Read S'gaw Karen လံာ်တၢ်ဂံၢ် 26 Bible Online

လံာ်တၢ်ဂံၢ် 26 - S'gaw Karen bible

လံာ်တၢ်ဂံၢ် 26

¹ဖဲတၢ်သံသတြိာ်ဝံၤအလီၢ်ခံ, ယွၤစံးဘၣ်စီၤမိၤၡ့, ဒီးစီၤအၤဟရိၣ်အဖိခွါစီၤအလၤဧစၢ်ဒ်အံၤ,

²“မၤတၢ်ထၢဖှိၣ်ကွဲးနီၣ်တမံၤဒ်ကီၢ်အံၣ်စရ့လးအပှၤဂီၢ်မုၢ်ဒီကရူၢ်, အဟံၣ်ဖိဃီဖိတဖၣ်အိၣ်ဝဲအသိး, လၢကယဲၢ်ပှၤလၢအသးအိၣ်အနံၣ် ခံဆံဒီးဆူအဖီခိၣ်လၢအကြၢးဒီးသုးမုၢ်သံၣ်ဘိအတၢ်မၤအဂီၢ်တက့ၢ်.”

³စီၤမိၤၡ့ဒီးစီၤအလၤဧစၢ်စူၢ်တၢ်ဒီးကိးဖှိၣ်ပှၤပိာ်ခွါလၢအသးအိၣ်ထဲန့ၣ် တဖၣ်လီၤ. အဝဲသ့ၣ်ပာ်ဖှိၣ်ထီၣ်အသးလၢထံကျိယၢ်ဒ့ၣ်အဘးခီ, ဖဲကီၢ်မိၤအးအတၢ်ပျီပူၤ, ဝ့ၢ်ယရံၤဃိအမဲာ်ညါန့ၣ်လီၤ.

⁴ပှၤတဖၣ်အံၤမ့ၢ်ပှၤအံၣ်စရ့လးဖိလၢအဟဲထီၣ်လၢကီၢ်အဲၤကူ ပတူးအပူၤန့ၣ်လီၤ.

⁵လၢရူၤဘ့ၣ်အဒူၣ်ပူၤ (စီၤရူၤဘ့ၣ်မ့ၢ်စီၤယၤကိာ်အဖိခွါအဒိၣ် ကတၢၢ်), ဒူၣ်ထၢတဖၣ်လၢအဘၣ်ထွဲဒီးစီၤဟနိာ်, စီၤပးလူး,

⁶စီၤဃ့စရိာ်ဒီးစီၤကၢ်မံၤန့ၣ်လီၤ. ဒူၣ်ထၢတဖၣ်အံၤအိၣ်ဒီးပှၤပိာ်ခွါအနီၣ်ဂံၢ်လွံၢ်ကလးသၢကထိနွံကယၤသၢဆံဂၤန့ၣ်လီၤ.

⁷

⁸စီၤပးလူးအစၢၤအသွဲၣ်တဖၣ်မ့ၢ်ဝဲ, စီၤအလံအာ်, ဒီးအဖိခွါတဖၣ်လၢအမ့ၢ်စီၤနမူၤအ့လး, စီၤဒၤသၣ်ဒီးစီၤ အဘံရၣ်န့ၣ်လီၤ. (အဝဲအံၤမ့ၢ်ဝဲစီၤဒၤသၣ်ဒီးစီၤအဘံရၣ်လၢ အဘၣ်တၢ်ဃုထၢထီၣ်အီၤလၢပှၤဂီၢ်မုၢ်ဒီကရူၢ်န့ၣ်လီၤ. အဝဲသ့ၣ်တပာ်ကဲဘၣ်စီၤမိၤၡ့ဒီးစီၤအၤဟရိၣ်အတၢ်ကဲခိၣ်ကဲ နၢ်ဘၣ်ဒီးကဲထီၣ်ပှၤတဖၣ်လၢအပိာ်စီၤကိၤရးအခံ, ဖဲအဝဲသ့ၣ်ပူထီၣ်ထီဒါယွၤန့ၣ်လီၤ.

