Read S'gaw Karen လံာ်တၢ်ဂံၢ် 4 Bible Online

လံာ်တၢ်ဂံၢ် 4 - S'gaw Karen bible

လံာ်တၢ်ဂံၢ် 4

¹ဒီးယွၤစံးဘၣ်စီၤမိၤၡ့, လၢကထၢဖှိၣ်ကွဲးနီၣ်ပှၤလ့ၤဝံဖိစီၤကဃးအဒူၣ်ထၢတုၤလၢ အဒူၣ်ထၢဆံးဖိတဖၣ်ဒီးဟံၣ်ဖိဃီဖိတဖၣ်,

³ဒီးကွဲးနီၣ်ပှၤပိာ်ခွါအသးအိၣ်အနံၣ်သၢဆံဒီးအနံၣ်ယဲၢ်ဆံ အဘၢၣ်စၢၤလၢအကြၢးဝဲဘၣ်ဝဲလၢကမၤတၢ်လၢယွၤအိၣ်ဝဲဆိးဝဲ အဒဲစီဆှံအပူၤအဂီၢ်န့ၣ်လီၤ.

⁴အဝဲသ့ၣ်အမူအဒါဘၣ်ထွဲဃုာ်ဒီးတၢ်မၤလၢအစီဆှံကတၢၢ်တဖၣ်န့ၣ် လီၤ.

⁵ယွၤဟ့ၣ်လီၤစီၤမိၤၡ့လၢတၢ်သိၣ်လိနဲၣ်ယုၤတဖၣ်ဒ်အဖီလာ်အံၤ အသိးန့ၣ်လီၤ. ဖဲအကတီၢ်လၢတၢ်ကရူၢ်လီၤတၢ်သူၣ်ဒဲအလီၢ်န့ၣ်, စီၤအၤဟရိၣ်ဒီးအဖိခွါတဖၣ်ကလဲၤနုာ်လီၤဆူဒဲစီဆှံအပူၤ, ဘ့ၣ်လီၤယၣ်ဘျးသဒၢလၢအအိၣ်လၢတၢ်အၢၣ်လီၤအီလီၤ အတလါစီဆှံအမဲာ်ညါဒီးကးဘၢတလါစီဆှံလၢယၣ်န့ၣ်လီၤ.

⁶အဝဲသ့ၣ်ကဘၣ်ပာ်တၢ်ဖံးအဂ့ၤကတၢၢ်တခီလၢအဖီခိၣ်ဒီးကးဘၢ အီၤ, ဒီးလၢအဖီခိၣ်ကတၢၢ်န့ၣ်ကဘၣ်သလၣ်လီၤတၢ်ကံးညၣ် အလွဲၢ်လါအဲးဒီဘ့ၣ်ဒီးဂိာ်နုာ်နီၣ်ယိးဘိတဖၣ်န့ၣ်လီၤ.

⁷အဝဲသ့ၣ်ကဘၣ်သလၣ်လီၤတၢ်ကံးယာ်အလွဲၢ်လါအဲးတခီလၢ တၢ်လုၢ်ထီၣ်ကိၣ်ဆူယွၤအအိၣ်အစီၢ်နီၤခိၣ်အလိၤဒီးလၢ အဖီခိၣ်န့ၣ်ပာ်ထီၣ်လီခီတဖၣ်, တၢ်နၢမူအသလၢတဖၣ်, တၢ်လုၢ်အသလၢတဖၣ်ဒီးကိတဖၣ်လၢတၢ်ဒၢနုာ် တၢ်လုၢ်စပံးထံန့ၣ်လီၤ. ကိၣ်ကဘၣ်အိၣ်လၢစီၢ်နီၤခိၣ်အဖီခိၣ်တဘိယူၢ်ဃီန့ၣ်လီၤ.

⁸အဝဲသ့ၣ်ကဘၣ်သလၣ်လီၤတၢ်ကံးညာ်အလွဲၢ်ဂီၤတခီလၢ တၢ်ခဲလၢာ်အံၤအဖီခိၣ်, ပာ်ထီၣ်တၢ်ဖံးအဂ့ၤကတၢၢ်တခီလၢအဖီခိၣ်ဒီးကျၢၢ်ဘၢအီၤဝံၤ ဒီးဂိာ်နုာ်နီၣ်ယိးဘိတဖၣ်န့ၣ်လီၤ.

