Read S'gaw Karen လံာ်တၢ်ဂံၢ် 17 Bible Online

လံာ်တၢ်ဂံၢ် 17 - S'gaw Karen bible

လံာ်တၢ်ဂံၢ် 17

¹ဒီးယွၤစံးဘၣ်စီၤမိၤၡ့, “တဲဘၣ်ကီၢ်အံၣ်စရ့လးအပှၤဂီၢ်မုၢ်လၢကဟ့ၣ်နၤနီၣ်ထိးဘိ တဆံခံဘိ, တဘိလၢပှၤတဒူၣ်ဘၣ်တဒူၣ်အခိၣ်အနၢ်တဂၤစုာ်စုာ်အဂီၢ် န့ၣ်တက့ၢ်. ကွဲးလီၤပှၤတဂၤဘၣ်တဂၤအမံၤလၢအနီၣ်ထိးဘိဒၣ်ဝဲအလိၤ,

³ဝံၤဒီးကွဲးလီၤစီၤအၤဟရိၣ်အမံၤလၢပှၤလ့ၤဝံဖိတဖၣ်အခၢၣ် စးနီၣ်ထိးဘိအလိၤန့ၣ်တက့ၢ်. ပှၤအခိၣ်အနၢ်တဂၤစုာ်စုာ်အနီၣ်ထိးဘိကအိၣ်ဝဲတဘိစုာ်စုာ်န့ၣ် လီၤ.

⁴လဲၤစိာ်တၢ်တဖၣ်န့ၣ်ခဲလၢာ်ဆူယအိၣ်ယဆိးအဒဲစီဆှံ ပာ်လီၤအီၤဖဲတၢ်အၢၣ်လီၤအီလီၤအတလါစီဆှံ, အမဲာ်ညါဖဲ ယသဂၢၢ်သုအလီၢ်န့ၣ်တက့ၢ်.

⁵အန့ၣ်ဒီးပှၤလၢယဃုထၢအီၤတဂၤအနီၣ်ထိးဘိန့ၣ်ကဒိးစၢ်ထီၣ်ဝဲလီၤ. လၢကျဲဒ်အံၤန့ၣ်ယကဆိကတီၢ်ကွံာ်ပှၤအံၣ်စရ့လးဖိတဖၣ်အံၤ အတၢ်ကဒူးကဒ့ၣ်ထီဒါသုတဘိယူၢ်ဃီန့ၣ်လီၤ.”

⁶မၤသးဒ်န့ၣ်ဒီး, စီၤမိၤၡ့ကတိၤတၢ်ဒီးပှၤအံၣ်စရ့လးဖိတဖၣ်, ဒီးအဝဲသ့ၣ်အခိၣ်အနၢ်တဂၤစုာ်စုာ်န့ၣ်ဟ့ၣ်အီၤလၢနီၣ်ထိးဘိ တဘိစုာ်စုာ်လၢပှၤတဒူၣ်စုာ်စုာ်အဂီၢ်, ခဲလၢာ်အိၣ်ဝဲတဆံခံဘိ, ဒီးစီၤအၤဟရိၣ်အနီၣ်ထိးဘိန့ၣ်ဘၣ်တၢ်ပာ်ဃုာ်အီၤလၢအကျါ န့ၣ်လီၤ.

⁷အန့ၣ်ဝံၤဒီးစီၤမိၤၡ့ပာ်ကယဲၢ်နီၣ်ထိးဘိတဖၣ်န့ၣ်လၢဒဲစီ ဆှံအပူၤဖဲယွၤအတၢ်အၢၣ်လီၤအီလီၤအတလါအမဲာ်ညါန့ၣ်လီၤ.

⁸မုၢ်ဆ့ၣ်ထီၣ်တနံၤဖဲစီၤမိၤၡ့လဲၤနုာ်လီၤဆူဒဲစီဆှံအပူၤ န့ၣ်, အဝဲထံၣ်လၢစီၤအၤဟရိၣ်အနီၣ်ထိးဘိလၢအမ့ၢ်ပှၤလ့ၤဝံဖိ တဖၣ်အခၢၣ်စးတဘိန့ၣ်ဒိးစၢ်ထီၣ်ဝဲလီၤ. နီၣ်ထိးဘိန့ၣ်ဘိၣ်ထီၣ်ဖီထီၣ်ဒီးဟ့ၣ်ထီၣ် ၡၤကးအတၤသၣ်အမံဘီတဖၣ်လီၤ.

⁹စီၤမိၤၡ့ဟံးထီၣ်ကယဲၢ်နီၣ်ထိးဘိတဖၣ်န့ၣ်ဒီးဒုးနဲၣ်အီၤ ဆူပှၤအံၣ်စရ့လးဖိတဖၣ်န့ၣ်လီၤ. အဝဲသ့ၣ်ထံၣ်ဘၣ်တၢ်မၤတ့ၢ်အသးတဖၣ်ဒီးပှၤခိၣ်ပှၤနၢ်တဂၤစုာ် စုာ်ဟံးန့ၢ်ကဒါက့ၤအနီၣ်ထိးဘိဒၣ်ဝဲန့ၣ်လီၤ.

¹⁰ယွၤစံးဘၣ်စီၤမိၤၡ့, “ပာ်က့ၤစီၤအၤဟရိၣ်အနီၣ်ထိးဘိ လၢတၢ်အၢၣ်လီၤအီလီၤအတလါစီဆှံအမဲာ်ညါတက့ၢ်. တၢ်န့ၣ်ကဘၣ်တၢ်ပာ်အီၤဒ်တၢ်ဟ့ၣ်ပလီၢ်တမံၤဆူပှၤပူထီၣ်ထီ ဒါတၢ်အံၣ်စရ့လးဖိတဖၣ်လၢအဝဲသ့ၣ်အတၢ်ကဒူးကဒ့ၣ်မ့ၢ်တဆိ ကတီၢ်ဘၣ်ဒီးကဘၣ်သံဝဲန့ၣ်တက့ၢ်.”

¹¹စီၤမိၤၡ့မၤဝဲဒ်ယွၤမၤလိာ်အီၤအသိးန့ၣ်လီၤ.

¹²ကီၢ်အံၣ်စရ့လးအပှၤဂီၢ်မုၢ်စံးဘၣ်စီၤမိၤၡ့, “မ့မ့ၢ်ဒ်န့ၣ်ဒီးတၢ်န့ၣ်မ့ၢ်တၢ်လၢအမၤကတၢၢ်ပှၤန့ၣ်ဧါ.”

¹³ပှၤတဂၤဂ့ၤတဂၤဂ့ၤမ့ၢ်လဲၤဘူးဘၣ်ထဲဒဲစီဆှံဧိၤဒီးကဘၣ်သံဝဲဒီး, ဂ့ၤလၢပသံခဲလၢာ်န့ၣ်လီၤ.