Read S'gaw Karen လံာ်တၢ်ဂံၢ် 28 Bible Online

လံာ်တၢ်ဂံၢ် 28 - S'gaw Karen bible

လံာ်တၢ်ဂံၢ် 28

¹ယွၤမၤလိာ်စီၤမိၤၡ့လၢကသိၣ်လိနဲၣ်ယုၤပှၤအံၣ်စရ့လးဖိ တဖၣ်လၢကဟ့ၣ်ထီၣ်တၢ်ဆူကစၢ်ယွၤ, ဖဲတၢ်ဆၢကတီၢ်လၢတၢ်ပာ်လီၤအီၤ, တၢ်အီၣ်တၢ်အီအတၢ်လုၢ်မၤဘူၣ်တဖၣ်လၢအဘၣ်ကစၢ်ယွၤအသး, ဒ်တၢ်မၤလိာ်ပာ်ဝဲအသိးန့ၣ်လီၤ.

³တၢ်တဖၣ်အံၤမ့ၢ်တၢ်အီၣ်တၢ်အီအတၢ်လုၢ်မၤဘူၣ်တဖၣ်လၢ ကဘၣ်တၢ်ဟ့ၣ်ထီၣ်အီၤဆူယွၤအအိၣ်လီၤ. လၢတနံၤဘၣ်တနံၤတၢ်လုၢ်မၤဘူၣ်အဂီၢ်န့ၣ်သိဖါလၢအသးအိၣ်တနံၣ် ဒီးအသံၣ်သူမီၣ်ကျာ်တအိၣ်န့ၣ်ခံဒုလီၤ.

⁴လုၢ်ထီၣ်သိအခီၣ်ထံးတဒုလၢမုၢ်ဂီၤဒီးခံဒုတဒုလၢမုၢ်ဟါ အကတီၢ်,

⁵တဒုစုာ်စုာ်ဃုာ်ဒီးတၢ်လုၢ်ဘုဧိၤဟုဧိၤလၢအမ့ၢ်ကိၣ်ကမူၣ် အဃၢလီၤတယၢၢ်တအ့ဖးဆံဆဲၣ်ပူတပူ, ဃါဃုာ်ဒီးသ့ၣ်စၤယံးအသိအဂ့ၤကတၢၢ်တဟံၣ်လွံၢ်ပူတပူန့ၣ် တက့ၢ်.

⁶တၢ်အံၤမ့ၢ်တၢ်လုၢ်မၤဘူၣ်တနံၤဘၣ်တနံၤလၢဘၣ်တၢ်ဆိၣ်ကဲၤထီၣ် ကွံာ်အီၤခဲလၢာ်လၢအဘၣ်တၢ်လုၢ်ထီၣ်ဆိတ့ၢ်လံအခီၣ်ထံး တဘျီဖဲကစၢၢ်စံၣ်နါဒ်တၢ်အီၣ်တၢ်အီအတၢ်လုၢ်, တၢ်နၢမူတမံၤလၢအမၤမုာ်ယွၤအသးန့ၣ်လီၤ.

⁷လၢတၢ်လုၢ်စပံးထံဃုာ်ဒီးသိအခီၣ်ထံးတဒုအဂီၢ်န့ၣ်လူလီၤ စပံးထံတဟံၣ်လွံၢ်ပူတပူဖဲတၢ်လုၢ်လီၢ်အဖီခိၣ်န့ၣ်တက့ၢ်.

⁸လၢမုၢ်ဟါန့ၣ်လုၢ်ထီၣ်သိခံဒုတဒုန့ၣ်, တမံၤဃီဒ်တၢ်လုၢ်လၢ မုၢ်ဂီၤအသိးဃုာ်ဒီးအတၢ်လုၢ်စပံးထံတက့ၢ်. တၢ်န့ၣ်စ့ၢ်ကီးမ့ၢ်တၢ်လုၢ်တၢ်အီၣ်တၢ်အီတမံၤ, တၢ်နၢမူတမံၤလၢအမၤမုာ်ယွၤအသးန့ၣ်လီၤ.

