Read S'gaw Karen လံာ်တၢ်ဂံၢ် 36 Bible Online

လံာ်တၢ်ဂံၢ် 36 - S'gaw Karen bible

လံာ်တၢ်ဂံၢ် 36

¹ဟံၣ်ဒူၣ်ဃီထၢတဖၣ်လၢကံးလဧးအဒူၣ်ထၢပူၤအခိၣ်အနၢ်တဖၣ်လၢဘၣ် ဃးဒီး, စီၤယိၤသးအဖိခွါစီၤမနၤၡ့ၤအလံၤခွါစီၤမၤကံၢ်အဖိခွါ န့ၣ်, လဲၤဆူစီၤမိၤၡ့ဒီးပှၤခိၣ်ပှၤနၢ်အဂၤတဖၣ်အအိၣ်လီၤ.

²အဝဲသ့ၣ်စံး, “ယွၤမၤလိာ်တ့ၢ်သုလၢသုကနီၤလီၤကီၢ်အံၤဆူ ကီၢ်အံၣ်စရ့လးအပှၤဂီၢ်မုၢ်အအိၣ်ခီဖျိတၢ်ဖီၣ်တၢ်ဖးတဖၣ်န့ၣ် လီၤ. အဝဲမၤလိာ်စ့ၢ်ကီးသုလၢ, သုကဟ့ၣ်ပဘူးပတံၢ်စီၤစလၤဖဃး အတၢ်စုလီၢ်ခီၣ်ခိၣ်ဆူအဖိမုၣ်တဖၣ်အအိၣ်လီၤ.

³ဘၣ်ဆၣ်ဒီးသ့ၣ်နီၣ်ထီၣ်တက့ၢ်. အဝဲသ့ၣ်မ့ၢ်ဆီဟံၣ်ဆီဃီဒီး ပှၤပိာ်ခွါတဖၣ်လၢဒူၣ်အဂၤတဒူၣ်အပူၤဒီးအတၢ်စုလီၢ်ခီၣ်ခိၣ် တဖၣ်ကဘၣ်ဃးဒီးဒူၣ်အဝဲန့ၣ်ဒီးတၢ်နီၤဖးအတၢ်ပိာ်ဖှိၣ်ခဲလၢာ် လၢတၢ်ဟ့ၣ်လီၤပှၤန့ၣ်ကစှၤလီၤဝဲလီၤ.

⁴လၢတၢ်ဟ့ၣ်ကဒါက့ၤတၢ်အနံၣ်အပူၤ, ဖဲကယဲၢ်တၢ်စုလီၢ်ခီၣ်ခိၣ်လၢဘၣ်တၢ်ဆါလီၤတ့ၢ်အီၤဘၣ်တၢ်ဟ့ၣ် က့ၤအီၤဆူအကစၢ်လၢအခီၣ်ထံးကတၢၢ်တဂၤအအိၣ်န့ၣ်, စီၤစလၤဖဃး အဖိမုၣ်တဖၣ်အတၢ်စုလီၢ်ခီၣ်ခိၣ်ကဘၣ်တၢ်ပာ်ဖှိၣ်ဂၢၢ်ကျၢၤအီၤ ဆူပှၤအဒူၣ်လၢအဝဲသ့ၣ်ဆီဟံၣ်ဆီဃီတ့ၢ်ဝဲဒီးအီၤအအိၣ်, ဒီးကလီၤမၢ်ကွံာ်လၢပဒူၣ်ထၢအဂီၢ်န့ၣ်လီၤ.”

⁵မၤသးဒ်န့ၣ်ဒီး, စီၤမိၤၡ့ဟ့ၣ်လီၤကီၢ်အံၣ်စရ့လးအပှၤဂီၢ် မုၢ်လၢတၢ်မၤလိာ်ဟဲလၢယွၤအအိၣ်ဒ်လၢလာ်အံၤန့ၣ်လီၤ. အဝဲစံး, “တၢ်လၢမနၤၡ့ၤအဒူၣ်စံးဝဲန့ၣ်မ့ၢ်ဝဲတီဝဲလီၤ.