⁹အဝဲသ့ၣ်ကဘၣ်ဟံးန့ၢ်တၢ်ကံးညာ်အလွဲၢ်လါအဲးတခီဒီးကျၢၢ်ဘၢ တၢ်ပာ်ထီၣ်မ့ၣ်အူဒၢအလီၢ်ဃုာ်ဒီးအမ့ၣ်အူဒၢတဖၣ်, နီၣ်တံာ်တဖၣ်, သဘံၣ်တဖၣ်ဒီးကယဲၢ်သပၢၤတဖၣ်လၢတၢ်ဒၢနုာ်သ့ၣ်စၤ ယံးအသိန့ၣ်လီၤ.

¹⁰အဝဲသ့ၣ်ကဘၣ်ဘိၣ်ဘံထီၣ်အီၤဒီးကယဲၢ်အတၢ်ပီးတၢ်လီတဖၣ်လၢနီၣ် ကျၢၢ်ဘၢတၢ်တၢ်ဖံးအဂ့ၤကတၢၢ်တခီအပူၤဒီးပာ်ထီၣ်အီၤလၢနီၣ် ယိးကွီၣ်အလိၤန့ၣ်လီၤ.

¹¹ဝံၤဒီးအဝဲသ့ၣ်ကဘၣ်သလၣ်လီၤတၢ်ကံးညာ်အလွဲၢ်လါအဲးတဘ့ၣ်လၢ တၢ်လုၢ်လီၢ်ထူအလိၤ, ပာ်ထီၣ်နီၣ်ကျၢၢ်ဘၢတၢ်, တၢ်ဖံးအဂ့ၤကတၢၢ်တခီလၢအလိၤဒီးကျၢၢ် ဘၢအီၤဒီးဂိာ်နုာ်လီၤနီၣ်ယိးဘိတဖၣ်န့ၣ်လီၤ.

¹²အဝဲသ့ၣ်ကဘၣ်စိာ်ထီၣ်ကယဲၢ်တၢ်အဃၢၤအဃိာ်တဖၣ်လၢအဘၣ်တၢ်သူအီၤ လၢတၢ်အလီၢ်စီဆှံအပူၤ, ဘိၣ်ဘံထီၣ်အီၤလၢတၢ်ကံးညာ်အလွဲၢ်လါအဲးတဘ့ၣ်အပူၤ, ကျၢၢ်ဘၢအီၤလၢတၢ်ဖံးအဂ့ၤကတၢၢ်တခီလၢအဖီခိၣ်, ဒီးပာ်ထီၣ်အီၤလၢနီၣ်ယိးကွီၣ်အလိၤန့ၣ်လီၤ.

¹³အဝဲသ့ၣ်ကဘၣ်သုးကွံာ်ဖၣ်ကမူၣ်လၢအဘၣ်အၢလၢသိန့ၣ်လၢတၢ်လုၢ် လီၢ်အပူၤဒီးသလၣ်လီၤတၢ်ကံးယာ်အလွဲၢ်လုးတကုာ်တဘ့ၣ်လၢအဖီ ခိၣ်န့ၣ်လီၤ.

¹⁴အဝဲသ့ၣ်ကဘၣ်ပာ်ထီၣ်ကယဲၢ်တၢ်ပီးတၢ်လီလၢဘၣ်တၢ်သူ အီၤလၢတၢ်လုၢ်လီၢ်အတၢ်ဖံးတၢ်မၤအပူၤလၢအမ့ၢ်, မ့ၣ်အူအသပၢၤဘံၣ်တဖၣ်, နီၣ်ကွးတဖၣ်, နီၣ်တရီာ်တဖၣ်, ဒီးသရာ်တဖၣ်န့ၣ်လီၤ. ဝံၤဒီးကဘၣ်ကျၢၢ်ဘၢအီၤလၢတၢ်ဖံးအဂ့ၤ ကတၢၢ်တခီဒီးဂိာ်နုာ်နီၣ်ယိးဘိတဖၣ်န့ၣ်လီၤ.

