Read S'gaw Karen လံာ်သိၣ်လီၤသီလီၤတၢ် 2 Bible Online

လံာ်သိၣ်လီၤသီလီၤတၢ် 2 - S'gaw Karen bible

လံာ်သိၣ်လီၤသီလီၤတၢ် 2

¹ဒီးလၢခံကတၢၢ်ပဃၣ်ကဒါက့ၤပသး, ဒီးလဲၤနုာ်ဆူပှၢ်မုၢ်ကနၢအပူၤ, လၢကျဲလဲၤဆူပီၣ်လဲၣ်က့ၣ်ကွီၤအကၣ်ဘၣ်အလိၤ, ဒ်ယွၤဟ့ၣ်လီၤအကလုၢ်အသိး, ဒီးပလဲၤဝ့ၤဝီၤတၢ်အါနံၤအါသီ လၢကီၢ်အဒိၣ်လၢအပှဲၤဒီးတၢ်လူၢ်တၢ်တြီၤတဖၣ်အပူၤန့ၣ်လီၤ.

²တုၤနုၤတစု, ယွၤစံးဘၣ်ယၤလၢ, ပသူတၢ်ဆၢကတီၢ်လၢတၢ်လဲၤဝ့ၤဝီၤတၢ်လၢတၢ်လူၢ်တၢ်တြီၤတဖၣ် အကျါန့ၣ်လၢလံအဃိ, ပကဘၣ်လဲၤထီၣ်ဆူကလံၤစိးတခီန့ၣ်လီၤ.

⁴အဝဲတဲဘၣ်ယၤလၢယကဟ့ၣ်လီၤသုတၢ်သိၣ်လိနဲၣ်ယုၤတဖၣ်ဒ်လၢလာ် အံၤအသိးန့ၣ်လီၤ. ဘူးထီၣ်လၢသုကလဲၤခီဂာ်ဘၣ်ကီၢ်အဒိၣ်လၢအပှဲၤဒီးတၢ်လူၢ်တၢ်တြီၤ, လၢအမ့ၢ်စီၤဧ့ၡီၤအစၢၤအသွဲၣ်တဖၣ်, သုဘူးသုတံၢ်လၢသုတသ့ၣ်ညါသ့ၣ်ခိးအီၤအလီၢ်ကဝီၤန့ၣ်လံ. အဝဲသ့ၣ်ကပျံၤဘၣ်ဖုးဘၣ်သု,

⁵ဘၣ်ဆၣ်သုတဘၣ်စးထီၣ်ဒုးတၢ်ဒီးအဝဲသ့ၣ်ဘၣ်. ယတဟ့ၣ်လီၤဘၣ်သုလၢအဝဲသ့ၣ်အထံအကီၢ်ထဲတကဝီၤဧိၤဘၣ်လဲာ်လၢ သုကယီၢ်လီၤအီၤန့ၣ်ဘၣ်. ယဟ့ၣ်လီၤတ့ၢ်ကီၢ်အဒိၣ်ဆူစီၤဧ့ၡီၤအစၢၤအသွဲၣ်တဖၣ်အအိၣ်န့ၣ်လီၤ.

⁶သုကဘၣ်ပှ့ၤတၢ်အီၣ်ဒီးထံလၢအဝဲသ့ၣ်အအိၣ်လီၤ.

⁷သ့ၣ်နီၣ်ထီၣ်က့ၤလၢသုမၤတ့ၢ်ယွၤ, သုကစၢ်ယွၤလၢကယဲၢ်တၢ်ကိးမံၤဒဲးအပူၤဒ်လဲၣ်န့ၣ်တက့ၢ်. အဝဲအံးထွဲကွၢ်ထွဲတ့ၢ်သုဖဲသုလဲၤဝ့ၤဝီၤတၢ်လၢ ပှၢ်မုၢ်ကနၢဖးလဲၢ်တဘ့ၣ်အံၤအပူၤအခါန့ၣ်လီၤ. အဝဲအိၣ်တ့ၢ်ဒီးသုလၢအနံၣ်လွံၢ်ဆံအတီၢ်ပူၤအံၤဒီးသုအိၣ် ဒီးကယဲၢ်တၢ်ကိးမံၤဒဲးလၢသုလိၣ်ဘၣ်အီၤန့ၣ်လီၤ.

