Read S'gaw Karen လံာ်ဃဘးကူာ် 1 Bible Online

လံာ်ဃဘးကူာ် 1 - S'gaw Karen bible

လံာ်ဃဘးကူာ် 1

¹အအံၤမ့ၢ်တၢ်ကစီၣ်လၢယွၤလီၣ်ဖျါတ့ၢ်ဆူဝံဃဘးကူာ်န့ၣ်လီၤ.

²ယွၤဧၢ, တချုးလၢနဒိကနၣ်တၢ်, ဒီးတချုးလၢနမၤပူၤဖျဲးပှၤလၢတၢ်မၤအၢမၤသီဘၣ်န့ၣ်မ့ၢ် ယကဘၣ်ကိးထီၣ်နၤဆံးယံာ်ဒံးလဲၣ်.

³ဘၣ်မနုၤနဒုးထံၣ်ယၤလၢတၢ်ကိၢ်တၢ်ဂီၤဒ်အံၤန့ၣ်လဲၣ်. တၢ်မၤကမၣ်တၢ်ဒ်သိးအံၤန့ၣ်နကွၢ်တမိာ်အီၤကဲမးဒ်လဲၣ်. တၢ်မၤဟးဂူာ်ဟးဂီၤဒီးတၢ်မၤအၢမၤသီအိၣ်ဝးတရံးယၤ, ဒီးတၢ်ဒုးလိာ်ယၤလိာ်သးဒီးတၢ်အ့ၣ်လိာ်ဆိးက့လိာ် အိၣ်လၢတၢ်လီၢ်ကိးပူၤဒဲးန့ၣ်လီၤ.

⁴တၢ်သိၣ်တၢ်သီစၢ်လီၤဝဲဒီးတဂိာ်တသီၣ်လၢၤဘၣ်. ဒီးတၢ်စံၣ်ညီၣ်တီတမၤလၢၤအသးနီတစုဘၣ်. ပှၤတတီတလိၤ တဖၣ်မၤနၢၤပှၤတီပှၤလိၤတဖၣ်ဒီးတၢ်စံၣ်ညီၣ် တီဘၣ်တၢ်ဘိးကဒါကွံာ်အီၤလီၤ.

⁵တုၤနုၤတစု, ယွၤစံးဘၣ်အပှၤဂီၢ်မုၢ်, “ခိးကွၢ်ပှၤကလုာ်တဖၣ်လၢအအိၣ်ဝးတရံးနၤဒီးနကကမၢက မၣ်လၢတၢ်လၢနထံၣ်ဘၣ်န့ၣ်လီၤ. ယကမၤတၢ်တမံၤလၢနတနာ်ဘၣ်အီၤဖဲနနၢ်ဟူလၢအဂ့ၢ်န့ၣ်လီၤ.

⁶ပှၤဘၤဘူၤလိၣ်ဖိ, ပှၤလၢအလီၤပျံၤလီၤဖုး, ပှၤလၢအမၤတၢ်ဆူၣ်ဆူၣ်ချ့ချ့တဖၣ်န့ၣ်ယဒုးဆူၣ်ထီၣ်အီၤလၢတၢ် စိတၢ်ကမီၤန့ၣ်လီၤ. အဝဲသ့ၣ်လဲၤထီၣ်ကြူးကြူးသကုၤဟီၣ်ခိၣ်ဒီ ဘ့ၣ်ဒ်သိးကမၤနၢၤကွံာ်ထံဂုၤကီၢ်ဂၤတဖၣ်လီၤ.

⁷အဝဲသ့ၣ်ရၤလီၤတၢ်ပျံၤတၢ်ဖုးဒီးတၢ်မၤပျံၤမၤဖုး ဒီးလၢတၢ်ပာ်ထီၣ်ထီသးအပူၤန့ၣ်အဝဲသ့ၣ်မၤဒ် အသးဒၣ်ဝဲအသိးန့ၣ်လီၤ.

⁸အကသ့ၣ်တဖၣ်ချ့န့ၢ်ဒံးခ့စံၣ်ပိၣ်တဖၣ်ဒီး လီၤပျံၤဒိၣ်န့ၢ်ဒံးထွံၣ်မံၤတဖၣ်လၢအသၣ်ဝံၤန့ၣ်လီၤ. အပှၤဒိးကသ့ၣ်တဖၣ်ဟဲဒိးကသ့ၣ်လၢကီၢ်အယံၤတဖၣ်, ဒီးအကသ့ၣ်တဖၣ်လဲၤသဖှိတၢ်လၢတၢ်ပာ်ကဖိအသးပူၤလီၤ. အဝဲသ့ၣ်လဲၤသဖှိဃီၤဒ်လံာ်ကြီကြာ်တဖၣ်ယူၤလီၤချ့ သဒံးဒီးစှီၤန့ၢ်အဆၣ်အီၣ်အသိးန့ၣ်လီၤ.

⁹အသုးမုၢ်သံၣ်ဘိတဖၣ်ထီၣ်ဆူညါရုၢ်ရုၢ်ဒီးမၤနၢၤ တၢ်လၢတၢ်စုဆူၣ်ခီၣ်တကးအပူၤဒီးတုၤအဝဲသ့ၣ်ဟဲဘူးထီၣ် န့ၣ်ပှၤကိးဂၤဒဲးပျံၤတၢ်လီၤ. ပှၤလၢဖီၣ်န့ၢ်ဝဲတဖၣ်န့ၣ်အါဒ်မဲး ဧိၤဟီၣ်ဧိၤအသိးန့ၣ်လီၤ.

