Read S'gaw Karen လံာ်တၢ်ဘူၣ်ထီၣ်ဘါထီၣ် 11 Bible Online

လံာ်တၢ်ဘူၣ်ထီၣ်ဘါထီၣ် 11 - S'gaw Karen bible

လံာ်တၢ်ဘူၣ်ထီၣ်ဘါထီၣ် 11

¹ယွၤဟ့ၣ်လီၤစီၤမိၤၡ့ဒီးစီၤအၤဟရိၣ်လၢတၢ်သိၣ်တၢ်သီတဖၣ်ဒ်လၢလာ်အသိး

²လၢပှၤအံၣ်စရ့လးဖိတဖၣ်အဂီၢ်န့ၣ်လီၤ. သုအီၣ်ဆၣ်ဖိကီၢ်ဖိလၢခိတမံၤလၢ်လၢ်,

³လၢအခီၣ်မ့ၣ်သ့ၣ်ဖးဝဲ, ဒီးကလိာ်ထီၣ်အဆၣ်ဒီးဂံာ်အီၣ်ဝဲန့ၣ်, သ့လီၤ.

⁴ဘၣ်ဆၣ်ဒီးဆၣ်ဖိကီၢ်ဖိလၢအကလိာ်ထီၣ်အဆၣ်ဒီးဂံာ်အီၣ်ဝဲ အကျါမ့ၢ်ဂ့ၤလၢအခီၣ်မ့ၣ်သ့ၣ်ဖးအကျါမ့ၢ်ဂ့ၤ, သုတဘၣ်အီၣ်ကီၤလၤအူးဘၣ်. မ့ၢ်လၢကလိာ်ထီၣ်အဆၣ်ဒီဲးဂံာ်အီၣ်ဝဲဘၣ်ဆၣ်အခီၣ်မ့ၣ် တသ့ၣ်ဖးအဃိတကဆှီလၢသုဂီၢ်ဘၣ်

⁵ဒီးယုၢ်ၡဖးမ့ၢ်လၢကလိာ်ထီၣ်အဆၣ်ဒီး ဂံာ်အီၣ်ဝဲဘၣ်ဆၣ်အခီၣ်မ့ၣ်တသ့ၣ်ဖးအဃိတကဆှီ လၢသုဂီၢ်ဘၣ်.

⁶ဒီးပဒဲမ့ၢ်လၢကလိာ်ထီၣ်အဆၣ်ဒီး ဂံာ်အီၣ်ဝဲဘၣ်ဆၣ်အခီၣ်မ့ၣ်တသ့ၣ်ဖးအဃိတကဆှီလၢသုဂီၢ်ဘၣ်.

⁷ဒီးထိး, မ့ၢ်လၢအခီၣ်မ့ၣ်သ့ၣ်ဖးဘၣ်ဆၣ်တကလိာ်ထီၣ်အဆၣ်ဒီးဂံာ် အီၣ်ဝဲအဃိဘၣ်တၢ်ပာ်အီၤဒ်တၢ်တကဆှီဘၣ်အသိးန့ၣ်လီၤ.

⁸ဆၣ်ဖိကီၢ်ဖိတဖၣ်အံၤအီၣ်အီၤတဂ့ၤ. ဒီးထိးဘၣ်ဒၣ်လဲာ်အစိၣ်တဂ့ၤ. အဂ့ၢ်ဒ်အံၤ, အဝဲသ့ၣ်န့ၣ်တကဆှီဘၣ်လၢသုဂီၢ်အဃိလီၤ.

⁹ဒီးသုအီၣ်ညၣ်ကိးကလုာ်ဒဲးလၢအအိၣ်ဒီးအရုဒီးအသဒံၣ်သ့ဝဲ

¹⁰ဘၣ်ဆၣ်ဒီးတၢ်တမံၤလၢ်လၢ်လၢအိၣ်လၢထံကျါလၢအတ အိၣ်ဒီးအရုဒီးအသဒံၣ်တဖၣ်န့ၣ်တဘၣ်တၢ်အီၣ်အီၤဘၣ်.

¹¹တၢ်ဘၣ်တ့ဒ်သိးအံၤတဖၣ်န့ၣ်ကဘၣ်တၢ်ပာ်အီၤလၢအတက ဆှီဘၣ်န့ၣ်လီၤ. သုတဘၣ်အီၣ်အီၤဒီးထိးဘၣ်ဒၣ်လဲာ်အစိၣ်န့ၣ် ဘၣ်.

