Read S'gaw Karen လံာ်တၢ်ဂံၢ် 34 Bible Online

လံာ်တၢ်ဂံၢ် 34 - S'gaw Karen bible

လံာ်တၢ်ဂံၢ် 34

¹ယွၤဟ့ၣ်လီၤစီၤမိၤၡ့လၢ, တၢ်သိၣ်လိနဲၣ်ယုၤတဖၣ်လၢကီၢ်အံၣ်စရ့လးအပှၤဂီၢ်မုၢ်အဂီၢ်ဒ် လၢလာ်အံၤအသိးန့ၣ်လီၤ. “တုၤသုနုာ်လီၤဆူကီၢ်ကနၤဧၣ်, ကီၢ်လၢယဟ့ၣ်လီၤသုအပူၤန့ၣ်ဒီး, သုလီၢ်ကဝီၤအထံဆၢကီၢ်ဆၢတဖၣ်ကမ့ၢ်ဒ်လၢလာ်အသိး အံၤန့ၣ်လီၤ.

³ကလံၤစိးကီၢ်ဆၢကစးထီၣ်လၢပှၢ်မုၢ်ကနၢစံၣ်ယံၤတုၤလၢကီၢ် အဒိၣ်အကီၢ်ဆၢန့ၣ်လီၤ. တၢ်န့ၣ်ကစးထီၣ်လၢမုၢ်ထီၣ်တခီဖဲပီၣ်လဲၣ်သံအကလံၤထံး အကတၢၢ်န့ၣ်လီၤ.

⁴အန့ၣ်ဝံၤဒီးကတရံးအသးဆူကလံၤထံးလိၤလိၤလၢတၢ်လဲၤနုာ်ဆူ ဧးကရးဘံၣ်ဒီးကလဲၤဆူညါဖျိကွံာ်ပှၢ်မုၢ်ကနၢစံၣ်, ယံၤတုၤလၢကလံၤထံးဖဲကၤဒ့ၣ်ဘၢ်န့လီၤ. ဝံၤဒီးတရံးက့ၤဆူမုၢ်နုာ်ကလံၤစိးဆူဃးစၢ်အးဒၢ်ဒီးလဲၤဆူဧၤစမိၣ်,

⁵တၢ်လီၢ်ဖဲကတရံးက့ၤလိၤလိၤဆူတၢ်တြီၤအိၣ်လၢကီၢ်အဲၤကူ ပတူးကီၢ်ဆၢဒီးကကတၢၢ်လၢပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ် န့ၣ်လီၤ.”

⁶မုၢ်နုာ်အထံဆၢကီၢ်ဆၢန့ၣ်ကမ့ၢ်ဝဲပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်န့ၣ်လီၤ.

⁷ကလံၤစိးအကီၢ်ဆၢတခီကပိာ်ထီၣ်တၢ်တကျိၤစးထီၣ်လၢပီၣ်လဲၣ်ဖး ဒိၣ်မဲးဒံးထၢၣ်ရ့နယၢၣ်ဆူကစၢၢ်ဃိၢ်,

⁸ဒီးဖဲန့ၣ်တုၤလၢဃမါသးအကျဲစၢၤလီၤ. ဒီးကလဲၤဆူညါဆူစဒး,

⁹ဒီးဆူစံးဖြၣ်ဒီးကကတၢၢ်ဝဲဖဲဃစၢ်ဧ့နၣ်န့ၣ်လီၤ.

¹⁰ကီၢ်ဆၢလၢမုၢ်ထီၣ်တခီကပိာ်ထီၣ်တၢ်ကျိၤတကျိၤစးထီၣ်လၢဃစၢ် ဧ့နၣ်တုၤဆူၡဖၣ်န့ၣ်လီၤ.

¹¹အန့ၣ်ဝံၤဒီးကလဲၤဆူကလံၤထံးတုၤလၢဃၤဘအ့လးအိၣ်လၢဧ့ၣ် အမုၢ်ထီၣ်တခီဒီးထီၣ်ဆူပီၣ်လဲၣ်ကၤလံၤလါအမုၢ်ထီၣ်တၢ်လူၢ် တဖၣ်အဒီခိၣ်,

¹²ဝံၤဒီးဆူကလံၤထံးစးထီၣ်လၢထံကျိယၢ်ဒ့ၣ်တရဲာ်ဃီဆူပီၣ် လဲၣ်သံန့ၣ်လီၤ. တၢ်အံၤကမ့ၢ်သုထံသုကီၢ်အကီၢ်ဆၢတဖၣ်လွံၢ်ကပၤန့ၣ်လီၤ.”

