Read S'gaw Karen လံာ်ယံးရမံယၤ 34 Bible Online

လံာ်ယံးရမံယၤ 34 - S'gaw Karen bible

လံာ်ယံးရမံယၤ 34

¹ယွၤကတိၤတ့ၢ်တၢ်ဒီးယၤ, ဖဲကီၢ်ဘၤဘူၤလိၣ် အစီၤပၤနဘူၤကးန့စၢ်ဒီး အသုးမုၢ်, လၢအဘၣ် တၢ်မၤစၢၤအီၤလၢ ထံကီၢ်တဖၣ်ဒီး ပှၤကလုာ်ခဲ လၢာ်လၢ အဝဲပၢဘၣ်ဝဲ အသုးဖိတဖၣ်, လဲၤထီၣ် ဒုးဝ့ၢ်ယရူၤၡလ့ၣ်ဒီး အဝ့ၢ်အိၣ်ဘူးအိၣ်တံၢ်တဖၣ် အခါန့ၣ်လီၤ.

²ယွၤ, အံၣ်စရ့လးအကစၢ်ယွၤ, တဲဘၣ်တ့ၢ်ယၤ လၢ ယကလဲၤဒီးစံးဘၣ်ကီၢ်ယူဒၤအစီၤပၤ စီၤ စံးဒကံယၤဒ်အံၤ, “ယၤ, ယွၤအံၤ, ယကဟ့ၣ်လီၤကွံာ် ဝ့ၢ်အံၤဆူကီၢ်ဘၤဘူၤလိၣ်အစီၤပၤအစုပူၤ, ဒီးအဝဲဒၣ် ကဒွဲၣ်အူကွံာ်အီၤလီၤ.

³နတပူၤဖျဲးလၢ အစုပူၤဘၣ်. နကဘၣ်တၢ်ဖီၣ်န့ၢ်နၤဒီး ဟ့ၣ်လီၤကွံာ် နၤဆူအဝဲအစုပူၤန့ၣ်လီၤ. နကထံၣ်ဘၣ်အီၤလၢ မဲာ်သကိးမဲာ်ဒီး ကတိၤတၢ်ဒီးအီၤလၢ နနီၢ်ကစၢ်ဒၣ်နဲ, ဝံၤဒီးနကလဲၤဆူ ကီၢ်ဘၤဘူၤလိၣ်လီၤ.

⁴ဘၣ်ဆၣ်ဒီး, စီၤစံးဒကံယၤဧၢ, ဒိကနၣ်တၢ် လၢ ယစံးတၢ်ဘၣ်ဃးဒီး နဂ့ၢ်တက့ၢ်. နတဘၣ်တၢ်မၤသံနၤလၢ တၢ်ဒုးသုးအပူၤဘၣ်.

⁵နကသံဘၣ် မုာ်မုာ်ခုၣ်ခုၣ်ဒီး ဒ်ပှၤဂီၢ်မုၢ်ဆိၣ်ကဲၤ တၢ်နၢမူဖဲ အဝဲသ့ၣ် ခူၣ်လီၤကွံာ်ပၢ်ဖးဒိၣ်လၢပျၢၤ တဖၣ်ပှၤတဖၣ်လၢ အမ့ၢ်တ့ၢ်စီၤပၤ တဖၣ်လၢနမဲာ် ညါအသိးန့ၣ်, အဝဲသ့ၣ်ကဆိၣ်ကဲၤတၢ်နၢမူလၢ နဂီၢ် လၢကျဲဒ်န့ၣ်အသိးစ့ၢ်ကီးလီၤ. အဝဲသ့ၣ်ကဟီၣ်တၢ်ယၢၤ တၢ်လၢနဃိဒီး စံးဝဲလၢ ပစီၤပၤအံၤသံလံ, န့ၣ်လီၤ. ယၤ, ယွၤအံၤ, ကတိၤလံတၢ်လံ.”

⁶ဝံၤဒီး ယဟ့ၣ်လီၤတၢ်ကစီၣ်အံၤဆူ စီၤပၤစီၤစံးဒကံယၤအအိၣ်လၢ ဝ့ၢ်ယရူၤၡလ့ၣ်အပူၤ,

⁷ဖဲကီၢ်ဘၤဘူၤလိၣ်အစီၤပၤ အသုးမုၢ်ထီၣ်ဒုးဝ့ၢ်အံၤအခါန့ၣ်လီၤ. သုးမုၢ်အံၤထီၣ်ဒုးစ့ၢ်ကီးကီၢ်ယူဒၤအဝ့ၢ်အဂၤတဖၣ် လၢ အမ့ၢ်ဝ့ၢ်လၤကံၣ်ဒီး ဝ့ၢ်ဧစ့ကၤန့ၣ်လီၤ. လၢကီၢ်ယူဒၤအပူၤန့ၣ်, ဝ့ၢ်လၢအအိၣ်ဒီး အတိာ်ဧိၤတာ်ဧိၤန့ၣ် အိၣ်တ့ၢ်ထဲအဝဲသ့ၣ် ခံဖျၢၣ်ဧိၤန့ၣ်လီၤ.