¹²သုတဘၣ်အီၣ်တၢ်တမံၤလၢ်လၢ်လၢအအိၣ်လၢထံကျါလၢအတအိၣ်ဒီးအရုမ့ၢ်ဂ့ၤ, အသဒံၣ်မ့ၢ်ဂ့ၤန့ၣ်ဘၣ်.

¹³လၢထိၣ်ဖိလံာ်ဖိအကျါန့ၣ် တၢ်တဖၣ်လၢသုဘၣ်ပာ်အီၤလၢတၢ်သးဘၣ်အၢဒီးတဘၣ်အီၣ်အီၤန့ၣ်မ့ၢ်

¹⁴လံာ်ကြီကြာ်, လီတာ်ဖးဒိၣ်, လံာ်ထိးထံ,

¹⁵လံာ်ဃး, လံာ်ထိးထိၣ်ဒ်အကလုာ်အသိး,

¹⁶ကယဲၢ်စိးဝၣ်ဃးဒ်အကလုာ်အသိး, ထိၣ်ကီၤလၤအူး, ထိၣ်သဘၣ်, ထိၣ်ၡဃးဒီးလံာ်ပီၢ်တ့ဒ်အကလုာ်အသိး,

¹⁷ဒိကအိ, ထိၣ်ကံၣ်ပီၣ်လဲၣ်, ထိၣ်ဂီၤဖံး,

¹⁸ထိၣ်လဲၤလုးတကုာ်, ထိၣ်စီၢ်မီ, လီတာ်ဝါ,

¹⁹ထိၣ်ဒိၣ်ဃၤစး, ဝါလၢၢ်ထံဒ်အကလုာ်အသိး, ဘီစံၣ်ဃီၣ်ဒီးဘျါဧိၤတြၤဧိၤန့ၣ်လီၤ.

²⁰ဒီးကယဲၢ်တၢ်ဖိဃၢ်လၢအယူၤလၢအဒံးတဖၣ်န့ၣ် မ့ၢ်တၢ်တကဆှီဘၣ်န့ၣ်လီၤ.

²¹မ့မ့ၢ်တၢ်ဖိဃၢ်လၢအအိၣ်ဒီးအဒံးဒီးစံၣ်ဝဲလၢအခီၣ်,

²²လၢအမ့ၢ်ဒွဲၣ်အကလုာ်ကလုာ်, ဒီးဒွဲၣ်စ့လၣ်အကလုာ်ကလုာ်, ဒီးဒွဲၣ်သဘၣ်အကလုာ်ကလုာ်, ဒီးဒွဲၣ်ဃကာ်အကလုာ်ကလုာ်တဖၣ်န့ၣ်သုအီၣ်အီၤသ့လီၤ.

²³ဘၣ်ဆၣ်ဒီးတၢ်ဖိဃၢ်အဆံးလၢအိၣ်ဒီးအ ဒံးဒီးစွါဝဲန့ၣ်ကဘၣ်တၢ်ပာ်အီၤဒ်တၢ်တကဆှီဘၣ်အသိးန့ၣ်လီၤ.

²⁴ပှၤတဂၤလၢ်လၢ်လၢအထိးဘၣ်ဆၣ်ဖိကီၢ်ဖိအစိၣ်န့ၣ်ကကဲထီၣ်တၢ် တကဆှီတုၤမုၢ်ဟါလီၤ.

²⁵ဒီးပှၤတဂၤလၢ်လၢ်လၢအစိာ်ဘၣ်ဆၣ်ဖိကီၢ်ဖိအစိၣ်န့ၣ်ကဘၣ်ဆှုၣ် အကူအသိး, ဘၣ်ဆၣ်ကကဲထီၣ်တၢ်တကဆှီဘၣ်တုၤမုၢ်ဟါလီၤ.

²⁶ကယဲၢ်ဆၣ်ဖိကီၢ်ဖိလၢအခီၣ်မ့ၣ်တသ့ၣ်ဖးမ့တမ့ၢ်လၢအတကလိာ်ထီၣ် အဆၣ်ဒီးဂံာ်အီၣ်ဝဲန့ၣ်တကဆှီဝဲလၢသုဂီၢ်ဘၣ်. ဒီးကယဲၢ်ပှၤတဂၤလၢ်လၢ်လၢအထိးဘၣ်အီၤန့ၣ်ကကဲထီၣ်တၢ်တကဆှီ လီၤ.

