Read S'gaw Karen လံာ်ယဃ့းစက့လး 9 Bible Online

လံာ်ယဃ့းစက့လး 9 - S'gaw Karen bible

လံာ်ယဃ့းစက့လး 9

¹အန့ၣ်ဝံၤဒီး, ယနၢ်ဟူကစၢ်ယွၤကိးထီၣ်ဝဲ, “ဟဲဖဲအံၤ, သုဝဲ ပှၤတဖၣ်လၢအကမၤဟးဂီၤဝ့ၢ်ယရူၤၡလ့ၣ်သ့ၣ်ဧၢ, ဟဲစိာ်ဃုာ်သုစုကဝဲၤတဖၣ်တက့ၢ်.”

²တဘျီဃီ, ပှၤဃုဂၤဟဲထီၣ်ဝဲလၢယွၤအတၢ်လုၢ်ဟံၣ်ကလံၤစိးအတြဲၤအချၢတခီ, တဂၤစုာ်စုာ်စိာ်ဒီးစုကဝဲၤတခါန့ၣ်လီၤ. ပှၤတဂၤလၢအကူသိးဖှီဝါကဆှၣ်အိၣ်ဒီးအဝဲသ့ၣ်, စိာ်ဃုာ်ဒီးတၢ်တမံၤလၢကကွဲးတၢ်အဂီၢ်လီၤ. အဝဲသ့ၣ်ခဲလၢာ်ဟဲဒီးဆၢထၢၣ်ဝဲဖဲတၢ်လုၢ်လီၢ်တိၢ်ဘီအကပၤ န့ၣ်လီၤ.

³ဝံၤဒီးကီၢ်အံၣ်စရ့လးအကစၢ်ယွၤအတၢ်အိၣ်ဝဲအတၢ်ကပီၤဆဲးက ပြုၢ်ကပြီၤထီၣ်ဝဲလၢတၢ်ဘၣ်တ့လၢအအိၣ်ဒီးအဒံးဆ့တဖၣ် အအိၣ်လၢတၢ်လီၢ်ဖဲအအိၣ်ဝဲ, ဒီးသုးအသးဆူယွၤအတၢ်လုၢ် ဟံၣ်အကျဲစၢၤန့ၣ်လီၤ. ယွၤကိးထီၣ်ဆူပှၤကူသိးတၢ်ဖှီဝါကဆှၣ်တဂၤအအိၣ်ဒီးစံးဝဲ,

⁴လဲၤခီဖျိဝ့ၢ်ယရူၤၡလ့ၣ်ဒီဝ့ၢ်ညါ, “ဒီးပာ်တၢ်ပနီၣ်တမံၤလၢ ပှၤကိးဂၤဒဲးအခိၣ်တိသၣ်အလိၤ, ပှၤတဖၣ်လၢအဘၣ်တၢ်ကိၢ်တၢ်ဂီၤဒီးဘၣ်ကီဘၣ်ခဲ, မ့ၢ်လၢတၢ်လီၤသးဘၣ်အၢတဖၣ်လၢတၢ်မၤတ့ၢ်အီၤလၢဝ့ၢ်ပူၤအဃိ န့ၣ်တက့ၢ်.”

⁵ဒီးယနၢ်ဟူကစၢ်ယွၤစံးဘၣ်ပှၤအဂၤတဖၣ်, “ပိာ်အဝဲအခံခီဖျိ ဝ့ၢ်ဒီဝ့ၢ်ညါဒီးမၤသံတၢ်တက့ၢ်. ပျၢ်ဖျဲးပှၤနီတဂၤတဂ့ၤ. သးကညီၤပှၤနီတဂၤတဂ့ၤ.