⁶ဒီးလၢတၢ်န့ၣ်အဃိ, ယွၤစံးဝဲလၢ, စီၤစလၤဖဃးအဖိမုၣ်တဖၣ် န့ၣ်အတၢ်သဘျ့အိၣ်လၢကဆီဟံၣ်ဆီဃီဒီးပှၤတဂၤလၢ်လၢ်လၢအသး အိၣ်ဝဲ, ဘၣ်ဆၣ်ဒီးသ့ဒၣ်ထဲလၢအဒူၣ်ဒၣ်ဝဲအကျါန့ၣ်လီၤ.

⁷ပှၤအံၣ်စရ့လးဖိကိးဂၤဒဲးအတၢ်စုလီၢ်ခီၣ်ခိၣ်ကဘၣ်အိၣ်တ့ၢ် ဘၣ်ထွဲဒီးအဒူၣ်ဒၣ်ဝဲန့ၣ်လီၤ.

⁸ပိာ်မုၣ်ကိးဂၤဒဲးလၢအန့ၢ်သါတၢ်စုလီၢ်ခီၣ်ခိၣ်လၢပှၤအံၣ် စရ့လးဖိအဒူၣ်တဒူၣ်အပူၤန့ၣ်, ကဘၣ်ဆီဟံၣ်ဆီဃီဒၣ်ဒီးပိာ်ခွါတဂၤလၢအဘၣ်ဃးဒီးပှၤအဒူၣ် အဝဲန့ၣ်လီၤ. လၢကျဲဒ်အံၤန့ၣ်ပှၤအံၣ်စရ့လးဖိတဂၤစုာ်စုာ်ကန့ၢ်သါ အမိၢ်ပၢ်ဖံဖုလၢပျၢၤတဖၣ်အတၢ်စုလီၢ်ခီၣ်ခိၣ်,

⁹ဒီးတၢ်စုလီၢ်ခီၣ်ခိၣ်န့ၣ်တဘၣ်ဟ့ၣ်ခီအသးလၢဒူၣ်တဒူၣ်ဆူအဂၤ တဒူၣ်အပူၤဘၣ်. ဒူၣ်တဒူၣ်စုာ်စုာ်ကဟံးဃာ်ပၢၤဃးထွဲ အတၢ်စုလီၢ်ခီၣ်ခိၣ်ဒၣ်ဝဲန့ၣ်လီၤ.”

¹⁰မၤသးဒ်န့ၣ်ဒီးနီၢ်မၤလၤ, နီၢ်တံးရစၢ်, နီၢ်ဃၤကလၤ, နီၢ်မံးလကၤဒီးနီၢ်နိဧၤလၢအမ့ၢ်စီၤစလၤဖဃးအဖိမုၣ်တဖၣ်န့ၣ်,

¹¹မၤဝဲဒ်ယွၤမၤလိာ်တ့ၢ်စီၤမိၤၡ့အသိးဒီးအဝဲသ့ၣ်ဆီဟံၣ်ဆီ ဃီဒီးအတခွါတဖၣ်န့ၣ်လီၤ.

¹²အဝဲသ့ၣ်ဆီဟံၣ်ဆီဃီဒၣ်လၢဒူၣ်ထၢတဖၣ်လၢအမ့ၢ်စီၤယိၤသး အဖိခွါစီၤမနၤၡ့ၤအဒူၣ်ထၢပူၤ, ဒီးအဝဲသ့ၣ်အတၢ်စုလီၢ်ခီၣ်ခိၣ်တဖၣ်န့ၣ်အိၣ်တ့ၢ်ဒၣ်တၢ်လၢအဝဲ သ့ၣ်အပၢ်အဒူၣ်ပူၤန့ၣ်လီၤ.

¹³တၢ်တဖၣ်အံၤမ့ၢ်တၢ်သိၣ်တၢ်သီတဖၣ်ဒီးတၢ်သိၣ်တၢ်ဘျၢတဖၣ်လၢ ယွၤဟ့ၣ်လီၤပှၤအံၣ်စရ့လးဖိတဖၣ်ခီဖျိစီၤမိၤၡ့လၢကီၢ်မိၤအး အတၢ်ပျီပူၤတဖၣ်လၢအအိၣ်သဃီၤဒီးဝ့ၢ်ယရံၤဃိလၢထံ ကျိယၢ်ဒ့ၣ်အဘးခီန့ၣ်လီၤ.