¹⁵တုၤတၢ်အဆၢကတီၢ်ဘၣ်လၢတၢ်ရူၢ်လီၤပှီၢ်သူၣ်ဒဲတဖၣ်ဒီးစီၤကဃး အဒူၣ်ထၢကစိာ်ထီၣ်တၢ်စီဆှံအပီးအလီတဖၣ်ဖဲဒၣ်စီၤအၤဟရိၣ် ဒီးအဖိခွါတဖၣ်ကျၢၢ်ဘၢတၢ်ခဲလၢာ်ဒီးအတၢ်ပီးတၢ်လီတဖၣ်ဝံၤ ဝဲအခါန့ၣ်လီၤ. စီၤကဃးအဒူၣ်ထၢတဘၣ်ထိးဘၣ်တၢ်စီဆှံအပီးအလီတဖၣ်အံၤဘၣ်. မ့ၢ်ထိးဘၣ်ဒီးအဝဲသ့ၣ်ကသံဝဲလီၤ. တၢ်တဖၣ်အံၤမ့ၢ်စီၤကဃးအဒူၣ်ထၢအမူအဒါတဖၣ်တဘျီ လၢ်လၢ်ဖဲဒဲစီဆှံဘၣ်တၢ်သုးအီၤန့ၣ်လီၤ.

¹⁶ပှၤလုၢ်တၢ်အခိၣ်စီၤအၤဟရိၣ်အဖိခွါစီၤအလၤဧစၢ်န့ၣ်အမူအဒါ အိၣ်လၢကကွၢ်ထွဲဒဲစီဆှံဒီဖျၢၣ်ညါဒီးမ့ၣ်အူဒၢတဖၣ်အသိ, တၢ်နၢမူ, တၢ်လုၢ်ဘုဧိၤဟုဧိၤတဖၣ်သိဖှူတၢ်, ဒီးကယဲၢ်တၢ်အဂၤခဲလၢာ်လၢအအိၣ်လၢဒဲစီဆှံအပူၤလၢအဘၣ်တၢ် ပာ်စီဆှံထီၣ်အီၤဆူယွၤအအိၣ်န့ၣ်လီၤ.

¹⁷ယွၤစံးဘၣ်စီၤမိၤၡ့ဒီးစီၤအၤဟရိၣ်,

¹⁸“မ်စီၤကဃးအဒူၣ်ထၢ

¹⁹သုတဘၣ်တၢ်မၤသံကွံာ်အီၤလၢအဟဲဘူးဒီးတၢ်စီဆှံအပီးအလီ တဖၣ်အံၤအဃိတဂ့ၤ. လၢတၢ်တြီဃာ်တၢ်အံၤဒ်သိးအသုတကဲထီၣ်တဂ့ၤအဂီၢ်န့ၣ်, စီၤအၤဟရိၣ်ဒီးအဖိခွါတဖၣ်ကလဲၤနုာ်လီၤဝဲဒီးဟ့ၣ်လီၤပှၤ တဂၤဘၣ်တဂၤအမူအဒါလၢကမၤဝဲဒီးတဲဘၣ်အီၤတၢ်လၢ ကဘၣ်စိာ်ဝဲန့ၣ်လီၤ.

²⁰ဘၣ်ဆၣ်ဒီးပှၤကဃးဖိတဖၣ်မ့ၢ်နုာ်လီၤဆူဒဲစီဆှံအပူၤဒီး ထံၣ်ပှၤလုၢ်တၢ်အခိၣ်တဖၣ်ကတဲာ်ကတီၤတၢ်စီဆှံအပီးအလီ တဖၣ်လၢတၢ်သုးအီၤအဂီၢ်န့ၣ်အဝဲသ့ၣ်ကသံဝဲလီၤ.”

²¹ဒီးယွၤစံးဘၣ်စီၤမိၤၡ့လၢကထၢဖှိၣ်ကွဲးနီၣ်ပှၤလ့ၤဝံဖိ စီၤက့ရၡိၣ်အဒူၣ်ထၢတုၤလၢအဒူၣ်ထၢဆံးဖိတဖၣ်ဒီးဟံၣ်ဖိဃီ ဖိတဖၣ်,

²³ဒီးကွဲးနီၣ်ကယဲၢ်ပှၤပိာ်ခွါလၢအသးအိၣ်အနံၣ်သၢဆံတုၤအနံၣ် ယဲၢ်ဆံအဘၢၣ်စၢၤလၢကြၢးဝဲဘၣ်ဝဲဒီးတၢ်မၤလၢယွၤအိၣ်ဝဲဆိး ဝဲအဒဲစီဆှံအဂီၢ်န့ၣ်လီၤ.