⁶မၤသံပှၤပိာ်ခွါသးပှၢ်တဖၣ်, ပိာ်ခွါသးစၢ်တဖၣ်, ပိာ်မုၣ်သးစၢ်တဖၣ်, ပိာ်မုၣ်သးပှၢ်တဖၣ်ဒီးဖိသၣ်တဖၣ်တက့ၢ်. ဘၣ်ဆၣ်ဒီး, ထိးဘူးပှၤလၢအအိၣ်ဒီးတၢ်ပနီၣ်လၢအခိၣ်တိသၣ်အလိၤနီတဂၤတ ဂ့ၤ. စးထီၣ်မၤအီၤဖဲယတၢ်လုၢ်ဟံၣ်အံၤတက့ၢ်.” လၢတၢ်န့ၣ်အဃိဒီး, အဝဲသ့ၣ်စးထီၣ်မၤသံပှၤခိၣ်ပှၤနၢ်တဖၣ်လၢအဆၢထၢၣ် ဖဲယွၤအတၢ်လုၢ်ဟံၣ်န့ၣ်လီၤ.

⁷ကစၢ်ယွၤစံးဘၣ်အဝဲသ့ၣ်, “မၤတကဆှီကွံာ်ယွၤအတၢ်လုၢ်ဟံၣ်တ က့ၢ်. မၤပှဲၤအဂၢၤတဖၣ်ဒီးတၢ်အစိၣ်တဖၣ်တက့ၢ်. မၤအခဲအံၤတက့ၢ်.” သတးဒီး, အဝဲသ့ၣ်စးထီၣ်မၤသံပှၤဂီၢ်မုၢ်လၢဝ့ၢ်အပူၤန့ၣ်လီၤ.

⁸ဖဲတၢ်မၤသံမၤဝီမၤဒံးအသးအဖၢမုၢ်န့ၣ်, ယအိၣ်ဖဲန့ၣ်ထဲတဂၤဧိၤလီၤ. ယထိၣ်လီၤဃံၤအီထီလာ်ယသးလၢဟီၣ်ခိၣ်လိၤဒီးကိးထီၣ်, “ယွၤပၢဘၣ်တၢ်ခဲလၢာ်ကစၢ်ဧၢ, မ့ၢ်နသးထီၣ်ဘၣ်မးဝ့ၢ်ယရူၤၡလ့ၣ် ထဲထဲအံၤတုၤဒၣ်လဲာ်နကမၤသံပှၤကိးဂၤဒဲးလၢအအိၣ်လီၤတဲာ် လၢကီၢ်အံၣ်စရ့လးအပူၤန့ၣ်ဧါ.”

⁹ကစၢ်ယွၤစံးဆၢတၢ်ဒီးစံးဝဲ, “ကီၢ်အံၣ်စရ့လးဒီးကီၢ်ယူဒၤ အပှၤဂီၢ်မုၢ်တဖၣ်မၤတၢ်ဒဲးဘးတဖၣ်လၢအလီၤပျံၤလီၤဖုးန့ၣ်လီၤ. အဝဲသ့ၣ်မၤသံတ့ၢ်တၢ်လၢထံကီၢ်ဒီဘ့ၣ်ညါဒီးမၤပှဲၤဝ့ၢ် ယရူၤၡလ့ၣ်ဒီးတၢ်မၤကမၣ်တၢ်သိၣ်တၢ်သီန့ၣ်လီၤ. အဝဲသ့ၣ်စံးဝဲလၢယၤ, ယွၤအံၤ, ပာ်လီၤတဲာ်ကွံာ်အဝဲသ့ၣ်အထံ အကီၢ်ဒီးလၢယတထံၣ်အဝဲသ့ၣ်ဘၣ်န့ၣ်လီၤ.

¹⁰ဘၣ်ဆၣ်ဒီးယတသးကညီၤအဝဲသ့ၣ်ဘၣ်. ယကမၤအဝဲသ့ၣ်ဒ်အဝဲသ့ၣ်မၤတ့ၢ်ပှၤဂၤတဖၣ်အသိးန့ၣ်လီၤ.

¹¹တုၤနုၤတစု, ပှၤတဂၤလၢအကူကၤဖှီဝါကဆှၣ်န့ၣ်ကဟဲက့ၤ ကဒါက့ၤဒီးပာ်ဖျါက့ၤတၢ်ဆူယွၤအအိၣ်ဒီးစံးဝဲ, ယမၤတ့ၢ်လံတၢ်ဒ်နဟ့ၣ်လီၤနကလုၢ်အသိးန့ၣ်လံ.”