⁸မၤသးဒ်န့ၣ်ဒီးပလဲၤဆူညါဒီးဟးထီၣ်ကွံာ်လၢကျဲလဲၤဆူ ဝ့ၢ်အ့လၤသးဒီးဝ့ၢ်ဧ့းစယိၣ်က့ဘ့ၢ်, ဆူပီၣ်လဲၣ်သံဒီးပလဲၤ တရံးဃီၤဆူကလံၤစိးမုၢ်ထီၣ်လိၤလိၤဆူကီၢ်မိၤအးန့ၣ်လီၤ.

⁹ယွၤစံးဘၣ်ယၤ, မၤကီမၤခဲပှၤဂီၢ်မုၢ်လၢကီၢ်မိၤအး, လၢအမ့ၢ်စီၤလိာ်အစၢၤအသွဲၣ်တဖၣ်မ့ၢ်ဂ့ၤ, စးထီၣ်တၢ်ဒုးတၢ်ယၤ ထီဒါအဝဲသ့ၣ်မ့ၢ်ဂ့ၤန့ၣ်တဂ့ၤ. ယဟ့ၣ်လီၤတ့ၢ်အဝဲသ့ၣ်လၢဝ့ၢ်ဧၢ်, ဒီးယတဟ့ၣ်သုလၢအဝဲသ့ၣ်အကီၢ် နီတစဲးဘၣ်.

¹⁰(ပှၤတကလုာ်လၢအဂံၢ်ဆူၣ်ဘါဆူၣ်ဒီးအနီၢ်ဒိၣ်နီၢ်သွါလၢအဘၣ်တၢ် ကိးအီၤလၢပှၤအ့ၣ်မ့းဖိတဖၣ်ညီနုၢ်အိၣ်ဆိးဝဲဖဲဝ့ၢ်ဧၢ်န့ၣ်လီၤ. အဝဲသ့ၣ်အနီၢ်ထီဝဲထဲသိးသိးပှၤဧနးဖိတဖၣ်လၢအမ့ၢ်ပှၤနီၢ် ဒိၣ်နီၣ်သွါတကလုာ်န့ၣ်လီၤ.

¹¹ဒ်ပှၤဧနးဖိတဖၣ်အသိး, အဝဲသ့ၣ်ဘၣ်တၢ်သ့ၣ်ညါအီၤဒ်ရးဘးဖိ အသိးန့ၣ်လီၤ. မ့မ့ၢ်ပှၤမိၤအးဖိတဖၣ်ကိးအဝဲသ့ၣ်လၢပှၤအ့ၣ်မ့းဖိတဖၣ်န့ၣ်လီၤ.

¹²ပှၤဃိရံၤဖိတဖၣ်ညီနုၢ်အိၣ်ဆိးဝဲလၢကီၢ်အဒိၣ်အပူၤလီၤ. ဘၣ်ဆၣ်ဒီးစီၤဧ့ၡီၤအစၢၤအသွဲၣ်တဖၣ်နီၣ်ဟးထီၣ်ကွံာ်အဝဲသ့ၣ်, မၤဟးဂီၤကွံာ်အဝဲသ့ၣ်အပှၤကလုာ်ဒီးနုာ်လီၤအိၣ်ဆိးဒၣ်အတၢ် ဖဲန့ၣ်, ဒ်သိးဒၣ်ပှၤအံၣ်စရ့လးဖိတဖၣ်လၢ, လၢခံနီၣ်ထီၣ်ကွံာ်အ ဒုၣ်အဒါတဖၣ်လၢကီၢ်ပူၤလၢယွၤဟ့ၣ်တ့ၢ်အဝဲသ့ၣ်န့ၣ်လီၤ.)

¹³အန့ၣ်ဝံၤဒီး, ပခီဂာ်ထံကျိစ့ရ့းဒ်ယွၤတဲတ့ၢ်ပှၤလၢပကဘၣ် မၤအီၤအသိးန့ၣ်လီၤ.

¹⁴တၢ်အံၤမ့ၢ်ဖဲပဟးထီၣ်ကွံာ်လၢဝ့ၢ်ကၤဒ့ၣ်ဘၢ်န့အကီၢ်အလီၢ်ခံ သၢဆံဃိးနံၣ်န့ၣ်လီၤ. ကယဲၢ်ပှၤဒုးတၢ်ယၤတၢ်ဖိလၢပှၤတစိၤန့ၣ်သံလၢာ်လံဝဲဒ်ယွၤစံး တ့ၢ်လၢပဝဲသ့ၣ်ကဘၣ်သံအသိးန့ၣ်လီၤ.

