Read S'gaw Karen လံာ်စကၤရယၤ 6 Bible Online

လံာ်စကၤရယၤ 6 - S'gaw Karen bible

လံာ်စကၤရယၤ 6

¹ယအိၣ်ဒီးတၢ်ထံၣ်လၢညါခီအဂၤတမံၤကဒီးလီၤ. တဘျီအံၤ, ယထံၣ်လ့ၣ်ကဟၣ်လွံၢ်ဆိလၢအဟဲထီၣ်လၢကစၢၢ် တိၢ်ဘီခံဖျၢၣ်အကဆူးန့ၣ်လီၤ.

²လ့ၣ်ကဟၣ်အခီၣ်ထံးတဆိဘၣ်တၢ်တွံၢ်အီၤလၢကသ့ၣ်ဂီၤတဖၣ်, ခံဆိတဆိဘၣ်တၢ်တွံၢ်အီၤလၢကသ့ၣ်သူတဖၣ်,

³သၢဆိတဆိဘၣ်တွံၢ်အီၤလၢကသ့ၣ်ဝါတဖၣ်, ဒီးလွံၢ်ဆိတဆိဘၣ်တၢ်တွံၢ်အီၤလၢကသ့ၣ်ဂီၤဃ့တဖၣ်လီၤ.

⁴အန့ၣ်ဒီးယသံကွၢ်ကလူးန့ၣ်, “တၢ်ဒိၣ်ဧၢ, လ့ၣ်ကဟၣ်တဖၣ်အံၤအခီပညီမ့ၢ်တၢ်မနုၤလဲၣ်.”

⁵အဝဲစံးဆၢယၤ, “တၢ်တဖၣ်အံၤမ့ၢ်ကလံၤလွံၢ်ကျိၤလၢအဟဲဝဲဒၣ် လၢဟီၣ်ခိၣ်ဒီဘ့ၣ်အယွၤအအိၣ်လီၤ.”

⁶လ့ၣ်ကဟၣ်လၢအဘၣ်တၢ်တွံၢ်အီၤလၢကသ့ၣ်သူ တဖၣ်န့ၣ်လဲၤဝဲဒၣ်ဆူကလံၤစိးတကပၤဆူကီၢ်ဘၤဘူၤလိၣ်, လၢအဘၣ်တၢ်တွံၢ်အီၤလၢကသ့ၣ်ဝါတဖၣ်န့ၣ်လဲၤ ဝဲဒၣ်ဆူမုၢ်နုာ်တကပၤ, ဒီးလၢအဘၣ်တၢ်တွံၢ်အီၤလၢကသ့ၣ်ဂီၤဃ့ တဖၣ်န့ၣ်လဲၤဝဲဒၣ်ဆူကီၢ်လၢအအိၣ်လၢကလံၤထံးတကပၤန့ၣ်လီၤ.

⁷ဖဲကသ့ၣ်တဖၣ်ဟဲထီၣ်ဝဲန့ၣ်, အဝဲသ့ၣ်အသူၣ်ဆူၣ်သးဂဲၤလၢကဃု သ့ၣ်ညါတၢ်လၢဟီၣ်ခိၣ်တုၤဒၣ်လဲာ်အိၣ်ခိးစူၤသးတကဲဘၣ်န့ၣ်လီၤ. ကလူးစံးဝဲဒၣ်, “လဲၤဒီးဃုသ့ၣ်ညါဟီၣ်ခိၣ်တက့ၢ်.” ဒီးအဝဲသ့ၣ်လဲၤမၤဝဲဒ်န့ၣ်လီၤ.

⁸အန့ၣ်ဒီးကလူးကိးထီၣ်ဆူယအိၣ်, “ကသ့ၣ်တဖၣ်လၢအလဲၤဆူကလံၤစိးတကပၤဆူကီၢ်ဘၤဘူၤလိၣ်န့ၣ် မၤဂၢၢ်က့ၤယွၤအတၢ်သးထီၣ်လံ.”

