Read S'gaw Karen လံာ်တၢ်ဂံၢ် 29 Bible Online

လံာ်တၢ်ဂံၢ် 29 - S'gaw Karen bible

လံာ်တၢ်ဂံၢ် 29

¹လၢနွံလါတလါထီၣ်အခီၣ်ထံးကတၢၢ်တသီန့ၣ်, သုကဘၣ်ပာ်ဖှိၣ်ထီၣ် သုသးလၢတၢ်ဘူၣ်ထီၣ်ဘါထီၣ်ယွၤအဂီၢ်ဒီးတၢ်မၤတဘၣ် တၢ်မၤအီၤနီတမံၤဘၣ်. လၢနံၤအဝဲန့ၣ်, န့ၣ်ကွဲၤတဖၣ်ကဘၣ်တၢ်အူထီၣ်အီၤလီၤ.

²ဟ့ၣ်ထီၣ်တၢ်လုၢ်မ့ၣ်အူတမံၤဆူယွၤအအိၣ်, တၢ်နၢမူတမံၤလၢအမၤမုာ်ယွၤအသးလၢအမ့ၢ်ကျီၢ်ဖါသးစၢ်တဒု, သိဖါတဒု, ဒီးသိဖါဖိအသးအိၣ်တနံၣ်ဖိနွံဒုတက့ၢ်. ဒီးကဘၣ်ပူၤဖျဲးဝဲလၢတၢ်သံၣ်သူမီၣ်ကျာ်ခဲလၢာ်လီၤ.

³လုၢ်ထီၣ်တၢ်လုၢ်ဘုဧိၤဟုဧိၤလၢအမ့ၢ်တၢ်လုၢ်ကိၣ်ကမူၣ်ဃါဃုာ် အသးလၢသ့ၣ်စၤယံးအသိဒ်အနီၣ်ထိၣ်နီၢ်နီၢ်အိၣ်ဝဲအသိးတက့ၢ်. ကိၣ်ကမူၣ်သၢအ့စရိၣ်ဃုာ်ဒီးကျီၢ်ဖါတဒုစုာ်စုာ်ကိၣ်ကမူၣ်ခံ အ့စရိၣ်ဃုာ်ဒီးသိဖါတဒုစုာ်စုာ်,

⁴ကိၣ်ကမူၣ်တအ့စရိၣ်ဃုာ်ဒီးသိဖိတဒုစုာ်စုာ်န့ၣ်လီၤ.

⁵လုၢ်ထီၣ်စ့ၢ်ကီးမဲာ်တဲးလဲးဖါတဒုဒ်တၢ်လုၢ်တၢ်ပျၢ်တၢ်ဒဲးဘး တမံၤအသိးဒီးလၢကျဲဒ်အံၤန့ၣ်, မၤတၢ်ဘူၣ်တၢ်ဘါအလုၢ်အလၢ်လၢတၢ်မၤကဆှီထီၣ်က့ၤပှၤဂီၢ်မုၢ် အဂီၢ်တက့ၢ်.

⁶လုၢ်ထီၣ်တၢ်သ့ၣ်တဖၣ်အံၤဒ်တၢ်လုၢ်အါထီၣ်ဃုာ်ဒီးတနံၤဘၣ်တနံၤ အတၢ်လုၢ်မ့ၣ်အူလၢလါတလါထီၣ်အခီၣ်ထံးကတၢၢ်တသီဃုာ်ဒီး အတၢ်လုၢ်ဘုဧိၤဟုဧိၤတဖၣ်ဒီးတၢ်လုၢ်စပံးထံတက့ၢ်. တၢ်လုၢ်တၢ်အီၣ်တၢ်အီတဖၣ်အံၤမ့ၢ်ဝဲတၢ်နၢမူတမံၤလၢ အဘၣ်ကစၢ်ယွၤအသးန့ၣ်လီၤ.

⁷လၢလါနွံလါတလါထီၣ်အသီတဆံအနံၤန့ၣ်ပာ်ဖှိၣ်ထီၣ်သုသးလၢ တၢ်ဘူၣ်ထီၣ်ဘါထီၣ်ယွၤအဂီၢ်တက့ၢ်. အီၣ်တၢ်နီတမံၤတဂ့ၤ. ဒီးမၤတၢ်နီတမံၤတဂ့ၤ.

⁸လုၢ်ထီၣ်တၢ်လုၢ်မ့ၣ်အူတမံၤဆူယွၤအအိၣ်, တၢ်နၢမူတမံၤလၢ အဘၣ်ယွၤအသးလၢအမ့ၢ်ကျီၢ်ဖါသးစၢ်တဒု, သိဖါတဒုဒီးသိဖါ ဖိအသးအိၣ်တနံၣ်န့ၣ်နွံဒုတက့ၢ်. ဒီးကဘၣ်ပူၤဖျဲးဒီးတၢ်လီၤတူာ်လီၤကာ်ခဲလၢာ်လီၤ.