⁹လၢမုၢ်အိၣ်ဘှံးနံၤန့ၣ်လုၢ်ထီၣ်သိဖါအသးအိၣ်တနံၣ်လၢတၢ်သံၣ် သူမီၣ်ကျာ်တအိၣ်ဘၣ်ခံဒု, ကိၣ်ကမူၣ်အဃၢလီၤတယၢၢ်ခံအ့စရိၣ်ဃါဃုာ်ဒီးသ့ၣ်စၤယံး အသိဒ်တၢ်လုၢ်ဘုဧိၤဟုဧိၤအသိးဒီးတၢ်လုၢ်စပံးထံန့ၣ်တက့ၢ်.

¹⁰တၢ်လုၢ်မ့ၣ်အူအံၤတၢ်ကဘၣ်လုၢ်ထီၣ်အီၤကိးမုၢ်အိၣ်ဘှံၤနံၤ ဒဲး, လၢတနံၤဘၣ်တနံၤအတၢ်လုၢ်လၢအအိၣ်ဒီးတၢ်လုၢ်စပံးထံ, အမဲာ်ညါန့ၣ်လီၤ.

¹¹လၢလါတလါစုာ်စုာ်ထီၣ်အခီၣ်ထံးကတၢၢ်တနံၤန့ၣ်, ဟ့ၣ်ထီၣ်တၢ်လုၢ်မ့ၣ်အူတမံၤဆူယွၤအအိၣ်တက့ၢ်. ကျီၢ်ဖါအသးစၢ်ခံဒု, သိဖါတဒု, သိဖါဖိအသးအိၣ်တနံၣ်နွံဒု, ခဲလၢာ်အံၤကဘၣ်ပူၤဒီးတၢ်သံၣ်သူမီၣ်ကျာ်တဖၣ်န့ၣ်လီၤ.

¹²ဒ်တၢ်လုၢ်ဘုဧိၤဟုဧိၤတမံၤအသိးန့ၣ်လုၢ်ထီၣ်ကိၣ်ကမူၣ် ဃါဃုာ်အသးဒီးသ့ၣ်စၤယံးအသိဃုာ်ဒီးကျီၢ်ဖါတဒုစုာ်စုာ်န့ၣ်, ကိၣ်ကမူၣ်အဃၢလီၤတယၢၢ်သၢအ့စရိၣ်, ဃုာ်ဒီးသိဖါတဒုစုာ်စုာ်န့ၣ်ကိၣ်ကမူၣ်အဃၢလီၤတယၢၢ်ခံအ့စရိၣ်,

¹³ဃုာ်ဒီးသိဖိတဒုစုာ်စုာ်န့ၣ်ကိၣ်ကမူၣ်အဃၢလီၤတယၢၢ်တအ့စရိၣ် န့ၣ်လီၤ. တၢ်လုၢ်မ့ၣ်အူတဖၣ်အံၤမ့ၢ်တၢ်လုၢ်တၢ်အီၣ်တၢ်အီ တဖၣ်, တၢ်နၢမူတမံၤလၢအမၤမုာ်ယွၤအသးန့ၣ်လီၤ.

¹⁴တၢ်လုၢ်စပံးထံအနီၣ်ထိၣ်နီၢ်နီၢ်မ့ၢ်ဝဲကျီၢ်ဖါတဒုစုာ်စုာ် ဃုာ်ဒီးစပံးထံတဟံၣ်ခံပူတပူ, သိဖါတဒုစုာ်စုာ်ဃုာ်ဒီးစပံးထံတဟံၣ်သၢပူတပူ, ဒီးသိဖါဖိတဒုစုာ်စုာ်ဃုာ်ဒီးစပံးထံတဟံၣ်လွံၢ်ပူတပူ န့ၣ်လီၤ. တၢ်သိၣ်တၢ်သီအံၤမ့ၢ်လၢတၢ်လုၢ်မ့ၣ် အူလၢလါကိးဘ့ၣ်ဒဲးအခီၣ်ထံးတသီလၢဒီတနံၣ်ညါ အတီၢ်ပူၤအဂီၢ်န့ၣ်လီၤ.