²⁷ကယဲၢ်ဆၣ်ဖိကီၢ်ဖိလၢအဟးလၢအစုလၣ်အခီၣ်လၣ်လၢအအိၣ်ဒီးအခီၣ် လွံၢ်ခီန့ၣ်တကဆှီလၢသုဂီၢ်ဘၣ်. ကယဲၢ်ပှၤတဂၤလၢ်လၢ်လၢအထိးဘၣ်အစိၣ်န့ၣ်ကကဲထီၣ်တၢ်တကဆှီတုၤ မုၢ်ဟါလီၤ.

²⁸ဒီးပှၤတဂၤလၢ်လၢ်လၢအစိာ်ဘၣ်အစိၣ်န့ၣ်ကဘၣ်ဆှုၣ်အကူအသိး, ဘၣ်ဆၣ်ကကဲထီၣ်တၢ်တကဆှီတုၤမုၢ်ဟါလီၤ.

²⁹ဆၣ်ဖိကီၢ်ဖိလၢအစွါတဖၣ်အံၤမ့ၢ်တၢ်တကဆှီလၢသုဂီၢ်လီၤ. ဝံၤတဖၣ်, ယုၢ်တဖၣ်, ဒီးဆၣ်ဖိကီၢ်ဖိလၢအလီၤဂာ်ဒီးဒီလ့ၢ် အဒိၣ်အကလုာ်ကလုာ်,

³⁰ဒ်ခွံၣ်တဖၣ်, တြ့, တခူးဒီးခွံၣ်သံၣ်နါန့ၣ်လီၤ.

³¹ပှၤတဂၤလၢ်လၢ်လၢအထိးဘၣ်အီၤမ့ၢ်ဂ့ၤ, အသံစိၣ်မ့ၢ်ဂ့ၤန့ၣ်, ကကဲထီၣ်တၢ်တကဆှီတုၤမုၢ်ဟါန့ၣ်လီၤ.

³²ဒီးအသံစိၣ်မ့ၢ်လီၤတဲာ်ဘၣ်လၢတၢ်တမံၤဂ့ၤတမံၤဂ့ၤလၢအမ့ၢ်သ့ၣ်မ့ၢ်ဂ့ၤ, တၢ်ကူတၢ်သိးမ့ၢ်ဂ့ၤ, တၢ်ဖံးမ့ၢ်ဂ့ၤ, ထၢၣ်မ့ၢ်ဂ့ၤတၢ်လၢအဘၣ်တၢ်သူအီၤအလိၤန့ၣ်ကကဲထီၣ်တၢ်တကဆှီလီၤ. ဒီးတၢ်ကဘၣ်စုၣ်လီၤအီၤလၢထံအပူၤ, ဘၣ်ဆၣ်ကမ့ၢ်တၢ်တကဆှီတုၤမုၢ်ဟါလီၤန့ၣ်လီၤ.

³³ဒီးတၢ်သ့ၣ်တဖၣ်မ့ၢ်လီၤတဲာ်နုာ်ဆူသပၢၤဟီၣ် ခိၣ်အပူၤန့ၣ်တၢ်အိၣ်လၢအပူၤခဲလၢာ်ကကဲထီၣ်တၢ်တကဆှီဒီးသု ကဘၣ်ဒိသ့ၣ်ဖးကွံာ်သပၢၤန့ၣ်လီၤ.

³⁴တၢ်အီၣ်တမံၤဂ့ၤတမံၤဂ့ၤလၢတၢ်အီၣ်အီၤသ့ဘၣ်ဆၣ်, မ့ၢ်ဘၣ်တၢ်လူလီၤအီၤလၢထံလၢအအိၣ်လၢသပၢၤဒ်န့ၣ်အသိးအပူၤန့ၣ် ကကဲထီၣ်တၢ်တကဆှီလီၤ. ဒီးထံလၢတၢ်အီအီၤသ့ လၢသပၢၤဒ်န့ၣ်အပူၤစ့ၢ်ကီးမ့ၢ်တၢ်တကဆှီလီၤ.

³⁵ကယဲၢ်တၢ်တမံၤလၢ်လၢ်လၢတၢ်သံစိၣ်လီၤတဲာ်လၢအလိၤလၢအမ့ၢ်ဖၣ် ကပူၤမ့ၢ်ဂ့ၤ, လၢၢ်ဆီမ့ၢ်ဂ့ၤကကဲထီၣ်တၢ်တက ဆှီဒီးကဘၣ်တၢ်မၤဟးဂီၤကွံာ်အီၤလီၤ.

³⁶ဘၣ်ဆၣ်ဒီးထံထီၣ်ပၢၢ်မ့ၢ်ဂ့ၤ, ထံပူၤမ့ၢ်ဂ့ၤအိၣ်ကဆှီတ့ၢ်ဒံးဝဲဖဲတၢ်အဂၤတမံၤလၢ်လၢ်လၢ အထိးဘၣ်တၢ်အစိၣ်တဖၣ်တကဆှီဝဲအခါန့ၣ်လီၤ.