⁹လုၢ်ထီၣ်တၢ်လုၢ်ဘုဧိၤဟုဧိၤလၢအမ့ၢ်တၢ်လုၢ်ကိၣ်ကမူၣ်ဃါဃုာ် ဒီးသ့ၣ်စၤယံးအသိဒ်အနီၣ်ထိၣ်နီၢ်နီၢ်အိၣ်ဝဲအသိးတက့ၢ်. ကိၣ်ကမူၣ်သၢအ့စရိၣ်ဃုာ်ဒီးကျီၢ်ဖါတဒုစုာ်စုာ်ကိၣ်ကမူၣ်ခံ အ့စရိၣ်ဃုာ်ဒီးသိဖါတဒုစုာ်စုာ်,

¹⁰ကိၣ်ကမူၣ်တအ့စရိၣ်ဃုာ်ဒီးသိဖိတဒုစုာ်စုာ်တက့ၢ်.

¹¹လုၢ်ထီၣ်စ့ၢ်ကီးမဲာ်တဲးလဲးဖါတဒုဒ်တၢ်လုၢ်တၢ်ပျၢ်တၢ်ဒဲးဘး တမံၤလၢတၢ်ပာ်ဖှိၣ်အါထီၣ်ဒီးမဲာ်တဲးလဲးလၢတၢ်လုၢ်ထီၣ်အီၤ ဒ်တၢ်ဘူၣ်တၢ်ဘါအလုၢ်အလၢ်လၢတၢ်မၤကဆှီပှၤဂီၢ်မုၢ်အဂီၢ်, ဒီးတၢ်လုၢ်မ့ၣ်အူတနံၤဘၣ်တနံၤအတၢ်လုၢ် ဃုာ်ဒီးတၢ်လုၢ်ဘုဧိၤဟုဧိၤဒီးတၢ်လုၢ်စပံးထံ, န့ၣ်တက့ၢ်.

¹²လၢလါနွံလါတလါထီၣ်တဆံယဲၢ်သီန့ၣ်ပာ်ဖှိၣ်ထီၣ်သုသးလၢတၢ် ဘူၣ်ထီၣ်ဘါထီၣ်ယွၤအဂီၢ်တက့ၢ်. မၤမူးဖးဒိၣ်အံၤလၢတၢ်မၤလၤကပီၤယွၤအဂီၢ်လၢနွံသီအတီၢ် ပူၤဒီးမၤတၢ်မၤနီတမံၤတဂ့ၤ.

¹³လၢမုၢ်နံၤအခီၣ်ထံးကတၢၢ်တနံၤအံၤလုၢ်ထီၣ်တၢ်လုၢ်တၢ်အီၣ်တၢ် အီဆူယွၤအအိၣ်, တၢ်နၢမူတမံၤလၢအဘၣ်ယွၤအသးလၢအမ့ၢ်, ကျီၢ်ဖါသးစၢ်ဖိတဆံသၢဒု, သိဖါခံဒု, ဒီးသိဖါဖိအသးအိၣ်တနံၣ်တဆံလွံၢ်ဒုလၢအပူၤ ဖျဲးဒီးတၢ်လီၤတူာ်လီၤကာ်ခဲလၢာ်တက့ၢ်.

¹⁴လုၢ်ထီၣ်တၢ်လုၢ်ဘုဧိၤဟုဧိၤလၢအမ့ၢ်ကိၣ်ကမူၣ်ဃါဃုာ်အသးဒီး သ့ၣ်စၤယံးအသိဒ်အနီၣ်ထိၣ်အိၣ်ဝဲတက့ၢ်. ကိၣ်ကမူၣ်သၢအ့စရိၣ်ဃုာ်ဒီးကျီၢ်ဖါတဒုစုာ်စုာ်ကိၣ်ကမူၣ်ခံ အ့စရိၣ်ဃုာ်ဒီးသိဖါတဒုစုာ်စုာ်

¹⁵ဒီးကိၣ်ကမူၣ်တအ့စရိၣ်ဃုာ်ဒီးသိဖါတဒုစုာ်စုာ်ဃုာ်ဒီးတၢ် လုၢ်စပံးထံဒ်တၢ်မၤလိာ်အိၣ်ဝဲအသိးတက့ၢ်.