¹³မၤသးဒ်န့ၣ်ဒီး, စီၤမိၤၡ့စံးဘၣ်ပှၤအံၣ်စရ့လးဖိတဖၣ်, “အအံၤမ့ၢ်ကီၢ်တဘ့ၣ်လၢသုကဒိးန့ၢ်ဘၣ်အီၤခီဖျိတၢ်ဖီၣ်တၢ် ဖးတဖၣ်, ကီၢ်တဘ့ၣ်လၢယွၤဟ့ၣ်လီၤဆူပှၤအဒူၣ်ခွံဒူၣ်ဒီးတခီဒူၣ်, အအိၣ်န့ၣ်လီၤ.

¹⁴ဒူၣ်တဖၣ်လၢအမ့ၢ်, ရူၤဘ့ၣ်, ကးဒီးမနၤၡ့ၣ်အဒူၣ်တဝာ်လၢမုၢ် ထီၣ်တခီန့ၣ်, ဒိးန့ၢ်လံအဝဲသ့ၣ်အတၢ်စုလီၢ်ခီၣ်ခိၣ်, နီၤဖးလီၤအသး, ဒ်အဟံၣ်ဒူၣ်ဃီထၢဒၣ်ဝဲအိၣ်အသိး,

¹⁵လၢထံကျိယၢ်ဒ့ၣ်အမုၢ်ထီၣ်တကပၤသဃီၤဒီးဝ့ၢ်ယရံၤဃိန့ၣ်လီၤ.”

¹⁶ယွၤစံးဘၣ်စီၤမိၤၡ့, “ပှၤလုၢ်တၢ်အခိၣ်စီၤအလၤဧစၢ်ဒီးစီၤနိၣ်အဖိခွါစီၤယိၤၡူ ကနီၤဖးကီၢ်န့ၣ်လၢပှၤဂီၢ်မုၢ်အဂီၢ်လီၤ.

¹⁸ကိးစ့ၢ်ကီးခိၣ်နၢ်တဂၤလၢပှၤတဒူၣ်စုာ်စုာ်အပူၤလၢကမၤစၢၤအ ဝဲသ့ၣ်လၢတၢ်နီၤဖးအတၢ်မၤန့ၣ်တက့ၢ်.”

¹⁹ဒီးအအံၤမ့ၢ်ပှၤတဖၣ်လၢယွၤဃုထၢထီၣ်အီၤန့ၣ်လီၤ. [ပှၤအဒူၣ်] — [ခိၣ်နၢ်] ယူဒၤ — စီၤယဖူန့ၤအဖိခွါစီၤကၤလ့း စူၤမ့းအိၣ် — စီၤဧးမံၤဟူးအဖိခွါစီၤၡံမူၤအ့လး ဘံၣ်ယၤမံၣ် — စီၤကံးစလိၣ်အဖိခွါစီၤအလံဒး ဒၣ် — စီၤယၤကလံၤအဖိခွါစီၤဘူးကံၤ မနၤၡ့ၤ — စီၤအ့ဖိးအဖိခွါစီၤဃနံၤအ့လး အ့ဖရဲၣ် — စီၤၡံးဖတၣ်အဖိခွါစီၤကမူၤအ့လး စဘူလိၣ် — စီၤပၢ်နးအဖိခွါစီၤအလံစဖၣ် ယံးစၣ်ကၣ် — စီၤဧးစၣ်အဖိခွါစီၤပးလတံၤအ့လး အၤၡ့ၢ် — စီၤၡလိၤမံအဖိခွါစီၤအဃံဟူး နးသၤလံ — စီၤဧးမံဟူးအဖိခွါစီၤပဒၤအ့လး

²⁹အဝဲသ့ၣ်တဖၣ်န့ၣ်မ့ၢ်ပှၤတဖၣ်လၢယွၤဟ့ၣ်လီၤအီၤမူဒါဒ်သိး ကနီၤဖးတၢ်စုလီၢ်ခီၣ်ခိၣ်လၢကီၢ်အံၣ်စရ့လးအပှၤဂီၢ်မုၢ်အဂီၢ် လၢကီၢ်ကနၤဧၣ်အပူၤန့ၣ်လီၤ.