³⁷တၢ်အစိၣ်တမံၤမံၤမ့ၢ်လီၤတဲာ်လၢတၢ်အချံလၢတၢ်ကဖှံလီၤအီၤ န့ၣ်အလိၤဘၣ်ဆၣ်တၢ်အချံန့ၣ်ကဆှီဝဲဒၣ်လီၤ.

³⁸မ့မ့ၢ်, မ့ၢ်လီၤတဲာ်ဘၣ်လၢတၢ်ချံလၢအဘၣ်တၢ်စုၣ်လီၤလၢထံ အလိၤန့ၣ်ဒီးတၢ်အချံန့ၣ်တကဆှီဝဲဒၣ်ဘၣ်.

³⁹ဒီးဆၣ်ဖိကီၢ်ဖိလၢတၢ်အီၣ်အီၤသ့မ့ၢ်သံဒီး, ပှၤတဂၤလၢ်လၢ်လၢအထိးဘၣ်အီၤန့ၣ်ကကဲထီၣ်တၢ်တကဆှီတုၤမုၢ်ဟါန့ၣ်လီၤ.

⁴⁰ဒီးပှၤတဂၤလၢ်လၢ်လၢအအီၣ်ဆၣ်ဖိကီၢ်ဖိအသံန့ၣ်, ကဘၣ်ဆှုၣ်အတၢ်ကူတၢ်သိး, ဘၣ်ဆၣ်ကမ့ၢ်ဒံးတၢ်တကဆှီ တုၤမုၢ်ဟါန့ၣ်လီၤ. ပှၤတဂၤလၢ်လၢ်လၢအစိာ်တၢ်သံစိၣ်န့ၣ်, ကဘၣ်ဆှုၣ်အတၢ်ကူတၢ်သိး, ဘၣ်ဆၣ်ဒီးကမ့ၢ်ဒံးတၢ်တက ဆှီတုၤမုၢ်ဟါန့ၣ်လီၤ.

⁴¹ဆၣ်ဖိကီၢ်ဖိအဆံးလၢအဟးလၢဟီၣ်ခိၣ်လိၤ, လၢအမ့ၢ်တၢ်လၢအစွါမ့ၢ်ဂ့ၤ, တၢ်လၢအဟးလၢအခီၣ်လွံၢ်ခီမ့ၢ်ဂ့ၤ, ဒီးလၢအအိၣ်ဒီးအခီၣ်အါခီမ့ၢ်ဂ့ၤန့ၣ်အီၣ်အီၤတဂ့ၤ.

⁴²

⁴³ဒီးမၤဘၣ်အၢသုသးလၢတၢ်အီၣ်ကယဲၢ်ဆၣ်ဖိကီၢ်ဖိတဖၣ် အံၤအဃိန့ၣ်တဂ့ၤ.

⁴⁴ယမ့ၢ်ယွၤ, သုကစၢ်, ဒီးသုကဘၣ်ပာ်စီဆှံသုသးလီၤ. အဂ့ၢ်ဒ်အံၤ, ယစီဆှံယဲဒၣ်လီၤ.

⁴⁵ယမ့ၢ်ယွၤလၢအထုးထီၣ်သုလၢကီၢ်အဲၤကူပတူးအပူၤဒ်သိးယကမ့ၢ်သုကစၢ်ယွၤန့ၣ်လီၤ. သုကဘၣ်စီဆှံဝဲမ့ၢ်လၢယစီဆှံအဃိန့ၣ်လီၤ.

⁴⁶ဒီးတၢ်အံၤမ့ၢ်တၢ်သိၣ်တၢ်သီဘၣ်ဃးဆၣ်ဖိကီၢ်ဖိ, ထိၣ်, ကယဲၢ်တၢ်အိၣ်လၢထံကျါ, ဒီးကယဲၢ်တၢ်အိၣ်လၢဟီၣ်ခိၣ်လိၤန့ၣ်လီၤ.

⁴⁷သုကဘၣ်ပလီၢ်သုသးလၢသုကနီၤဖးပဲာ်ဖးတၢ်ကဆှီဒီးတၢ်တကဆှီဘၣ်, ဆၣ်ဖိကီၢ်ဖိလၢတၢ်အီၣ်အီၤသ့ဒီးတၢ်အီၣ်အီၤတသ့န့ၣ်လီၤ.