Read S'gaw Karen လံာ်တၢ်ဂံၢ် 8 Bible Online

လံာ်တၢ်ဂံၢ် 8 - S'gaw Karen bible

လံာ်တၢ်ဂံၢ် 8

¹ယွၤစံးဘၣ်စီၤမိၤၡ့, “တဲဘၣ်စီၤအၤဟရိၣ်လၢ, ဖဲအပာ်ထီၣ်မ့ၣ်အူဒၢနွံဖျၢၣ်လၢတၢ်ပာ်မ့ၣ်အူဒၢအလီၢ်အဖီခိၣ်န့ၣ်, ကြၢးပာ်လီၤဝဲဒ်သိးတၢ်က, ကပီၤထီၣ်ဆူတၢ်မဲာ်ညါန့ၣ်လီၤ.”

³စီၤအၤဟရိၣ်စူၢ်တၢ်န့ၣ်ဒီးပာ်ထီၣ်မ့ၣ်အူဒၢတဖၣ်အိၣ်ဒီးအမဲာ် ဃၣ်အသးဆူတၢ်ပာ်မ့ၣ်အူဒၢလီၢ်အမဲာ်ညါန့ၣ်လီၤ.

⁴စးထီၣ်လၢအခိၣ်ထိးတုၤလၢအထူၣ်ခီၣ်ထံးန့ၣ်တၢ်ပာ်မ့ၣ်အူဒၢ အလီၢ်ဘၣ်တၢ်မၤအီၤလၢထူ, အိၣ်ဒီးအက့ၢ်အဂီၤဒ်ယွၤဒုးနဲၣ်စီၤမိၤၡ့အသိးန့ၣ်လီၤ.

⁵ဒီးယွၤစံးဘၣ်စီၤမိၤၡ့, “ပာ်လီၤဆီပှၤလ့ၤဝံဖိတဖၣ်ဒီးကီၢ်အံၣ်စရ့လးအပှၤဂီၢ်မုၢ် အဂၤဒီးမၤကဆှီအဝဲသ့ၣ်, ဒ်ကျဲလၢလာ်အံၤအသိးတက့ၢ်.

⁷ဖှံအီၤဒီးတၢ်မၤကဆှီထီၣ်တၢ်အထံဒီးတဲဘၣ်အဝဲသ့ၣ်လၢကလူၤ ကွံာ်အဆူၣ်ဒီဂၤညါ, ဒီးကဆှုၣ်ကွံာ်အတၢ်ကူတၢ်သိးဒၣ်ဝဲတဖၣ်တက့ၢ်. အန့ၣ်ဒီးအဝဲသ့ၣ်က, ကဆှီထီၣ်ဝဲဒ်တၢ်ဘူၣ်တၢ်ဘါအလုၢ်အလၢ်အသိး န့ၣ်လီၤ.

⁸အန့ၣ်ဝံၤဒီးအဝဲသ့ၣ်ကဘၣ်ဟံးန့ၢ်ကျီၢ်ဖါအသးစၢ်တဒုဒီးကိၣ် ကမူၣ်လၢအဃါဃုာ်အသးဒီးသ့ၣ်စၤယံးအသိ ဒ်တၢ်လုၢ်မၤဘူၣ်ကိၣ်အတၢ်မၤလိာ်အိၣ်ဝဲန့ၣ်လီၤ. နကဘၣ်ဟံးန့ၢ်ကျီၢ်ဖါသးစၢ်အဂၤတဒုလၢတၢ်လုၢ်တၢ်ပျၢ်တၢ်ဒဲး ဘးအဂီၢ်န့ၣ်လီၤ.

⁹အန့ၣ်ဝံၤဒီးကိးဖှိၣ်အံၣ်စရ့လးကမျၢၢ်ခဲလၢာ်ဒီးမၢပှၤလ့ၤ ဝံဖိတဖၣ်ဆၢထၢၣ်လၢယွၤအိၣ်ဝဲဆိးဝဲအဒဲစီဆှံအမဲာ်ညါ တက့ၢ်.

