Read S'gaw Karen လံာ်ယဃ့းစက့လး 47 Bible Online

လံာ်ယဃ့းစက့လး 47 - S'gaw Karen bible

လံာ်ယဃ့းစက့လး 47

¹ပှၤတဂၤန့ၣ်ဆှၢကဒါက့ၤယၤဆူယွၤ အတၢ်လုၢ်ဟံၣ်အကျဲစၢၤဟဲနုာ်လီၤန့ၣ်လီၤ. ထံဟဲထီၣ်လၢကျဲစၢၤဟဲနုာ်လီၤအဖီလာ်ဒီး ယွၤလီၤဝဲဆူမုၢ်ထီၣ်လၢယွၤအတၢ်လုၢ်ဟံၣ်အမဲာ်ကွၢ်တၢ်တခီန့ၣ်လီၤ. ထံအံၤဟဲယွၤလီၤလၢတၢ်လုၢ်ဟံၣ်အကလံၤထံးအဖီလာ်တ ကပၤတခီဒီးလဲၤခီဂာ်တၢ်လုၢ်လီၢ်အကလံၤထံးတကပၤန့ၣ်လီၤ.

²အန့ၣ်ဝံၤဒီးပှၤကညီန့ၣ်ဆှၢထီၣ်ကွံာ်ယၤလၢတၢ်လုၢ်ဟံၣ်အလီၢ် ကဝီၤအပူၤခီဖျိကျဲလၢကလံၤစိးအတြဲၤဖးဒိၣ်တခီလၢအကွၢ်ဃီၤ တၢ်ဆူမုၢ်ထီၣ်တကပၤန့ၣ်လီၤ. ထံကျိအဆံးဖိတဘိဟဲယွၤလီၤ ဝဲဖဲတြဲၤဖးဒိၣ်အကလံၤထံးတကပၤန့ၣ်လီၤ.

³ပှၤတဂၤန့ၣ်ထိၣ်ဃီၤထံယွၤလီၤအကျိၤဆူမုၢ်ထီၣ် တကပၤလၢနီၣ်ထိၣ်လၢအအိၣ်ဒီးအီၤ အပျၢ်တကထိဒီးတဲဘၣ်ယၤလၢယကလဲၤ ခီဂာ်ထံကျိဖိဖဲတၢ်လီၢ်န့ၣ်လီၤ. ထံန့ၣ်ယိာ်ဝဲတုၤဒၣ်ဖဲ ယခီၣ်ဒ့န့ၣ်လီၤ.

⁴အန့ၣ်ဝံၤဒီးအဝဲထိၣ်ကဒီးဝဲဆူညါအပျၢ်တကထိဒီးထံဟဲထီၣ် တုၤလၢယခီၣ်လ့ၢ်ခိၣ်န့ၣ်လီၤ. လဲၤလီၤကဒီးဝဲဆူညါအပျၢ် တကထိဒီးထံန့ၣ်တုၤလၢယယီၢ်ဒ့န့ၣ်လီၤ.

⁵အဝဲထိၣ်အါထီၣ်ကဒီးဝဲဆူညါအပျၢ်တကထိ, ဒီးဖဲန့ၣ်ထံကျိ ဖိယိာ်ဝဲတုၤဒၣ်လဲာ်, ယခီဂာ်က့ၤအီၤတသ့လၢၤဘၣ်န့ၣ်လီၤ. ယိာ်ကဲၣ်ဆိးတုၤဒၣ်လဲာ်ပခီဂာ်အီၤကသ့ဒၣ်ထဲလၢတၢ်ပှီၢ်ခီအီၤ ဧိၤန့ၣ်လီၤ.

