Read S'gaw Karen လံာ်တၢ်ဂံၢ် 15 Bible Online

လံာ်တၢ်ဂံၢ် 15 - S'gaw Karen bible

လံာ်တၢ်ဂံၢ် 15

¹ယွၤဟ့ၣ်လီၤစီၤမိၤၡ့, တၢ်သိၣ်တၢ်သီတဖၣ်ဒ်လာ်အံၤအသိးလၢကီၢ်အံၣ်စရ့လးအပှၤဂီၢ်မုၢ် အဂီၢ်ဒ်သိးကတိၢ်န့ၢ်ဖံးဃာ်ဝဲလၢကီၢ်တဘ့ၣ်လၢကဘၣ်တၢ်ဟ့ၣ်လီၤအဝဲ သ့ၣ်အပူၤန့ၣ်လီၤ.

³ဂီၤဖံးဖါတဒု, သိဖါတဒု, သိတဒု, မ့တမ့ၢ်မဲာ်တဲးလဲးတ ဒုကဘၣ်တၢ်ဟ့ၣ်ထီၣ်အီၤဆူယွၤအအိၣ်ဒ်တၢ်လုၢ်တၢ်ပာ်တမံၤလၢတၢ်မၤ လၢထီၣ်ပှဲၤထီၣ်တၢ်ဆိၣ်တမံၤမ့ၢ်ဂ့ၤ, တၢ်သူၣ်အိၣ်သးအိၣ်အတၢ်ဟ့ၣ်တမံၤမ့ၢ်ဂ့ၤ, ဒ်တၢ်လုၢ်တၢ်ပာ်လၢသု ညီနုၢ်မၤအီၤဖဲတၢ်ဘူၣ်တၢ်ဘါအမူးတဖၣ်အကတီၢ်မ့ၢ်ဂ့ၤ အသိးန့ၣ်လီၤ. တၢ်အီၣ်အတၢ်လုၢ်တၢ်ပာ်တဖၣ်အံၤအတၢ်နၢမူန့ၣ် မ့ၢ်တၢ်လၢအဘၣ်ယွၤအသးန့ၣ်လီၤ.

⁴ပှၤတဂၤလၢ်လၢ်လၢအဟ့ၣ်ထီၣ်သိတဒုမ့ၢ်ဂ့ၤ, မဲာ်တဲးလဲးတဒုမ့ၢ် ဂ့ၤဒ်တၢ်လုၢ်မ့ၣ်အူတမံၤဆူယွၤအအိၣ်န့ၣ်ကဘၣ်ဟဲစိာ်ကိၣ်ကမူၣ် အဃၢလီၤတယၢၢ်တအ့စရိၣ်ဃါဃုာ်အသးဒီးသ့ၣ်စၤယံးအသိ တဟံၣ်လွံၢ်ပူတပူဃုာ်ဒီးဆၣ်ဖိကီၢ်ဖိတဒုစုာ်စုာ်, ဒ်တၢ်လုၢ်ဘု ဧိၤဟုဧိၤအသိး,

⁵ဒီးကဘၣ်ဟဲစိာ်ဃုာ်စပံးထံတဟံၣ်လွံၢ်ပူတပူန့ၣ်လီၤ.

⁶ဖဲတၢ်လုၢ်ထီၣ်ပာ်ထီၣ်သိဖါတဒုန့ၣ်ကိၣ်ကမူၣ်အဃၢလီၤတယၢၢ်ခံ အ့စရိၣ်ဃါဃုာ်ဒီးသ့ၣ်စၤယံးအသိတဟံၣ်သၢပူတပူကဘၣ်တၢ်ဟဲ စိာ်ဃုာ်အီၤဒ်တၢ်လုၢ်ဘုဧိၤဟုဧိၤအသိးဃုာ်ဒီးစပံးထံတဟံၣ် သၢပူတပူန့ၣ်လီၤ.

⁷တၢ်လုၢ်တၢ်ပာ်တဖၣ်အံၤအတၢ်နၢမူန့ၣ်မ့ၢ်တၢ်ဘၣ်ယွၤအသးန့ၣ် လီၤ.