¹⁵ဒီးလၢတနံၤဘၣ်တနံၤအတၢ်လုၢ်မ့ၣ်အူဃုာ်ဒီးတၢ်လုၢ်စပံးထံ အမဲာ်ညါန့ၣ်, လုၢ်ထီၣ်မဲာ်တဲးလဲးဖါတဒုလၢတၢ်လုၢ်တၢ်ဒဲးဘး တမံၤအဂီၢ်တက့ၢ်.

¹⁶တၢ်မၤလၤကပီၤယွၤအဘူၣ်လဲၤကပာ်န့ၣ်ကဘၣ်တၢ်မၤအီၤဖဲလါ အခီၣ်ထံးကတၢၢ်တလါထီၣ်တဆံလွံၢ်သီတသီအနံၤန့ၣ်လီၤ.

¹⁷လၢတဆံယဲၢ်သီတသီန့ၣ်, တၢ်ဘူၣ်တၢ်ဘါအမူးဖးဒိၣ်တခါစးထီၣ် ဒီးယံာ်ဝဲနွံသီန့ၣ်လီၤ. အကတီၢ်ဖဲအံၤန့ၣ်တၢ်ကဘၣ်အီၣ်ထဲဒၣ်ကိၣ်လၢဘၣ်တၢ်ကတဲာ် ကတီၤအီၤတအိၣ်ဘၣ်ဒီးကိၣ်မံၣ်န့ၣ်လီၤ.

¹⁸လၢမူးဖးဒိၣ်အခီၣ်ထံးကတၢၢ်တသီန့ၣ်သုကဘၣ်ပာ်ဖှိၣ်ထီၣ်သုသး လၢတၢ်ဘူၣ်ထီၣ်ဘါထီၣ်ယွၤအဂီၢ်ဒီးတၢ်ဖံးတၢ်မၤတဘၣ်တၢ်မၤအီၤ နီတမံၤဘၣ်.

¹⁹လုၢ်ထီၣ်တၢ်လုၢ်မ့ၣ်အူတခါဒ်တၢ်လုၢ်ထီၣ်တၢ်အီၣ်တမံၤဆူယွၤ အအိၣ်အသိး, လၢအမ့ၢ်လၢကျီၣ်ဖါသးစၢ်ခံဒု, သိဖါတဒုဒီးသိဖါအသးအိၣ်တနံၣ်ဖိနွံဒုလၢအပူၤဖျဲးဒီး တၢ်သံၣ်သူမီၣ်ကျာ်ခဲလၢာ်န့ၣ်တက့ၢ်.

²⁰လုၢ်ထီၣ်တၢ်လုၢ်ဘုဧိၤဟုဧိၤလၢအမ့ၢ်ကိၣ်ကမူၣ်ဃါဃုာ်အသးဒီး သ့ၣ်စၤယံးအသိဒ်အနီၣ်ထိၣ်နီၢ်နီၢ်အိၣ်ဝဲအသိးတက့ၢ်. ကိၣ်ကမူၣ်သၢအ့စရိၣ်ဃုာ်ဒီးကျီၢ်ဖါတဒုစုာ်စုာ်, ကိၣ်ကမူၣ်ခံအ့စရိၣ်ဃုာ်ဒီးသိဖါတဒုစုာ်စုာ်,

²¹ကိၣ်ကမူၣ်တအ့စရိၣ်ဃုာ်ဒီးသိဖိတဒုစုာ်စုာ်န့ၣ်လီၤ.

²²လုၢ်ထီၣ်စ့ၢ်ကီးမဲာ်တဲးလဲးအဖါတဒုဒ်တၢ်လုၢ်တၢ်ပျၢ်တၢ်ဒဲးဘး တမံၤအသိး, ဒီးလၢကျဲဒ်အံၤန့ၣ်မၤတၢ်ဘူၣ်တၢ်ဘါအတၢ်မၤကဆှီထီၣ်အလုၢ် အလၢ်လၢပှၤဂီၢ်မုၢ်အဂီၢ်တက့ၢ်.

²³လၢမုၢ်ဂီၤတၢ်လုၢ်မ့ၣ်အူလၢတၢ်လုၢ်ထီၣ်အီၤဘၣ်ဆၢဘၣ် ကတီၢ်အမဲာ်ညါန့ၣ်လုၢ်အါထီၣ်တၢ်တဖၣ်န့ၣ်တက့ၢ်.

