Read S'gaw Karen လံာ်ယိၤနါ 3 Bible Online

လံာ်ယိၤနါ 3 - S'gaw Karen bible

လံာ်ယိၤနါ 3

¹ဒီးယွၤအကလုၢ်လီၤဘၣ်စီၤယိၤနါခံဘျီတဘျီဒီးစံးဝဲဒၣ်,

²“ဂဲၤထၢၣ်, လဲၤဆူဝ့ၢ်နံၤနဝ့, ဝ့ၢ်ဖးဒိၣ်တဖျၢၣ်န့ၣ်, ဒီးဘိးဘၣ်သ့ၣ်ညါတၢ်ကစီၣ်လၢယတဲနၤန့ၣ်တက့ၢ်.”

³အန့ၣ်သတးဒီးစီၤယိၤနါဒိကနၣ်ယွၤဒီးလဲၤဆူဝ့ၢ်နံၤနဝ့, ဝ့ၢ်လၢအဒိၣ်ဝဲလဲၢ်ဝဲတုၤဒၣ်လဲာ်တၢ်ဘၣ်လဲၤခီဝဲလၢခီၣ်သၢသီ န့ၣ်လီၤ.

⁴စီၤယိၤနါစးထီၣ်လဲၤနုာ်လၢဝ့ၢ်ပူၤ, လဲၤတၢ်တနံၤအကျဲဒီးကိးထီၣ်ဝဲ, “အိၣ်တီၢ်ဒၣ်အနံၤလွံၢ်ဆံလၢဝ့ၢ်နံၤနဝ့ကဘၣ်တၢ်မၤဟးဂီၤ ကွံာ်အီၤန့ၣ်လီၤ.”

⁵ဒီးပှၤနံၤနဝ့ဖိတဖၣ်နာ်ကစၢ်ယွၤအတၢ်ကစီၣ်လီၤ. လၢတၢ်န့ၣ်အဃိ, အဝဲသ့ၣ်ဘိးဘၣ်သ့ၣ်ညါတၢ်ဒုၣ်တၢ်အီၣ်, ဒီးပှၤခဲလၢာ်, ပှၤအဒိၣ်တုၤလၢပှၤအဆံးသိးထီၣ်ဆ့ကၤထၢၣ်သွ့ဒ်သိးကပာ်ဖျါ ထီၣ်ဝဲလၢအဝဲသ့ၣ်ပီၢ်ယၢ်လီၤက့ၤလံအသးန့ၣ်လီၤ.

⁶တုၤဝ့ၢ်နံၤနဝ့အစီၤပၤနၢ်ဟူတၢ်ကစီၣ်န့ၣ်, အဝဲဒၣ်ဂဲၤဆၢထၢၣ်လၢအလီၢ်ပစိာ်, ဘ့ၣ်လီၤကွံာ်စီၤပၤအကူအ သိး, ဒီးသိးထီၣ်ဝဲဆ့ကၤထၢၣ်သွ့, ဒီးဆ့ၣ်နီၤဝဲလၢဖၣ်ဆါအကျါန့ၣ်လီၤ.

⁷အဝဲဆှၢလီၤတၢ်ဘိးဘၣ်သ့ၣ်ညါဆူဝ့ၢ်နံၤနဝ့ဒီဝ့ၢ်အပူၤ, “အအံၤမ့ၢ်စီၤပၤဒီးအပဒိၣ်တဖၣ်စံၣ်ညီၣ်ခါလီၤအကလုၢ်န့ၣ် လီၤ. အဃိ ပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ, ဂီၤဘုၣ်ဂီၤဖံးမ့ၢ်ဂ့ၤ, သိဒီးမဲာ်တဲးလဲးမ့ၢ်ဂ့ၤ, မ်အသုတအီၣ်ကွၢ်တၢ်နီတမံၤတဂ့ၤ. မ်အသုတအီၣ်အဆၣ်ဒီးအသုတအီထံတဂ့ၤ.

⁸ပှၤကညီဒီးဆၣ်ဖိကီၢ်ဖိခဲလၢာ်ကဘၣ်သိးထီၣ်ဆ့ကၤထၢၣ်သွ့ဒီး အဝဲသ့ၣ်ကဘၣ်ဘါထုကဖၣ်ဆူၣ်ဆူၣ်ဆူကစၢ်ယွၤအအိၣ်န့ၣ်လီၤ. ကယဲၢ်ပှၤခဲလၢာ်ကဘၣ်ဃၣ်ကွံာ်အသးလၢအကျဲအအၢ အသီဒီးတၢ်မၤတၢ်လၢတၢ်စုဆူၣ်ခီၣ်တကးအပူၤန့ၣ်လီၤ.

⁹ဘၣ်တဘၣ်ကစၢ်ယွၤကလဲလိာ်က့ၤအသး, ဘၣ်တဘၣ်အဝဲကဆိ ကတီၢ်ကွံာ်အတၢ်သးဒိၣ်ဒီးပတတုၤလၢတၢ်ဟးဂီၤလၢၤဘၣ်.”

¹⁰ကစၢ်ယွၤထံၣ်တၢ်လၢအဝဲသ့ၣ်မၤဝဲ, ထံၣ်ဝဲလၢအဝဲသ့ၣ်ညိကွံာ်အသးလၢအကျဲအအၢအသီန့ၣ်လီၤ. အန့ၣ်ဒီးအဝဲလဲလိာ်ကွံာ်အတၢ်ပာ်လီၤ အသးဒီးတစံၣ်ညီၣ်ဘၣ်အဝဲသ့ၣ်ဒ်အစံးတ့ၢ်လၢကမၤဝဲအသိးန့ၣ် ဘၣ်.