¹⁵ယွၤထီဒါအဝဲသ့ၣ်တဘိယူၢ်ဃီ, တုၤလၢအဝဲမၤဟးဂီၤကွံာ်အဝဲ သ့ၣ်ခဲလၢာ်တစုန့ၣ်လီၤ.

¹⁶ဖဲအဝဲသ့ၣ်သံကွံာ်ခဲလၢာ်န့ၣ်, ယွၤစံးဘၣ်ပှၤ, ‘တနံၤအံၤသုကဘၣ်လဲၤခီဂာ်ကီၢ်မိၤအးအလီၢ်ကဝီၤခီဖျိ ဝ့ၢ်ဧၢ်န့ၣ်လီၤ.

¹⁹အန့ၣ်တစု, သုကဘူးထီၣ်ဒီးပှၤဧၣ်မိၣ်ဖိတဖၣ်, လၢအမ့ၢ်စီၤလိာ်အစၢၤအသွဲၣ်တဖၣ်အကီၢ်န့ၣ်လီၤ. မၤကီမၤခဲအဝဲသ့ၣ်မ့ၢ်ဂ့ၤ, စးထီၣ်တၢ်ဒုးတၢ်ယၤ, ထီဒါအဝဲသ့ၣ်မ့ၢ်ဂ့ၤန့ၣ်တဂ့ၤ. အဂ့ၢ်ဒ်အံၤ, ယတဟ့ၣ်ဘၣ်သုလၢကီၢ်လၢယဟ့ၣ်လီၤတ့ၢ်အဝဲသ့ၣ်န့ၣ်နီတစဲးဘၣ်.

²⁰(လီၢ်ကဝီၤအံၤဘၣ်တၢ်သ့ၣ်ညါစ့ၢ်ကီးအီၤဒ်ပှၤရၤဖၤဖိ, အထံအကီၢ်, ဒ်ပှၤဂီၢ်မုၢ်လၢအအိၣ်ဆိးဖဲန့ၣ်အမံၤအိၣ်ဝဲအသိး န့ၣ်လီၤ. ပှၤဧၣ်မိၣ်ဖိတဖၣ်ကိးအဝဲသ့ၣ်လၢပှၤစၤမစူၣ်ဖိန့ၣ်လီၤ.

²¹အဝဲသ့ၣ်အနီၢ်ထီဝဲထဲသိးသိးဒီးပှၤဧနးဖိတဖၣ်န့ၣ်လီၤ. အဝဲသ့ၣ်အိၣ်ဖဲန့ၣ်အါအါဂီၢ်ဂီၢ်ဒီးမ့ၢ်ပှၤဖးဒိၣ်တကလုာ် လီၤ. ဘၣ်ဆၣ်ဒီးယွၤမၤဟးဂီၤကွံာ်အဝဲသ့ၣ်ဒီးလၢတၢ်န့ၣ်အဃိ, ပှၤဧၣ်မိၣ်ဖိတဖၣ်, ဟံးန့ၢ်ကွံာ်အဝဲသ့ၣ်အကီၢ်ဒီးနုာ်လီၤအိၣ် ဆိးဝဲဖဲန့ၣ်လီၤ.

²²ယွၤမၤတ့ၢ်တၢ်တမံၤဃီလၢပှၤအဒိၣ်ဖိတဖၣ်အဂီၢ်လၢအမ့ၢ်စီၤဧ့ ၡီၤအစၢၤအသွဲၣ်လၢအအိၣ်ဆိးဝဲဖဲကီၢ်အဒိၣ်လၢအပှဲၤဒီးကစၢၢ် ကလိန့ၣ်လီၤ. အဝဲမၤဟးဂီၤကွံာ်ပှၤဃိရံၤဖိတဖၣ်သတးဒီး ဟံးန့ၢ်ကွံာ် အဝဲသ့ၣ်အထံအကီဲၢ်ဒီး အိၣ်ဆိဒံးဝဲဖဲန့ၣ်လီၤ.