¹⁰ကီၢ်အံၣ်စရ့လးအပှၤဂီၢ်မုၢ်ကဘၣ်ပာ်ထီၣ်အစုတဖၣ်လၢပှၤလ့ၤဝံ ဖိတဖၣ်အခိၣ်အဖီခိၣ်,

¹¹ဝံၤဒီးစီၤအၤဟရိၣ်ကဘၣ်ပာ်စီဆှံထီၣ်ပှၤလ့ၤဝံဖိတဖၣ်ဆူ ယအိၣ်ဒ်တၢ်လုၢ်မၤဘူၣ်လီၤဆီတမံၤလၢအဟဲလၢပှၤအံၣ်စရ့လးဖိ တဖၣ်အအိၣ်, ဒ်သိးအဝဲသ့ၣ်မၤယတၢ်မၤကသ့အဂီၢ်န့ၣ်လီၤ.

¹²ဝံၤဒီးပှၤလ့ၤဝံဖိတဖၣ်ကပာ်ထီၣ်အစုတဖၣ်လၢကျီၢ်ဖါခံဒု အခိၣ်လိၤလၢတဒုန့ၣ်, ကဘၣ်တၢ်လုၢ်ထီၣ်အီၤလၢတၢ်ပျၢ်တၢ်ဒဲးဘးအဂီၢ်ဒီးအဂၤတဒုန့ၣ် လၢတၢ်လုၢ်မ့ၣ်အူအဂီၢ်, လၢတၢ်ကမၤတၢ်ဘူၣ်တၢ်ဘါအလုၢ်အလၢ်လၢတၢ်မၤကဆှီထီၣ်ပှၤလ့ၤဝံ ဖိတဖၣ်အဂီၢ်န့ၣ်လီၤ.

¹³ပာ်စီဆှံထီၣ်ပှၤလ့ၤဝံဖိတဖၣ်ဒ်တၢ်ဟ့ၣ်လီၤဆီတမံၤဆူယအိၣ် ဒီးပာ်စီၤအၤဟရိၣ်ဒီးအဖိခွါတဖၣ်လၢအဝဲသ့ၣ်အခိၣ်တက့ၢ်.

¹⁴ပာ်လီၤဆီကွံာ်ပှၤလ့ၤဝံဖိတဖၣ်ဒီးပှၤအံၣ်စရ့လးဖိအဂၤခဲ လၢာ်လၢကျဲဒ်အံၤ, ဒ်သိးအဝဲသ့ၣ်ကဘၣ်ဃးဒီးယၤအဂီၢ်န့ၣ်တက့ၢ်.

¹⁵ဖဲသုမၤကဆှီဒီးပာ်စီဆှံထီၣ်ပှၤလ့ၤဝံဖိတဖၣ်ဝံၤန့ၣ်အဝဲ သ့ၣ်ကကြၢးဝဲဘၣ်ဝဲဒီးတၢ်ဖံးတၢ်မၤလၢဒဲစီဆှံအပူၤန့ၣ် လီၤ.

¹⁶ယဃ့တ့ၢ်အဝဲသ့ၣ်လၢကယဲၢ်ပှၤအံၣ်စရ့လးဖိအဖိခွါဝဲၢ်ကိ တဖၣ်အလီၢ်, ဒီးအဝဲသ့ၣ်ဘၣ်ဃးဒၣ်ထဲဆူယၤတဂၤဧိၤန့ၣ်လီၤ.

¹⁷ဖဲယမၤသံကွံာ်ကယဲၢ်ဖိဝဲၢ်ကိလၢကီၢ်အဲၤကူပတူးအပူၤန့ၣ် ယပာ်စီဆှံတ့ၢ်ပှၤအံၣ်စရ့လးဖိအဖိခွါဝဲၢ်ကိခဲလၢာ်လၢအံၣ် စရ့လးဟံၣ်ဖိဃီဖိတဒူၣ်ဘၣ်တဒူၣ်အပူၤဒီးကယဲၢ်ဆၣ်ဖိကီၢ်ဖိ အဝဲၢ်ကိတဖၣ်န့ၣ်လီၤ.

¹⁸ခဲအံၤယဟံးန့ၢ်ပှၤလ့ၤဝံဖိတဖၣ်လၢကယဲၢ်ပှၤအံၣ်စရ့လးဖိ အဖိခွါဝဲၢ်ကိတဖၣ်အလီၢ်

¹⁹ဒီးယဟ့ၣ်လီၤပှၤလ့ၤဝံဖိတဖၣ်ဆူစီၤအၤဟရိၣ်ဒီးအဖိခွါတဖၣ် အအိၣ်ဒ်ပှၤအံၣ်စရ့လးဖိတဖၣ်အတၢ်ဟ့ၣ်လီၤဆီတမံၤ, ဒ်သိးအကမၤတၢ်လၢဒဲစီဆှံအပူၤလၢကီၢ်အံၣ်စရ့လးအပှၤဂီၢ် မုၢ်အဂီၢ်ဒီးလၢအကဒီဒၣ်အိၣ်ပှိၤပှၤအံၣ်စရ့လးဖိတဖၣ်လၢတၢ် တတၢးတနါလၢကလီၤဘၣ်အဝဲသ့ၣ်ဖဲအဝဲသ့ၣ်မ့ၢ်ဟဲဘူးဘၣ် ဒီးတၢ်အလီၢ်စီဆှံအခါန့ၣ်လီၤ.”