¹⁶လုၢ်ထီၣ်စ့ၢ်ကီးမဲာ်တဲးလဲးဖါတဒုဒ်တၢ်လုၢ်တၢ်ပျၢ်တၢ်ဒဲးဘး တမံၤအသိးတက့ၢ်. လၢတၢ်လုၢ်မ့ၣ်အူကိးနံၤဒီးတၢ်လုၢ်ဘုဧိၤဟုဧိၤဒီးတၢ် လုၢ်စပံးထံအမဲာ်ညါန့ၣ်လုၢ်အါထီၣ်တၢ်တဖၣ်အံၤတက့ၢ်.

¹⁷လၢခံသီတသီအနံၤန့ၣ်, လုၢ်ထီၣ်ကျီၢ်ဖါသးစၢ်တဆံခံဒု, သိဖါခံဒု, ဒီးသိဖါဖိအသးအိၣ်တနံၣ်တဆံလွံၢ်ဒု, လၢအပူၤဖျဲးဒီးတၢ်လီၤတူာ်လီၤကာ်ကိးဒုဒဲးန့ၣ်တက့ၢ်.

¹⁸လုၢ်ထီၣ်ဃုာ်ကယဲၢ်တၢ်လုၢ်မၤဘူၣ်တဖၣ်ဒီးအဝဲသ့ၣ်, ဒ်တၢ်မၤလိာ်အိၣ်ဝဲလၢတၢ်ကဘၣ်လုၢ်ထီၣ်အီၤဒ်လၢအခီၣ်ထံး ကတၢၢ်တသီအသိးန့ၣ်တက့ၢ်.

²⁰လၢသၢသီတသီအနံၤန့ၣ်လုၢ်ထီၣ်ကျီၢ်ဖါသးစၢ်တဆံတဒု, သိဖါခံဒု, ဒီးသိဖိအသးအိၣ်တနံၣ်တဆံလွံၢ်ဒု, လၢအပူၤဖျဲးဒီးတၢ်လီၤတူာ်လီၤကာ်ခဲလၢာ်န့ၣ်တက့ၢ်.

²¹လုၢ်ထီၣ်ဃုာ်ကယဲၢ်တၢ်လုၢ်မၤဘူၣ်အဂၤတဖၣ်ဒီးအဝဲသ့ၣ်, ဒ်တၢ်မၤလိာ်အိၣ်ဝဲလၢတၢ်ကဘၣ်လုၢ်ထီၣ်အီၤဒ်လၢအခီၣ်ထံး ကတၢၢ်တသီအသိးန့ၣ်တက့ၢ်.

²³လၢလွံၢ်သီတသီအနံၤန့ၣ်လုၢ်ထီၣ်ကျီၢ်ဖါအဒုတဆံ, သိဖါခံဒု, ဒီးသိဖါဖိအသးအိၣ်တနံၣ်တဆံလွံၢ်ဒုလၢအပူၤဖျဲးဒီးတၢ်လီၤ တူာ်လီၤကာ်ကိးဒုဒဲးန့ၣ်တက့ၢ်.

²⁴လုၢ်ထီၣ်ဃုာ်ကယဲၢ်တၢ်လုၢ်မၤဘူၣ်အဂၤတဖၣ်ဒီးအဝဲသ့ၣ်,

²⁵ဒ်တၢ်မၤလိာ်အိၣ်ဝဲလၢတၢ်ကဘၣ်လုၢ်အီၤဒ်လၢအခီၣ်ထံးကတၢၢ် တသီအသိးန့ၣ်တက့ၢ်.

²⁶လၢယဲၢ်သီတသီအနံၤန့ၣ်လုၢ်ထီၣ်ကျီၢ်ဖါသးစၢ်ခွံဒု, သိဖါခံဒု, ဒီးသိဖါအသးအိၣ်တနံၣ်တဆံလွံၢ်ဒုလၢအပူၤဖျဲးဒီးတၢ်လီၤ တူာ်လီၤကာ်ကိးဒုဒဲးတက့ၢ်.

²⁷လုၢ်ထီၣ်ဃုာ်ကယဲၢ်တၢ်လုၢ်မၤဘူၣ်အဂၤတဖၣ်ဒီးအဝဲသ့ၣ်,

²⁸ဒ်တၢ်မၤလိာ်အိၣ်ဝဲလၢတၢ်ကဘၣ်လုၢ်ထီၣ်အီၤဒ်လၢအခီၣ်ထံးကတၢၢ် တသီအသိးန့ၣ်တက့ၢ်.

²⁹လၢဃုသီတသီအနံၤန့ၣ်လုၢ်ထီၣ်ကျီၢ်ဖါသးစၢ်ဃိးဒု, သိဖါခံဒု, ဒီးသိဖါဖိအသးအိၣ်တနံၣ်တဆံလွံၢ်ဒုလၢအပူၤဖျဲးဒီးတၢ်လီၤ တူာ်လီၤကာ်ကိးဒုဒဲးတက့ၢ်.