²³ဖဲကီၢ်လၢအအိၣ်လၢ ပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်အကၢၢ် ခိၣ်တရဲာ်န့ၣ်ပှၤဂီၢ်မုၢ်လၢကီးကြ့တ့ၤတဖၣ် သူၣ်လီၤဆီလီၤအတၢ်အိၣ်တၢ်ဆိးအလီၢ်န့ၣ်လီၤ. အဝဲသ့ၣ်မၤဟးဂီၤကွံာ် ပှၤဧ့ၤဝံဖိလၢအအိၣ်ဆိးတ့ၢ်လၢပျၢၤလံၤ လံၤဖဲန့ၣ်တဖၣ်ဒီးဟံးန့ၢ်ကွံာ်အဝဲသ့ၣ်အကီၢ်ယံၤဝဲလၢ ကလံၤထံးတကပၤတုၤလၢဝ့ၢ်ဧးစၤန့ၣ်လီၤ.)

²⁴ဖဲပခီဂာ်ကီၢ်မိၤအးဝံၤန့ၣ်, ယွၤစံးဘၣ်ပှၤ, ခဲအံၤစးထီၣ်လဲၤတၢ်ဒီး ခီဂာ်ထံကျိာ်အၢ်နိၣ်တက့ၢ်, ယဟ့ၣ်လီၤပှၤအမိၢ်ဖိလၢ ဝ့ၢ်ဃ့ၡဘိၣ်အစီၤပၤစံဃိၣ်ဃုာ်ဒီး အထံအကီၢ်ဆူသုတၢ်စိတၢ်ကမီၤအပူၤလံ. ဒုးတၢ်ထီဒါအီၤဒီး စးထီၣ်ဟံးန့ၢ်ကွံာ်အထံအကီၢ်တက့ၢ်.

²⁵စးထီၣ်တနံၤအံၤဒီး ဆူညါန့ၣ်ယကဒုးပျံၤဘၣ်ဖုးဘၣ် ကယဲၢ်ပှၤဂီၢ်မုၢ်အိၣ်လၢ တၢ်လီၢ်တပူၤလၢ်လၢ်လၢ သုန့ၣ်လီၤ. တုၤပှၤယၢၤထီၣ်သုမံၤန့ၣ် ပှၤတဂၤလၢ်လၢ်ကကနိး ကစုာ်လၢတၢ်ပျံၤတၢ်ဖုးအပူၤလီၤ.

²⁶အန့ၣ်ဝံၤဒီး ယဆှၢလီၤပှၤစိာ်တၢ်ကစီၣ်တဖၣ်လၢ ပှၢ်မုၢ်ကနၢက့ဒမိးဆူ ဃ့ၡဘိၣ်အစီၤပၤစံဃိၣ် အအိၣ်ဃုာ်ဒီးတၢ်ဃူတၢ်ဖိးအကစီၣ်ဒ်လာ်အံၤလီၤ.

²⁷ပျဲပလဲၤခီဂာ်နထံနကီၢ်တက့ၢ်. ပကလဲၤခီဂာ်တၢ်လိၤလိၤဘျၢဘျၢဒီး တဟးထီၣ်ကွံာ်ဘၣ်လၢ ကျဲမုၢ်အပူၤဘၣ်.

²⁸ပကဟ့ၣ်တၢ်အပှ့ၤလၢတၢ်အီၣ်လၢပအီၣ်အဂီၢ်ဒီး ထံလၢပအီအဂီၢ်န့ၣ်လီၤ. တၢ်လၢပအဲၣ်ဒိးအီၤန့ၣ်မ့ၢ်ဒၣ်ပကလဲၤ ခီဂာ်နထံနကီၢ်ဧိၤ,

²⁹တုၤလၢပခီဂာ်ကွံာ်ထံကျိယၢ်ဒ့ၣ်ဒီး လဲၤနုာ်ဆူ ကီၢ်တဘ့ၣ်လၢယွၤပကစၢ်ယွၤဟ့ၣ်ပှၤအပူၤန့ၣ်လီၤ. စီၤဧ့ၡီၤ အစၢၤအသွဲၣ်တဖၣ်လၢ အအိၣ်ဝဲဆိးဝဲလၢ ကီၢ်အဒိၣ်အပူၤဒီး ပှၤမိၤအးဖိတဖၣ်လၢ အအိၣ်ဝဲဆိးဝဲလၢ ဝ့ၢ်ဧၢ်, ပျဲပခီဂာ်အလီၢ်ကဝီၤလီၤ.