⁸ဖဲဂီၤဖံးဖါတဒုဘၣ်တၢ်လုၢ်ထီၣ်ပာ်ထီၣ်အီၤဒ်တၢ်လုၢ်မ့ၣ်အူ မ့တမ့ၢ်တၢ်လုၢ်တၢ်ပာ်တမံၤလၢတၢ်မၤလၢထီၣ်ပှဲၤထီၣ်တၢ်ဆိၣ် တမံၤအဂီၢ်မ့ၢ်ဂ့ၤ, ဒ်တၢ်လုၢ်မၤဃူမၤဖိးတမံၤအဂီၢ်န့ၣ်,

⁹ကိၣ်ကမူၣ်အဃၢလီၤတယၢၢ်သၢအ့စရိၣ်ဃါဃုာ်ဒီးသ့ၣ်စၤယံး အသိဖးဖီဟံၣ်ကဘၣ်တၢ်ဟ့ၣ်ထီၣ်စ့ၢ်ကီးအီၤဒ်တၢ်လုၢ်ဘုဧိၤဟုဧိၤ,

¹⁰ဃုာ်ဒီးစပံးထံဖးဖီဟံၣ်စ့ၢ်ကီးန့ၣ်လီၤ. တၢ်လုၢ်တၢ်ပာ်တဖၣ်အံၤအတၢ်နၢမူန့ၣ်မ့ၢ်တၢ်ဘၣ်ယွၤအသးန့ၣ် လီၤ.

¹¹တၢ်န့ၣ်မ့ၢ်တၢ်လၢတၢ်ကဘၣ်လုၢ်ထီၣ်ပာ်ထီၣ်အီၤဃုာ်ဒီးဂီၤဖံး ဖါတဒု, သိဖါတဒုဒီးမဲာ်တဲးလဲးတဒုစုာ်စုာ်န့ၣ်လီၤ.

¹²ဖဲဆၣ်ဖိကီၢ်ဖိအါန့ၢ်ဒံးတဒု, ဘၣ်တၢ်လုၢ်ထီၣ်ပာ်ထီၣ်အီၤ န့ၣ်တၢ်လုၢ်တၢ်ပာ်ဃုာ်ဒီးအီၤတဖၣ်ကဘၣ်တၢ်မၤအါထီၣ်အီၤဒ်အနီၣ် ထိၣ်ကြၢးအိၣ်ဝဲဒၣ်စုာ်စုာ်အသိးန့ၣ်လီၤ.

¹³ကယဲၢ်ပှၤအံၣ်စရ့လးဖိလၢအိၣ်ဖျဲၣ်လၢကီၢ်ပူၤခဲလၢာ်န့ၣ်ကဘၣ် မၤတၢ်အံၤဖဲအလုၢ်ထီၣ်ပာ်ထီၣ်တၢ်လုၢ်တၢ်အီၣ်တၢ်အီ, လၢအတၢ်နၢမူမ့ၢ်တၢ်ဘၣ်ယွၤအသးန့ၣ်လီၤ.

¹⁴ဒီးတဘျီလၢ်လၢ်ဖဲပှၤတခီဘီမုၢ်ဖိတဂၤလၢသုကျါလၢအအိၣ် တစိၢ်တလီၢ်မ့ၢ်ဂ့ၤအိၣ်ဂၢၢ်အိၣ်ကျၢၤမ့ၢ်ဂ့ၤမၤတၢ်လုၢ်မၤဘူၣ် တၢ်အီၣ်တၢ်အီလၢအတၢ်နၢမူမ့ၢ်တၢ်ဘၣ်ယွၤအသးတမံၤန့ၣ်, အဝဲကဘၣ်တိၢ်န့ၣ်တၢ်သိၣ်တၢ်ဘျၢတမံၤဃီန့ၣ်လီၤ.

¹⁵တၢ်သိၣ်တၢ်ဘျၢတဖၣ်တမံၤဃီအံၤမ့ၢ်တၢ်ဂၢၢ်ဂၢၢ်ကျၢၤကျၢၤလၢသု ဂီၢ်အစိၤစိၤအဃၣ်ဃၣ်ဒီးလၢပှၤတခီဘီမုၢ်ဖိလၢအအိၣ်လၢသု ကျါအဂီၢ်စ့ၢ်ကီးန့ၣ်လီၤ. သုဝဲဒီးအဝဲသ့ၣ်မ့ၢ်တၢ်ဒ်သိးသိးလၢယွၤအမဲာ်ညါန့ၣ်လီၤ.

¹⁶တၢ်သိၣ်တၢ်သီတဖၣ်ဒီးတၢ်သိၣ်တၢ်ဘျၢတဖၣ်တမံၤဃီန့ၣ်မ့ၢ်တၢ်ဘၣ် ထွဲဒီးသုဒီးပှၤတခီဘီမုၢ်ဖိအဂီၢ်စ့ၢ်ကီးလီၤ.

