Read S'gaw Karen လံာ်တၢ်ဂံၢ် 1 Bible Online

လံာ်တၢ်ဂံၢ် 1 - S'gaw Karen bible

လံာ်တၢ်ဂံၢ် 1

¹ဖဲကီၢ်အံၣ်စရ့လးအပှၤဂီၢ်မုၢ်ဟးထီၣ်ကွံာ်လၢကီၢ်အဲၤကူပတူး အပူၤ, ပူၤကွံာ်ခံနံၣ်တနံၣ်, လါခံလါတလါထီၣ်အခီၣ်ထံးကတၢၢ်တသီ န့ၣ်ယွၤကတိၤတၢ်ဒီးစီၤမိၤၡ့လၢယွၤအိၣ်ဝဲဆိးဝဲ အဒဲစီဆှံပူၤလၢကစၢၢ်စံၤနါအပှၢ်မုၢ်ကနၢပူၤန့ၣ်လီၤ. ယွၤစံးဝဲဒၣ်,

²“နၤဒီးစီၤအၤဟရိၣ်ကဘၣ်ထၢဖှိၣ်ဂံၢ်နီၣ်ကီၢ်အံၣ်စရ့လးအပှၤ ဂီၢ်မုၢ်အနီၣ်ဂံၢ်တခါဒ်ဒူၣ်ထၢတဖၣ်ဒီးဟံၣ်ဒူၣ်ဃီထၢတဖၣ်စုာ် စုာ်န့ၣ်လီၤ. ကွဲးနီၣ်ကယဲၢ်ပိာ်ခွါကိးဂၤအမံၤ,

³လၢအသးအိၣ်အနံၣ်ခံဆံဒီးဆူအဖီခိၣ်လၢအကြၢးဒီးတၢ်ဒုးသုး အဂီၢ်တက့ၢ်.

⁴ဃ့တၢ်မၤစၢၤလၢဒူၣ်တဒူၣ်အခိၣ်လၢဒူၣ်ကိးဒူၣ်ဒဲးအပူၤလၢကမၤ စၢၤနၤအဂီၢ်တက့ၢ်.”

⁵ဒီးအအံၤမ့ၢ်ပိာ်ခွါတဖၣ်, ခိၣ်နၢ်တဖၣ်လၢပှၤအဒူၣ်တဖၣ်အပူၤ, လၢအဘၣ်တၢ်ဃုထၢအီၤလၢကမျၢၢ်ဒူၣ်ထၢအကျါလၢတၢ်မၤအံၤ အဂီၢ်လီၤ. [ပှၤအဒူၣ်] — [ပှၤအဒူၣ်အခိၣ်] ရူၤဘ့ၣ် — စီၤၡဒ့အူၢ်အဖိခွါစီၤအလံစူၢ် စူၤမ့းအိၣ် — စီၤစူၤရံၡးဒံၤအဖိခွါစီၤၡ လူမံၤအ့လး ယူဒၤ — စီၤဧမံၤနဒးအဖိခွါစီၤနၤဃၡိၣ် ယံးစၣ်ကၢ် — စီၤစူဧၢ်အဖိခွါစီၤနၤသန့လး စဘူလိၣ် — စီၤဃ့လူၣ်အဖိခွါစီၤအလံအာ် အ့ဖရဲၣ် — စီၤဧးမံၤဟူးအဖိခွါစီၤအလံၡမၤ မနၤၡ့ၤ — စီၤပဒၤစူၢ်အဖိခွါစီၤကမၤလ့လး ဘံၣ်ယၤမံၣ် — စီၤကံးဒဧိနံၤအဖိခွါစီၤအဘံဒၣ် ဒၣ် — စီၤဧးမံၤၡးဒံၤအဖိခွါစီၤအဃံၤဧ့စ့ၢ် အၤၡ့ၢ် — စီၤဧးကရၣ်အဖိခွါစီၤပးကံၤအ့လး ကး — စီၤဒဧူၤအ့လးအဖိခွါစီၤအ့လယၤစာ် နးသၤလံ — စီၤဧ့နၣ်အဖိခွါစီၤအဃံရၤ