⁹

¹⁰ဟီၣ်ခိၣ်အိးထီၣ်အသးဒီးယူၢ်လီၤကွံာ်အဝဲသ့ၣ်ဒီးအဝဲသ့ၣ်သံဃုာ် ဒီးစီၤကိၤရးဒီးပှၤပိာ်အခံတဖၣ်, ဖဲမ့ၣ်အူမၤဟးဂီၤကွံာ် ပှၤပိာ်ခွါအဂၤခံကယၤယဲၢ်ဆံ န့ၣ်လီၤ. အဝဲသ့ၣ်ကဲထီၣ်တၢ်ဟ့ၣ်ပလီၢ်တမံၤလၢပှၤဂီၢ်မုၢ်အဂီၢ်န့ၣ်လီၤ.

¹¹ဘၣ်ဆၣ်ဒီးစီၤကိၤရးအဖိခွါတဖၣ်တဘၣ်တၢ်မၤသံအီၤဘၣ်.)

¹²လၢစူၤမ့းအိၣ်အဒူၣ်ပူၤ, ဒူၣ်ထၢတဖၣ်လၢအဘၣ်ထွဲဒီးစီၤနမူၤအ့လး, စီၤယၤမံၣ်, စီၤယၤကံၣ်,

¹³စီၤစ့ရၤ, ဒီးစီၤၡၤအူလးန့ၣ်လီၤ.

¹⁴ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ ခံကထိခံကယၤခံဆံ ဂၤန့ၣ်လီၤ.

¹⁵လၢကးအဒူၣ်ပူၤ, ဒူၣ်ထၢတဖၣ်လၢအဘၣ်ထွဲဒီးစီၤစဖိၣ်, စီၤဃးကံၤ, စီၤၡူနံၤ,

¹⁶စီၤအီးစနံၤ, စီၤဧ့ရံၤ,

¹⁷စီၤအရိးဒီးစီၤအၤအ့ၤလံန့ၣ်လီၤ.

¹⁸ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, လွံၢ်ကလးယဲၢ်ကယၤဂၤန့ၣ်လီၤ.

¹⁹လၢယူဒၤအဒူၣ်ပူၤ (စီၤယူဒၤအဖိခွါခံဂၤလၢအမ့ၢ်စီၤအ့ၢ် ဒီးစီၤအိၤနၣ်န့ၣ်, သံတ့ၢ်ဝဲလၢကီၢ်ကနၤဧၣ်အပူၤလီၤ.) ဒူၣ်ထၢတဖၣ်လၢအဘၣ်ထွဲဒီးစီၤၡ့လၤ, စီၤစ့ရၤ, စီၤဖ့ၤရ့း, စီၤဃ့စရိၣ်ဒီးစီၤဃမူန့ၣ်လီၤ.

²⁰

²¹

²²ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, နွံကလးဃုကထိယဲၢ်ကယၤဂၤန့ၣ်လီၤ.

²³လၢယံးစၣ်ကၢ်အဒူၣ်ပူၤ, ဒူၣ်ထၢတဖၣ်လၢအဘၣ်ထွဲဒီးစီၤတိၤလၤ, စီၤဖူၤဝၤ,

²⁴စီၤယၤၡူာ်ဒီးစီၤၡံးမရိၣ်န့ၣ်လီၤ. ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, ဃုကလးလွံၢ်ကထိ သၢကယၤဂၤန့ၣ်လီၤ.

²⁵

²⁶လၢစဘူလိၣ်အဒူၣ်ပူၤ, ဒူၣ်ထၢတဖၣ်လၢအဘၣ်ထွဲဒီးစီၤစ့ရ့း, စီၤအ့လိၣ်ဒီးစီၤယၤလအ့လးန့ၣ်လီၤ.

²⁷ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, ဃုကလးယဲၢ်ကယၤ ဂၤန့ၣ်လီၤ.

²⁸ဒူၣ်တဖၣ်လၢအဘၣ်ထွဲဒီးစီၤယိၤသးလၢအမ့ၢ်ဖိခွါခံဂၤအပၢ် န့ၣ်မ့ၢ်မနၤၡ့ၤအဒူၣ်ဒီးအ့ဖရဲၣ်အဒူၣ်န့ၣ်လီၤ.

