Read S'gaw Karen လံာ်တၢ်ဂံၢ် 25 Bible Online

လံာ်တၢ်ဂံၢ် 25 - S'gaw Karen bible

လံာ်တၢ်ဂံၢ် 25

¹ဖဲပှၤအံၣ်စရ့လးဖိတဖၣ်အိၣ်သူၣ်ထီၣ်အဒဲလၢၡံးထံၣ်အတြီၤ ပူၤန့ၣ်ပှၤပိာ်ခွါတဖၣ်စးထီၣ်လဲၤမံဃုာ်ဒီးပှၤမိၤအးမုၣ် တဖၣ်လၢအအိၣ်ဝဲဖဲန့ၣ်လီၤ.

²ပိာ်မုၣ်တဖၣ်အံၤကွဲဃီၤအဝဲသ့ၣ်တဖၣ်ဆူတၢ်လုၢ်တၢ်ပာ်အမူးတဖၣ် လၢတၢ်လီၢ်ဖဲကီၢ်မိၤအးအကစၢ်ဘၣ်တၢ်ဘူၣ်ထီၣ်ဘါထီၣ်အီၤန့ၣ် လီၤ. ပှၤအံၣ်စရ့လးဖိတဖၣ်အီၣ်တၢ်အီၣ်ဒီးဘါထီၣ်ကစၢ်ဘဧၤလးလၢကီၢ် ပဧိၢ်အပူၤန့ၣ်လီၤ.

³မၤသးဒ်န့ၣ်ဒီး, ယွၤသးဒိၣ်ထီၣ်အဝဲသ့ၣ်, ဒီးယွၤစံးဘၣ်စီၤမိၤၡ့, “ကိးဃီၤကယဲၢ်ပှၤအံၣ်စရ့လးဖိ အခိၣ်အနၢ်တဖၣ်ဒီးလၢတၢ်ဒိကနၣ်ယၤအပူၤန့ၣ်မၤသံကွံာ်ပှၤလၢ အပူထီၣ်ယၤတဖၣ်ဖဲမုၢ်ထူၣ်အဆၢကတီၢ်န့ၣ်တက့ၢ်. အန့ၣ်ဒီးယတသးဒိၣ်ထီၣ်လၢၤဘၣ်ပှၤဂီၢ်မုၢ်နီတစုဘၣ်.”

⁵စီၤမိၤၡ့စံးဘၣ်ပှၤခိၣ်ပှၤနၢ်တဖၣ်, “သုဝဲတဂၤဘၣ်တဂၤန့ၣ် ကဘၣ်မၤသံကွံာ်ကယဲၢ်ပှၤကိးဂၤဒဲးလၢသုဒူၣ်ပူၤ, ပှၤလၢအကဲထီၣ်ပှၤတဂၤလၢအဘူၣ်ထီၣ်ဘါထီၣ်ဘဧၤလးလၢကီၢ်ပဧိၢ် အပူၤန့ၣ်လီၤ.”

⁶ပှၤအံၣ်စရ့လးဖိတဖၣ်အကျါတဂၤကိးနုာ်ပှၤမံးဒယၣ်ပိာ်မုၣ်တဂၤ ဆူဒဲပူၤလၢစီၤမိၤၡ့ဒီးပှၤကမျၢၣ်ခဲလၢာ်အမဲာ်ညါဖဲ အဝဲသ့ၣ်ဟီၣ်ဝဲယၢၤဝဲလၢယွၤအိၣ်ဝဲဆိးဝဲအဒဲစီဆှံ အကျဲစၢၤအခါန့ၣ်လီၤ.

⁷ဖဲပှၤလုၢ်တၢ်အခိၣ်စီၤအၤဟရိၣ်အလံၤခွါ, စီၤအလၤဧါစၢ်အဖိခွါ, စီၤပံၤနဃၣ်ထံၣ်တၢ်န့ၣ်ဒီး, အဝဲဂဲၤဆၢထၢၣ်ဒီးဟးထီၣ်ကွံာ်လၢတၢ်အိၣ်ဖှိၣ်န့ၣ်လီၤ. အဝဲစိာ်ထီၣ်ဘီတဘ့ၣ်,

⁸လဲၤပိာ်ထွဲပှၤတဂၤန့ၣ်ဒီးပိာ်မုၣ်တဂၤန့ၣ်အခံဆူဒဲပူၤဒီး ဆဲးဖျိကွံာ်ပှၤခံဂၤလိာ်န့ၣ်လၢဘီန့ၣ်လီၤ. လၢကျဲဒ်သိးအံၤန့ၣ်တၢ်သံသတြိာ်လၢအမၤဟးဂီၤကီၢ်အံၣ်စရ့လး န့ၣ်ဆိကတီၢ်အသး

⁹ဘၣ်ဆၣ်ဒီး, တၢ်န့ၣ်မၤသံကွံာ်လံပှၤဂီၢ်မုၢ်၂၄၀၀၀ ဂၤ လံန့ၣ်လီၤ.