²⁰မၤသးဒ်န့ၣ်ဒီး, စီၤမိၤၡ့, စီၤအၤဟရိၣ်ဒီးကယဲၢ်ကီၢ်အံၣ်စရ့ လးအပှၤဂီၢ်မုၢ်ပာ်စီဆှံထီၣ်ပှၤလ့ၤဝံဖိတဖၣ်ဒ်ယွၤမၤလိာ် တ့ၢ်စီၤမိၤၡ့အသိးန့ၣ်လီၤ.

²¹ပှၤလ့ၤဝံဖိတဖၣ်မၤကဆှီထီၣ်အသး, ဒီးဆှုၣ်အတၢ်ကူတၢ်သိး တဖၣ်ဒီးစီၤအၤဟရိၣ်ပာ်စီဆှံထီၣ်အဝဲသ့ၣ်ဒ်တၢ်ဟ့ၣ်လီၤဆီ တမံၤဆူယွၤအအိၣ်အသိးန့ၣ်လီၤ. အဝဲမၤစ့ၢ်ကီးတၢ်ဘူၣ်တၢ်ဘါအလုၢ်အလၢ်ဘၣ်ဃးဒီးတၢ်မၤကဆှီ ထီၣ်တၢ်လၢအဝဲသ့ၣ်အဂီၢ်န့ၣ်လီၤ.

²²ပှၤဂီၢ်မုၢ်မၤတၢ်ကိးမံၤဒဲးဒ်ယွၤမၤလိာ်တ့ၢ်စီၤမိၤၡ့ အသိးလၢတၢ်ဘၣ်ဃးဒီးပှၤလ့ၤဝံဖိတဖၣ်န့ၣ်လီၤ. မၤသးဒ်န့ၣ်ဒီး, ပှၤလ့ၤဝံဖိတဖၣ်န့ၣ်ကြၢးဝဲဘၣ်ဝဲဒီးတၢ်ဖံး တၢ်မၤလၢဒဲစီဆှံအပူၤလၢစီၤအၤဟရိၣ်ဒီးအဖိခွါတဖၣ်အဖီ လာ်န့ၣ်လီၤ.

²³ဒီးယွၤစံးဘၣ်စီၤမိၤၡ့,

²⁴“ပှၤလ့ၤဝံဖိတဂၤစုာ်စုာ်ဖဲအသးအိၣ်ခံဆံယဲၢ်နံၣ်န့ၣ်, ကမၤအမူအဒါတဖၣ်လၢယအိၣ်ယဆိးအဒဲစီဆှံအပူၤ, လၢတၢ်ဘူၣ်ထီၣ်ဘါထီၣ်ယွၤအဒဲပူၤန့ၣ်လီၤ.

²⁵ဒီးဖဲအသးအိၣ်ယဲၢ်ဆံနံၣ်န့ၣ်ကဘၣ်အိၣ်ဘှံးဝဲလီၤ.

²⁶တၢ်န့ၣ်အလီၢ်ခံအဝဲသ့ၣ်ကဘၣ်မၤစၢၤက့ၤပှၤလ့ၤဝံဖိကဒဲကဒဲ လၢတၢ်စိာ်ထီၣ်အဝဲသ့ၣ်အမူအဒါလၢဒဲစီဆှံအပူၤ, ဘၣ်ဆၣ်, အဝဲသ့ၣ်တဘၣ်မၤတၢ်ဖံးတၢ်မၤလၢအနီၢ်ကစၢ်ဒၣ်ဝဲနီတမံၤဘၣ်. တၢ်အံၤမ့ၢ်ကျဲလၢနကသိၣ်လိနဲၣ်လီၤမူဒါတဖၣ်လၢပှၤလ့ၤဝံဖိ တဖၣ်အဂီၢ်န့ၣ်လီၤ.”