⁶အဝဲစံးဘၣ်ယၤ, “ပှၤကညီလၢအသံသ့ဧၢ, တိၢ်နီၣ်တၢ်တဖၣ်အံၤခဲ လၢာ်လီၤတံၢ်လီၤဆဲးတက့ၢ်.” အန့ၣ်ဝံၤဒီး, ပှၤတဂၤန့ၣ်ဆှၢ ကဒါက့ၤယၤဆူထံကၢၢ်နံၤ,

⁷ဒီးဖဲယဟဲတုၤဖဲန့ၣ်န့ၣ်ဒီးယထံၣ်ဘၣ်လၢသ့ၣ်တဖၣ်အိၣ်ဝဲအါအါ ဂီၢ်ဂီၢ်လၢထံကျိကၢၢ်ပၤနံၤခံခီလိာ်န့ၣ်လီၤ.

⁸အဝဲစံးဘၣ်ယၤ, “ထံအံၤယွၤလီၤခီဖျိတၢ်လီၢ်တၢ်ကျဲဆူမုၢ်ထီၣ်တကပၤဒီး ဆူယၢ်ဒ့ၣ်အတၢ်တြီၤပူၤ, ဒီးဆူပီၣ်လဲၣ်သံအပူၤန့ၣ်လီၤ. တုၤအယွၤနုာ်လီၤဆူပီၣ်လဲၣ်သံအပူၤန့ၣ်မၤပှဲၤ က့ၤပီၣ်လဲၣ်န့ၣ်အအံသၣ်ထံအလီၢ်ဒီးထံအဘျါန့ၣ်လီၤ.

⁹ဖဲထံကျိဖိယွၤလီၤတပူၤလၢ်လၢ်န့ၣ်ဆၣ်ဖိကီၢ်ဖိတဖၣ်ဒီးညၣ် ကအိၣ်ဝဲအကလုာ်ကလုာ်န့ၣ်လီၤ. ထံကျိဖိန့ၣ်ကမၤဘျါထီၣ်ပီၣ်လဲၣ်သံ အထံ, ဒီးဖဲအယွၤလီၤဝဲတပူၤလၢ်လၢ်န့ၣ်ကဟဲစိာ်တၢ်မူန့ၣ်လီၤ.

¹⁰စးထီၣ်လၢဧ့ၣ်က့ၤဒံအထံမူထီၣ်ပၢၢ်တဖၣ်ပၢၢ်တုၤလၢဧ့ၣ်ဧ့ကလဲၣ် အထံမူထီၣ်ပၢၢ်တဖၣ်ဒီတကျဲညါန့ၣ်ကအိၣ်ဒီးပှၤမၤညၣ်ဖိတဖၣ် လၢပီၣ်လဲၣ်ဖိအကၢၢ်နံၤ, ဒီးအဝဲသ့ၣ်ကသလၣ်လီၤအပှာ်ဧိၤစၤဧိၤ ဖဲန့ၣ်လၢကမၤဃ့ထီအီၤအဂီၢ်န့ၣ်လီၤ. ဖဲန့ၣ်ညၣ်တဖၣ်ကအိၣ်ဝဲ အကလုာ်ကလုာ်အါဝဲဒ်သိးဒၣ်လၢပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ် အပူၤအသိးန့ၣ်လီၤ.

¹¹ဘၣ်ဆၣ်ထံလၢအအိၣ်လၢကပျၢၤတဖၣ်အပူၤဒီးလၢနိၣ်ဖိတဖၣ် အပူၤဖဲကၢၢ်နံၤန့ၣ်တဘၣ်တၢ်မၤဘျါထီၣ်အီၤဘၣ်. အဝဲသ့ၣ် ကအိၣ်တ့ၢ်ဝဲဖဲန့ၣ်လၢဒ်တၢ်လီၢ်အဂံၢ်ထံးအသိးလၢအံသၣ်အဂီၢ် န့ၣ်လီၤ.