¹⁷ဒီးယွၤဟ့ၣ်လီၤစီၤမိၤၡ့, လၢ တၢ်သိၣ်တၢ်ဘျၢတဖၣ်ဒ်လာ်အံၤအသိးလၢပှၤအံၣ်စရ့လးဖိ ကဘၣ်တိၢ်န့ၢ်ဝဲလၢကီၢ်လၢယွၤကဟ့ၣ်အဝဲသ့ၣ်အပူၤန့ၣ်လီၤ.

¹⁹ဖဲသုအီၣ်ကိၣ်လၢအဟးထီၣ်လၢကီၢ်အံၤအပူၤန့ၣ်, သုကဘၣ်ပာ်လီၤဆီအီၤလၢအကျါတနီၤဒ်တၢ်ဟ့ၣ်မၤဘူၣ်လီၤဆီ တမံၤဆူယွၤအအိၣ်အသိးန့ၣ်လီၤ.

²⁰ဖဲသုစိၢ်ဘျဲးကိၣ်န့ၣ်ကိၣ်အဆိကတၢၢ်တလိၣ်လၢတၢ်မၤအီၤအဆိ ကတၢၢ်လၢဘုအသီန့ၣ်ကဘၣ်တၢ်ဟ့ၣ်ထီၣ်အီၤဆူယွၤအအိၣ်ဒ် တၢ်မၤဘူၣ်လီၤဆီတမံၤအသိးန့ၣ်လီၤ. တၢ်အံၤကဘၣ်တၢ်ဟ့ၣ်ထီၣ်အီၤလၢကျဲတဘိဃီဒ်သိးဒၣ်တၢ်မၤဘူၣ် လီၤဆီလၢသုဟ့ၣ်ထီၣ်အီၤလၢဘုဧိၤဟုဧိၤလၢသုယီၢ်လီၤအီၤ အသိးန့ၣ်လီၤ.

²¹တၢ်ဟ့ၣ်လီၤဆီအံၤကဘၣ်တၢ်ဟ့ၣ်အီၤဆူယွၤအအိၣ်လၢကိၣ်လၢသု ကုၢ်အီၤအစိၤစိၤအဃၣ်ဃၣ်န့ၣ်လီၤ.

²²ဘၣ်ဆၣ်ဒီး, လၢတၢ်တပာ်သူၣ်ပာ်သးအပူၤပစံးဒၣ်ကလိာ်ပှၤတဂၤဂၤ ကလီၤတိၢ်ဝဲလၢတတိၢ်န့ၢ်တၢ်သိၣ်တၢ်သီတဖၣ်အံၤအကျါတနီၤနီၤ လၢယွၤဟ့ၣ်လီၤတ့ၢ်စီၤမိၤၡ့န့ၣ်လီၤ.

²³ဒီးပစံးဒၣ်ကလိာ်လၢခါဆူညါအပူၤကမျၢၢ်ဒီဒူၣ်လီၤတိၢ်လၢ ကမၤတၢ်ကိးမံၤဒဲးဒ်ယွၤမၤလိာ်တ့ၢ်တၢ်ခီဖျိစီၤမိၤၡ့န့ၣ်လီၤ.

²⁴လၢကမျၢၢ်ဒီဒူၣ်တပာ်သူၣ်ပာ်သးအဃိဒီး, တၢ်ကမူၤကမၣ်မ့ၢ်မၤဘၣ် ဖုးအသးန့ၣ်, အဝဲသ့ၣ်ကဘၣ်လုၢ်ထီၣ်ဂီၤဖံးဖါတဒုဒ်တၢ်လုၢ်မ့ၣ်အူလၢ အသိး, တၢ်နၢမူလၢအဘၣ်ယွၤအသး, ဃုာ်ဒီးတၢ်လုၢ်ဘုဧိၤဟုဧိၤဒီးတၢ်လုၢ်စပံးထံလီၤတံၢ်လီၤ ဆဲးန့ၣ်လီၤ. လၢန့ၣ်အမဲာ်ညါ, အဝဲသ့ၣ်ကဘၣ်လုၢ်စ့ၢ်ကီးမဲာ်တဲးလဲးဖါတဒုဒ် တၢ်လုၢ်တၢ်ပျၢ်တၢ်ဒဲးဘးအသိးန့ၣ်လီၤ.