¹⁷လၢပှၤတဆံခံဂၤအံၤအတၢ်မၤစၢၤန့ၣ်စီၤမိၤၡ့ဒီးစီၤအၤဟရိၣ်

¹⁸ကိးဖှိၣ်ပှၤဂီၢ်မုၢ်ဒီတဖုညါဖဲလါခံလါတလါထီၣ်အဆိကတၢၢ် တသီအနံၤန့ၣ်ဒီးဆဲးလီၤကွဲးနီၣ်ပှၤဂီၢ်မုၢ်ခဲလၢာ်ဒ်အဒူၣ် ထၢဒၣ်ဝဲဒီးအဟံၣ်ဖိဃီဖိဒၣ်ဝဲန့ၣ်လီၤ. ကယဲၢ်ပှၤပိာ်ခွါအသးအိၣ် အနံၣ်ခံဆံဒီးဆူအဖီခိၣ်တဖၣ်အမံၤန့ၣ်ဘၣ်တၢ်ကွဲးနီၣ်အီၤ ဒီးဂံၢ်နီၣ်အီၤခဲလၢာ်,

¹⁹ဒ်ယွၤမၤလိာ်တ့ၢ်ဝဲအသိးန့ၣ်လီၤ. လၢကစၢၢ်စံၤနါအပှၢ်မုၢ် ကနၢအပူၤန့ၣ်စီၤမိၤၡ့ဆဲးလီၤကွဲးနီၣ်ပှၤဂီၢ်မုၢ်အမံၤန့ၣ်လီၤ.

²⁰ပှၤပိာ်ခွါအသးအိၣ်အနံၣ်ခံဆံမ့တမ့ၢ်ခံဆံဆူအဖီခိၣ်လၢအ ကြၢးဝဲဘၣ်ဝဲလၢတၢ်ဒုးသုးအဂီၢ်န့ၣ်ဘၣ်တၢ်ဆဲးလီၤကွဲးနီၣ် အမံၤဒ်အဒူၣ်ထၢဒီးအဟံၣ်ဖိဃီဖိအမံၤအိၣ်ဝဲဒၣ်အသိး, စးထီၣ်လၢစီၤရူၤဘ့ၣ်အဒူၣ်လၢအမ့ၢ်စီၤယၤကိာ်အဖိခွါအဒိၣ် ကတၢၢ်အဒူၣ်န့ၣ်လီၤ. အနီၣ်ဂံၢ်ခဲလၢာ်မ့ၢ်ဒ်အဖီလာ်အသိးန့ၣ်လီၤ. လၢရူၤဘ့ၣ်အဒူၣ်န့ၣ် ပှၤလွံၢ်ကလးဃုကထိယဲၢ်ကယၤဂၤ. လၢစူၤမ့းအိၣ်အဒူၣ်န့ၣ် ပှၤယဲၢ်ကလးခွံကထိသၢကယၤဂၤ. လၢကးအဒူၣ်န့ၣ်ပှၤလွံၢ်ကလးယဲၢ်ကထိဃုကယၤယဲၢ်ဆံဂၤ. လၢယူဒၤအဒူၣ်န့ၣ်ပှၤနွံကလးလွံၢ်ကထိဃုကယၤဂၤ. လၢယံးစၣ်ကၢ်အဒူၣ်န့ၣ်ပှၤယဲၢ်ကလးလွံၢ်ကထိလွံၢ်ကယၤဂၤ. လၢစဘူလိၣ်အဒူၣ်န့ၣ်ပှၤယဲၢ်ကလးနွံကထိလွံၢ်ကယၤဂၤ. လၢအ့ဖရဲၣ်အဒူၣ်န့ၣ်ပှၤလွံၢ်ကလးယဲၢ်ကယၤဂၤ. လၢမနၤၡ့ၤအဒူၣ်န့ၣ်ပှၤသၢကလးခံကထိခံကယၤဂၤ. လၢဘံၣ်ယၤမံၣ်အဒူၣ်န့ၣ်ပှၤသၢကလးယဲၢ်ကထိလွံၢ်ကယၤဂၤ. လၢဒၣ်အဒူၣ်န့ၣ်ပှၤဃုကလးခံကထိနွံကယၤဂၤ. လၢအၤၡ့ၢ်အဒူၣ်န့ၣ်ပှၤလွံၢ်ကလးတကထိယဲၢ်ကယၤဂၤ. လၢနၤသးလံအဒူၣ်န့ၣ်ပှၤယဲၢ်ကလးသၢကထိလွံၢ်ကယၤဂၤ. ပှၤခဲလၢာ်ပာ်ဖှိၣ်မ့ၢ်ဝဲ, ဃုကလီၢ်သၢကထိယဲၢ်ကယၤယဲၢ်ဆံဂၤ.