¹²လၢထံကျိဖိအကၢၢ်နံၤတခီစုာ်စုာ်န့ၣ်ကယဲၢ်သ့ၣ်တဖၣ်အကလုာ် ကလုာ်ကမဲထီၣ်ဝဲလၢကဟ့ၣ်ထီၣ်တၢ်အီၣ်အဂီၢ်န့ၣ်လီၤ. အဝဲသ့ၣ် အလၣ်တဖၣ်တလီၤညွံးနီတဘျီဘၣ်ဒီးအဝဲသ့ၣ်တဆိကတီၢ် သၣ်ထီၣ်နီတဘျီဘၣ်. ကိးလါဒဲးန့ၣ်အဝဲသ့ၣ်ကအိၣ်ဒီး သ့ၣ်သၣ်အသီကဘှဲဒဲမ့ၢ်လၢအဝဲသ့ၣ်မၤန့ၢ်ထံလၢထံကျိဖိလၢ အဟဲယွၤလီၤလၢယွၤအတၢ်လုၢ်ဟံၣ်အဃိန့ၣ်လီၤ. သ့ၣ်တဖၣ်ကဟ့ၣ်ထီၣ်တၢ်အီၣ်ဒီးအလၣ်တဖၣ် တၢ်ကသူအီၤလၢတၢ်မၤဘျါပှၤဂီၢ်မုၢ်အဂီၢ်န့ၣ်လီၤ.”

¹³ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “အအံၤမ့ၢ်ကီၢ်အဆၢတဖၣ် လၢကဘၣ်တၢ်နီၤဖးလီၤဆူပှၤတဆံခံဒူၣ်အကျါအိၣ်ဒီးစီၤယိၤသး အဒူၣ်လၢအမၤန့ၢ်တၢ်နီၤဖးခံတီၤန့ၣ်လီၤ.

¹⁴ယအၢၣ်လီၤတ့ၢ်တၢ်သမှံၤသပှၢ်ဒီးသုမိၢ်ပၢ်ဖံဖုလၢပျၢၤတဖၣ် လၢယကဟ့ၣ်အဝဲသ့ၣ်လၢထံကီၢ်အံၤဒ်သိးကကဲထီၣ်အဝဲသ့ၣ် အတၢ်န့ၢ်သါန့ၣ်လီၤ. ခဲကနံၣ်အံၤနီၤဖးလီၤအီၤပှဲၤသိးသိး လၢသုကျါတက့ၢ်.

¹⁵ကလံၤစိးအကီၢ်ဆၢန့ၣ်လဲၤဝဲဆူမုၢ်ထီၣ်တခီစးထီၣ်လၢပီၣ်လဲၣ် ဖးဒိၣ်မဲးဒံးထၢၣ်ရ့နယၢၣ်ဆူဝ့ၢ်ဃ့သလိၣ်, ဆူကျဲလဲၤဆူမါသး, ဆူဝ့ၢ်စဒး,

¹⁶ဆူဘ့ၤရိသးအလီၢ်ကဝီၤအဝ့ၢ်တဖၣ်ဒီးစံးဘြံၣ် (ဝ့ၢ်တဖၣ်အံၤအိၣ်သူၣ်လီၤအသး လၢဒၤမ့ၤစ့းအဘီအမုၢ်အလီၢ်ကဝီၤဒီးဃမါသး အဘီအမုၢ်အလီၢ်ကဝီၤအဘၢၣ်စၢၤ) ဒီးဆူဝ့ၢ်ကံဘိၣ် (အိၣ်သူၣ်လီၤအသးလၢဃၤရၣ်အကီၢ်ဆၣ် အကီၢ်ဆၢန့ၣ်လီၤ.)

¹⁷လၢတၢ်န့ၣ်အဃိကလံၤစိးအကီၢ်ဆၢ, လဲၤဝဲစးထီၣ်လၢပီၣ်လဲၣ်ဖး ဒိၣ်မဲးဒံးထၢၣ်ရ့နယၢၣ်ဒီးဆူမုၢ်ထီၣ်တကပၤဆူဝ့ၢ်ဃစၢ်ဧ့နၣ်အိၣ်ဒီး ဒၤမ့ၤစ့းကီၢ်ဆၢအလီၢ်တဖၣ်ဒီး, ဝ့ၢ်ဃမါသးလၢအကလံၤစိးန့ၣ်လီၤ.