³⁰လုၢ်ထီၣ်ဃုာ်ကယဲၢ်တၢ်လုၢ်မၤဘူၣ်အဂၤတဖၣ်ဒီးအဝဲသ့ၣ်,

³¹ဒ်တၢ်မၤလိာ်အိၣ်ဝဲလၢတၢ်ကဘၣ်လုၢ်ထီၣ်အီၤဒ်လၢအခီၣ်ထံး ကတၢၢ်တသီအသိးန့ၣ်တက့ၢ်.

³²လၢနွံသီတသီအနံၤန့ၣ်လုၢ်ထီၣ်ကျီၢ်ဖါသးစၢ်နွံဒု, သိဖါခံဒု, ဒီးသိဖါဖိအသးအိၣ်တနံၣ်တဆံလွံၢ်ဒုလၢအပူၤ ဖျဲးဒီးတၢ်လီၤတူာ်လီၤကာ်ကိးဒုဒဲးတက့ၢ်.

³³လုၢ်ထီၣ်ဃုာ်ကယဲၢ်တၢ်လုၢ်မၤဘူၣ်အဂၤတဖၣ်ဒီးအဝဲသ့ၣ်, ဒ်တၢ်မၤလိာ်အိၣ်ဝဲလၢတၢ်ကဘၣ်လုၢ်ထီၣ်အီၤဒ်လၢအခီၣ်ထံး ကတၢၢ်တသီအသိးန့ၣ်တက့ၢ်.

³⁵လၢဃိးသီတသီန့ၣ်ပာ်ဖှိၣ်ထီၣ်သုသးလၢတၢ်ဘူၣ်ထီၣ်ဘါထီၣ်ယွၤ အဂီၢ်ဒီးမၤတၢ်နီတမံၤတဂ့ၤ.

³⁶လုၢ်ထီၣ်တၢ်လုၢ်မ့ၣ်အူတမံၤဒ်တၢ်လုၢ်တၢ်အီၣ်တမံၤဆူယွၤ အအိၣ်, တၢ်နၢမူတမံၤလၢအမၤမုာ်ယွၤအသးလၢအမ့ၢ်, ကျီၢ်ဖါသးစၢ်တဒု, သိဖါတဒု, ဒီးသိဖါဖိအသးအိၣ်တနံၣ် နွံဒု, လၢအပူၤဖျဲးဒီးတၢ်လီၤတူာ်လီၤကာ်ကိးဒုဒဲးတက့ၢ်.

³⁷လုၢ်ထီၣ်ဃုာ်ကယဲၢ်တၢ်လုၢ်မၤဘူၣ်အဂၤဒီးအဝဲသ့ၣ်, ဒ်တၢ်မၤလိာ်အိၣ်ဝဲလၢတၢ်ကဘၣ်လုၢ်ထီၣ်အီၤဒ်လၢအခီၣ်ထံး ကတၢၢ်တသီအသိးန့ၣ်တက့ၢ်.

³⁹တၢ်တဖၣ်အံၤမ့ၢ်တၢ်သိၣ်တၢ်သီတဖၣ်လၢအဘၣ်ဃးဒီးတၢ်လုၢ်မ့ၣ်အူ တဖၣ်, တၢ်လုၢ်ဘုဧိၤဟုဧိၤတဖၣ်, တၢ်လုၢ်စပံးထံတဖၣ်ဒီးတၢ်လုၢ်မၤ ဃူမၤဖိးတဖၣ်လၢသုကဘၣ်လုၢ်ထီၣ်အီၤဆူယွၤအအိၣ်ဖဲမူးဖးဒိၣ် တဖၣ်ဒ်တၢ်သ့ၣ်ဆၢဖးကတီၢ်အိၣ်ဝဲအသိးန့ၣ်လီၤ. တၢ်သ့ၣ်တဖၣ်အံၤမ့ၢ်တၢ်လုၢ်ပာ်ဖှိၣ်အါထီၣ်ဆူ, တၢ်လုၢ်မၤဘူၣ်တဖၣ်လၢသုဟံးထီၣ်အီၤဒ်တၢ်မၤလၢပှဲၤတၢ်ဆိၣ် တမံၤမ့ၢ်ဂ့ၤ, ဒ်သုတၢ်သးအိၣ်အတၢ်ဟ့ၣ်တဖၣ်အသိးမ့ၢ်ဂ့ၤန့ၣ်လီၤ.

⁴⁰မၤသးဒ်န့ၣ်ဒီးစီၤမိၤၡ့တဲဘၣ်ကီၢ်အံၣ်စရ့လးအပှၤဂီၢ်မုၢ် လၢကယဲၢ်တၢ်ကိးမံၤဒဲးလၢယွၤမၤလိာ်တ့ၢ်အီၤန့ၣ်လီၤ.