²⁹လၢမနၤၡ့ၤအဒူၣ်ပူၤန့ၣ်, စီၤမနၤၡ့ၤအဖိခွါစီၤမၤကံၢ်လၢ အမ့ၢ်စီၤကံးလဧးအပၢ်ဒီးဒူၣ်ထၢလၢလာ်တဖၣ်အံၤဒွးက့ၤ အတၢ်ဟဲလီၤစၢၤလီၤသွဲၣ်လၢစီၤကံးလဧးန့ၣ်လီၤ.

³⁰ဒူၣ်ထၢတဖၣ်လၢအဘၣ်ထွဲဒီးစီၤအံစ့ၢ်, စီၤဃ့လ့း,

³¹စီၤအးစရံၤအ့လး, စီၤၡက့ၣ်,

³²စီၤၡမံဒၤဒီးစီၤဃ့ဖ့ၢ်န့ၣ်လီၤ. စီၤဃ့ဖ့ၢ်အဖိခွါစီၤစလၤဖဃးန့ၣ်အဖိခွါတအိၣ်နီတဂၤဘၣ်. မ့မ့ၢ်အိၣ်ဒၣ်ထဲအဖိမုၣ်တဖၣ်ဒီးအဝဲသ့ၣ်အမံၤမ့ၢ်ဝဲ, နီၢ်မၤလၤ, နီၢ်နိဧၤ, နီၢ်ဃၤကလၤ, နီၢ်မံးလကၤဒီးနီၢ်တံးရစၢ်လီၤ.

³³

³⁴ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, ယဲၢ်ကလးခံကထိနွံကယၤ ဂၤန့ၣ်လီၤ.

³⁵လၢအ့ဖရဲၣ်အဒူၣ်ပူၤ, ဒူၣ်ထၢတဖၣ်လၢအဘၣ်ထွဲဒီးစီၤၡူၤသ့လၤ, စီၤဘ့က့ၢ်ဒီးစီၤတၤဃၣ်န့ၣ်လီၤ.

³⁶စီၤဧ့ရၣ်အဒူၣ်ထၢဒွးက့ၤအထူအထံးဟဲလၢစီၤၡူၤသ့လၤန့ၣ် လီၤ.

³⁷ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, သၢကလးခံကထိ ယဲၢ်ကယၤဂၤန့ၣ်လီၤ. အဝဲသ့ၣ်တဖၣ်အံၤမ့ၢ်ဒူၣ်ထၢတဖၣ်လၢအဟဲလီၤစၢၤလၢစီၤယိၤသး န့ၣ်လီၤ.

³⁸လၢဘံၣ်ယၤမံၣ်အဒူၣ်ပူၤ, ဒူၣ်ထၢတဖၣ်လၢအဘၣ်ထွဲဒီးစီၤဘ့လၤ, စီၤအၤၡဘ့လး, စီၤအဃံရၣ်,

³⁹စီၤၡူဖၣ်ဒီးစီၤဃူဖၣ်န့ၣ်လီၤ. စီၤအၤရးဒီးစီၤနၤဧမၣ်အဒူၣ်ထၢတဖၣ်ဒွးက့ၤအတၢ်ဟဲလီၤစၢၤ အထူအထံးလၢစီၤဘ့လၤန့ၣ်လီၤ.

⁴⁰

⁴¹ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, လွံၢ်ကလးယဲၢ်ကထိ ဃုကယၤ ဂၤန့ၣ်လီၤ.

⁴²လၢဒၣ်အဒူၣ်ပူၤ, ဒူၣ်ထၢလၢအဘၣ်ထွဲဒီးစီၤၡူဃၣ်,

⁴³လၢအပှၤပိာ်ခွါအနီၣ်ဂံၢ်အိၣ်ဝဲ, ဃုကလးလွံၢ်ကထိလွံၢ်ကယၤ ဂၤန့ၣ်လီၤ.

⁴⁴လၢအၤၡ့ၢ်အဒူၣ်ပူၤန့ၣ်, ဒူၣ်ထၢတဖၣ်လၢအဘၣ်ထွဲဒီးစီၤယံးမ နၤ, စီၤယံးၡဝံၤဒီးစီၤဘရံဧၤန့ၣ်လီၤ.

⁴⁵စီၤဃ့ဘ့ၢ်ဒီးစီၤမးလကံၤအ့လးအဒူၣ်ထၢတဖၣ်ဒွးက့ၤအတၢ်ဟဲ လီၤစၢၤလၢစီၤဘရံဧၤန့ၣ်လီၤ.