²⁴ဒ်န့ၣ်အသိး, လၢနွံသီအတီၢ်ပူၤလုၢ်ထီၣ်တၢ်လုၢ်တၢ်အီၣ်တၢ် အီတမံၤ, တၢ်နၢမူတမံၤလၢအဘၣ်ယွၤအသးဆူယွၤအအိၣ်တက့ၢ်. လၢတၢ်လုၢ်မ့ၣ်အူဒီးတၢ်လုၢ်စပံးထံလၢတၢ်လုၢ်ထီၣ်အီၤကိး မုၢ်နံၤအမဲာ်ညါန့ၣ်လုၢ်အါထီၣ်တၢ်အံၤတက့ၢ်.

²⁵ထံၣ်လိာ်သုသးလၢနွံသီတသီအနံၤန့ၣ်ဒီးမၤတၢ်မၤနီတမံၤ တဂ့ၤ.

²⁶လၢတၢ်ကူးဘုမူးဖးဒိၣ်အကတီၢ်အဆိကတၢၢ်တသီဖဲ သုဟ့ၣ်ထီၣ်ဘုဧိၤဟုဧိၤအသီဆူယွၤအအိၣ်န့ၣ်, သုကဘၣ်ပာ်ဖှိၣ်ထီၣ်သုသးလၢတၢ်ဘူၣ်တၢ်ဘါအဂီၢ်, ဒီးပှၤတဘၣ်မၤတၢ်မၤနီတဂၤဘၣ်.

²⁷လုၢ်ထီၣ်တၢ်လုၢ်မ့ၣ်အူတခါ, ဒ်တၢ်နၢမူတမံၤလၢအမၤမုာ်ယွၤ အသးတက့ၢ်. ကျီၢ်ဖါသးစၢ်ခံဒု, သိဖါတဒုဒီး, သိဖါဖိအသးအိၣ်တနံၣ်နွံဒုလၢအပူၤဒီးတၢ်သံၣ်သူမီၣ်ကျာ် တဖၣ်ကိးဒုဒဲးန့ၣ်လီၤ.

²⁸လုၢ်ထီၣ်တၢ်လုၢ်ဘုဧိၤဟုဧိၤလၢအမ့ၢ်ကိၣ်ကမူၣ်ဃါဃုာ် အသးဒီးသ့ၣ်စၤယံးအသိဒ်အနီၣ်ထိၣ်နီၢ်နီၢ်အိၣ်ဝဲအသိးန့ၣ် တက့ၢ်. ကိၣ်ကမူၣ်သၢအ့စရိၣ်ဃုာ်ဒီးကျီၢ်ဖါတဒုစုာ်စုာ်ကိၣ် ကမူၣ်ခံအ့စရိၣ်ဃုာ်ဒီးသိဖါတဒုစုာ်စုာ်, တက့ၢ်.

²⁹ဒီးကိၣ်ကမူၣ်တအ့စရိၣ်ဒီးသိဖိတဒုစုာ်စုာ်န့ၣ်လီၤ.

³⁰လုၢ်ထီၣ်စ့ၢ်ကီးမဲာ်တဲးလဲးဖါတဒုဒ်တၢ်လုၢ်တၢ်ပျၢ်တၢ်ဒဲးဘး အသိး, ဒီးလၢကျဲဒ်အံၤန့ၣ်မၤတၢ်ဘူၣ်တၢ်ဘါအလုၢ် အလၢ်လၢတၢ်မၤကဆှီထီၣ်ပှၤဂီၢ်မုၢ်အဂီၢ်တက့ၢ်.

³¹လၢကိးနံၣ်ဒဲးတၢ်လုၢ်မ့ၣ်အူဒီးတၢ်လုၢ်ဘုဧိၤဟုဧိၤအမဲာ် ညါန့ၣ်လုၢ်အါထီၣ်တၢ်လုၢ်တဖၣ်အံၤဒီးတၢ်လုၢ်စပံးထံ တက့ၢ်.