⁹ယွၤဟ့ၣ်လီၤယၤလၢတၢ်ကစီၣ်အံၤလီၤ. အဝဲစံးဝဲ, “ဟံးန့ၢ်တၢ်ဟ့ၣ်ကနၢၤတဖၣ်လၢအဘၣ်တၢ်ဟ့ၣ်အီၤလၢပှၤဘၣ်တၢ်စိာ် မၢကဲကုၢ်တဖၣ်လၢအမ့ၢ်ဝဲ, စီၤဃ့လဒဲၤ, ဒီးစီၤတိၤဘံယၤ, ဒီးစီၤယဒၤယၤ, ဒီးလဲၤတဘျီဃီဆူစီၤစဖါနယၤအဖိခွါစီၤယိၤၡံယၤအဟံၣ်န့ၣ်တက့ၢ်. ပှၤတဖၣ်အံၤခဲလၢာ်ဟဲက့ၤကဒါက့ၤတ့ၢ်လၢတၢ် လဲၤကဲကုၢ်လၢကီၢ်ဘၤဘူၤလိၣ်အပူၤန့ၣ်လီၤ.

¹¹မၤကဲထီၣ်ခိၣ်သလုးတဖျၢၣ်လၢစ့ဒီးထူလၢအဝဲသ့ၣ်တဖၣ် ဟ့ၣ်တ့ၢ်ဒီးဒုးကုာ်ထီၣ်အီၤလၢစီၤယိၤစါဒးအဖိခွါ, ပှၤလုၢ်တၢ်အခိၣ်အဒိၣ်ကတၢၢ်စီၤယိၤၡူအခိၣ်လိၤတက့ၢ်.

¹²တဲဘၣ်အီၤလၢသ့တၢ်လၢာ်ယွၤစံးဝဲလၢ, ပှၤကညီလၢအဘၣ်တၢ်ကိးအီၤလၢတၢ်အဒ့တဂၤန့ၣ်ကဘီၣ်ထီၣ် ညီထီၣ်ဝဲဖဲအအိၣ်ဝဲအလီၢ်, ဒီးကဘှီထီၣ်ကဒါက့ၤယွၤအတၢ်လုၢ်ဟံၣ်လီၤ.

¹³အဝဲမ့ၢ်ပှၤတဂၤလၢကဘှီထီၣ်တၢ်လုၢ်ဟံၣ်န့ၣ်, ဒီးဒိးန့ၢ်တၢ်လၤကပီၤဒ်အကြၢးဒီးစီၤပၤတဂၤအသိး, ဒီးအဝဲကပၢအပှၤဂီၢ်မုၢ်န့ၣ်လီၤ. ပှၤလုၢ်တၢ်အခိၣ်တဂၤကဆၢထၢၣ်ဖဲအလီၢ်ပစိာ်ကပၤ, ဒီးအဝဲသ့ၣ်ကမၤသကိးတၢ်လၢတၢ်ဃူတၢ်ဖိးဒီးတၢ် ဘၣ်လိာ်ဖိးဒ့အပူၤလီၤ.

¹⁴ခိၣ်သလုးန့ၣ်ကမ့ၢ်တၢ်သ့ၣ်နီၣ်ထီၣ်တမံၤလၢယွၤအတၢ် လုၢ်ဟံၣ်အပူၤ, လၢတၢ်မၤလၤမၤကပီၤစီၤဃ့လဒဲၤ, စီၤတိၤဘံယၤ, စီၤယဒၤယၤ, ဒီးစီၤယိၤၡံယၤတဖၣ်အဂီၢ်လီၤ.

¹⁵ပှၤတဖၣ်လၢအအိၣ်ဖးယံၤန့ၣ်ကဟဲဒီး မၤတၢ်လၢတၢ်ဘှီထီၣ်ကဒါက့ၤယွၤအတၢ်လုၢ်ဟံၣ်အဂီၢ်လီၤ. ဒီးဖဲတၢ်ဘှီထီၣ်ကဒါက့ၤအီၤန့ၣ်, သုကသ့ၣ်ညါလၢသ့တၢ်လၢာ်ယွၤမၢလီၤယၤဆူသုအိၣ်လီၤ. တၢ်အံၤခဲလၢာ်ကမၤအသးဖဲလၢသုစူၢ်ယွၤ, သုကစၢ်ယွၤအ ကလုၢ်လၢလၢပှဲၤပှဲၤအခါန့ၣ်လီၤ.”