⁸စီၤပၤစံးဒကံယၤဒီး ဝ့ၢ်ရူၤၡလ့ၣ်အပှၤဂီၢ် မုၢ်မၤတ့ၢ်တၢ်အၢၣ်လီၤအီလီၤတမံၤလၢ ကပျၢ်ပူၤဖျဲး

⁹အဝဲသ့ၣ်အပှၤဧ့ၤဘြံၤဖိ အကုၢ်တဖၣ် မုၣ်မုၣ်ခွါခွါ, ဒ်သိးပှၤသုတမၢကဲကုၢ် အဒီပုၢ်ဝဲၢ်ပှၤအံၣ်စရ့လးဖိ ကဒဲကဲဒ် ကုၢ်တဂၤအသိးတဂ့ၤအဂီၢ်န့ၣ်လီၤ.

¹⁰ပှၤဂီၢ်မုၢ်ခဲလၢာ်ဒီး အခိၣ်အနၢ်တဖၣ်အသးလီၤပလိာ်ဝဲလၢ ကပျၢ်ပူၤဖျဲး အကုၢ်တဖၣ်ဒီး တမၢကဲကုၢ်ကဒီးအဝဲသ့ၣ် နီတစုလၢၤဘၣ်န့ၣ်လီၤ. ဒီးအဝဲသ့ၣ်ပျၢ်ဖျဲးကွံာ်အကုၢ်တဖၣ် န့ၣ်လီၤ.

¹¹ဘၣ်ဆၣ်လၢခံန့ၣ်, အဝဲသ့ၣ်လဲလိာ်အတၢ် ပာ်သူၣ်ပာ်သး, ဟံးန့ၢ်က့ၤ အကုၢ်တဖၣ်ဒီး မၢဆူၣ်ကဒီးအဝဲသ့ၣ်လၢ ကကဲက့ၤကုၢ်တဖၣ်န့ၣ်လီၤ.

¹²ဝံၤဒီးယွၤ, အံၣ်စရ့လးအကစၢ်ယွၤတဲဘၣ်ယၤလၢ ယကစံးဘၣ်ပှၤဂီၢ်မုၢ်ဒ်အံၤ,

¹³“ယမၤတ့ၢ်တၢ်အၢၣ်လီၤအီလီၤတမံၤဒီး သုမိၢ်ပၢ်ဖံဖုလၢပျၢၤ တဖၣ်ဖဲယမၤပူၤဖျဲး အဝဲသ့ၣ်လၢ ကီၢ်အဲၤကူပတူးဒီး ဒုးထူၣ်ဖျဲးထီၣ် အဝဲသ့ၣ်လၢ ကုၢ်အလီၢ်အဆၢကတီၢ်န့ၣ်လီၤ. ယတဲဘၣ်တ့ၢ် အဝဲသ့ၣ်လၢ,

¹⁴နွံနံၣ်တဘျီ, နွံနံၣ်တဘျီန့ၣ်, အဝဲသ့ၣ်ကဘၣ်ပျၢ်ဖျဲး ပှၤဧ့ၤဘြံၤဖိ ကုၢ်တဂၤဂ့ၤတဂၤဂ့ၤလၢ အကဲတ့ၢ်အကုၢ်ဃုနံၣ် န့ၣ်လီၤ. ဘၣ်ဆၣ်ဒီး သုမိၢ်ပၢ်ဖံဖုလၢပျၢၤတဖၣ် တကနၣ်ဃုာ်ယၤဒီး ဒိကနၣ်တၢ်လၢ ယစံးဘၣ်တ့ၢ်အဝဲသ့ၣ်န့ၣ်ဘၣ်.

¹⁵ပူၤကွံာ်စှၤနံၤစှၤသီအံၤန့ၣ်, သုပီၢ်ယၢ်လီၤက့ၤသုသးဒီး မၤတ့ၢ်တၢ်လၢအမၤမုာ်ယသးလီၤ. သုဝဲခဲလၢာ်သးလီၤပလိာ်လၢ သုကပျၢ်ဖျဲးသုကုၢ်ပှၤအံၣ်စရ့လးဖိ ကဒဲကဒဲဒီး သုမၤတၢ် အၢၣ်လီၤအီၤလီၤတမံၤလၢ ယမဲာ်ညါ, လၢယတၢ်လုၢ်ဟံၣ်လၢယဘၣ် တၢ်ဘူၣ်ထီၣ်ဘါထီၣ်ယၤအပူၤန့ၣ်လီၤ.

¹⁶ဘၣ်ဆၣ်ဒီး, သုလဲလိာ်ကွံာ် ကဒီးသုတၢ်ပာ်သူၣ်ပာ်သးဒီး မၤတရီတပါယမံၤလီၤ. သုဝဲခဲလၢာ်သုဟံးန့ၢ်ကဒါက့ၤ ကုၢ်တဖၣ်လၢ သုပျၢ်ဖျဲးတ့ၢ်လံအီၤဒ် အဝဲသ့ၣ်အသးအိၣ်ဝဲအသိး, ဒီးသုမၤဆူၣ် အဝဲသ့ၣ်လၢ ကကဲကဒီးကုၢ်တဘျီန့ၣ်လီၤ.