¹⁰မၤတရီတပါစီၤလိၣ်စီၤပၤတဖၣ်ဒီးနံၤဘၣ်ဖၣ်လဲပှၤခိၣ်ပှၤနၢ် အဒိၣ်အထီတဖၣ်လီၤ. တိာ်ဧိၤတာ်ဧိၤတြီအီၤတန့ၢ်ဘၣ်. အဂ့ၢ်ဒ်အံၤ, ဖှိၣ်ထီၣ်ထီဟီၣ်ခိၣ်, ထီဒါတိာ်ဧိၤတာ်ဧိၤဒီးမၤန့ၢ်အီၤလီၤ.

¹¹တုၤနုၤတစု, ပှၤလၢအပာ်ထီၣ်အတၢ်စိတၢ် ကမီၤဒ်အကစၢ်အသိးတဖၣ်န့ၣ်လဲၤခီဂာ်တၢ်ဒ်ကလံၤ အသိးဒီးဟါမၢ်ကွံာ်ဝဲလီၤ.”

¹²ယွၤဧၢ, လၢထံးလၢမကိာ်လံၤလံၤန့ၣ်နမ့ၢ်ကစၢ်ယွၤလီၤ. နမ့ၢ်ကစၢ်ယွၤ, တၢ်စီတၢ်ဆှံဒီးတၢ်လီၤထူလီၤယိာ်လီၤ. ယွၤ, ယကစၢ်ယွၤဒီးပှၤလၢအကဟုဘံၣ်ကယာ်ဘၢယၤဧၢ, နဃုထၢတ့ၢ်ပှၤဘၤဘူၤလိၣ်ဖိတဖၣ်ဒီးဒုးမၤထီၣ်အ ဂံၢ်အဘါဒ်သိးစံၣ်ညီၣ်ပှၤကသ့အဂီၢ်လီၤ.

¹³ဘၣ်ဆၣ်ဒီးပှၤလီတၢ်ဝ့ၤတၢ်, ပှၤအၢပှၤသီတဖၣ်အံၤ, နဝံသးစူၤအီၤကဲဒ်လဲၣ်. နမဲာ်ချံတဖၣ်စီဆှံဒိၣ်မးလၢ နကကွၢ်ဃီၤတၢ်အၢတၢ်သီ, ဒီးနကွၢ်ပှၤဂီၢ်မုၢ်လၢ အမၤကမၣ်တၢ်န့ၣ်တကဲဘၣ်. မၤသးဒ်န့ၣ်ဒီးဘၣ်မနုၤလၢ နအိၣ်ဘှီၣ်ကလာ်ဖဲအဝဲသ့ၣ်မၤဟးဂီၤပှၤဂီၢ်မုၢ်လၢ အတီန့ၢ်လိၤန့ၢ်ဒံးအဝဲသ့ၣ်တဖၣ်အခါန့ၣ်လဲၣ်.

¹⁴နမၤပှၤဂီၢ်မုၢ်ဒ်ညၣ်မ့တမ့ၢ်ဒ်တၢ်ဖိဃၢ်အဖုအဂီၢ် လၢပှၤပၢအီၤဆှၢအီၤတအိၣ်ဘၣ်နီတဂၤအသိးန့ၣ်ကသ့ဒ်လဲၣ်.

¹⁵ပှၤဘၤဘူၤလိၣ်ဖိတဖၣ်ဖီၣ်န့ၢ်ပှၤဂီၢ်မုၢ်လၢ တခွဲတဖၣ်ဒ်အဝဲသ့ၣ်မ့ၢ်ညၣ်တဖၣ်အသိးန့ၣ်လီၤ. ထုးထီၣ်အီၤလၢပှာ်တဖၣ်အပူၤဒီးကိးထီၣ်လၢတၢ်သးခုလၢအဖီၣ် န့ၢ်တၢ်အဃိန့ၣ်လီၤ.

¹⁶အဝဲသ့ၣ်ဘူၣ်ထီၣ်ဘါထီၣ်ဒၣ်အပှာ်ဧိၤစၤဧိၤတဖၣ်, ဒီးလုၢ်ထီၣ်တၢ်လုၢ်တၢ်ပာ်တဖၣ်ဆူအအိၣ်လီၤ. အဂ့ၢ်ဒ်အံၤ, အပှာ်ဧိၤစၤဧိၤတဖၣ်လုၢ်အီၣ်အဝဲသ့ၣ်ဒီးတၢ် အဂ့ၤကတၢၢ်လၢတၢ်ကိးမံၤဒဲးအကျါန့ၣ်လီၤ.

¹⁷မ့ၢ်အဝဲသ့ၣ်အကသူအနးတဖၣ်တထံၣ်ဃီဒီး မၤဟးဂီၤပှၤကလုာ်တဖၣ်လၢတၢ်သူၣ်ကညီၤသးကညီၤတအိၣ် အပူၤန့ၣ်တဘိယူာ်ဃီဧါ.