³⁰ဘၣ်ဆၣ် စီၤပၤစံဃိၣ်တပျဲလဲၤခီဂာ်ပှၤလၢ အထံအကီၢ်ဘၣ်. ယွၤသုကစၢ်ယွၤမၤကိၤအဝဲသ့ၣ်အခိၣ်ဒီး ဒုးပူထီၣ်လီထီၣ်အီၤတၢ်, မ့ၢ်ဒ်သိးပမၤနၢၤကွံာ်အဝဲဒၣ်ဒီး ဟံးန့ၢ်ကွံာ်အလီၢ်ကဝီၤလၢပမၤ န့ၢ်ပာ်စၢၤအီၤခဲအံၤကသ့ဝဲန့ၣ်လီၤ.

³¹အန့ၣ်ဝံၤဒီးယွၤစံးဘၣ်ယၤ, ကွၢ်တက့ၢ်. လၢသုမဲာ်ညါန့ၣ် ယဒုးကဲထီၣ်တ့ၢ်စီၤပၤစံဃိၣ်ဒီး အကီၢ်လၢ ပှၤမၤစၢၤလီၤအသး တသ့ဘၣ်န့ၣ်လံ. ဟံးန့ၢ်ကွံာ်အထံအကီၢ်ဒီးအိၣ်ဆိးလၢအပူၤ တက့ၢ်.

³²စီၤစံဃိၣ်ဟဲထီၣ်ဝဲဒၣ်ဃုာ်ဒီး အပှၤကညီတဖၣ်ဒ်သိးကဒုးပှၤ ဖဲဝ့ၢ်ယါစၤအကပၤန့ၣ်လီၤ.

³³ဘၣ်ဆၣ် ယွၤပကစၢ်ယွၤဒုးလီၤဘၣ်အီၤဆူ ပတၢ်စိတၢ်ကမိၤအပူၤ, ဒီးပမၤသံကွံာ်အီၤ, အဖိခွါတဖၣ်ဒီး အပှၤကညီတဖၣ်ခဲလၢာ်န့ၣ်လီၤ.

³⁴တကတီၢ်ဃီန့ၣ် ပဂုာ်န့ၢ်ဒီး မၤဟးဂီၤကွံာ်ကယဲၢ်ဝ့ၢ်ခဲလၢာ်ဒီး မၤသံကွံာ်ပှၤပိာ်ခွါတဖၣ်, ပှၤပိာ်မုၣ်တဖၣ်ဒီး ဖိသၣ်တဖၣ်ကိးဂၤဒဲးန့ၣ်လီၤ. ပတပျဲပှၤအိၣ်မူလီၤတဲာ်နီတဂၤဘၣ်.

³⁵ပဟံးန့ၢ်ကွံာ်ဆၣ်ဖိကီၢ်ဖိတဖၣ်ဒီး ဂုာ်န့ၢ်ကွံာ်ဝ့ၢ်တဖၣ်န့ၣ်လီၤ.

³⁶ယွၤပကစၢ်ယွၤပျဲပမၤန့ၢ်ကွံာ်ဝ့ၢ်ခဲလၢာ်စးထီၣ်လၢ ဧရိၤဧ့ၢ်လၢ အအိၣ်လၢအၤနိၣ်အတၢ်တြီၤအကၢၢ်ခိၣ်, ဒီးဝ့ၢ်အိၣ် လၢတၢ်တြီၤန့ၣ်အခၢၣ်သး, ဒီတကျဲညါတုၤလၢ ဝ့ၢ်ကံးလဧးန့ၣ်လီၤ. ဝ့ၢ်လၢအခိၣ်ဒူ ကကျၢၤကဲာ်ဆိးလၢပဂီၢ် တအိၣ်ဘၣ်လီၤ.

³⁷ဘၣ်ဆၣ် ပတလဲၤဘူးဘၣ်ဒီး ပှၤဧၤမိၣ်ဖိတဖၣ်အလီၢ်ကဝီၤအဃၢၤမ့ၢ်ဂ့ၤ, ပတလဲၤဘၣ်ဆူ ထံကျိယးဘိးအကၢၢ်နံၤမ့ၢ်ဂ့ၤ, ပတလဲၤဘၣ်ဆူဝ့ၢ်တဖၣ်လၢ အအိၣ်လၢ တၢ်လူၢ်ဒီခိၣ်မ့ၢ်ဂ့ၤ ဆူတၢ်လီၢ်အဂုၤအဂၤဖဲ ယွၤပကစၢ်ယွၤ မၤလိာ်ပှၤလၢ ပတဘၣ်လဲၤဝဲန့ၣ်ဘၣ်.