²⁴အဝဲသ့ၣ်ကဘၣ်ဟံးန့ၢ်မူဒါလၢကစိာ်ကယဲၢ်တၢ်အပီးအလီ တဖၣ်လၢလာ်အံၤန့ၣ်လီၤ.

²⁵ဒဲစီဆှံ, အနီၣ်ကျၢၢ်ဘၢလၢတၢ်အိပူၤ, အနီၣ်ကျၢၢ်ဘၢလၢတၢ် ချၢ, တၢ်ဖံးအဂ့ၤကတၢၢ်လၢအအိၣ်လၢအဖီခိၣ်, ယၣ်ဘျးသဒၢလၢဒဲအကျဲစၢၤအဂီၢ်တဖၣ်,

²⁶ယၣ်ဘျးသဒၢတဖၣ်ဒီးပျံၤတဖၣ်လၢဂၢၤလၢအအိၣ်ဝးတရံးဒဲစီဆှံ ဒီးတၢ်လုၢ်လီၢ်, ယၣ်ဘျးသဒၢတၢ်တဖၣ်လၢဂၢၤအကျဲစၢၤအဂီၢ်ဒီးကယဲၢ်တၢ်လၢအဘၣ်တၢ် သူအီၤလၢတၢ်ထီထီၣ်တၢ်ပီးတၢ်လီတဖၣ်အံၤအဂီၢ်န့ၣ်လီၤ. အဝဲသ့ၣ်ကမၤတၢ်မၤခဲလၢာ်လၢအလိၣ်ဝဲလၢတၢ်တဖၣ်အံၤအဂီၢ်န့ၣ် လီၤ.

²⁷စီၤမိၤၡ့ဒီးစီၤအၤဟရိၣ်ကဘၣ်ထံၣ်ဝဲလၢပှၤက့ရၡိၣ်ဖိတဖၣ် မၤကယဲၢ်မူဒါခဲလၢာ်ဒီးစိာ်ထီၣ်တၢ်ကိးမံၤဒဲးဒ်စီၤအၤ ဟရိၣ်ဒီးအဝဲအဖိခွါတဖၣ်မၢအီၤအသိးန့ၣ်လီၤ.

²⁸တၢ်တဖၣ်အံၤမ့ၢ်ဝဲစီၤက့ရၡိၣ်အဒူၣ်ထၢအမူအဒါလၢဒဲစီဆှံ အပူၤန့ၣ်လီၤ. အဝဲသ့ၣ်ကဘၣ်စိာ်ထီၣ်တၢ်တဖၣ်အံၤလၢပှၤလုၢ်တၢ် အခိၣ်စီၤအၤဟရိၣ်အဖိခွါစီၤအံသမၢ်အတၢ်ပၢဆှၢနဲၣ်ကျဲအဖီ လာ်န့ၣ်လီၤ.

²⁹ယွၤစံးဘၣ်စီၤမိၤၡ့လၢကထၢဖှိၣ်ကွဲးနီၣ်ပှၤလ့ၤဝံဖိစီၤ မရၤရံၤအဒူၣ်ထၢတုၤလၢအဒူၣ်ထၢဆံးဖိတဖၣ်ဒီးအဟံၣ်ဖိဃီဖိ တဖၣ်,

³⁰ဒီးကွဲးနီၣ်ပှၤပိာ်ခွါကိးဂၤဒဲးလၢအသးအိၣ်အနံၣ်သၢဆံ တုၤအနံၣ်ယဲၢ်ဆံအဘၢၣ်စၢၤလၢအကြၢးဝဲဘၣ်ဝဲဒီးတၢ်မၤလၢယွၤ အိၣ်ဝဲဆိးဝဲအဒဲစီဆှံအပူၤအဂီၢ်န့ၣ်လီၤ.

³¹အဝဲသ့ၣ်အမူအဒါအိၣ်ဝဲလၢကဘၣ်စိာ်ဒဲစီဆှံအသ့ၣ်ကွီၣ်တဖၣ်, အနီၣ်ဘိတဖၣ်, အထူၣ်တဖၣ်, ဒီးဒဲစီဆှံအခီၣ်ထံးတဖၣ်,

³²ဒီးအထူၣ်တဖၣ်, အခီၣ်ထံးတဖၣ်, နီၣ်ပျၤစူတဖၣ်, ဒီးဂၢၤအိၣ်ဝးတရံးဒဲစီဆှံအပျံၤတဖၣ်, ဃုာ်ဒီးကယဲၢ်တၢ်လၢတၢ်သူအီၤလၢတၢ်ထီထီၣ်တၢ်ပီးတၢ်လီတဖၣ် န့ၣ်လီၤ. ပှၤတဂၤဘၣ်တဂၤအမူအဒါအိၣ်ဒီးလၢကစိာ်တၢ်တမံၤမံၤလီၤတံၢ် လီၤဆဲးန့ၣ်လီၤ.