¹⁷လၢတၢ်န့ၣ်အဃိ အခဲအံၤ, ယၤ, ယွၤစံးလၢ သုတစူၢ်ယၤဘၣ်လီၤ. သုတဟ့ၣ်သုပှၤအံၣ်စရ့လး ဖိကဒဲကဒဲအတၢ်သဘျ့န့ၣ်ဘၣ်. ဂ့ၤလံ, မ့မ့ၢ်ဒ်န့ၣ်ဒီး, ယကဟ့ၣ်သုတၢ်သဘျ့လီၤ. တၢ်သဘျ့လၢ သုကသံ လၢတၢ်ဒုးတၢ်ယၤ, တၢ်ဆူးတၢ်ဆါ, ဒီးတၢ်သၣ်ဝံၤလီၤဒိ အပူၤန့ၣ်လီၤ. ဒီးယကဒုးလီၤဘၣ်ပှၤကိးကလုာ်ဒဲးလၢ ဟီၣ်ခိၣ်ချၢအံၤလၢ တၢ်ပျံၤတၢ်ဖုးလၢ တၢ်လၢယမၤဘၣ် သုအဃိန့ၣ်လီၤ.

¹⁸ကီၢ်ယူဒၤဒီး ဝ့ၢ်ယရူၤၡလ့ၣ်အပဒိၣ်ပပှၢ်တဖၣ်, ပှၤလုၢ်တၢ်အခိၣ်တဖၣ်, ဒီးပှၤခိၣ်ပှၤနၢ်ခဲလၢာ်, မၤတ့ၢ်တၢ်အၢၣ်လီၤအီလီၤ တမံၤဒီးယၤ, ခီဖျိအလဲၤတၢ်လၢကျီၢ်ဖါလၢအဒီၣ်တဲာ်ကွံာ် တ့ၢ်ဝဲ ခံခီအဘၣ်စၢၤန့ၣ်လီၤ.

¹⁹ဘၣ်ဆၣ်ဒီး အဝဲသ့ၣ်မၤဟးဂီၤကွံာ်တၢ်အၢၣ်လီၤဒီး တတိၢ်န့ၢ်ဖံးဃာ်ဘၣ်အတၢ်ဂ့ၢ်လၢတၢ်ပာ်လီၤအီၤတဖၣ်န့ၣ်လီၤ. အဃိဒီး, ယကမၤ, ပှၤဂီၢ်မုၢ်သ့ၣ်တဖၣ်အံၤဒ် တၢ်လၢအဝဲသ့ၣ် မၤတ့ၢ်ကျီၢ်ဖါအသိးန့ၣ်လီၤ.

²⁰ယကဟ့ၣ်လီၤအဝဲသ့ၣ်ဆူ အဒုၣ်အဒါတဖၣ်လၢအသးအိၣ်မၤသံကွံာ် အဝဲသ့ၣ်အစုပူၤ, ဒီးအဝဲသ့ၣ်အစိၣ်တဖၣ်န့ၣ်, ထိၣ်ဒီး ဆၣ်ဖိကီၢ်ဖိ အမံၤတဖၣ်ကအီၣ်ကွံာ်အီၤန့ၣ်လီၤ.

²¹ယကဟ့ၣ်လီၤစ့ၢ်ကီး ကီၢ်ယူဒၤအစီၤပၤ စံးဒကံယၤဒီး အပဒိၣ်ပပှၢ် တဖၣ်ဆူပှၤတဖၣ်လၢ အသးအိၣ်မၤသံအဝဲသ့ၣ် အစုပူၤန့ၣ်လီၤ. ယကဟ့ၣ်လီၤအဝဲသ့ၣ်ဆူ ကီၢ်ဘၤ ဘူၤလိၣ်အသုးမုၢ်ပှၤလၢ အဆိကတီၢ်ဒုးတၢ်ထီဒါသု, အစုပူၤန့ၣ်လီၤ.

²²ယကဟ့ၣ်လီၤတၢ်ကလုၢ်ဒီး အဝဲသ့ၣ်ကဟဲက့ၤကဒါက့ၤဆူ ဝ့ၢ်အံၤလီၤ. အဝဲသ့ၣ်ကထီၣ်ဒုးအီၤ, ဒီးမၤန့ၢ်အီၤ, ဒီးဒွဲၣ် အူထီၣ်ကွံာ်အီၤန့ၣ်လီၤ. ယကဒုးကဲထီၣ်ကီၢ် ယူဒၤအဝ့ၢ်တဖၣ် လၢမဲးမုၢ်ခိၣ်တတီၤဖဲ ပှၤ တအိၣ်နီတဂၤဘၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”