Read S'gaw Karen လံာ်မံကၤ 1 Bible Online

လံာ်မံကၤ 1 - S'gaw Karen bible

လံာ်မံကၤ 1

¹ဖဲစီၤယိၤသၣ်, စီၤအၤဃာ်ဒီးစီၤဃံးစကံယၤတဖၣ်မ့ၢ်ကီၢ်ယူ ဒၤအစီၤပၤအကတီၢ်န့ၣ်ယွၤဟ့ၣ်လီၤတၢ်ကစီၣ်အံၤဆူဝံမံကၤ, ပှၤလၢဝ့ၢ်မိရၤၡးတခီလီၤ. ယွၤလီၣ်ဖျါထီၣ်တၢ်ဂ့ၢ်ခဲလၢာ်အံၤဘၣ်ဃးဒီးၡၤမရံဒီး ဝ့ၢ်ယရူၤၡလ့ၣ်ဆူဝံမံကၤန့ၣ်လီၤ.

²ပှၤကလုာ်ခဲလၢာ်သ့ၣ်ဧၢ, နၢ်ဟူတၢ်အံၤတက့ၢ်. ပှၤလၢအမူဝဲလၢဟီၣ်ခိၣ်အဖီခိၣ်ခဲလၢာ်သ့ၣ်ဧၢ, ဒိကနၣ်တက့ၢ်. ယွၤလၢအစိကမီၤဒိၣ်ကအုၣ်အသးထီဒါသုလီၤ. ဒိကနၣ်တက့ၢ်. ယွၤကတိၤတၢ်လၢမူခိၣ်အတၢ်လုၢ်လီၢ်လီၤ.

³ယွၤဟဲဝဲလၢအလီၢ်စီဆှံလီၤ. အဝဲကဟဲလီၤဒီးဟးလၢကစၢၢ်တဖၣ်အဒီခိၣ်လီၤ.

⁴တုၤနုၤတစု, ဒ်ဃိးလၢအပှံၢ်လီၤဝဲလၢမ့ၣ်အူပူၤဒီးထံလၢ အယွၤလီၤဝဲလၢတၢ်လူၢ်ခိၣ်အသိးန့ၣ်ကစၢၢ်တဖၣ်ကပှံၢ်လီၤဝဲ ဒီးယွၤလီၤဝဲလၢကစၢၢ်ကဆူးပူၤလီၤ.

⁵တၢ်မၤအသးတဖၣ်အံၤခဲလၢာ်ကလၢထီၣ်ပှဲၤထီၣ်ဝဲလီၤ. အဂ့ၢ်ဒ်အံၤ, ပှၤအံၣ်စရ့လးဖိတဖၣ်မၤလံတၢ်ဒဲးဘးဒီးပူထီၣ်လံယွၤလံ. ပှၤအံၣ်စရ့လးဖိတဖၣ်ပူထီၣ်တၢ်န့ၣ်မ့ၢ်မတၤအတၢ်ကမၣ်လဲၣ်. မ့ၢ်ဒၣ်, ၡၤမရံဝ့ၢ်ခိၣ်အကစၢ်ဒၣ်အတၢ်ကမၣ်လီၤ. တၢ်ဘါတၢ်ဂီၤတၢ်ဖီၣ်လၢကီၢ်ယူဒၤအပူၤန့ၣ် မ့ၢ်မတၤအတၢ်ကမၣ်လဲၣ်. မ့ၢ်ဝ့ၢ်ယရူၤၡလ့ၣ်အနီၢ်ကစၢ်ဒၣ်ဝဲလီၤ.

⁶မ်ဒ်န့ၣ်ဒီးယွၤစံးဝဲဒၣ်, ယကဒုးကဲထီၣ်ၡၤမရံလၢတၢ်ဟးဂီၤပူၣ်ထီၣ်သးအလီၢ်တပူၤလၢတၢ်ပျီပူၤ, တၢ်လီၢ်လၢတၢ်ကသူၣ်စပံးမုၢ်အဂီၢ်လီၤ. ယကဂၢ်လီၤကွံာ်လၢၢ်အက့အခီတဖၣ်လၢဝ့ၢ်ပူၤဆူကစၢၢ်ကဆူးအပူၤ ဒီးယကဒုးအိၣ်ဖျါထီၣ်ဝ့ၢ်အခီၣ်ထံးတဖၣ်လီၤ.