³³တၢ်တဖၣ်အံၤမ့ၢ်ဝဲစီၤမရၤရံၤအဒူၣ်ထၢအမူအဒါတဖၣ်လၢအတၢ်ဖံး တၢ်မၤလၢဒဲစီဆှံအပူၤအဂီၢ်န့ၣ်လီၤ. အဝဲသ့ၣ်ကဘၣ်စိာ်ထီၣ်တၢ်မၤအံၤလၢပှၤလုၢ်တၢ်အခိၣ်စီၤအၤဟရိၣ် အဖိခွါစီၤအံသမၢ်အတၢ်ပၢဆှၢနဲၣ်ကျဲအဖီလာ်န့ၣ်လီၤ.

³⁴ပိာ်ထွဲထီၣ်ယွၤအတၢ်ဟ့ၣ်လီၤအကလုၢ်အခံန့ၣ်, စီၤမိၤၡ့စီၤအၤဟရိၣ်, ဒီးကမျၢၢ်အခိၣ်အနၢ်တဖၣ်ထၢဖှိၣ်ကွဲးနီၣ်ပှၤအနီၣ်ဂံၢ်လၢပှၤ လ့ၤဝံဖိအဒူၣ်ထၢသၢဒူၣ်လၢအမ့ၢ်, စီၤက့ရၡိၣ်, စီၤကဃး, ဒီးစီၤမရၤရံၤအဒူၣ်ထၢပူၤန့ၣ်လီၤ. အဝဲသ့ၣ်မၤတၢ်အံၤဒ်ပှၤအဒူၣ်အဆံးဖိဒီးဟံၣ်ဖိဃီဖိတဖၣ် အိၣ်ဝဲအသိးဒီးကွဲးနီၣ်ဝဲကယဲၢ်ပှၤပိာ်ခွါအသးအိၣ်အနံၣ်သၢဆံ တုၤအနံၣ်ယဲၢ်ဆံအဘၢၣ်စၢၤလၢအကြၢးဘၣ်ဝဲဒီးတၢ်မၤလၢ ယွၤအိၣ်ဝဲဆိးဝဲအဒဲစီဆှံအပူၤအဂီၢ်, ဒ်အဖီလာ်အံၤအသိးန့ၣ်လီၤ. စီၤကဃးအဒူၣ်ထၢ, ပှၤအနီၣ်ဂံၢ် ခံကထိနွံကယၤယဲၢ်ဆံ ဂၤ. စီၤက့ရၡိၣ်အဒူၣ်ထၢ, ပှၤအနီၣ်ဂံၢ် ခံကထိဃုကယၤသၢဆံ ဂၤ. စီၤမရၤရံၤအဒူၣ်ထၢ, ပှၤအနီၣ်ဂံၢ် သၢကထိခံကယၤဂၤ. ခဲလၢာ်ပာ်ဖှိၣ်အဒူၣ်ထၢ, ပှၤအနီၣ်ဂံၢ် ဃိးကထိယဲၢ်ကယၤဃိးဆံဂၤ.

⁴⁹ပှၤတဂၤစုာ်စုာ်ဘၣ်တၢ်ဆဲးလီၤကွဲးနီၣ်အီၤဒ်ယွၤမၤလိာ်တ့ၢ် စီၤမိၤၡ့အသိးန့ၣ်လီၤ. ဒီးဒ်တၢ်ကလုၢ်လၢယွၤဟ့ၣ်လီၤအီၤခီဖျိစီၤ မိၤၡ့အသိးန့ၣ်ပှၤတဂၤစုာ်စုာ်ဘၣ်တၢ်ဟ့ၣ်လီၤအီၤမူဒါလၢကမၤ အတၢ်မၤတၢ်အဂီၢ်မ့ၢ်ဂ့ၤတၢ်စိာ်တၢ်အဂီၢ်မ့ၢ်ဂ့ၤန့ၣ်လီၤ.