²⁵ပှၤလုၢ်တၢ်အခိၣ်ကဘၣ်မၤတၢ်ဘူၣ်တၢ်ဘါအတၢ်မၤကဆှီအလုၢ်အလၢ်လၢ ကမျၢၢ်ဒီဒူၣ်အဂီၢ်, ဒီးအဝဲသ့ၣ်ကဘၣ်တၢ်ပျၢ်ကွံာ်အီၤလၢအတၢ်ကမၣ်မ့ၢ်လၢတၢ်ကမူၤ ကမၣ်န့ၣ်မ့ၢ်ဒၣ်လၢတၢ်တပာ်သူၣ်ပာ်သးအဃိ, ဒီးအဝဲသ့ၣ်ဟဲစိာ် ထီၣ်အတၢ်လုၢ်တၢ်အီၣ်တၢ်အီလၢတၢ်လုၢ်တၢ်ပျၢ်တၢ်ဒဲးဘးအဂီၢ်လံ အဃိန့ၣ်လီၤ.

²⁶ကီၢ်အံၣ်စရ့လးအကမျၢၢ်ဒီဒူၣ်ဒီထၢဒီးပှၤတခီဘီမုၢ်ဖိတဖၣ် လၢအအိၣ်လၢအဝဲသ့ၣ်အကျါကဘၣ်တၢ်ပျၢ်ကွံာ်အီၤန့ၣ်လီၤ. အဂ့ၢ်ဒ်အံၤ, ပှၤကိးဂၤဒဲးန့ၣ်ဘၣ်တၢ်ဂံၢ်ဃုာ်အီၤလၢတၢ်ကမူၤ ကမၣ်အံၤအပူၤန့ၣ်လီၤ.

²⁷ပှၤတဂၤစုာ်စုာ်မ့ၢ်မၤဘၣ်တၢ်ဒဲးဘးလၢတၢ်တပာ်သူၣ်ပာ်သးအပူၤ န့ၣ်, အဝဲကဘၣ်လုၢ်ထီၣ်မဲာ်တဲးလဲးမိၢ် အသးအိၣ်တနံၣ်ဖိတဒုဒ်တၢ် လုၢ်တၢ်ပျၢ်တၢ်ဒဲးဘးအသိးန့ၣ်လီၤ.

²⁸လၢတၢ်လုၢ်လီၢ်န့ၣ်ပှၤလုၢ်တၢ်အခိၣ်ကဘၣ်မၤအတၢ်မၤကဆှီ ထီၣ်သးလၢတၢ်ဘူၣ်တၢ်ဘါအလုၢ်အလၢ်လၢကမၤကဆှီထီၣ်ပှၤတဂၤန့ၣ် လၢအတၢ်ဒဲးဘးဒီးအဝဲကဘၣ်တၢ်ပျၢ်ကွံာ်အီၤန့ၣ်လီၤ.

²⁹တၢ်သိၣ်တၢ်ဘျၢတမံၤဃီအံၤမ့ၢ်ဝဲလၢပှၤကိးဂၤဒဲးလၢအမၤဘၣ် တၢ်ဒဲးဘးတမံၤလၢတၢ်တပာ်သူၣ်ပာ်သးအပူၤအဂီၢ်ပှၤအံၣ်စရ့လး အထံဖိကီၢ်ဖိမ့ၢ်ဂ့ၤ, ပှၤတခီဘီမုၢ်ဖိလၢအဟဲအိၣ်ဖဲထံကီၢ်အံၤအပူၤမ့ၢ်ဂ့ၤန့ၣ် လီၤ.

³⁰ဘၣ်ဆၣ်ဒီးပှၤတဂၤလၢ်လၢ်လၢအမၤတၢ်ဒဲးဘးလၢတၢ်တိာ်သူၣ်ပာ်သး အပူၤန့ၣ်, အဝဲမ့ၢ်ထံဖိကီၢ်ဖိမ့ၢ်ဂ့ၤ, ပှၤတခီဘီမုၢ်ဖိမ့ၢ်ဂ့ၤ, အတၢ်ကမၣ်အိၣ်လၢအမၤတရီတပါယွၤသတးဒီးကဘၣ်တၢ်မၤသံကွံာ်အီၤ န့ၣ်လီၤ.

³¹အဂ့ၢ်ဒ်အံၤ, အဝဲဒၣ်ညိကွံာ်ယွၤအတၢ်ကတိၤဒီးလုၢ်သ့ၣ်ခါပတာ် အတၢ်မၤလိာ်တဖၣ်အကျါတဘီဒ်အကူၣ်ထီၣ်ဖးလီၤဒၣ်ဝဲအဃိန့ၣ်လီၤ. အဝဲအိၣ်မူအိၣ်ဒါလၢအတၢ်သံဒၣ်ဝဲအဂီၢ်န့ၣ်လီၤ.