⁴⁶စီၤအၤၡ့ၢ်အိၣ်ဒီးအဖိမုၣ်တဂၤလၢအမံၤမ့ၢ်နီၢ်စၤရါန့ၣ်လီၤ.

⁴⁷ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, ယဲၢ်ကလးသၢကထိလွံၢ်ကယၤ ဂၤ န့ၣ်လီၤ.

⁴⁸လၢနးသၤလံအဒူၣ်ပူၤ, ဒူၣ်ထၢတဖၣ်လၢအဘၣ်ထွဲဒီးစီၤယၤစအ့ လး, စီၤကူနံၤ,

⁴⁹စီၤယ့စ့ၢ်ဒီးစီၤၡံးလ့ၣ်န့ၣ်လီၤ. ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, လွံၢ်ကလးယဲၢ်ကထိလွံၢ်ကယၤ ဂၤ န့ၣ်လီၤ.

⁵⁰

⁵¹ပှၤအံၣ်စရ့လးဖိပိာ်ခွါအနီၣ်ဂံၢ်ပာ်ဖှိၣ်ခဲလၢာ်မ့ၢ်ဝဲပှၤဃု ကလီၢ်တကထိနွံကယၤသၢဆံဂၤန့ၣ်လီၤ.

⁵²ယွၤစံးဘၣ်စီၤမိၤၡ့, “နီၤဖးလီၤထံကီၢ်န့ၣ်လၢပှၤအဒူၣ်တဖၣ်အကျါဒ်ပှၤအဒူၣ်အနီၣ် ဂံၢ်အိၣ်ဝဲအသိးန့ၣ်တက့ၢ်.

⁵³

⁵⁴လၢပှၤလၢအနီၣ်ဂံၢ်အါအဂီၢ်န့ၣ်ဟ့ၣ်အီၤတၢ်န့ၢ်သါအလီၢ်ကဝီၤလၢ အလဲၢ်, ဒီးလၢပှၤလၢအနီၣ်ဂံၢ်စှၤတဖုအဂီၢ်န့ၣ်, ဟ့ၣ်အီၤတၢ်န့ၢ်သါအလီၢ်ကဝီၤလၢအအံၣ်တက့ၢ်. ဒူၣ်ခဲလၢာ်န့ၣ်, ကဘၣ်တၢ်ဟ့ၣ်အီၤတၢ်န့ၢ်သါဒ်အနီၣ်ဂံၢ်အိၣ်ဝဲ အသိးန့ၣ်လီၤ.

⁵⁵မၤလီၤတံၢ်လၢတၢ်နီၤလီၤထံကီၢ်ကဘၣ်မ့ၢ်ခီဖျိတၢ်ဖီၣ်တၢ်ဖး, ဒီးဒ်အဝဲသ့ၣ်အဒူၣ်အတၢ်လီၤစၢၤအမံၤအိၣ်ဝဲန့ၣ်, အဝဲသ့ၣ်ကန့ၢ်သါတၢ်လီၤ.

⁵⁶အဝဲသ့ၣ်အတၢ်န့ၢ်သါကဘၣ်တၢ်ဟ့ၣ်လီၤအီၤဒ်တၢ်ဖးအိၣ်ဝဲ အသိးလၢပှၤအအါဒီးအစှၤအဘၢၣ်စၢၤန့ၣ်လီၤ.

⁵⁷ပှၤလ့ၤဝံဖိအဒူၣ်ပၣ်ဃုာ်ဝဲဒီးစီၤက့ရၡိၣ်, စီၤကဃးဒီးစီၤ မရၤရံအဒူၣ်ထၢတဖၣ်န့ၣ်လီၤ.

⁵⁸အဝဲသ့ၣ်အစၢၤအသွဲၣ်တဖၣ်ပၣ်ဃုာ်ဒီးပှၤအဒူၣ်ထၢအဆံးဖိတဖၣ်လၢ အဘၣ်ထွဲဒီးဒ်စီၤလံးဘနၤ, စီၤဃ့ၤဘြိၣ်, စီၤမူၡံၤဒီးစီၤကိးရးန့ၣ်လီၤ. စီၤကဃးမ့ၢ်စီၤဧၤမရၣ်အပၢ်လီၤ.

