ်တၢ်မံမီၢ် အသိးဒီးကလီၤဂာ်ဒီးတၢ်တမံၤမံၤလၢတၢ်ဆိကမိၣ်ထီၣ်န့ၢ် အီၤလၢမုၢ်နၤခီအဆၢကတီၢ်န့ၣ်လီၤ.

⁸ပှၤကလုာ်ခဲလၢာ်လၢအပာ်ဖှိၣ်အသးလၢကလဲၤထီၣ်ဒုးဝ့ၢ်ယရူၤ ၡလ့ၣ်န့ၣ်, ကလီၤဂာ်ဒီးပှၤသၣ်ဝံၤလီၤဒိတဂၤလၢအမံမီၢ်ဝဲလၢ အီၣ်တၢ်, ဘၣ်ဆၣ်ပၢၢ်ထီၣ်ဝဲလၢတၢ်သူၣ်ဝံၤသၣ်စ့ၤန့ၣ်လီၤ. မ့တမ့ၢ်ဘၣ်ဒီးကလီၤဂာ်ဒ်ပှၤတဂၤလၢအသးသူထံဘူးကသံ တ့ၢ်မးအသိးဒီးမံမီၢ်ဝဲလၢအအီထံ, ဘၣ်ဆၣ်ပၢၢ်ထီၣ်လၢအကိာ်ယူၢ်ဃ့ထီဝဲန့ၣ်လီၤ.

⁹လဲၤစၢ်ခီလၢတၢ်သးတဆးအပူၤတက့ၢ်. လဲၤစၢ်ခီလၢတၢ်မဲာ်ဘျီၣ်အပူၤတက့ၢ်. စပံးထံတအိၣ်ဘၣ်ဒီးမူၤ စၢ်ခီတက့ၢ်. မ့ၢ်တအီနီတလီၤစီၤဒၣ်လဲာ်ဟးကနူၤကပၤနဲဒၣ်တက့ၢ်.

¹⁰ယွၤမၤဃၢတ့ၢ်သုမဲာ်ဖံးတုၤသုကလီၤဆူတၢ်မံယိာ်အပူၤလီၤ. ဝံတဖၣ်ကြၢးမ့ၢ်ပှၤဂီၢ်မုၢ်အမဲာ်ချံတဖၣ်, ဘၣ်ဆၣ်ကစၢ်ယွၤ ကးဘၢတ့ၢ်အဝဲသ့ၣ်အမဲာ်ချံလီၤ.

¹¹ဝံအတၢ်ထံၣ်လၢညါခီကိးမံၤဒဲးအခီပညီကဘၣ်တၢ်ပာ်ခူသူၣ် အီၤလၢသုဒီးကလီၤဂာ်ဒီးလံာ်ထူလၢတၢ်စဲပနီၣ်ဃာ်အီၤ တထူန့ၣ်လီၤ. သုမ့ၢ်လဲၤစိာ်အီၤဆူပှၤတဂၤဂၤလၢအဖးလံာ်သ့ အအိၣ်ဒီးမၢအီၤလၢအကဖးန့ၢ်သုန့ၣ်, အဝဲကစံးဝဲ, ယဖးတသ့ဘၣ်မ့ၢ်လၢတၢ်စဲပနီၣ်တံၢ်အီၤအဃိလီၤ.

¹²သုမ့ၢ်ဟ့ၣ်လီၤအီၤဆူပှၤတဂၤဂၤလၢအဖးလံာ်တသ့ဒီးမၢအီၤလၢ အကဖးန့ၢ်သုန့ၣ်, အဝဲကစံးဆၢဝဲလၢယဖးလံာ်တသ့ဘၣ်န့ၣ်လီၤ.

¹³ဒီးယွၤစံးဝဲဒၣ်, “မ့ၢ်ပှၤဂီၢ်မုၢ်အံၤသုးဘူးအသးဆူ ယအိၣ်လၢအထးခိၣ်ဒီးမၤလၤကပီၤယၤလၢအပျူၤ ဘၣ်ဆၣ်ဒီးပာ်အသးယံၤဒီးယၤလီၤ. အတၢ် ဘူၣ်တၢ်ဘါန့ၣ်မ့ၢ်ဒၣ်ပှၤကညီအတၢ်သိၣ်တၢ်ဘျၢ တဖၣ်ဒီးတၢ်ဟဲလီၤစၢၤတဖၣ်ဧိၤ, လၢအဝဲသ့ၣ်တိၢ်ရူးဝဲန့ၣ်လီၤ.

¹⁴အဃိဒီး, ယကမၤဖုးမၤပျီၢ်ဒီးမၤလီၤထူၣ်အဝဲသ့ၣ်အသးလၢတၢ်လၢ အဝဲသ့ၣ်တမုၢ်လၢ်လၢအကဟဲဘၣ်အီၤတမံၤဝံၤတမံၤန့ၣ်လီၤ. ပှၤလၢအကူၣ်တၢ်သ့တဖၣ်ကကဲထီၣ်ကဒါက့ၤပှၤအမၢးတဖၣ်, ဒီးအတၢ်သ့တၢ်ဘၣ်ခဲလၢာ်န့ၣ်အဘျုးတအိၣ်လၢၤဘၣ်.”