⁷အတၢ်ဂီၤတၢ်ဖီၣ်လၢအလုၢ်ဒိၣ်ပှ့ၤဒိၣ်ခဲလၢာ်ကဘၣ်တၢ်ဒိလီၤကလဲ အီၤ, တၢ်ကိးမံၤလၢအဘၣ်တၢ်ဟ့ၣ်လီၤအီၤဆူ အတၢ်လုၢ်ဟံၣ်အဃဲသဲမုၣ်တဖၣ်ကဘၣ်တၢ်မၤဟး ဂီၤအီၤလၢမ့ၣ်အူလီၤ. အတၢ်ဂီၤတၢ်ဖီၣ်ခဲလၢာ်ကကဲထီၣ်တၢ်ပာ်ဖှိၣ်အလီၢ်အိၣ်သယုၢ်လီၤ. ၡၤမရံပာ်ဖှိၣ်တၢ်လၢဃဲသဲမုၣ်အဘူးအလဲအဂီၢ်, ဒီးခဲအံၤအဒုၣ်အဒါတဖၣ်ကစိာ်ကွံာ်အီၤလၢက ကဲထီၣ်တၢ်လုၢ်ဟံၣ်အဃဲသဲမုၣ်အဂီၢ်လီၤ.

⁸တုၤနုၤတစု, ဝံမံကၤစံးဝဲ, “ယကဟီၣ်တၢ်ယၢၤတၢ်ဒီးဘၣ်မိၢ်ဘၣ်မးလၢတၢ်တဖၣ်အံၤအဃိလီၤ. ူလၢတၢ်ဒုးနဲၣ်ဖျါယတၢ်သးအုးအဂီၢ်န့ၣ်ယကလဲၤတၢ်ထဲယခီၣ်ညါသး ဒီးအိၣ်ဘ့ၣ်ဆ့လီၤ. ယကအိၣ်ယူၤဒ်ထွံၣ်ဟီၣ်ခိၣ်အသိးဒီးယ ကဟီၣ်ကအုဒ်ထိၣ်ကီၤလၤအူးအသိးန့ၣ်လီၤ.

⁹ၡၤမရံအပူၤလီၢ်ပူၤကျဲတဖၣ်ဘျါတသ့ဘၣ်. ကီၢ်ယူဒၤစ့ၢ်ကီးဘူးတ့ၢ်မးကတူၢ်ဘၣ်တၢ်တမံၤဃီလီၤ. တၢ်ဟးဂူာ်ဟးဂီၤဟဲတ့ၢ်တုၤဒၣ်လဲာ်ဆူဝ့ၢ်ယရူၤၡလ့ၣ်အတြဲၤ ဖးဒိၣ်တဖၣ်ဖဲယပှၤဂီၢ်မုၢ်အိၣ်ဆိးဝဲအလီၢ်လီၤ.”

¹⁰တဲဘၣ်ပဒုၣ်ပဒါတဖၣ်လၢဝ့ၢ်ကၤသးအပူၤဘၣ်ဃးဒီးပတၢ်ဃၣ်ကွံာ် အဂ့ၢ်န့ၣ်တဂ့ၤ. ပျဲအဝဲသ့ၣ်ထံၣ်ဘၣ်သုဟီၣ်တဂ့ၤ. ပှၤဂီၢ်မုၢ်လၢဝ့ၢ်ဘ့ၤသလဧၤဖြၤသ့ၣ်ဧၢ, ကလိာ်သုသးလၢဟီၣ်ခိၣ်ကမူၣ်အကျါဒ်သိးသုကဒုး နဲၣ်ဖျါထီၣ်သုတၢ်သးအုးတက့ၢ်.