⁵⁹စီၤဧၤမရၣ်ဆီဟံၣ်ဆီဃီဒီးစီၤလ့ၤဝံအဖိမုၣ်နီၢ်ယိကဘ့ၣ်လၢ အအိၣ်ဖျဲၣ်လၢကီၢ်အဲၤကူပတူးအပူၤန့ၣ်လီၤ. အဝဲဆံးစၢ်ထီၣ်န့ၢ်စီၤဧၤမရၣ်လၢဖိခွါခံဂၤ, လၢအမ့ၢ်စီၤအၤဟရိၣ်ဒီးစီၤမိၤၡ့ဒီးဖိမုၣ်တဂၤ, လၢအမ့ၢ်နီၢ်မံးရယၣ်န့ၣ်လီၤ.

⁶⁰စီၤအၤဟရိၣ်အဖိခွါအိၣ်လွံၢ်ဂၤ, လၢအမ့ၢ်စီၤနၤဒး, စီၤအဘံဟူၤ, စီၤအလၤဧစၢ်ဒီးစီၤအံသမၢ်န့ၣ်လီၤ.

⁶¹စီၤနၤဒးဒီးစီၤအဘံဟူၤသံဝဲဒၣ်ဖဲအဝဲသ့ၣ်လုၢ်ထီၣ်တၢ်လုၢ် တစီဆှံဘၣ်ဆူယွၤအအိၣ်န့ၣ်လီၤ.

⁶²ပှၤလ့ၤဝံဖိအပိာ်ခွါလၢအသးအိၣ်တလါဒီးဆူအဖီခိၣ်အနီၣ်ဂံၢ် အိၣ်ဝဲဒၣ် ခံကလးသၢကထိ ဂၤန့ၣ်လီၤ. အဝဲသ့ၣ်ဘၣ်တၢ်ကွဲးနီၣ်အီၤလီၤဆီဒီးပှၤအံၣ်စရ့လးဖိ အဂၤတဖၣ်, မ့ၢ်လၢအဝဲသ့ၣ်တဘၣ်တၢ်ဟ့ၣ်အီၤတၢ်စုလီၢ်ခီၣ်ခိၣ်နီ တမံၤလၢကီၢ်အံၣ်စရ့လးအပူၤအဃိန့ၣ်လီၤ.

⁶³ကယဲၢ်ဒူၣ်ထၢခဲလၢာ်အံၤဘၣ်တၢ်ကွဲးနီၣ်အီၤလၢစီၤမိၤၡ့ဒီး စီၤအလၤဧစၢ်ဖဲအဝဲသ့ၣ်ထၢဖှိၣ်ကွဲးနီၣ်ပှၤအံၣ်စရ့လးဖိတဖၣ် အနီၣ်ဂံၢ်လၢထံကျိယၢ်ဒ့ၣ်အဝၢ်ဘးခီ, ကီၢ်မိၤအးအပျီတဖၣ်အပူၤဖဲဝ့ၢ်ယရံၤဃိအမဲာ်ညါအခါန့ၣ် လီၤ.

⁶⁴ပှၤတဖၣ်လၢစီၤမိၤၡ့ဒီးစီၤအၤဟရိၣ်ကွဲးလီၤတ့ၢ်အမံၤလၢတၢ် ထၢဖှိၣ်ကွဲးနီၣ်အခီၣ်ထံးတဘျီဖဲစံၤနါအပှၢ်မုၢ်ကနၢန့ၣ် အမံၤတအိၣ်တ့ၢ်လၢတၢ်ကွဲးနီၣ်အံၤအပူၤနီတဂၤလၢၤဒၣ်လဲာ်ဘၣ်.

⁶⁵ယွၤစံးတ့ၢ်လၢအဝဲသ့ၣ်ကိးဂၤဒဲးန့ၣ်ကဘၣ်သံ ဝဲလၢပှၢ်မုၢ်ကနၢအပူၤဒီးကအိၣ်တ့ၢ်ဝဲထဲစီၤယဖူန့ၤအဖိခွါ စီၤကၤလ့းဒီးစီၤနိၣ်အဖိခွါစီၤယိၤၡူဧိၤန့ၣ်လီၤ.