¹⁵ပှၤတဖၣ်လၢအကျဲးစၢးပာ်ခူသူၣ်အတၢ်တိာ်ကျဲၤတဖၣ်လၢ ယွၤန့ၣ်, ဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်မၤထွဲအတၢ်ကူၣ်တဖၣ် လၢတၢ်ခူသူၣ်အပူၤဒီးဆိကမိၣ်ဝဲလၢပှၤတထံၣ်ဒီးတသ့ၣ်ညါတၢ် လၢအဝဲသ့ၣ်မၤန့ၣ်နီတဂၤဘၣ်န့ၣ်လီၤ.

¹⁶အဝဲသ့ၣ်ဘိးကဒါကွံာ်တၢ်ခဲလၢာ်န့ၣ်လီၤ. ပှၤတ့သပၢၤဒီးကပံာ်န့ၣ်အ ကါဒိၣ်လၢလဲၣ်တမံၤလဲၣ်. တၢ်တမံၤလၢပှၤကညီတဂၤမၤတ့ၢ်ဝဲန့ၣ်စံးဘၣ်အီၤလၢ, “နတမၤတ့ၢ်ယၤဘၣ်” မ့တမ့ၢ် “နမၤတၢ်မနုၤလဲၣ်န့ၣ်နတသ့ၣ် ညါဘၣ်” မ့ၢ်ကသ့ဧါ.

¹⁷ဒ်တၢ်စံးပာ်အိၣ်ဝဲအသိးန့ၣ်, တယံာ်လၢၤဘၣ်ဒီးသ့ၣ်ဒိၣ်ပှၢ် တီၣ်န့ၣ်ကကဲထီၣ်စံာ်ပျီ, ဒီးစံာ်ပျီကကဲထီၣ်က့ၤသ့ၣ်ဒိၣ်ပှၢ် တီၣ်လီၤ.

¹⁸ဖဲမုၢ်နံၤန့ၣ်ဟဲတုၤဝဲဒီး, ပှၤနၢ်တအၢနၢ်ဟူလံာ်တဘ့ၣ်ဘၣ် တၢ်ဖးအီၤလၢကလုၢ်ဖးဒိၣ်ကသ့, ဒီးပှၤမဲာ်ဘျီၣ်, လၢအအိၣ်မူတ့ၢ်လၢ တၢ်ခံးတၢ်နၤအပူၤန့ၣ်, ကအိးထီၣ်အမဲာ်ချံဒီးကထံၣ်တၢ်လီၤ.

¹⁹ပှၤဂီၢ်မုၢ်လၢအဖှီၣ်အယာ်ဒီးဆီၣ်လီၤအသးန့ၣ်ကထံၣ်န့ၢ်က့ၤ ကဒီးတၢ်သူၣ်ဖှံသးညီလၢယွၤ, အံၣ်စရ့လးအကစၢ်ယွၤစီဆှံ, ဟ့ၣ်လီၤဝဲန့ၣ်လီၤ.

²⁰ကမ့ၢ်တၢ်အကတၢၢ်လၢပှၤတဖၣ်လၢအမၤအၢမၤနးပှၤဂၤဒီး ဒုးနဲၣ်အတၢ်သးဘၣ်အၢကစၢ်ယွၤ, အဂီၢ်န့ၣ်လီၤ. ပှၤဒဲးဘးဖိကိးဂၤဒဲးကဘၣ်တၢ်မၤဟးဂီၤအီၤလီၤ.

²¹ပှၤတဖၣ်လၢအကတိၤခဲၣ်သူခဲၣ်ဂီၤပှၤဂၤ, ပှၤတဖၣ်လၢအတြီတၢ်စံၣ်ညီၣ်ပှၤမၤ တၢ်ထီဒါပဒိၣ်သဲစးဒီးပှၤတဖၣ်လၢအလီတၢ် ဝ့ၤတၢ်ဒ်သိးပှၤသူၣ်လိၤသးဘျၢတဖၣ်ကဒိး န့ၢ်တၢ်စံၣ်ညီၣ်တီန့ၣ်ကစၢ်ယွၤကမၤဟးဂီၤအီၤလီၤ.

²²သတးဒီးခဲအံၤ, ယွၤ, အံၣ်စရ့လးအကစၢ်ယွၤတဂၤ, လၢအမၤပူၤမၤဖျဲးတ့ၢ်စီၤအၤဘြၤဟၣ်လၢတၢ်ကိၢ်တၢ်ဂီၤ အပူၤစံးဝဲ, “ယပှၤဂီၢ်မုၢ်သ့ၣ်ဧၢ, သုတဘၣ်တၢ်မၤမဲာ်ဆှး သုလၢၤဘၣ်, ဒီးသုမဲာ်သၣ်တဖၣ်တလီၤဝါလၢၤလၢတၢ်မဲာ် ဆှးအဃိနီတစုဘၣ်.

²³ဖဲသုထံၣ်ဘၣ်ဖိတဖၣ်လၢယဟ့ၣ်လီၤသုန့ၣ်, သုကအၢၣ်လီၤတူၢ်လိာ်လၢယမ့ၢ်အံၣ်စရ့လး အကစၢ်ယွၤစီဆှံန့ၣ်လီၤ. သုကမၤလၤကပီၤယၤဒီး ဆၢထၢၣ်လၢတၢ်ပျံၤတၢ်ယူးယီၣ်ယၤအပူၤလီၤ.

²⁴ပှၤဂီၢ်မုၢ်လၢအမၢးကမၤလိမၤနၢ်ပၢၢ်အသး, ဒီးပှၤတဖၣ်လၢအကဒူးကဒ့ၣ်တၢ်ထီဘိန့ၣ်ကသး ခုတူၢ်လိာ်တၢ်သိၣ်လိအီၤလီၤ.”