¹⁰ယွၤစံးဘၣ်စီၤမိၤၡ့ဒီးစံးဝဲဒၣ်,

¹¹“မ့ၢ်လၢတၢ်တမံၤလၢစီၤပံၤနဃၣ်မၤတ့ၢ်ဝဲန့ၣ်အဃိဒီး, ယတသးဒိၣ်လၢၤကီၢ်အံၣ်စရ့လးအပှၤဂီၢ်မုၢ်ဘၣ်. အဝဲဝံသးစူၤတၢ်ဘူၣ်တၢ်ဘါထီၣ်ကစၢ်အဂၤတကဲဘၣ်. မ့မ့ၢ်သးအိၣ်ဒၣ်ဝဲထဲယၤတဂၤသတးဒီး, ယတမၤဟးဂီၤလၢၤအဝဲသ့ၣ်လၢယတၢ်သးဒိၣ်အဃိလၢၤဘၣ်.

¹²မၤသးဒ်န့ၣ်ဒီးတဲဘၣ်အီၤလၢယမၤတၢ်အၢၣ်လီၤအီလီၤတမံၤဒီး အီၤလၢကမ့ၢ်တၢ်ဂၢၢ်ဝဲကျၢၤဝဲအစိၤစိၤအဃၣ်ဃၣ်န့ၣ်တက့ၢ်.

¹³အဝဲဒီးအစၢၤအသွဲၣ်တဖၣ်န့ၣ်ဘၣ်တၢ်ဒုးကဲထီၣ်ဒီးပာ်ဂၢၢ်ပာ် ကျၢၤအီၤဒ်ပှၤလုၢ်တၢ်အခိၣ်တဖၣ်အသိးလီၤစိၤလီၤထီလီၤ. အဂ့ၢ်ဒ်အံၤ, အဝဲဝံသးစူၤပှၤလၢအပြၢတၢ်ထီဒါယၤတကဲ နီတဂၤဘၣ်ဒီးဒုးလီၤဘၣ်တၢ်ပျၢ်တၢ်ဒဲးဘးလၢပှၤဂီၢ်မုၢ်အတၢ် ဒဲးဘးအဂီၢ်လီၤ.”

¹⁴ပှၤအံၣ်စရ့လးဖိတဂၤလၢအဘၣ်တၢ်မၤသံဃုာ်အီၤဒီးပှၤမံးဒယၣ် မုၣ်တဂၤန့ၣ်အမံၤမ့ၢ်ဝဲစီၤစၤလူအဖိခွါစီၤစံၣ်ရံၤန့ၣ်လီၤ. အဝဲမ့ၢ်ဒူၣ်ဖိထၢဖိအခိၣ်တဂၤလၢစူၤမ့းအိၣ်အဒူၣ်ပူၤန့ၣ်လီၤ.

¹⁵ပိာ်မုၣ်တဂၤန့ၣ်အမံၤမ့ၢ်ဝဲနီၢ်ကးစဘံၤလီၤ. အဝဲအပၢ်မ့ၢ်ကရူၢ်ခိၣ်တဂၤလၢပှၤမံးဒယၣ်ဖိအဒူၣ်ထၢတဖၣ်အကျါ န့ၣ်လီၤ.

¹⁶ယွၤမၤလိာ်စီၤမိၤၡ့စံးဝဲ, “လဲၤထီၣ်ဒုးပှၤမံးဒယၣ်ဖိတဖၣ်ဒီးမၤဟးဂီၤကွံာ်အဝဲ သ့ၣ်

¹⁸မ့ၢ်လၢအမၤတ့ၢ်သုလၢတၢ်အၢတၢ်သီဖဲအဝဲသ့ၣ်, လီန့ၢ်သုဖဲပဧိၢ်, ဒီးမ့ၢ်လၢနီၢ်ကးစဘံၤလၢအဘၣ်တၢ်မၤသံကွံာ်အီၤဖဲတၢ်သံသ တြိာ်လၢပဧိၢ်အခါ, အဃိန့ၣ်တက့ၢ်.”