¹⁸မုၢ်ထီၣ်အကီၢ်ဆၢန့ၣ်လဲၤဝဲဆူကလံၤထံးတကပၤစးထီၣ်လၢ တၢ်လီၢ်တတီၤလၢအအိၣ်လၢဒၤမ့ၤစ့းအလီၢ်ကဝီၤဒီးဝ့ၢ်ဃၤရၣ် အဘၢၣ်စၢၤအိၣ်ဒီးထံကျိယၢ်ဒ့ၣ်ဒ်ကီၢ်အဆၢ, လၢအံၣ်စရ့လးအကီၢ်မုၢ်နုာ်တခီ, ဒီးကီၢ်ကံးလဧးလၢမုၢ်ထီၣ်တခီယံၤဝဲ တုၤလီၤလၢဝ့ၢ်တၤမၣ်လၢပီၣ်လဲၣ်သံအနံၤန့ၣ်လီၤ.

¹⁹ကလံၤထံးအကီၢ်ဆၢန့ၣ်လဲၤဝဲဆူကလံၤထံးမုၢ်နုာ်တကပၤစးထီၣ် လၢဝ့ၢ်တၤမၣ်ပၢၢ်တုၤဆူကၤဒ့ၣ်မရံဘါအမဲးမုၢ်ခိၣ်ထံအိၣ်အလီၢ် ဒီးလဲၤကဒီးဆူကလံၤစိးမုၢ်နုာ်လၢကီၢ်အဲၤကူပတူးအကီၢ်ဆၢ တကျိၤဆူပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်န့ၣ်လီၤ.

²⁰ပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်မ့ၢ်မုၢ်နုာ်ကီၢ်ဆၢဒီးလဲၤဝဲဆူကလံၤစိး တကပၤတုၤဆူတၢ်လီၢ်တတီၤလၢအအိၣ်လၢဝ့ၢ်ဃမါသးအကျဲ မုၢ်နုာ်တကပၤန့ၣ်လီၤ.

²¹နီၤလီၤကီၢ်အံၤလၢသုဒူၣ်တဖၣ်အကျါတက့ၢ်.

²²ကီၢ်န့ၣ်ကဘၣ်မ့ၢ်သုတၢ်လီၤစိၤလီၤဃၣ်န့ၣ်လီၤ. ပှၤတခီဘီမုၢ်ဖိတဖၣ်လၢအအိၣ်ဆိးလၢသု ကျါဒီးပှၤတဖၣ်လၢအအိၣ်ဖျဲၣ်ထီၣ်ဖဲအံၤစ့ၢ်ကီးကဘၣ်မၤန့ၢ် စ့ၢ်ကီးတၢ်နီၤဖးလၢအဂီၢ်လၢကီၢ်အံၤအပူၤဖဲသုနီၤလီၤအီၤ အခါန့ၣ်လီၤ. အဝဲသ့ၣ်ကဘၣ်တၢ်ပာ်အီၤဒ်ပှၤအံၣ်စရ့လး အထံဖိကီၢ်ဖိတဖၣ်နီၢ်နီၢ်အသိးဒီးကဘၣ်ဖီၣ်တၢ်ဖးတဖၣ်လၢ အကီၢ်တၢ်န့ၢ်သါတဖၣ်အဂီၢ်ဃုာ်ဒီးကီၢ်အံၣ်စရ့လးအဒူၣ် ထၢတဖၣ်န့ၣ်လီၤ.

²³ပှၤတခီဘီမုၢ်ဖိတဂၤစုာ်စုာ်လၢအအိၣ်ဆိးဖဲန့ၣ်ကန့ၢ်ဘၣ် အတၢ်န့ၢ်သါဃုာ်ဒီးပှၤအဒူၣ်အပှၤဂီၢ်မုၢ်လၢအဝဲသ့ၣ် အိၣ်ဆိးလၢအကျါန့ၣ်လီၤ. ယၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.”