¹¹ပှၤဂီၢ်မုၢ်လၢဝ့ၢ်ၡၤဖံၣ်ဧၢ, လဲၤဆူတၢ်စိာ်မၢကဲကုၢ်အပူၤလၢတၢ်အိၣ်ဘ့ၣ်ဆ့ဒီးတၢ်မဲာ်ဆှးတက့ၢ်. ပှၤတဖၣ်လၢအအိၣ်ဝဲဆိးဝဲလၢဝ့ၢ်စၤနၣ်အပူၤန့ၣ်ဟဲထီၣ်ဆူဝ့ၢ်အချၢ တဘူၣ်ဘၣ်. ဖဲသုနၢ်ဟူဝ့ၢ်ဘ့ၤစသ့လးအပှၤဂီၢ်မုၢ်ဟီၣ်တၢ်ယၢၤ တၢ်န့ၣ်, သုကသ့ၣ်ညါလၢတၢ်ပူၤဖျဲးအလီၢ်တအိၣ်ဘၣ်ဖဲန့ၣ်ဘၣ်.

¹²ပှၤဂီၢ်မုၢ်လၢဝ့ၢ်မၤရိးအပူၤန့ၣ်ကွၢ်လၢ်တၢ်မၤမုာ်မၤခုၣ်လၢတၢ်သူၣ် တတုၤလီၤသးတတုၤလီၤအပူၤလီၤ. အဂ့ၢ်ဒ်အံၤယွၤဟဲစိာ်တၢ်ဟးဂူာ်ဟးဂီၤဘူးဒီးဝ့ၢ်ယရူၤၡလ့ၣ် လီၤ.

¹³ပှၤအိၣ်ဝဲဆိးဝဲလၢဝ့ၢ်လၤကံၣ်အပူၤသ့ၣ်ဧၢ, ဂီၤကၢ်ထီၣ်ကသ့ၣ်တဖၣ်လၢလ့ၣ်ကဟၣ်ဒုးသုးတဖၣ်အဂီၢ်တက့ၢ်. သုကွၢ်လိပှၤအံၣ်စရ့လးဖိအတၢ်ဒဲးဘးတဖၣ် လၢအဒုးမၤဘၣ်ဝ့ၢ်ယရူၤၡလ့ၣ်လၢတၢ်ဒဲးဘးလီၤ.

¹⁴ဒီးခဲကနံၣ်အံၤကီၢ်ယူဒၤအပှၤဂီၢ်မုၢ်သ့ၣ်ဧၢ, စံးဘၣ်တၢ်လီၤမုၢ်လီၤဖးအတၢ်ကတိၤဆူဝ့ၢ်မိၤရၡးကၤသးတ က့ၢ်. ကီၢ်အံၣ်စရ့လးအစီၤပၤတဖၣ်ဒိးန့ၢ်တၢ်မၤစၢၤလၢဝ့ၢ်အၤကစံာ် အပူၤတသ့ဘၣ်.

¹⁵ဝ့ၢ်မရ့ၡၤအပှၤဂီၢ်မုၢ်သ့ၣ်ဧၢ, ယွၤကဟ့ၣ်လီၤကွံာ်သုဆူဒုၣ်ဒါတဖုလၢအကဒုးန့ၢ်သုဝ့ၢ်အစုပူၤလီၤ. ပှၤအံၣ်စရ့လးအခိၣ်အနၢ်တဖၣ်ကလဲၤအိၣ်ခူသူၣ်ဝဲလၢဝ့ၢ်ဧဒူးလၣ် အလၢၢ်ကအိပူၤလီၤ.

¹⁶ကီၢ်ယူဒၤအပှၤဂီၢ်မုၢ်သ့ၣ်ဧၢ, လူၤကွံာ်သုခိၣ်သူလၢတၢ်ဟီၣ် တၢ်ယၢၤအပူၤလၢဖိလၢသုအဲၣ်တဖၣ်အဂီၢ်တက့ၢ်. မၤသု ခိၣ်လ့ၤကဒိဒ်လီတာ်တဖၣ်အသိးတက့ၢ်. အဂ့ၢ်ဒ်အံၤ, သုဖိ တဖၣ်ကဘၣ်တၢ်စိာ်ထီၣ်ကွံာ်အီၤဆူတၢ်မၢကဲကုၢ်အပူၤလီၤ.