Read S'gaw Karen လံာ်ယၡါယၤ 39 Bible Online

လံာ်ယၡါယၤ 39 - S'gaw Karen bible

လံာ်ယၡါယၤ 39

¹ဖဲအဆၢကတီၢ်ဝဲန့ၣ်, ကီၢ်ဘၤဘူၤလိၣ်အစီၤပၤဘၤလဒၣ်အဖိခွါ စီၤမရိဒးဘၤလဒၣ်နၢ်ဟူတ့ၢ်ဝဲလၢစီၤပၤဃံးစကံယၤဘၣ်န့ၢ် တၢ်ဆူးတၢ်ဆါအဃိဆှၢလီၤန့ၢ်အီၤလံာ်ပရၢတဘ့ၣ်ဒီးတၢ်ဟ့ၣ် တမံၤန့ၣ်လီၤ.

²စီၤပၤဃံးစကံယၤတူၢ်လိာ်မုာ်ပှၤဟဲစိာ်တၢ်ကစီၣ်တဖၣ်ဒီးဒုး နဲၣ်အဝဲသ့ၣ်လၢအတၢ်ထူးတၢ်တီၤ, အထူဒီးအစ့တဖၣ်, အတၢ်နၢမူဒီးအသိနၢမူလုၢ်ဒိၣ်ပှ့ၤဒိၣ်တဖၣ်, ဒီးအတၢ်ဒုးသုးအပီးအလီခဲလၢာ်န့ၣ်လီၤ. တၢ်လၢအဝဲတဒုးနဲၣ် အဝဲသ့ၣ်လၢအတၢ်ပာ်ဖှိၣ်အလီၢ်တဖၣ်အပူၤမ့ၢ်ဂ့ၤလၢအဘီအမုၢ် အလီၢ်တပူၤပူၤမ့ၢ်ဂ့ၤန့ၣ်, တအိၣ်နီတမံၤဘၣ်.

³အန့ၣ်ဝံၤဒီး, ဝံယၡါယၤလဲၤဆူစီၤပၤဃံးစကံယၤအအိၣ်ဒီးသံ ကွၢ်အီၤ, “ပှၤသ့ၣ်တဖၣ်အံၤဟဲလၢလဲၣ်တခီလဲၣ်ဒီးစံးဘၣ်တ့ၢ်နၤတၢ်မနုၤ တဖၣ်လဲၣ်.” စီၤပၤဃံးစကံယၤစံးဆၢတၢ်ဒီးစံးဝဲ, “အဝဲသ့ၣ်ဟဲလၢထံကီၢ်ဖးယံၤတဘ့ၣ်လၢအမ့ၢ်ဝဲကီၢ်ဘၤဘူၤလိၣ် လီၤ.”

⁴“လၢနူၢ်ပူၤစီၤပူၤန့ၣ်အဝဲသ့ၣ်ထံၣ်ဘၣ်တ့ၢ်တၢ်မနုၤတဖၣ်လဲၣ်.” “အဝဲသ့ၣ်ထံၣ်တ့ၢ်တၢ်ခဲလၢာ်လီၤ. တၢ်လၢယတဒုးနဲၣ်အဝဲသ့ၣ်လၢ တၢ်ပာ်ဖှိၣ်အလီၢ်တဖၣ်အပူၤန့ၣ်, တအိၣ်နီတမံၤဘၣ်.”

⁵အန့ၣ်ဒီးဝံယၡါယၤစံးဘၣ်စီၤပၤ, “ယွၤသ့တၢ်လၢာ်စံးဝဲ လၢ

⁶တၢ်ဆၢကတီၢ်ဟဲဝဲဖဲတၢ်ခဲလၢာ်လၢနနူၢ်ပူၤစီၤပူၤ, တၢ်ခဲလၢာ်လၢနမိၢ်ပၢ်ဖံဖုလၢပျၢၤတဖၣ်ပာ်ဖှိၣ်ပာ်တံၤအီၤ တုၤလီၤလၢမုၢ်မဆါတနံၤအံၤတဖၣ်ကဘၣ်တၢ်စိာ်ကွံာ်အီၤဆူကီၢ် ဘၤဘူၤလိၣ်လီၤ. တမ့ၢ်လၢတၢ်ကအိၣ်တီၢ်နီတမံၤလၢၤဘၣ်.

⁷ပှၤလၢအဟဲလီၤစၢၤလၢနၤလိၤလိၤတနီၤကဘၣ်တၢ်စိာ်ကွံာ်အီၤဒီး ကဘၣ်တၢ်ဒုးကဲထီၣ်အီၤလၢပှၤဒ့ဒံၣ်ဖိတဖၣ်လၢကမၤတၢ်ခ့တၢ်ပှၤ အတၢ်မၤလၢကီၢ်ဘၤဘူၤလိၣ်အစီၤပၤအနူၢ်ပူၤစီၤပူၤန့ၣ်လီၤ.”

⁸စီၤပၤဃံးစကံယၤနၢ်ပၢၢ်တ့ၢ်တၢ်အံၤအခီပညီလၢအမ့ၢ်ဝဲတၢ်ဃူ တၢ်ဖိးဒီးတၢ်ဂၢၢ်တၢ်ကျၢၤကမၤအသးလၢအဝဲအစိၤအဆၢကတီၢ်န့ၣ် လီၤ. အန့ၣ်ဒီးအဝဲစံးဆၢတၢ်ဒီးစံးဝဲ, “တၢ်ကစီၣ်လၢနဟ့ၣ်တ့ၢ်ယၤလၢယွၤအအိၣ်အံၤဂ့ၤဝဲလီၤ.”