⁴⁷ပှၤလ့ၤဝံဖိတဖၣ်န့ၣ်တဘၣ်တၢ်ဆဲးလီၤကွဲးနီၣ်အမံၤဃုာ်ဒီးပှၤ ဒူၣ်အဂၤတဖၣ်ဘၣ်.

⁴⁸အဂ့ၢ်ဒ်အံၤ, ယွၤစံးဘၣ်တ့ၢ်စီၤမိၤၡ့,

⁴⁹“ဖဲနထၢဖှိၣ်ဒီးကွဲးနီၣ်ပှၤပိာ်ခွါတဖၣ်လၢအကြၢးဝဲဘၣ်ဝဲ ဒီးသုးဧိၤသံၣ်ဧိၤအတၢ်မၤအခါန့ၣ်, ဒၢနုာ်ဃုာ်လ့ၤဝံအဒူၣ်တဂ့ၤ.

⁵⁰အခိၣ်တလိာ်, ပာ်ပှၤလ့ၤဝံဖိတဖၣ်ဒ်ပှၤအံးထွဲကွၢ်ထွဲ ယအိၣ်ဝဲဆိးဝဲအဒဲစီဆှံဒီးကယဲၢ်အတၢ်ပီးတၢ်လီခဲလၢာ်အသိး တက့ၢ်. အဝဲသ့ၣ်ကဘၣ်စိာ်အီၤဃုာ်ဒီးအတၢ်ပီးတၢ်လီတဖၣ်, မၤတၢ်လၢအပူၤဒီးသူၣ်ထီၣ်အဒဲဝးတရံးအီၤန့ၣ်လီၤ.

⁵¹ဖဲသုသုးသုသူၣ်ဒဲအလီၢ်တဘျီလၢ်လၢ်န့ၣ်, ပှၤလ့ၤဝံဖိတဖၣ်ကရူၢ်လီၤဒဲစီဆှံဒီးသူၣ်ထီၣ်ကဒီးအီၤဖဲ တၢ်သူၣ်ထီၣ်ဒဲအလီၢ်အသီတတီၤကဒီးစုာ်စုာ်န့ၣ်လီၤ. ပှၤအဂၤတဂၤလၢ်လၢ်လၢအဟဲဘူးဒီးဒဲစီဆှံန့ၣ်ကဘၣ်တၢ်မၤသံ ကွံာ်အီၤန့ၣ်လီၤ.

⁵²ပှၤအံၣ်စရ့လးဖိအဂၤခဲလၢာ်ကသူၣ်ထီၣ်အဒဲတဖုဘၣ်တဖု, ပှၤတဂၤစုာ်စုာ်ဒီးအကရူၢ်ဒၣ်ဝဲလၢအနီၣ်တယၢ်ဒၣ်ဝဲအဖီလာ်န့ၣ် လီၤ.

⁵³မ့မ့ၢ်ပှၤလ့ၤဝံဖိတဖၣ်ကဘၣ်သူၣ်ဒဲဝးတရံးဒဲစီဆှံလၢကကဟု ကယာ်အီၤအဂီၢ်, ဒ်သိးပှၤသုတဟဲဘူးအီၤနီတဂၤဒီးထိၣ်ဂဲၤယတၢ်သးထီၣ်လၢ ယကကျီကွံာ်အံၣ်စရ့လးအဒူၣ်အထၢတဂ့ၤအဂီၢ်န့ၣ်လီၤ.”

⁵⁴မၤသးဒ်န့ၣ်ဒီးကီၢ်အံၣ်စရ့လးအပှၤဂီၢ်မုၢ်မၤကယဲၢ်တၢ်ကိးမံၤ ဒဲးလၢယွၤမၤလိာ်တ့ၢ်ဝဲစီၤမိၤၡ့န့ၣ်လီၤ.