Read S'gaw Karen လံာ်စကၤရယၤ 5 Bible Online

လံာ်စကၤရယၤ 5 - S'gaw Karen bible

လံာ်စကၤရယၤ 5

¹ယကွၢ်ကဒီးတၢ်ဒီးတဘျီအံၤယထံၣ်လံာ် ထူတထူယူၤဝဲဒၣ်လၢကလံၤကျါန့ၣ်လီၤ.

²ကလူးသံကွၢ်ယၤတၢ်လၢယထံၣ်ဘၣ်အီၤအဂ့ၢ်န့ၣ်လီၤ. ယစံးဆၢအီၤ, “ယထံၣ်ဘၣ်လံာ်ထူတထူလၢအယူၤဝဲလၢကလံၤကျါန့ၣ်လီၤ. လံာ်ထူအံၤအထီအိၣ်ဝဲဒၣ်အပျၢ်ခံဆံ, ဒီးအဒီၣ်ဃီၤအိၣ်ဝဲအပျၢ်တဆံလီၤ.”

³အန့ၣ်ဒီးကလူးန့ၣ်စံးဘၣ်ယၤ, “လၢလံာ်ထူလိၤန့ၣ်, တၢ်ဆိၣ်အၢလၢကလီၤဘၣ်ထံကီၢ်ဒီတဘ့ၣ်န့ၣ်အိၣ် ကွဲးလီၤအသးလီၤ. လၢလံာ်ထူတကပၤန့ၣ်, တၢ်ကွဲးအသးစံးဝဲလၢကယဲၢ်တၢ်ဘျၣ်တဂၤလၢ် လၢ်န့ၣ်, ကဘၣ်တၢ်မၤဟးဂီၤကွံာ်အီၤလၢထံကီၢ်အပူၤ, ဒီးလၢအဂၤတကပၤန့ၣ်, တၢ်ကွဲးအသးစံးဝဲလၢပှၤလၢအကတိၤကဘျံး ကဘျၣ်တၢ်လၢတၢ်ဆိၣ်လီၤသးအပူၤတဂၤလၢ်လၢ်န့ၣ်, တၢ်ကမၤဟးဂီၤကွံာ်အီၤစ့ၢ်ကီးလီၤ.

⁴သ့တၢ်လၢာ်ယွၤစံးဝဲလၢအဝဲကဆှၢလီၤတၢ်ဆိၣ် အၢအံၤဒီးတၢ်ဆိၣ်အၢအံၤကလီၤဘၣ်ကယဲၢ်တၢ်ဘျၣ်ကိး ဂၤဒဲးအဟံၣ်ဒီးကယဲၢ်ပှၤလၢအကတိၤကဘျံးကဘျၣ် တၢ်လၢတၢ်ဆိၣ်လီၤသးအပူၤအဟံၣ်န့ၣ်လီၤ. တၢ်ဆိၣ်အၢန့ၣ်, ကအိၣ်ဆိးလၢအဝဲသ့ၣ်အဟံၣ်တဖၣ်အပူၤဒီးပာ်လီၤတဲာ်အဝဲ သ့ၣ်လၢတၢ်ဟးဂီၤအပူၤန့ၣ်လီၤ.”

⁵ကလူးအိၣ်ဖျါထီၣ်ကဒီး, ဒီးစံးဝဲ, “ကွၢ်, တၢ်အဂၤတမံၤဟဲကဒီးလံ.”

⁶ယသံကွၢ်, “တၢ်န့ၣ်မ့ၢ်တၢ်မနုၤလဲၣ်.” အဝဲစံးဆၢယၤ, “တၢ်န့ၣ်မ့ၢ်ဃၤတဖျၢၣ်လၢအပာ်ဖျါထီၣ်ကီၢ်ဒီဘ့ၣ်ညါ အတၢ်ဒဲးဘးအခီပညီန့ၣ်လီၤ.”

⁷ဃၤန့ၣ်အိၣ်ဒီးအခိၣ်ကၢၢ်တခါလၢအဘၣ်တၢ်မၤအီၤလၢစၢၢ်လီၤ. ဖဲယကွၢ်တၢ်အခါန့ၣ်, တၢ်အခိၣ်ကၢၢ်ဘၣ်တၢ်အိးထီၣ်အီၤဒီးလၢဃၤ အပူၤန့ၣ်, ပိာ်မုၣ်တဂၤဆ့ၣ်နီၤဝဲလီၤ.

⁸ကလူးစံးဝဲဒၣ်, “ပိာ်မုၣ်အံၤ, မ့ၢ်တၢ်အၢတၢ်သီလီၤ.” အန့ၣ်ဝံၤဒီးအဝဲဆီၣ်နုာ်လီၤပိာ်မုၣ်န့ၣ်ဆူဃၤအပူၤ ဒီးပာ်လီၤကဒါက့ၤဃၤအခိၣ်ကၢၢ်န့ၣ်လီၤ.

⁹ယကွၢ်ထီၣ်တၢ်ဒီးထံၣ်ဘၣ်ပိာ်မုၣ်ခံဂၤဟဲယူၤဝဲဒၣ် ဆူယအိၣ်လၢအအိၣ်ဒီးဒံးဆ့တဖၣ်လၢအဂံၢ်ဆူၣ်ဘါ ဆူၣ်ဝဲဒ်ထိၣ်ဖးဒိၣ်တဘ့ၣ်အဒံးဆ့တဖၣ်အသိးလီၤ. အဝဲသ့ၣ်စိာ်ထီၣ်ဃၤန့ၣ်ဒီးယူၤကွံာ်ဃုာ်ဒီးအီၤလီၤ.

¹⁰ယသံကွၢ်ကလူးန့ၣ်, “အဝဲသ့ၣ်ကစိာ်ကွံာ်ဃၤန့ၣ်ဆူလဲၣ်.”

¹¹အဝဲစံးဆၢယၤ, “ဆူကီၢ်ဘၤဘူၤလိၣ်, ဖဲအကဘှီထီၣ်တၢ်လုၢ်ဟံၣ် တဖျၢၣ်လၢအဂီၢ်လီၤ. ဖဲတၢ်လုၢ်ဟံၣ်ဝံၤဝဲဒီးဃၤန့ၣ်ကဘၣ်တၢ်ပာ်အီၤဖဲန့ၣ်လၢတၢ်က ဘူၣ်ထီၣ်ဘါထီၣ်အီၤအဂီၢ်လီၤ.”