³²တဘျီဖဲပှၤအံၣ်စရ့လးဖိတဖၣ်အိၣ်ဒံးဝဲလၢပှၢ်မုၢ်ကနၢအပူၤ အခါန့ၣ်, ပှၤတဂၤဘၣ်တၢ်ထံၣ်န့ၢ်အီၤလၢအထၢဖှိၣ်သ့ၣ်မုၣ်ဒ့လၢမုၢ်အိၣ် ဘှံးနံၤန့ၣ်လီၤ.

³³အဝဲဘၣ်တၢ်လဲၤဆှၢအီၤဆူစီၤမိၤၡ့, စီၤအၤဟရိၣ်ဒီးကမျၢၢ် အိၣ်တပူၤဃီခဲလၢာ်အအိၣ်,

³⁴ဒီးဘၣ်တၢ်ပာ်ဃးအီၤလၢပှၤပၢၤတၢ်အစုပူၤမ့ၢ်လၢတၢ်ကဘၣ်မၤ အီၤဒ်လဲၣ်န့ၣ်တၢ်တသ့ၣ်ညါလီၤတံၢ်ဒံးဘၣ်အဃိန့ၣ်လီၤ.

³⁵အန့ၣ်ဒီးယွၤစံးဘၣ်စီၤမိၤၡ့, “ပှၤတဂၤန့ၣ်ကဘၣ်တၢ်မၤသံ ကွံာ်အီၤန့ၣ်လီၤ. ကမျၢၢ်အိၣ်သကိးတပူၤဃီတဖုကဘၣ်ကွံာ်သံအီၤလၢလၢၢ်ဖဲတၢ်သူၣ် ဒဲလီၢ်အချၢန့ၣ်လီၤ.”

³⁶မၤသးဒ်န့ၣ်ဒီး, ကမျၢၢ်အိၣ်သကိးတပူၤဃီဒီတဖုညါထုးထီၣ်အီၤ ဆူသူၣ်ဒဲလီၢ်အချၢဒီးကွံာ်အီၤလၢလၢၢ်တုၤအသံတစု, ဒ်ယွၤမၤလိာ်ဝဲအသိးန့ၣ်လီၤ.

³⁷ယွၤမၤလိာ်စီၤမိၤၡ့, လၢအကစံးဘၣ်ကီၢ်အံၣ်စရ့လးအပှၤဂီၢ်မုၢ်ဒ်အံၤလီၤ. “မၤတၢ်အနွံတဖၣ်လၢသုဆ့ကၤအသနၢၣ်တဖၣ်အလိၤဒီးစၢထီၣ်ပျံၤ အလွဲၢ်လါအဲးတဘိလၢတၢ်အနွံတခါဘၣ်တခါအလိၤတက့ၢ်. သုကဘၣ်မၤတၢ်အံၤအစိၤစိၤအဃၣ်ဃၣ်န့ၣ်လီၤ.

³⁹တၢ်အနွံတဖၣ်အံၤကကဲထီၣ်တၢ်ဒုးသ့ၣ်နီၣ်တဖၣ်ဒီးဖဲသုထံၣ်အီၤ တဘျီလၢ်လၢ်န့ၣ်သုကသ့ၣ်နီၣ်ထီၣ်ကယဲၢ်ယတၢ်မၤလိာ်တဖၣ်ဒီးစူၢ် အီၤန့ၣ်လီၤ. အန့ၣ်ဒီးသုတဃၣ်ကွံာ်ဘၣ်သုသးလၢယၤဒီးတပိာ်သုတၢ်အဲၣ်ဒိး တဖၣ်ဒီးတၢ်မိၢ်န့ၢ်သးလီတဖၣ်အခံန့ၣ်ဘၣ်.

⁴⁰တၢ်အနွံတဖၣ်အံၤကမၤသ့ၣ်နီၣ်သုလၢသုကဘၣ်တိၢ်န့ၢ်ကယဲၢ်ယတၢ်မၤ လိာ်တဖၣ်, ဒီးသုကဘၣ်ဃးဒီးယၤလၢလၢပှဲၤပှဲၤန့ၣ်လီၤ.

⁴¹ယဲဒၣ်အံၤ, ယမ့ၢ်ယွၤသုကစၢ်ယွၤ, ယဒုးဟးထီၣ်ကွံာ်သုလၢကီၢ်အဲၤကူပတူးပူၤ ဒ်သိးယကမ့ၢ်သုကစၢ်ယွၤန့ၣ်လီၤ. ယမ့ၢ်ယွၤန့ၣ်လီၤ.”